https://www.facebook.com/168601196345524/

Myeik Seaside Travels & Tours

Name: Myeik Seaside Travels & Tours
Address: Thae Kwin (4)Street, Thar Kay Ta Quarter, Myeik, MM
Telephone: +959768042777

Home
Myanmar
Myeik
Myeik Seaside Travels & Tours

Mergui Archipelago Traveling Services

29/07/2026

ဓမ္မစင်္ကြာအခါတော်နေ့ (ဝါဆိုလပြည့်နေ့) သည် ဗုဒ္ဓဘာသာဝင်တို့၏ အလွန်ထူးခြားဆန်းကြယ်ပြီး အဓိပ္ပာယ်ကြီးမားသော နေ့မြတ်တစ်နေ့ ဖြစ်ပါတယ်။

၁။ ဓမ္မစင်္ကြာအခါတော်နေ့၏ ထူးခြားချက်များ
ဝါဆိုလပြည့်နေ့ကို ဓမ္မစင်္ကြာအခါတော်နေ့ဟု ခေါ်ဆိုရခြင်းမှာ မြတ်စွာဘုရားရှင်သည် ဘုရားအဖြစ်သို့ ရောက်ရှိတော်မူပြီးနောက် ပဉ္စဝဂ္ဂီ ၅ ဦး (ကောဏ္ဍည၊ ဘဒ္ဒိယ၊ ဝပ္ပ၊ မဟာနာမ်၊ အဿဇိ) တို့အား မိဂဒါဝုန်တော၌ "ဓမ္မစက္ကပဝတ္တနသုတ်" ခေါ် ဓမ္မစင်္ကြာဒေသနာတော်ကို ပထမဆုံး စတင်ဟောကြားတော်မူခဲ့သောနေ့ ဖြစ်သောကြောင့် ဖြစ်ပါတယ်။

ဒီနေ့မှာ ဗုဒ္ဓဘာသာ၏ သမိုင်းဝင် ထူးခြားချက် မဟာမင်္ဂလာ ၄ မျိုး စုံစည်းခဲ့ပါတယ်-
ဂေါတမလောင်းလျာ ပဋိသန္ဓေယူသောနေ့ (မယ်တော်မာယာ၏ ဝမ်း၌ ပဋိသန္ဓေ တည်သောနေ့)
တောထွက်တော်မူသောနေ့ (သိဒ္ဓတ္ထမင်းသား စာဂ၊ စာဂီ၊ နိက္ခမ ပါရမီဖြည့်ရန် တောထွက်သောနေ့)
တရားဦး ဟောကြားတော်မူသောနေ့ (ဓမ္မစင်္ကြာဒေသနာတော်ကို စတင်ဟောကြားသောနေ့)
သံဃာရတနာ စတင်ပေါ်ပေါက်သောနေ့ (အရှင်ကောဏ္ဍည တရားထူးရရှိပြီး ပထမဆုံး သံဃာတော်အဖြစ် ရောက်ရှိခဲ့သောနေ့)

၂။ ဓမ္မစင်္ကြာတရားတော်၏ အနှစ်ချုပ်
ဓမ္မစင်္ကြာတရားတော်တွင် ဘုရားရှင်သည် အစွန်းနှစ်ပါး ကို ရှောင်ကြဉ်ရန်နှင့် သစ္စာလေးပါး ကို သိမြင်ရန် ဟောကြားတော်မူခဲ့ပါတယ်-

ရှောင်ကြဉ်ရမည့် အစွန်းနှစ်ပါး-
၁။ ကာမသုခလ္လိကာနုယောဂ- ကာမဂုဏ်ချမ်းသာတို့၌ အလွန်အကျွံ သာယာမူးယစ်နေခြင်း။
၂။ အတ္တကိလမထာနုယောဂ- မိမိကိုယ်ကို အလွန်အမင်း ဆင်းရဲဒုက္ခပေး၍ အကျိုးမရှိသော ကျင့်စဉ်များကို ကျင့်ခြင်း။
လျှောက်လှမ်းရမည့် လမ်းစဉ် (မဇ္ဈိမပဋိပဒာ)-
အစွန်းနှစ်ပါးကို ရှောင်ပြီး မဂ္ဂင်ရှေးရှု မဇ္ဈိမပဋိပဒာ ခေါ် မဂ္ဂင်ရှစ်ပါး (အဋ္ဌင်္ဂိကမဂ်) လမ်းစဉ်ကို လိုက်နာကျင့်ကြံရမည်။

သစ္စာလေးပါး တရားတော်-
၁။ ဒုက္ခသစ္စာ (ဆင်းရဲခြင်း အမှန်တရား)
၂။ သမုဒယသစ္စာ (ဆင်းရဲကြောင်း အမှန်တရား - တဏှာ)
၃။ နိရောဓသစ္စာ (ဆင်းရဲချုပ်ငြိမ်းကြောင်း အမှန်တရား - နိဗ္ဗာန်)
၄။ မဂ္ဂသစ္စာ (ဆင်းရဲချုပ်ငြိမ်းရာသို့ ရောက်ကြောင်း လမ်းစဉ် အမှန်တရား)
၃။ ဗုဒ္ဓဘာသာဝင်တို့ ပြုလုပ်လေ့ရှိသော ကုသိုလ်များ
ဝါဆိုလပြည့် ဓမ္မစင်္ကြာအခါတော်နေ့တွင် ဗုဒ္ဓဘာသာဝင်များသည်-
ဘုရားကျောင်းကန်များသို့ သွားရောက်၍ ဓမ္မစင်္ကြာသုတ်တော်ကို စုပေါင်းရွတ်ဖတ် ပူဇော်ကြခြင်း၊ သံဃာတော်များအား ဝါဆိုသင်္ကန်းနှင့် လှူဖွယ်ဝတ္ထုများ ဆက်ကပ်လှူဒါန်းခြင်း၊
ငါးပါးသီလ၊ ရှစ်ပါးသီလ ဆောက်တည်ခြင်းနှင့် တရားဘာဝနာ ပွားများခြင်း၊
ဝါဆိုဝါကပ်တော်မူမည့် သံဃာတော်များအတွက် ဆွမ်း၊ ရေ၊ မီး ပစ္စယဓမ္မများ ပြည့်စုံအောင် လှူဒါန်းကြခြင်း စသည့် ကုသိုလ်ကောင်းမှုများကို စိတ်စေတနာထက်သန်စွာ ပြုလုပ်ကြပါတယ်။

အတိုချုပ်အားဖြင့် ဝါဆိုလပြည့် ဓမ္မစင်္ကြာအခါတော်နေ့ သည် ဘုရား၊ တရား၊ သံဃာ ခေါ် ရတနာသုံးပါးစလုံး စုံလင်စွာ ပေါ်ပေါက်ခဲ့သော လွန်စွာ ထူးမြတ်လှသည့် နေ့ထူးနေ့မြတ်ကြီး ဖြစ်ပါတယ်။

