18/07/2020
خاصك تعرفها قبل متخرج تخيم :
1 : ونتا كتجمع البكتاج ديالك طوي حوايجك بشكل أنبوبي، باش مياخدوش ليك ايصباص كبير فالساك . وحاول متقلش راسك بحوايج مغديش تكون بحاجة ليهوم .
2 : مارس الرياضة من جوج حتى ل 3 السيمانات قبل ما تريبي باش تشد السوفل ديالك وحاول تعرف على الطراجي ديالك وتجمع عليه معلومات قبل متخرج .
3 : خود معاك حوايج البرد شي جاكيط خفيفة باش تكون واجد إلى تبدل الجو.
4 : نعس بكري وفيق بكري باش تستمتع بشروق الشمس راك ماشي غادي تريبي باش تصبح ناعس حتى لل 12:00
5 : متبالغش فالتخطيط خلي شي شوية للصدفة
6 : متسافرش ونتا معندك حتى درهم فالجيب .
7 : حسن النية مطلوب ، صفي نيتك اه !! ولكن مديرش الثقة فكلشي راه الناس طوب وحجر
8 : متحتقرش الناس البسطاء ومتستهزأش بالتقاليد ديال أي قبيلة كيما كانت
9 : ملي تسالي من التخييم جمع زبلك
10 : متصورش السكان المحليين وتنشر صورهم فالأنترنت إلا بعد أخد الإذن منهم
11 : التريب = احترام الآخر وتعامل زوين مع كلشي ومتآديش الناس بالهضرة الخاسرة والمصطلحات الساقطة السوقية
12 : إلى لقيتي شي ترونسبور طايح أومبان ساعدو هو اللول عاد كمل طريقك
13 : إلى مشيتي لشي بلاصة فيها أماكن للسباحة ( واد ،عين ، بحيرة) متعومش حتى تسول ولاد المنطقة لأنه كاينين أماكن خطيرة لي كتصرط بحال منطقة أوشرح نواحي بني ملال فيها واحد الكوان كيصرط العوامة وسنويا كيقتل العشرات من الناس
14 : إلى كليتي شي حاجة وشكيتي فيها مسمومة..خاصك (تقيا ) سير فبلاصة وشرب الماء بزااااف..باش تفادى آلاااام المعدة
15 : ممنوع تخلي الشمعة شاعلة وسط الخيمة راه تقدر تشعل فيك العافية / ومتخليش البوطة الصغيرة وسط الخيمة خصوصا فالبرد حينتاش كتسد لاطانط وتقدر البوطة تنفس وتخنقك
16 : إلى كان الجو فيه الرعود ما طانطيش تحت الشجر يقدر يجي العجاج ويطيح فوق شي جدع ديال الشجر..أو ممكن ضربك الرعدة لي كتكون بزااف فالصيف خصوصا فمناطق الأطلس المتوسط..ومتقربش لاطانط حدا الواد راه فأي لحظة يقدر يحمل .
17: قريتي هادشي كامل طاغي عشرانك لي تيعجبهوم وخلي شي تعليق باش يطلع لبوسط ويستافدو خوتك
