https://www.facebook.com/243151709372549/

U U Ye Kalawthar, Kalaw (2026)

30/05/2026

မွေးနေ့တုန်းက အလှူလေး

ကိုယ့်အလှူဟာ ဧည့်သည်များရဲ့ အလှူပါပဲ

တစ်နှစ်ပတ်လုံး ဧည့်သည်တွေဆီက အရုပ်လေးတွေ အလှူခံခဲ့တာလေးတွေ ပြန်မျှဝေပေးဖြစ်ပါတယ်

ဒီနှစ်မှာလည်း trekking လာရင်း အိမ်မှာအသုံးမဝင်တော့တဲ့ အရုပ်လေးတွေ ယူလာပေးကြဖို့ မေတ္တာရပ်ခံပါတယ်ဗျ..

29/05/2026

-
🌿 သဘာဝတရားကြီးကို တန်ဖိုးထားတဲ့ ချစ်စရာ Trekkers လေးတွေအတွက် အထူးလက်ဆောင် 🎁

( နောက်ဆုံးမှာ အထူးလက်ဆောင်ပါသေးလို့ ဆုံးတဲ့ထိဖတ်ပါနော် )
မိုးရာသီရဲ့ အမှတ်တရ Trekking ခရီးစဉ်လေးတွေဖြစ်တဲ့ "Over the mountains", "9 Mountains" နဲ့ "Road to Elephant Mountains" ခရီးစဉ်တွေမှာ အတူတူ လိုက်ပါကြမယ့် သူငယ်ချင်းတို့ရေ... 👋
ဒီခရီးစဉ်လေးတွေမှာ ကိုယ့်ရဲ့ Personal Waste (အထူးသဖြင့် မဆွေးမြေ့လွယ်သော Plastic ကဲ့သိုသော အမှိုက် ) လေးတွေကို တောတောင်တွေထဲမှာ ပစ်မထားခဲ့ဘဲ ခရီးစဉ်ဆုံးတဲ့အထိ ဂရုတစိုက်နဲ့ ပြန်သယ်လာပေးကြမယ့်တာဝန်သိတတ်တဲ့ Trekkers လေးတွေကို အထူးပဲ ကျေးဇူးတင် အသိအမှတ်ပြုချင်ပါတယ်။ Trekkers တွေကို သဘာဝပတ်ဝန်းကျင်ကို ဒီလိုလေး ချစ်ခင်တန်ဖိုးထားတတ် တာဝန်သိတဲ့ Responsible Travelers လေးတွေ ဖြစ်စေချင်လို့ပါ ✨ ။ သဘာဝကြီးဆီကို သွားလည်တဲ့အခါ သဘာဝအတိုင်းလေး ပြန်ထားခဲ့ကြတာက ပိုမကောင်းဘူးလားနော် ။
ဒါကြောင့် ဒီလို ချစ်စရာကောင်းတဲ့ စိတ်ထားပိုင်ရှင်လေးတွေကို ဂုဏ်ပြုတဲ့အနေနဲ့ အခုလာမယ့် ရာသီသစ်မှာ ပြုလုပ်မယ့် "Starry Night Camping" 🌌 ခရီးစဉ်လေးအတွက် အထူးလက်ဆောင်လေးတစ်ခု စီစဉ်ပေးထားပါတယ်...
🎁 Special Reward: Starry Night Camping ခရီးစဉ်အတွက် 3% Discount ( ပုံမှန် ပေးနေကျ discount အပြင် 3% ထပ်ပေါင်းပေးမှာပါ )
🌟 ဘယ်သူတွေ ရနိုင်မလဲ: အထက်ပါ မိုးရာသီ Trekking ခရီးစဉ် (၃) ခုမှာ အမှိုက်တွေကို ခရီးစဉ်ဆုံးတဲ့အထိ ကိုယ်တိုင် ပြန်လည်သယ်ဆောင်လာပေးခဲ့ကြတဲ့ စိတ်ထားလှသူများ ( Record လေးတွေတော့ အပတ်စဉ်တိုင်း ယူထားပေးမှာပါ ) 🏕️🎸
Discount လေး ရယူဖို့အတွက် Page ရဲ့ Chatbox လေးမှာ လာရောက်စာရင်းသွင်းပြီး နေရာယူထားလို့ ရနေပြီဖြစ်ကြောင်း သတင်းကောင်းပါးလိုက်ပါတယ်။ ကြယ်တွေစုံတဲ့ ညလေးမှာ အတူတူ ပြန်တွေ့ကြမယ်နော်... ✨