#မြိတ်
#မြိတ်သမိုင်း
#မြိတ်မြို့
#မြိတ်ခရီးစဉ်
#မြိတ်ကျွန်းစု
#ဓမ္မစင်္ကြာအခါတော်နေ့
#ဝါဆိုလပြည့်နေ့

#ရွတ်ဖတ်သရဇ္ဈာယ်ခြင်း

27/05/2026

LADY Do Trip

Thank you so much for choosing us for your travel experience. It was an absolute pleasure serving you, and we look forward to welcoming you back on your next journey. 🥰

#မြိတ်
#မြိတ်မြို့
#မြိတ်ခရီးစဉ်
#မြိတ်ကျွန်းစု

30/04/2026

🌷ကဆုန်လပြည့်နေ့ ဗုဒ္ဓနေ့ 🙏🙏🙏

🌷၀၁။ဗျာဒိတ်ခံယူသည့်နေ့
လေး အသင်္ချေကမ္ဘာတစ်သိန်း အစ ကဆုန်လပြည့်နေ့။

🌷၀၂။ဘုရားမွေးသည့်နေ့
မဟာသက္ကရာဇ် (၆၈)ခု၊ ကဆုန်လပြည့် (သောကြာနေ့)။ (ဘီစီ ၆၂၃)

🌷၀၃။ဘုရားဖြစ်သည့်နေ့
မဟာသက္ကရာဇ် (၁၀၃)ခု၊ ကဆုန်လပြည့် (ဗုဒ္ဓဟူးနေ့)။ (ဘီစီ ၅၈၈)

🌷၀၄။ဗုဒ္ဓ၀င်အကျဉ်းဟောသည့်နေ့
မဟာသက္ကရာဇ် (၁၀၄)ခု၊ ကဆုန်လပြည့်နေ့။ (ဘီစီ ၅၈၇)

🌷၀၅။ပရိနိဗ္ဗာန်စံသည့်နေ့
မဟာသက္ကရာဇ် (၁၄၈)ခု၊ ကဆုန်လပြည့် (အင်္ဂါနေ့)။ (ဘီစီ ၅၄၃)

🌷ဤကဆုန်လပြည့်နေ့တွင် မာရ်နတ်ရန်ကို အောင်မြင်တော်
မူသောကြောင့် ဤနေ့ဤရက်ကို `ကဆုန်လပြည့်
မာရ်အောင်နေ့´အဖြစ် ဗုဒ္ဓဘာသာဝင်တို့၏ စိတ်အစဉ်တွင်
စွဲမြဲ၍နေကြပါသည်။

🌷ဝိသာခါနက္ခတ်နှင့်ယှဉ်၍ ဖွားမြင်တော်မူခြင်း၊ ပရိနိဗ္ဗာန်
စံတော်မူခြင်းများကို အကြောင်းပြု၍ ကဆုန်လပြည့်နေ့ကို
`ဝိဆခ်ဒေး´ဟု ခေါ်ဆိုကြပါသည်။ ဝိသာခါဒေးဟု ဆိုလိုပါသည်။

🌷ဗုဒ္ဓဘာသာဝင်တို့သည် ဘုရားဖြစ်သော နေ့ထူးနေ့မြတ်ကို
အာရုံပြု၍ ကဆုန်လပြည့်နေ့၌ ပရိဘောဂစေတီထိုက်သော
ဗောဓိပင်ကို ရေသွန်းလောင်းလေ့ ရှိကြပါသည်။

❝ ကဆုန်လပြည့်နေ့ ဆိုသည်မှာ…❞
**********************************
ဗုဒ္ဓဘာသာဝင်များအနေဖြင့် ကဆုန်လပြည့်နေ့ကို

•ကုဆုန်လပြည့် - ဗုဒ္ဓနေ့
•ကဆုန်လပြည့် - မာန်အောင်နေ့
•ကဆုန်လပြည့် - ဝိသာခါနေ့

ဟူ၍အမွှန်တင် ခေါ်ဝေါ် သတ်မှတ်ကာ ရိုးရာအစဉ် အလာများနှင့်အညီ ကျင်းပလေ့ရှိကြပါတယ်။

၁။ ကဆုန်လပြည့်နေ့၏ ထူခြားချက်များ
**************************************
❝ ဗျာဒိတ်၊ ဖွားမြင် ၊ ဗုဒ္ဓဝင် ၊ စံဝင် နိဗ္ဗာန်နန်း ❞

ဆိုတဲ့ ဆိုရိုးစကားနှင့်အညီ…
ဗုဒ္ဓဘာသာဝင်များ ကိုးကွယ်၊ ဆည်းကပ်ရာ…
သုံးလောကထွဋ်ထား သဗ္ဗညုမြတ်စွာဘုရားနှင့် ဆက်စပ်၍ ထူးခြားသည့် နေ့ထူးနေ့မြတ် အဖြစ်
ဘုရားရှင်ကို ရည်မှန်း၍ ကောင်းမှုကုသိုလ်များ
ပြုလုပ်ကြတဲ့ ပွဲတော်တစ်ခုလည်း ဖြစ်ပါတယ်။

ဆိုရိုးစကားအရ ဘုရားရှင်နှင့် ဆက်စပ်သော
ထူခြားသည်များမှာ နှစ်ကာလ အပိုင်းခြားမတူဘဲ ကဆုန်လပြည့်နေ့များတွင်သာ (၅)နေ့ တိုင်တိုင် ထူးခြားတိုက်ဆိုင်စွာ ဆက်စပ်ဖြစ်ပေါ်ခဲ့ခြင်းကြောင့္ ဖြစ်ပါတယ်။

အဆိုပါ…
ကဆုန်လပြည့်နေ့ (၅)နေ့မှာ-

၁။ ဗျာဒိတ်ခံယူသည့်နေ့
လေးအသင်္ချေ ကမ္ဘာတစ်သိန်း ပါရမီဖြည့်
ခြင်းအစ ကဆုန်လပြည့်နေ့

၂။ ဖွားမြင်တော်မူသောနေ့
မဟာသက္ကရာဇ် (၆၈)ခု၊ ကဆုန်လပြည့်နေ့
(သောကြာနေ့) ၊ ဘီစီ - (၆၂၃)ခု

၃။ ဘုရားဖြစ်တော်မူသောနေ့
မဟာသက္ကရာဇ် (၁၀၃)ခု၊ ကဆုန်လပြည့်နေ့
(ဗုဒ္ဓဟူးနေ့) ၊ ဘီစီ - (၅၈၈)ခု

၄။ ဗုဒ္ဓ၀င် အကျဉ်းဟောသည့်နေ့
မဟာသက္ကရာဇ် (၁၀၄)ခု၊ ကဆုန်လပြည့်နေ့
ဘီစီ - ( ၅၈၇)

