25/01/2026
Të nderuar vëllezër dhe motra, sot grupi i 25 Janarit është nisur në një udhëtim që nuk është thjesht rrugë fizike, por një udhëtim i zemrës drejt Allahut.
Nga aeroporti i Tiranës keni dalë me valixhe në duar, por me shpresë, pendim dhe dashuri për Allahun në zemër.
Allahut i jemi mirënjohës që ju zgjodhi pikërisht ju për të qenë mysafirë të Shtëpisë së Tij dhe të xhamisë së të Dërguarit ﷺ, sepse Pejgamberi ﷺ ka thënë: “Haxhinjtë dhe umrexhinjtë janë mysafirët e Allahut; nëse e lusin Ai ua pranon, dhe nëse kërkojnë falje Ai i fal.” (Ibn Maxheh).
Ky është një amanet i madh: dua, istigfar dhe sinqeritet.
Mos harroni t’i pastroni zemrat, të falni njëri-tjetrin dhe të përmendni në lutjet tuaja familjet, ummetin dhe ata që e dëshirojnë këtë rrugë por ende nuk e kanë arritur.
Nën udhëheqjen e hoxhë Qendrim Zendelit, lutemi që Allahu t’ju japë udhëtim të lehtë, ibadete të pranuara dhe shëndet.
Allahut xh.sh. i kërkojmë që të ktheheni me umre të pranuar, mëkate të falura dhe zemra të mbushura me nur.