( နောက်အထူး အစီစဉ်အနေနဲ့ Page ကို like လုပ်ပါ ဒီ post လေးကို comments မှာပေးထားတဲ့ #လေးတွေနဲ့ public post share ပါ ပြီးရင် Screenshotsလေးတွေကို comments မှာ မန့်ပေးခဲ့ပါ ။June 30 နောက်ဆုံးထား မန့်ပေးရမှာဖြစ်ပြီး July မှာ လုပ်မယ့် 9 Mountains to Inle trip ( 3 nights 4 days ) ၂ ဦးစာ လက်ဆောင်ပေးသွားမှာပါ
ကံကောင်းကြပါစေဗျ…

❤️❤️ မိုးရာသီ ခရီးစဉ်များလည်း စနေပြီဖြစ်လို့ အသေးစိတ်အချက်လက်များ သိလို့ပါက messenger မှာ လာရောက်စုံစမ်း စာရင်းပေးနိုင်ပါတယ် Discount ကာလကိုလည်း June 10 အထိ တိုးထားပေးပါတယ်နော် တစ်ချို့ အပတ်တွေတော့ လူပြည့်နေပြီမို့ လိုချင်တဲ့ ရက်လေးရဖို့ လက်မနှေးကြနဲ့နော် )

29/05/2026

ဒီညနေ surprise အစီစဉ်လေးတစ်ခုလာဖို့ရှိပါတယ် ….

Page လေးကို see first လုပ်ထားနော် 😌😌😌❤️❤️❤️

29/05/2026

ကံစမ်းဖို့ ၁၂ ရက်ပဲ ကျန်ပါတယ် ခင်ဗျာ …

လစာမထုတ်ကြသေးဘူးဆိုလို့ Promotion ကာလကို June 10 ထိ တိုးထားပေးပါတယ်

တစ်ချို့ အပတ်တွေက လူပြည့်နေပြီမို့ ကိုယ်လိုချင်တဲ့ရက်လေးတွေ ရနိုင်ဖို့ အမြန်ဆုံး hello လိုက်နော်