၅။ ပရိနိဗ္ဗာန်စံတော်မူသောနေ့
မဟာသက္ကရာဇ် (၁၄၈)ခု၊ ကဆုန်လပြည့်နေ့
(အင်္ဂါနေ့) ၊ ဘီစီ - ( ၅၄၃)

~~~~~~~~~~~~~~~~။~~~~~~~~~~~~~~~~~~~

၂။ ကဆုန်လပြည့်နေ့နှင့် အမည်နာမ (၃)မျိုး
*****************************************
ဤကဲ့သို့…
ကဆုန်လပြည့်နေ့များတွင် ၌သာ
ဗုဒ္ဓဘုရားရှင်နှင့် ဆက်စပ်၍ ထူးခြားချက်(၅)မျိုး
နှင့် ဆက်စပ်တိုက်ဆိုင်မှု ရှိနေခြင်းကြောင့် ဤနေ့ကို
❝ ကဆုန်လပြည့် - ဗုဒ္ဓနေ့ ❞ အဖြစ်လည်းကောင်း

ဤကဲ့သို့…ကဆုန်လပြည့်နေ့တွင်ပဲ မာရ်နတ်ရန်ကို အောင်မြင်တော်မူခဲ့သောကြောင့် ဤနေ့ဤရက်ကို ❝ ကဆုန်လပြည့် - မာရ်အောင်နေ့ ❞ အဖြစ်လည်း ကောင်း

ဤကဲ့သို့…ကဆုန်လပြည့်နေ့တွင်ပဲ ဝိသာခါနက္ခတ်နှင့်ယှဉ်၍ ဖွားမြင်တော်မူခြင်းနှင့် ပရိနိဗ္ဗာန်စံတော်မူခြင်းများကို အကြောင်းပြု၍
❝ ကဆုန်လပြည့်နေ့ - ဝိဆခ်ဒေး(ဝိသာခါနေ့) ❞ ဟူ၍ ဗုဒ္ဓဘာသာဝင်တို့၏ စိတ်အစဉ်တွင် စွဲမြဲ၍ မှတ်သားထားကြပြီ အမွှန်းတင် ခေါ်ဝေါ်ခဲ့ကြခြင်း
ဖြစ်ပါတယ်။

~~~~~~~~~~~~~~~~~။~~~~~~~~~~~~~~~~~~~

၃။ ကဆုန်ညောင်ရေသွန်းပွဲတော် ဖြစ်ပေါ်လာပုံ
*******************************************
ဗုဒ္ဓဘာသာဝင်တို့သည် ဘုရားဖြစ်သော နေ့ထူး၊
နေ့မြတ်ကို အာရုံပြု၍ ကဆုန်လပြည့်နေ့ တွင် ပရိဘောဂစေတီ ထိုက်သော ဗောဓိပင်ကိုရေသွန်းလောင်း ပူဇော်ကာ ညောင်ရေသွန်းပွဲတော်ကို ရိုးရာ မပျက် ဆင်နွဲလေ့ ရှိကြပါတယ်။

အဘယ်ကြောင့်ဆိုသော် …
ဗောဓိပင်သည် သဗ္ဗုညုတဉာဏ်တော်ကို ရ၍
ဘုရားဖြစ်တော်မူရာဌာနဖြစ်ခြင်း၊ ဖွားဖက်တော် (၇)ပါးတွင် စာရင်းဝင် ဖြစ်ခြင်း တို့ကြောင့် ထူးခြား သော သစ်ပင်တစ်မျိုးအဖြစ် ယုံကြည်ကြခြင်း
ဖြစ်ပါတယ်။

ဤကဲ့သို့ မြတ်စွာဘုရားနှင့် တိုက်ရိုက် ဆက်စပ်၍ ဗောဓိပင်၌ ရေသွန်းလောင်းခြင်း အစဉ်အလာကို ခေတ်အဆက်ဆက်ကပင် ပြုလုပ်လာခဲ့ကြခြင်း
ဖြစ်ပြီး မြန်မာ့ရိုးရာ (၁၂) ရာသီပွဲတော်များအနက် ကဆုန်လတွင် ညောင်ရေသွန်းပွဲတော်ကို ရိုးရာပွဲ တော်အဖြစ် အစဉ်အလာအတိုင်း သတ်မှတ်ခဲ့ကြခြင်းဖြစ်ပါသည်။

~~~~~~~~~~~~~~~~။~~~~~~~~~~~~~~~~~~

၄။ ကုသိုလ်တရားနှင့် အကျိုးကျေးဇူး
***********************************
အသနဗောဓိယမထေရ်၏ အလောင်းတော်သည် တိဿဘုရားရှင်၏ ဗောဓိပင်ကို စိုက်ပျိုးပူဇော်ရ သော ကုသိုလ်ကြောင့် -
•နတ်ပြည်၌ နတ်ဖြစ်ရခြင်း
•လူပြည်၌ စကြာမင်း ဖြစ်ရခြင်း
•အပါယ်ဘေးမှ လွတ်ကင်းရခြင်း
စသည့် အကျိုးများကို ခံစားရကြောင်း
(ထေရာပဒါန်) ကျမ်းဂန်၌ ဟောကြားထားပါသည်။

ဂန္ဓောဒကတိဿမထေရ်၏ အလောင်းတော်သည် ပဒုမုတ္တရဘုရားရှင်၏ ဗောဓိပင်ကို နံ့သာရေ ဖြင့် သွန်းလောင်းရသော ကုသိုလ်ကြောင့်
•နတ်ပြည်၌ နတ်ဖြစ်ရခြင်း
•အနာရောဂါ မရှိခြင်း
•သောကကင်းဝေးခြင်း စသောအကျိုးများကို
ခံစားရပါသည်။

အထက်ပါအကြောင်းအရာများကို နှလုံးသွင်း၍
ဗုဒ္ဓဘာသာဝင်သူတော်စင်များအနေဖြင့် နှစ်စဉ်၊နှစ်စဉ် ကဆုန်လပြည့်နေ့ ရောက်တိုင်း ဗုဒ္ဓရုပ်ပွား ဥဒ္ဒိဿစေတီတော်များကို အနေကဇာတင်ခြင်း၊ ဗုဒ္ဓအဘိသေကမင်္ဂလာသဘင် ဆင်ယင်ကျင်းပခြင်း
ဖြင့် ကုသိုလ်အထူးကို ဆည်းပူးလေ့ ရှိကြပါတယ်။

~~~~~~~~~~~~~~~~~။~~~~~~~~~~~~~~~~~~~

၅။ လှူဒါန်းကုသိုလ် တိုက်တွန်းနှိုးဆော်ချက်
*****************************************
ကုသိုလ်ရှင်များအနေဖြင့် …
ကဆုန်လပြည့်နေ့မှာ
ဘုရား၊ကျောင်းကန်များသို့သွား၍ ဒါန၊ သီလ၊ ဘာဝနာပွားများပြီး အလှူအတန်း ပြုလုပ်ခြင်း
❝ကဆုန်လပြည့် - ဗုဒ္ဓနေ့❞ တွင် ညောင်ရေသွန်းပွဲ ဆင်နွှဲရင်း ကုသိုလ်ပြုနိုင်ကြစေရန် တိုက်တွန်း
နှိုးဆော်အပ်ပါတယ်။

🙏 🙏 🙏 🙏 🙏
#မြိတ်
#မြိတ်ကျွန်းစု
#မြိတ်ခရီးစဉ်
#မြိတ်မြို့
#ကဆုန်လပြည့်နေ့

17/04/2026

#နှစ်ဆန်းတစ်ရက်နေ့_အကြောင်း_သိကောင်းစရာများ
_______________________________

နှစ်ဆန်းတစ်ရက်နေ့သည် ဗုဒ္ဓဘာသာ၀င် မြန်မာလူမျိုးများအတွက် အထွတ်အမြတ်ထားရာ နေ့တစ်နေ့ ဖြစ်ပါသည်။ သက္ကရာဇ်တစ်ခု၏ အစအဦးရက်တွင် ကုသိုလ်ကောင်းမှုများ ပြုကြသည်မှာလည်း မြတ်နိုးဖွယ်ရာ ထုံးတမ်းစဉ်လာ တစ်ရပ်ဖြစ်သည်။

#နှစ်ဆန်းတစ်ရက်

မြန်မာပြက္ခဒိန်အရ မြန်မာနှစ်၏ ပထမဆုံးလမှာ တန်ခူးလ ဖြစ်သော်လည်း နှစ်ဆန်းတစ်ရက်နေ့မှာ တန်ခူးလဆန်း(၁)ရက်နေ့ မဟုတ်ပေ။ သူရိယနေမင်းကြီး မိန်ရာသီမှ မိဿရာသီသို့ ကူးပြောင်းချိန်သည် တန်ခူးလအတွင်း ဖြစ်နိုင်သကဲ့သို့ တစ်ခါတစ်ရံ ကဆုန်လအတွင်း ကျရောက်နိုင်လေသည်။ သို့ဖြစ်၍ တန်ခူးလ၊ သို့မဟုတ် ကဆုန်လ၏ နှစ်ဆန်းတစ်ရက်နေ့ မတိုင်မီ ရက်များကို နှောင်းတန်ခူး သို့မဟုတ် နှောင်းကဆုန်ဟု ခေါ်ဆိုကြသည်။ ဝေါဟာရ ပြက္ခဒိန်အရ တန်ခူး၊ ကဆုန်လများသို့ ရောက်ရှိသည့်တိုင် နှစ်မကူးသေးဘဲ နှစ်ဆန်းတစ်ရက် နေ့တွင်မှ နှစ်သစ်ကို စတင်ပါသည်။

#ရှေးမြန်မာမင်းများ_လက်ထက်

ရှေးမြန်မာမင်းများ လက်ထက်ကပင် နှစ်ဆန်းတစ်ရက်နေ့ကို အလေးအမြတ်ပြုကြသည်။ နှစ်ဆန်းတစ်ရက်နေ့တွင် ရွှေမြို့တော် ဓာတ်တံခါးလေးရပ်မှ အမြောက်သံပေးရမြဲဖြစ်သည်။ ယင်းနေ့တွင် ရတနာသုံးပါးနှင့်တကွ သမ္မာဒေ၀နတ် အပေါင်းတို့အား ရှေးအစဉ်အလာအတိုင်း လှူဒါန်းပူဇော်မြဲ လှူဖွယ်၀တ္ထုများဖြင့် ပူဇော်ကြသည်။ ယင်းနေ့တွင် အတာပွဲတော်ကိုလည်း ဆင်ယင်ကျင်းပလေ့ ရှိခဲ့ကြသည်။

#သမိုင်း၀င်_နှစ်ဆန်းတစ်ရက်နေ့

မင်းတုန်းမင်းလက်ထက် သက္ကရာဇ် ၁၂၃၃ ခုနှစ် (၁၈၇၁ ခုနှစ်)က နှစ်ဆန်းတစ်ရက်နေ့မှာ သမိုင်း၀င် ဖြစ်ခဲ့သည်။ အဘယ်ကြောင့်ဆိုသော် မင်းတုန်းမင်းသည် ယင်းနေ့တွင် ပဉ္စမသင်္ဂါယနာတင် အခမ်းအနားကို စတင်ကျင်းပ ခဲ့သောကြောင့် ဖြစ်ပါသည်။

ကုန်းဘောင်ဆက် မဟာရာဇ၀င်တော်ကြီးတွင် “သက္ကရာဇ် (၁၂၃၃) တစ်ထောင်နှစ်ရာ သုံးဆယ့်သုံးခု တန်ခူးလပြည့်ကျော် တစ်ဆယ့်တစ်ရက် (၁၅ ဧပြီ ၁၈၇၁) နှစ်ဆန်းတစ်ရက် စနေနေ့ ကောင်းမြတ်သော မင်္ဂလာအခါတော်၌ အမြောက်သံကြားစေပြီးမှ ဆဒ္ဒန်ဆင်မင်းသခင်အသျှင် ဘ၀ရှင်မင်းတရားကြီးဘုရား၊ အရှင်နန်းမတော် မိဖုရားခေါင်ကြီး ဘုရားနှင့်တကွ မင်းညီမင်းသား မှူးတော်မတ်တော် အပေါင်းတို့ဖြင့် ခြံရံလျက် ထွက်တော်မူ၍ ရွှေနန်းပြာသာဒ်တော်ဦး မြေနန်းတော်တွင် အခမ်းအနား ကြီးကျယ်စွာ စီမံခင်းကျင်းပြီးလျှင် သာသနာပြု သုဓမ္မဆရာတော်၊ တံဆိပ်ရမရ ဆရာတော် သံဃာတော်တို့ကို လျှောက်ထားတောင်းပန်၍ ပဉ္စမသင်္ဂါယနာတင် မင်္ဂလာသဘင် ဆင်ယင်တော်မူသည်” ဟူ၍ ဖော်ပြပါရှိပါသည်။

#နောက်ဆုံး_အတာပွဲတော်

မြန်မာမင်းများ လက်ထက်တစ်လျှောက် နှစ်ဆန်းတစ်ရက်နေ့တွင် အတာပွဲတော်ကို ကျင်းပမြဲဖြစ်ရာ သီပေါမင်းလက်ထက် ၁၂၄၇ ခုနှစ်၏ နှစ်ဆန်းတစ်ရက်နေ့ဖြစ်သော ကဆုန်လဆုတ် ၂ ရက် (၁၄ ဧပြီ ၁၈၈၅) တွင် မြန်မာဘုရင်လက်ထက် နောက်ဆုံး အတာပွဲတော်ကို ကျင်းပခဲ့ပါသည်။ ယင်းနေ့တွင် လှူဖွယ်၀တ္ထု အစုစုကို ပွဲလမ်းသဘင်စုံတို့နှင့်တကွ တောင်စမုတ်တော်၌ ခင်းကျင်းပြသလျက် မင်း၊ မိဖုရားတို့ ရေစက်ချ လှူဒါန်းခဲ့ကြသည်။