27/05/2026

သဘာဝအလှတရားတွေကြားမှာ စိတ်ချလုံခြုံစွာ ခရီးသွားနိုင်ဖို့... ⛰️🚑
တောင်တက်ခရီးစဉ်တွေ ဖန်တီးတဲ့အခါ ခရီးသွားဧည့်သည်တွေရဲ့ ဘေးကင်းလုံခြုံရေးက ကျွန်တော်တို့အတွက် ပထမဆုံးနဲ့ အရေးအကြီးဆုံး တာဝန်တစ်ခုပါ။ ဒီတာဝန်ကို ပိုပြီးပြည့်ဝစွာ ထမ်းဆောင်နိုင်ဖို့နဲ့ အရေးပေါ်အခြေအနေတွေမှာ အသက်ကယ်တင်နိုင်ဖို့ ကျွန်တော်တို့ Trekking Team ကို Basic Life Support (BLS) - အခြေခံအသက်ကယ်ပြုစုခြင်း သင်တန်း ကူညီပို့ချပေးခဲ့တဲ့ မြတ်တော်ဝင်ဆေးရုံ ( ကလော ) ကို လှိုက်လှိုက်လှဲလှဲ ကျေးဇူးတင်ရှိပါတယ်။
အသက်ကယ်ပညာရပ်တွေကို အရေးပေါ်အချိန်မှာ လက်တွေ့အသုံးချနိုင်ဖို့အထိ စိတ်ရှည်လက်ရှည်နဲ့ အသေးစိတ် သင်ကြားပြသပေးခဲ့တဲ့ Dr. Yar Zar Win ( M.B.B.S ) ( Diploma in Emergency Medicine) ( ACLS instructor) ကိုလည်း အထူးပဲ ကျေးဇူးတင်မှတ်တမ်းတင်အပ်ပါတယ်။ ဒါ့အပြင် ဒီသင်တန်းလေး အဆင်ပြေချောမွေ့စွာ ဖြစ်မြောက်ဖို့အတွက် အဘက်ဘက်ကနေ နွေးနွေးထွေးထွေး ဝိုင်းဝန်းကူညီပံ့ပိုးပေးခဲ့ကြတဲ့ Myat Taw Win Hospital - Kalaw က Assistant General Manager အမအိမွန်ဝင်း ၊ ဆရာဝန်များနဲ့ ဝန်ထမ်းများအားလုံးရဲ့ စေတနာကိုလည်း အမြဲသတိရနေမှာပါ။
ကလောမြို့ကို လာရောက်လည်ပတ်ကြတဲ့ ခရီးသွားဧည့်သည်တွေနဲ့ ဒေသခံတွေအနေနဲ့ ကျန်းမာရေးနဲ့ပတ်သက်ပြီး လိုအပ်ချက်တစ်ခုခုရှိလာခဲ့ရင်ပဲဖြစ်ဖြစ်၊ အရေးပေါ် ကျန်းမာရေးစောင့်ရှောက်မှု ခံယူဖို့ပဲဖြစ်ဖြစ် မြတ်တော်ဝင်ဆေးရုံ ( ကလော )ကို ယုံယုံကြည်ကြည်နဲ့ သွားရောက်ပြသဖို့ ကျွန်တော့်အနေနဲ့ အထူးပဲ အကြံပြုချင်ပါတယ်။ ခေတ်မီစက်ကိရိယာတွေ ပြည့်စုံတဲ့အပြင် ဆရာဝန်တွေ၊ သူနာပြုတွေရဲ့ နွေးထွေးတဲ့ စောင့်ရှောက်မှုတွေက လူနာတွေအတွက် တကယ့်ကို စိတ်ချအားထားရတဲ့ ဆေးရုံတစ်ခုဖြစ်လို့ပါပဲ။
ဒီ BLS သင်တန်းကနေ ရရှိလာတဲ့ အသိပညာ၊ အတတ်ပညာတွေနဲ့အတူ ကျွန်တော်တို့ Trekking Team အနေနဲ့ ခရီးသွားဧည့်သည်တွေရဲ့ လုံခြုံရေးကို အကောင်းဆုံး တာဝန်ယူစောင့်ရှောက်ရင်း ရှေ့ဆက်ပြီး ပိုမိုကောင်းမွန်၊ လုံခြုံတဲ့ ခရီးစဉ်တွေကို ဆက်လက်ဖန်တီးသွားပါမယ်။ ✨

25/05/2026

လွန်ခဲ့တဲ့ ၁၀ နှစ်လောက်တည်းက ကိုယ်တိုင်လမ်းကြောင်းရှာပြီး နာမည်ပေးခဲ့တဲ့ 9 Mountains ….

22/05/2026

၁၈ ရက်သာ ကျန်ပါတော့တယ် ကံစမ်းထားဖို့ မမေ့နဲ့နော်

21/05/2026

Kalaw to Inle trip ရော မဲဖောက်ပေးရမလား..??