#ဟံသာ၀တီသတင်းစာပါ_သတင်း

(၁၃-၄-၁၉၀၁) ရက်စွဲပါ ဟံသာ၀တီ သတင်းစာအရ ထိုနှစ်က နှစ်ဆန်းတစ်ရက်နေ့မှာ ၁၆ ဧပြီ ၁၉၀၁ တွင် ဖြစ်ပါသည်။ ယင်းနေ့ထုတ် သတင်းစာတွင် “မဟာသင်္ကြန် အတာမင်္ဂလာနှစ်ဦး အခါတွင် ရတနာသုံးပါး ဘိုးဘွားတို့အား ၀တ္တရားမချွတ်ရအောင် ဆောင်ရွက်အားထုတ်ကြသော သူတော်ကောင်း အပေါင်းတို့သည် ရောဂါဘေးဒဏ် ရန်မာန်ခပ်သိမ်း ကင်းငြိမ်းပပျောက်လျက် လူနတ်နိဗ္ဗာန်သုံးတန်သုခ အလိုရှိသမျှသည် ဣဋ္ဌဖလအာနိသံသ အကျိုးပွားတိုး စုံလင်အောင်မြင် ပြီးစီးကြစေရန် ကျွန်ုပ်တို့က ထပ်မံနှိုးဆော် လိုက်ပါကြောင်း” ဟု ရေးသားဖော်ပြ ထားသည်ကို တွေ့ရှိရ၏။

သို့သော် ထိုနှစ်ရန်ကုန်သင်္ကြန်က အခြေအနေ ဆိုးရွားခဲ့ကြောင်း သင်္ကြန်ပွဲအပြီး (၂၀-၄-၁၉၀၁) ထုတ် ဟံသာ၀တီ သတင်းစာတွင် “မြန်မာလူမျိုးတို့ အတာနှစ်သစ်ကူး သင်္ကြန်အခါ၌ မေတ္တာရည်ညွှန်း သွန်းလောင်းသည့်ရေအတွက် အမျက်ဒေါသ ခိုက်ရန်ပွား၍ တရားကိုမငဲ့ကွက် ရိုက်နှက်ကြခြင်းအကြောင်း” ခေါင်းစဉ်ဖြင့် သတင်းရှည်တစ်ပုဒ် ပါလာသောကြောင့် ဖြစ်ပါသည်။

#ကိုလိုနီခေတ်_နှစ်ဆန်းတစ်ရက်နေ့

နှစ်ဆန်းတစ်ရက်နေ့တွင် ဥပုသ်သီလ ဆောက်တည်ကြခြင်း၊ သက်ကြီးရွယ်အိုများအား ပူဇော်ကန်တော့ကြခြင်း၊ ဇီဝိတဒါန အလှူပြုခြင်းများကို ဆောင်ရွက်လေ့ရှိကြရာ ကိုလိုနီခေတ်တွင်လည်း ယင်းသို့ အစဉ်အလာမပျက် ဆက်လက်ထိန်းသိမ်း ဆောင်ရွက်ခဲ့ကြသည်။ သို့သော် ၁၃၀၀ ပြည့်နှစ် (၁၉၃၈) က မြန်မာတို့ မျိုးချစ်စိတ်ဓာတ် ပြင်းထန်လျက် နယ်ချဲ့အင်္ဂလိပ်ကို တွန်းလှန်ရန် ပြင်ဆင်လျက်ရှိကြရာ နှစ်သစ်ကူးနေ့တွင် အမြို့မြို့ အရွာရွာ၌ ဖွဲ့စည်းထားသော အပျော်တမ်း ရဲတပ်၊ မီးသတ်နှင့် စောင့်ရှောက်ရေး အဖွဲ့တို့က မြို့တွင်းလှည့်လည်ကာ စစ်တပ်ခင်းကျင်း ပြသသည့်အတိုင်း ကျင်းပလျှင် အာဇာနည်စိတ်ဓာတ်များ အသစ်တစ်ဖန် ပေါ်ပေါက်လာနိုင်ကြောင်း ထိုခေတ်ကာလ သတင်းစာတစ်စောင်မှ အကြံပြုထားသည်ကိုလည်း တွေ့ရှိရသည်။ ယင်းအကြံပြုချက်အတိုင်း အချို့မြို့များတွင် စနစ်တကျမြို့တွင်းသို့ လှည့်လည်ချီတက် ကြသည်ကိုလည်း တွေ့ရှိရပါသည်။

#ငါးလွှတ်ပွဲ

ဗုဒ္ဓဘာသာ၀င် မြန်မာလူမျိုး အများစုက နှစ်ဆန်းတစ်ရက်နေ့တွင် ဇီဝိတဒါနအလှူပွဲများ စုပေါင်းကျင်းပလေ့ရှိကြရာ ထင်ရှားသော ပွဲတစ်ပွဲမှာ ငါးလွှတ်ပွဲ ဖြစ်ပါသည်။ ရန်ကုန်မြို့ ဘောက်ထော်ရပ် ကန်ဘဲ့ရွာ တောင်ပိုင်းတွင် မစ္ဆသမူဟအဘယဒါန အသင်းခေါ် ငါးလွှတ်ပွဲကျင်းပရန် အသင်းတစ်သင်းပင် ဖွဲ့စည်းထားခဲ့သည်။ ယင်းအသင်းကို ၁၉၂၆ ခုနှစ်ကပင် ဖွဲ့စည်းခဲ့သည်။ ၁၃၀၀ ပြည့်နှစ်ဆန်း တစ်ရက်နေ့ကဆိုလျှင် ၁၃ ကြိမ်မြောက် ငါးလွှတ်ပွဲအဖြစ် လှည်းများဖြင့် ကခုန်တီးမှုတ်ကြလျက် အင်းလျားကန်သို့ သွားရောက်ကာ ငါးလွှတ်ပွဲ ကျင်းပခဲ့ကြကြောင်း (၂၃-၄-၁၉၃၈) ရက်စွဲပါ သူရိယသတင်းစာတွင် သတင်းဖော်ပြ ပါရှိပါသည်။