19/05/2026

🏔️ Trekking လျှောက်ဖို့ အသက်အရွယ် ကန့်သတ်ချက် ရှိပါသလား?
အမှန်တော့ Trekking အတွက် "အတိအကျ သတ်မှတ်ထားတဲ့ အသက်ကန့်သတ်ချက်" မရှိပါဘူး။ အဓိကကတော့ ခန္ဓာကိုယ် ကြံ့ခိုင်မှု (Physical Fitness) နဲ့ ရွေးချယ်တဲ့ ခရီးစဉ်လမ်းကြောင်း (Route) ပေါ်မှာပဲ မူတည်ပါတယ်။
👶 အသက်အငယ်ဆုံး ဘယ်လောက်ကစလို့ရလဲ?
• အသက် ၆ နှစ်မှ ၁၀ နှစ်ဝန်းကျင်: ဒီအရွယ်ကလေးတွေဟာ လမ်းလျှောက်နိုင်စွမ်းရှိပြီဖြစ်လို့ အကွာအဝေးတိုပြီး လမ်းမတ်စောက်မှုမရှိတဲ့ (Easy Route) တွေကို မိဘတွေနဲ့အတူ စတင်လျှောက်နိုင်ပါတယ်။ ဥပမာ ( Starry Night/ Over the mountains လို trip မျိုး
• အသက် ၁၂ နှစ်အထက်: ခန္ဓာကိုယ်ဖွံ့ဖြိုးမှု ပိုကောင်းလာပြီး စည်းကမ်းနားလည်တဲ့အရွယ်ဖြစ်လို့ ပုံမှန်ခရီးစဉ်အများစုကို ကောင်းကောင်းလိုက်ပါနိုင်ပါပြီ။ ( 9 mountain လို trip မျိူး ) နောက်တစ်ခုက ကလေးတွေအတွက် Trekking မေးပြီဆို ကျွန်တော်မေးနေကျ မေးခွန်းရှိပါတယိ “ ကလေးကလျှောက်ချင်လို့ လူကြီးကလိုက်လျောက်တာလား လူကြီးကလျှောက်ချင်တာကို ကလေးက လိုက်ရလာတာလား “ ဆိုတာပါ
ကလေးက လျှောက်ချင်တယ်ဆိုရင် အသက် ၆ နှစ်ကနေစပြီးလက်ခံပေးပါတယိ လူကြီးလျှောက်ချင်လို့ ကလေးက လိုက်လာရတာမျိုးဆို ကလေးရဲ့ ဆန္ဒကိုသေချာမေးပါလို့ ကိုယ့်အတွက် Relax ဆိုပေမယ့် ကလေးတွေ အတွက် stress ဖြစ်တတ်ပါတယ် ။
👵 အသက်အကြီးဆုံး ဘယ်အရွယ်အထိ လျှောက်လို့ရလဲ?
• အသက် ၆၀ ကျော်/ ၇၀ ဝန်းကျင်အထိ: ပုံမှန်ကျန်းမာရေးကောင်းမွန်ပြီး အဆစ်အမြစ်ပြဿနာမရှိ၊ အမောခံနိုင်တဲ့ လူကြီးအများအပြားဟာ Trekking ကို ကောင်းကောင်းကြီး လျှောက်နိုင်ကြပါတယ်။ကျွန်တော့်အတွေ့အကြုံအရ အသက် ၈၀ ရှိတဲ့ Foreigners တွေနဲ့ Trekking မရေမတွက်နိုင်အောင် သွားခဲ့ဖူးပါတယ် ။
• အဓိကအချက်ကတော့ မိမိခန္ဓာကိုယ်ရဲ့ အခြေအနေကို သိပြီး အရှိန်နဲ့ အဟုန်ကို ချိန်ညှိဖို့ပဲ ဖြစ်ပါတယ်။
📌 Trekking လျှောက်သူတိုင်းအတွက် ဆောင်ရန်၊ ရှောင်ရန်များ
ခရီးစဉ်တစ်ခု အစကနေ အဆုံးထိ အဆင်ပြေချောမွေ့ပြီး အမှတ်တရကောင်းတွေပဲ ကျန်ရစ်ခဲ့ဖို့ ဒါလေးတွေကို သတိပြုရပါမယ်။
✅ ဆောင်ရန် (Do’s)
• ခရီးစဉ်မတိုင်ခင် ကြိုတင်လေ့ကျင့်ပါ: ခရီးမသွားခင် အနည်းဆုံး (၁) ပတ် သို့မဟုတ် (၂) ပတ်အလိုကတည်းက လမ်းလျှောက်တာ၊ လှေကားတက်တာမျိုး လုပ်ပြီး ခြေလှမ်းနဲ့ အသက်ရှူနှုန်းကို ကြိုတင်ညှိထားပါ။
• လမ်းပြ (Local Guide) အမြဲခေါ်ပါ: ဒေသခံလမ်းပြတွေဟာ လမ်းကြောင်းကို အကျွမ်းကျင်ဆုံးဖြစ်လို့ လမ်းပျောက်ခြင်းနဲ့ ဘေးအန္တရာယ်တွေကနေ ကာကွယ်ပေးနိုင်ပါတယ်။ ဒေသခံတွေကို အလုပ်အကိုင် အခွင့်အလမ်းပေးရာလည်း ရောက်ပါတယ်။
• သင့်တော်တဲ့ ဖိနပ်နဲ့ ဝတ်စုံကို ရွေးချယ်ပါ: ခိုင်ခံ့ပြီး ချော်မလဲနိုင်တဲ့ Trekking ဖိနပ် (အောက်ခံ Grip ကောင်းတာ) ကို စီးပါ။ နေပူဒဏ်၊ လေဒဏ်ခံနိုင်ပြီး ချွေးခြောက်လွယ်တဲ့ အဝတ်အစားတွေကို ဝတ်ဆင်ပါ။
• အထောက်အကူပြုပစ္စည်းများ ဆောင်ထားပါ: Trekking Pole (တောင်ဝှေ့) ဟာ ဒူးနဲ့ ခြေဆစ်တွေအပေါ် သက်ရောက်တဲ့ ဝန်ကို လျှော့ချပေးလို့ မရှိမဖြစ် ဆောင်ထားသင့်ပါတယ်။ ဒါ့အပြင် ဦးထုပ်၊ နေကာမျက်မှန်၊ မိုးကာအင်္ကျီနဲ့ ကိုယ်ရေးကိုယ်တာ သောက်ဆေးတွေကိုလည်း အဆင်သင့် ထည့်ထားပါ။
• ရေဓာတ်ကို ဂရုစိုက်ပါ: မောမှ ရေဓာတ်ဖြည့်တာမျိုး မဟုတ်ဘဲ လမ်းလျှောက်နေရင်း အမြဲတမ်း ရေကို တစ်ငုံချင်းစီ ပုံမှန်သောက်ပေးပါ။
❌ ရှောင်ရန် (Don'ts)
• အထုတ်အပိုး အလွန်အကျွံ မသယ်ပါနဲ့: လိုအပ်တာထက် ပိုသယ်လာတဲ့ အလေးချိန်တွေဟာ သင့်ကို အလွယ်တကူ ပင်ပန်းနွမ်းနယ်စေပါတယ်။ ပေါ့ပေါ့ပါးပါးနဲ့ အဓိက လိုအပ်မယ့်အရာတွေကိုပဲ Backpack ထဲ ထည့်ပါ။
• ခန္ဓာကိုယ်ကို အတင်းမတွန်းအားပေးပါနဲ့: တစ်ဖက်လူနဲ့ အပြိုင်အဆိုင် လျှောက်တာမျိုး မလုပ်ပါနဲ့။ မောရင် နားပါ၊ မိမိရဲ့ ကိုယ်ပိုင် Pace (အရှိန်) အတိုင်းပဲ ပုံမှန်လေး သွားပါ။ ခေါင်းမူးတာ၊ အသက်ရှူကျပ်တာမျိုး ဖြစ်လာရင် လမ်းပြကို ချက်ချင်း အသိပေးပါ။
• သဘာဝပတ်ဝန်းကျင်ကို မဖျက်ဆီးပါနဲ့ (Leave No Trace): ပလတ်စတစ်အမှိုက်၊ စားသောက်ကြွင်းကျန်တွေကို လမ်းဘေးမှာ စည်းကမ်းမဲ့ မပစ်ပါနဲ့။ ကိုယ့်အမှိုက်ကို ကိုယ့်အိတ်ထဲ ပြန်ထည့်လာတဲ့ အလေ့အကျင့်ကောင်းကို မွေးမြူပါ။
• သစ်ပင်ပန်းမန်တွေနဲ့ တောရိုင်းတိရစ္ဆာန်တွေကို မနှောင့်ယှက်ပါနဲ့: လှပတဲ့ တောပန်းလေးတွေကို ခူးဆွတ်တာမျိုး၊ တောရိုင်းတိရစ္ဆာန်တွေကို အသံပြု ခြောက်လှန့်တာမျိုး လုံးဝမလုပ်ရပါဘူး။
• ဒေသခံတို့၏ ရိုးရာယဉ်ကျေးမှုကို မစော်ကားပါနဲ့: တိုင်းရင်းသားရွာတွေကို ဖြတ်သန်းတဲ့အခါ သူတို့ရဲ့ ဓလေ့ထုံးတမ်းတွေကို လေးစားပါ။ ဓာတ်ပုံရိုက်ချင်ရင် ခွင့်ပြုချက် အရင်တောင်းပါ။ ငွေကြေးတစ်စုံတရာ မုန့်/ လက်ဆောင် individual ဝေခြင်းကို အတတ်နိုင်ဆုံးရှောင်ပါ ။ ပေးချင်ပါက လောက်ငှသည့်ပမာဏ ဖြင့် သက်ဆိုင်ရာ ဒေသစာသင်ကျောင်းများတွင် ခွင့်ပြုချင်တောင်း၍ ဝေငှနိုင်ပါသည် ။ တာဝန်သိခရီးသွားပြည်သူဖြစ်ရန် အတတ်နိုင်ဆုံး ကြိုးစားပါ ။