#ဘေးမဲ့လွှတ်ပွဲများ

နှစ်ဆန်းတစ်ရက်နေ့တွင် ငါးလွှတ်ပွဲကို သာမက အခြားတိရစ္ဆာန်များအား ဘေးမဲ့ပေးလှူပွဲ များကိုလည်း မြို့ရွာအနှံ့တွင် ကျင်းပလေ့ ရှိကြသည်။ မြို့ရွာအများတွင် ဇီဝိတဒါန ကယ်ဆယ်ရေး အဖွဲ့များ ဖွဲ့စည်းထားကြပြီး ယင်းအဖွဲ့များမှ တိရစ္ဆာန်များကို ဘေးမဲ့လွှတ်ပွဲ ကျင်းပကြသည်။ ၁၉၃၈ ခုနှစ်က သထုံမြို့၌ ယင်းသို့ဘေးမဲ့လွှတ်ပွဲ ကျင်းပခဲ့ပုံနှင့် ပတ်သက်၍ “ဘေးမဲ့ဇီဝိတဒါန ကယ်ဆယ်ရေးအဖွဲ့၏ သတ္တမအကြိမ်မြောက် ကျွဲ နွားဆိတ်၀က် ကြက်ငှက်သားငါး တိရစ္ဆာန်များ လွှတ်ပွဲကို နှစ်ဆန်း ၁ ရက်နေ့က မော်တော်ကားနှင့်တကွ လှည်းပေါင်းများစွာဖြင့် တင်ဆောင်ကာ အတီးအမှုတ် အကအခုန် အမျိုးမျိုးတို့ဖြင့် လှည့်လည်ကျင်းပကြောင်း။ ထိုလှည့်လည်ရာတွင် ရှေးဆုံးတွင် သံဃာတော် အရှင်မြတ်များက မော်တော်ဘတ်စ်ကားကြီးတွင် လိုက်ပါကာ ပရိတ်ကမ္မဝါများ ရွတ်ကြားသွားကြောင်း” စသည်ဖြင့် သူရိယသတင်းစာ၌ ရေးသားထားသည်ကို တွေ့ရှိရသည်။

#ဗုဒ္ဓရုပ်ပွားတော်များအား_ရေသပ္ပာယ်ခြင်း

နှစ်ဆန်းတစ်ရက်နေ့တွင် ဗုဒ္ဓရုပ်ပွားတော်များအား ရေသပ္ပာယ်ခြင်းဖြင့်လည်း ကုသိုလ်ယူကြသည်။ မိမိတို့နေထိုင်ရာ နယ်မြေဒေသအတွင်းရှိ ဗုဒ္ဓရုပ်ပွားတော်မြတ်များအား ရေသပ္ပာယ်ကြခြင်းမှာ ရှေးအစဉ်အလာ တစ်ရပ်ဖြစ်ပါသည်။ နှစ်ဆန်းတစ်ရက်နေ့တွင် ရန်ကုန်မြို့ရှိ ကျောင်းကန်ဘုရားများ၌ ဥပုသ်သီလ ဆောက်တည်သူများ၊ စေတီရင်ပြင်တော်တွင် တံမြက်လှည်း သန့်ရှင်းရေး လုပ်ခြင်းဖြင့် ကုသိုလ်ယူကြသူများကို တွေ့မြင်နိုင်ကြသည်။

နှစ်ဆန်းတစ်ရက်နေ့တွင် ရပ်ကွက်ကျေးရွာတွင်းနေ လူငယ်များက သက်ကြီးရွယ်အိုများအား ဦးခေါင်းဆေး လျှော်ပေးခြင်းဖြင့် ကုသိုလ်ယူကြသည်။ နှစ်ဟောင်းမှ အညစ်အကြေးများကို နှစ်သစ်သို့ ပါမလာစေရန် အထိမ်းအမှတ်ဖြင့် ဦးခေါင်းဆေး လျှော်ခြင်းပြုကြပါသည်။ ဦးခေါင်းတွင်တင် ရှိနေသော အညစ်အကြေးများအား မြန်မာ့ရိုးရာ တရော်ကင်ပွန်းတို့ဖြင့် ဆေးကြောပေးကြခြင်း ဖြစ်သည်။

#ပါလီမန်ခေတ်_သက်ကြီးပူဇော်ပွဲ

နှစ်ဆန်းတစ်ရက်နေ့တွင် သက်ကြီးရွယ်အိုများအား ပူဇော်ကန်တော့ခြင်းများဖြင့်လည်း ကုသိုလ်ယူကြသည်။ အထူးသဖြင့် ပါလီမန်ခေတ် တစ်လျှောက်တွင် ရန်ကုန်မြို့တော်၀န်များသည် သင်္ကြန်ပွဲတော်ကို စတင်ဖွင့်လှစ်ကာ နှစ်သစ်မင်္ဂလာမိန့်ခွန်း ပြောကြားလေ့ ရှိကြသကဲ့သို့ နှစ်ဆန်းတစ်ရက်နေ့တွင်လည်း ရန်ကုန်နယ်နိမိတ် အတွင်းရှိ သက်ကြီးရွယ်အို အဘိုးအဘွားများအား မြို့တော်ခန်းမသို့ ပင့်ဖိတ်လျက် ကန်တော့လေ့ရှိပါသည်။ (နောက်ပိုင်းသက်ကြီးဝါကြီး ကန်တော့ပွဲကို သီတင်းကျွတ်လသို့ ပြောင်းရွှေ့ကျင်းပပါသည်။)

၁၉၅၄-၅၅ ခုနှစ်ကဆိုလျှင် ရန်ကုန်မြို့တော်၀န် ဦးဘညွန့်ကိုယ်တိုင် အဘိုးအဘွားများအား ငွေကြေးဖြင့် ထောက်ပံ့မှု ပြုခဲ့ပါသည်။ ၁၉၅၅ ခုနှစ် မြို့တော်၀န် ဦးစိန်ဖေ လက်ထက်တွင် ရန်ကုန်မြို့ပေါ် ၃၅ ရပ်ကွက်မှ ဘိုးဘွား ၁၀၅ ဦးအား ငွေကျပ် ၂၀၀ နှင့် မျက်နှာသုတ်ပဝါ တစ်ထည်စီ ပေးအပ်ခဲ့သည်။

ကျမ်းကိုး

၁။ ကုန်းဘောင်ဆက် မဟာရာဇ၀င်တော်ကြီး(တတိယအုပ်)

၂။ ဟံသာ၀တီသတင်းစာ(၁၉၀၁ ဧပြီ)

၃။ သူရိယနှင့် ဗမာ့ခေတ်သတင်းစာများ (၁၉၃၈ ဧပြီ၊ ၁၉၅၅ ဧပြီ)

Credit 🙏🙏🙏
Photo ; Credit

16/02/2026

မြိတ်မြို့၏ သက်တမ်းရင့် တရုတ်ဘုရားကျောင်း (မားစောပို့- ရှုံတေးကုံဘုရားကျောင်း)

👉 မြိတ်မြို့မှာ လူတန်းစားအလွှာလိုက်လိုက်ရှိသလို လူမျိုးပေါင်းလည်း စုံလှ့ပါသည်။ မြိတ်သူမြိတ်သားအများစု့ဟာ တရုတ်နွယ်ဖွားများ လည်း များကျပါသည်။

👉ကျွန်တော်ပြောပြမယ့် မားကျော့ပို ကျောင်း လွန်ခဲ့တယ့် #နှစ်ပေါင်း 350 ခန့်ကတည်းကတည်ရှိနေသည့် သက်တမ်းရင့် ကျောင်းတကျောင်းဘဲ့ဖြစ်ပါသည်။ တကယ်တန်းသက်တမ်းက 333လောက်ရှိပြီဖြစ်ပါသည်။

👉မားကျော့ပို ကျောင်းဖြစ်လာတည်း အကျဉ်းချုပ်မှာ ဟိုးအရှေ့အရင်ကတည်းက မြိတ်မြို့ဟာ ကမ်းရိုးတန်း စီးပွားရေးမှာ အရေးပါခဲ့သည့်မြို့တမြို့ ဖြစ်ပါသည်။ ပြည်မကြီးက တရုတ်တွေဟာ သူတို့ရဲ့ ရွက်လှေကြီးတွေအပေါ်မှာ ကုန်စည်မျိုးစုံ ကြွေထည် အသုံးဆောင်မျိုးစုံ တင်ပြီး မြိတ်ကမ်းရိုးတန်းကိုဝင်ပြီး ရောင်းဝယ်ဖောက်ကားမူ့များပြုလုပ်ခဲ့ပါသည်။သူတို့နှင့် အတူ မားကျော့ပို ရုပ်ထုကြီး ပါပါလာခဲ့ပါသည်။ မြိတ်မှာ သုံးနှစ်တိုင်တိုင် ရောင်းဝယ်ဖောက်ကားပြီး အိမ်ကို ပြန်ဖို့ အချိန်ရောက်လာတော့ အိမ်ပြန်ဖို့ စီစဉ်ကြပါသည်။ထိုညမှာဘဲ့ လှေအုပ်စုကိုအုပ်ချုပ်သူကို အိမ်မက်ပေးပါသည် မားကျော့ပို ကနေ သူပြန်မလိုက်တော့ဘူး ဒီမှာပျော်နေပါပြီဆိုပြီး။
မနက်ကျတော့ ခေါင်းဆောင်ဟာ သူတို့ လူတွေနှင့်တိုင်ပင်တော့ တပည်တွေကလည်း မထားခဲ့နိုင်ဘူး ပြန်ခေါ်သွားမယ်ဆိုပြီး သူတို့အားလုံး အထွက်မှာ ပင်လယ်ဝမှာ ရုတ်တရက်မုန်တိုင်းထန်လာပြီးခရီးဆက်မရဖြစ်ခဲ့ပါသည်။ဒါကြောင့် ကမ်းကိုဝင်ပြီး ဗုဒ္ဓဘာသာ ဘုန်းကြီးကျောင်း တခုမှာ ကျောင်းဆောင်တခုဆောက်ပေးပြီး ထားခဲ့ပါသည်။

👉အချိန်ကာလတစ်ခုရောက်သည့်အချိန်မှာ ၎င်းကျောင်း၏ ကျောင်းထိုက်ဆရာတော်ဟာ ကုန်းမြင့် တခုအပေါ်သို့ ပြောင်းရွေ့ ကျောင်းဆောက်ဖို့ ဖြစ်လာတော့ ‌၎င်းနေရာကို မားကျော့ပို အတွက်ဆိုပြီး အပြီးအပိုင် လှူဒါန်းပေးခဲ့ပါသည်။

👉၎င်းဆရာတော်မှာတောကျောင်းကိုတည်ထောင်ခဲ့တယ် ပဓာနာဆရာတော် ‌တောကျောင်းဆရာတော်ကြီးဖြစ်ပါသည်။

👉ရှေးကျောင်းဖြစ်သည့်အတွက် တရုတ်၏ ရိုးရာ ယဉ်ကျေးမှု့ ကျောင်းဆောင် တချို့ အပေါ် အမိုး အစွန်းဖျားတွေဟာ သစ်သားတွေနှင့် ဆောက်ထားပါသည်။ ပြန်လည်ပြုပြင်ရင်း ကာလမှာလည်း ရှေးမူမပျက် ထိန်းသိမ်းပြုပြင်ထားပါသည်။

👉တရုတ်ရိုးရာ ကိုးကွယ်သည် မကိုးကွယ်သည်ဖြစ်စေ ‌မားကျော့ပို ကျောင်းကို သွားပြီး သွားရောက်လေ့လာသင့်ပါသည်။

#မြိတ်
#မြိတ်သမိုင်း
#မြိတ်မြို့
#မြိတ်ခရီးစဉ်
#မြိတ်ကျွန်းစု
#တရုတ်ဘုံကျောင်း
#မားစောပို့ကျောင်း
#တရုတ်နှစ်ကူး

ပုံနှင့်စာတွေအားလုံး ကို သက်ဆိုင်သူများအတွက်တယောက်ချင်းကို ခရစ်ဒက်ပေးပါတယ်။

20/01/2026

⛺️ 🔥 🌲 တောတွင်း နဲ့ တောင်တက်ညအိပ် ခရီးစဉ်တွေမှာ မဖြစ်မနေလိုက်နာသင့်သည့် ဆောင်ရန် /ရှောင်ရန် များ -

Forest's Rules
1. တောထဲတောင်ထဲ ညအခါ ကောင်ကင်ယံအား ဓာတ်မီးထိုးခြင်းမပြုရ။ (အချက်ပြသည်ယူဆတက်၍ဖြစ်သည်)

2.ဓာတ်မီးမပါပဲ ညအခါ မည်သည့်နေရာမှ အရဲစွန့်၍
ဟိုဟိုသည်သည် လျှောက်မသွားရ။
( မြွေအန္တရာယ်နှင့်အဆိပ်ကောင်များအန္တရယ်ရှိသည်။)

3. နေ့ဘက်သော်၎င်း ညဘက်သော်၎င်း တောတိုးပါက
မိမိရှေ့သို့ တုတ်ရှည်ဖြင့်ရမ်း၍ သွားလာသင့်ပါသည်။
(မြွေအန္တရာယ် ကာကွယ်ရန်)

4. မိမိ၏ရွက်ဖျင်တဲအား အမြဲသေချာစွာ ဇစ်ပိတ်ပါ။
(ခြင်/ခူယား/ပိုးကောင်မွှားကောင်နှင့် အခြားသော အဆိပ်ရှိသတ္တဝါများ ဝင်ရောက်ခိုအောင်းတက်၍ဖြစ်သည်)

5. ရွက်ဖျင်တဲထဲတွင်ဆေးလိပ်သောက်ခြင်း မုန့်ပဲသရေစာများစားသောက်ခြင်းမပြုရ။
(တဲအခင်းဆေးလိပ်မီးပေါက်တက်ပြီး / ပုရွက်ဆိတ်များဝင်လာတက်သည်)

6. ညအခါမိမိရဲ့ညစာပြင်ဆင်နေချိန်နှင့် ညစာစားနေစဥ်အတွင်း အစားအသောက်များတည့်တည့်ပေါ်တွင် မီးလုံးမီးသီး မီးချောင်းများ မထွန်းထားရ
ခတ်လှမ်းလှမ်းမှခွာ၍ အလင်းပေးသင့်ပါသည်။
( ပိုးကောင်မွှားကောင်များ အစားအသောက်အတွင်းသို့ ကျရောက်တက်၍ဖြစ်သည်။)