( ပုံလေးက 2023 လောက်က Family ၃ စုက သားသားလေး ၃ ယောက်တိုက်တိုက်ဆိုင်ဆိုင်လာဆုံစဉ်က ပုံပြန်တင်ဖို့ ခွင့်ပြုချက်မတောင်းရသေးလို့ AI နဲ့ ပြင်ထားတဲ့ ပုံလေးပဲ တင်လိုက်ပါတယ် / အသက် ၆/၇/၈ ပတ်ချာလည်လေးတွေပါ တနေကုန်မိုးရွာနေတဲ့ကြားက တောင် ကိုးလုံးကို ကျောက်ဖြတ်ခဲ့တဲ့ သားသားလေးတွေပေါ့ )

17/05/2026

အဝါရောင်ဆိုတာ ပျော်ရွှင်ခြင်းရဲ့ သင်္ကေတတဲ့

မိုးကြိုပန်း အဝါရောင်လို့ ခေါ်တဲ့ Yellow Rain Lily တွေက

အပန်းရောင်လေးတွေထက် နောက်ကျမှပွင့်ကြတယ်

ပွင့်တဲ့ အချိန်ကာလလေးက အရမ်းတိုတောင်းတယ်

၃ / ၄ ရက်ဆို နွမ်းကုန်ရော

ဒီအချိန် ကလောရောက်နေတဲ့ သူတွေဆို ရင် ခုချိန်မှာ

ကလောမြို့ရဲ့ လမ်းဘေး နေရာအနှံမှာသူ့ကိုတွေ့ရတယ်

အဝါရောင်လေးတွေကြောင့် စိတ်ကြည်လင်ချမ်းမြေ့ကြပါစေ

U U Ye Kalawthar

30/05/2026

29/05/2026

29/05/2026

29/05/2026

27/05/2026

25/05/2026

22/05/2026

21/05/2026

19/05/2026

17/05/2026

Address

Telephone

Website

Alerts

Shortcuts

Share

Category