7. အချင်းချင်းနာမည်မခေါ်ရ (အူပါ)😁
စတာဘာ😘

8. မိမိ၏ walking shoes အားတုတ်ချောင်းဖြင့်ထောက်၍
ဇောက်ထိုးထားသင့်ပါသည်။ (ကင်းမှီးကောက် / မြွေ /ဖား.... ဝင်ရောက်နေနိုင်သည်)

9. မိမိစွန့်ပစ်အမှိုက်များအား တောထဲမစွန့်ပစ်ခဲ့ရ။

10. တောထဲတောင်ထဲဆူညံခြင်းမပြုရ။

11. စားကြွင်းစားကျန်များအား လက်လွတ်စပယ်
ဟိုဟိုဒီဒီ မပစ်ရ တောပုရွက်များနှင့် ကင်ခြေများများရောက်လာတက်သည်။

အမှိုက်များအား တစ်ခါထဲရှင်းပစ်လိုပါက ညအချိန်
Campfire မီးအားကောင်းနေစဥ် တစ်စတွေ့တစ်စ
တစ်ခုတွေ့တစ်ခု မီးပုံထဲသို့တစ်ခါထဲ ပစ်ထည့်၍ လက်ငင်းရှင်းပစ်နိုင်ပါသည်။
မိမိပြန်သည့်အခါမှသာ ပြန်လည်သယ်ဆောင်ခြင်းလည်းပြုလုပ်နိုင်ပါသည်။

12. အရက်သေစာအလွန်အကျွန် မသောက်စားရ။
( မိမိကိုယ်မိမိ ရာနှုန်းပြည့် မစောင့်ရှောက်နိုင်သောကြောင့်)

13. စခန်းချပြီးပါက မီးကြွင်းမီးကျန်အား သေခြာစွာငြိမ်းသက်ပါ။ ပြာများအားမွှေနှောက်ရေလောင်း၍ မြေဖြင့်ဖုံးဖိခဲ့ပါ။

14. မိမိ၏ Camping gears များအား မေ့မကျန်ခဲ့အောင်
Double check ပြုလုပ်စစ်ဆေးပေးပါ။

15. Solo Camping မပြုလုပ်မှီ တစ်ပတ် ဆယ်ရက်ခန့်အလိုတွင် Horror video များကြည့်ရှု့ခြင်းမပြုသင့်ပါ။

16. Dead tree နှင့် သစ်ကိုင်းဆွေးများရှိနေသော အပင်များအောက်တွင် တဲမထိုး စခန်းမချရ။
(ပတ်ဝန်းကျင်အားသေခြာစွာစစ်ဆေးပါ)

17. တောတွင်းစခန်းချသည်ဖြစ်သောကြောင့် မီးအမြဲဖိုထားရမည်။ ( တောကောင်အန္တရာယ်ကာကွယ်ရန်)

18. ရေနှင့်ဝေးသောနေရာများတွင်သာစခန်းချရန်
(တောကောင်များရေလာသောက်တက်သည်)

19. တောတွင်းရှိ မြင်အပ်မမြင်အပ် ပုဂ္ဂိုလ်များအား မထီမဲ့မြင်ပြောဆိုခြင်း စိန်ခေါ်ခြင်းစမ်းသက်ခြင်း မပြုရ

20. ကျွမ်းကျင်စွာရေမကူးတက်ပဲ ရေနက်ပိုင်းသို့မသွားရ

21. သစ်ခွနှင့် သဘာဝပေါက်ရောက်နေသော အပင်များအား မခူးယူရ။

22. ကိုယ် Set up လုပ်ထားသော Tent ရွက်ဖျင်တဲနှင့် Campfire သည် 15 Feet အကွာအဝေးခွာထားရမည်ဆိုသော်လည်း အတွေ့အကြုံအရ ပုံမှန်လေတိုက်နှုန်းတွင် 5 ft ခွာထားလဲ Save ဖြစ်ပါသည်။
မီးပွားလွင့်စင်မည့် လေတိုက်နှုန်းသည် မိမိ၏ Common sense နှင့် Experience အရ သိနိုင်ပါသည်။
မီးပွားမလွင့်စင်စေရန် မီးပုံကို တုတ်နှင့်မထိုးစွရ ။
မီးပုံထဲသို့သစ်ရွက်ခြောက်နှင့်အမှိုက်သရိုက်များ စုပုံပစ်မထည့်ရ။ ( မီးကူးနေသောပြာများ မိုးပေါ်လွင့်တက်၍ အန္တရာယ်များပါသည်)
အကယ်၍
လေထန်သောတောင်ကုန်းတွင် နေရာယူမည်ဆိုပါက Around 15' ခွာထားပြီး အနီးနားတွင်....ပေါက်ကွဲစေတက်၍.မီးစွဲစေမည့် Gears များအားဝေးဝေးထားပါ
(ဥပမာ Gas ဗူး pouch အိတ်များ)
မိမိ၏ Tent ဝင်ပေါက်သည် မီးပုံကို မျက်နှာမူထားရပါမည်။ ( မီးတောက်အားကို အလွယ်တစ်ကူ စစ်ဆေးနိုင်ရန်)

23. တန်ဖိုးကြီးလက်ဝတ်ရတနာများ မဝတ်ဆင်သွားရ။
ပျောက်ဆုံးတက်သည်။

24. မိမိစခန်းချမည့်နေရာတွင် အဆိပ်ရှိအကောင်များ အသိုက်ရှိမရှိ လေ့လာပါ။ ပျားအုံ ဗဒူအုံနှင့် မြွေတွင်းများရှိမရှိလေ့လာပါ။ ရှိနေပါက အိမ်ရှင်အားမည်သည့်နည်းနှင့်မျှ မောင်းထုတ်ဖို့မကြိုးစားပဲ မိမိစခန်းအားထပ်မံရွှေ့ပြောင်းရှာဖွေပါ။ ဝေးနိုင်သမျှဝေးဝေးတွင်နေရာယူပါရန်။

25. Group camping trip မှာ စုဖွဲ့၍ ခရီးထွက်ကြသည့်အခါ မိမိတို့၏ ခရီးစဥ်အကြောင်းအရာများသာ ပစ်မှတ်ထား Sharing ပြုလုပ်ဆွေးနွေး၍ Camping ခရီးစဥ်အားပိုမိုပီပြင်အောင် Camping အနှစ်သာရကို ပီပီပြင်ပြင်ခံစားစေပါရန်။
မယောင်ရာဆီလူးဆိုသလို
မြို့ပေါ်မှ သောကများ
မိမိပတ်ဝန်းကျင်မှ သောကများ
ဘာသာရေးအကြောင်းအရာများ
နိုင်ငံရေးအကြောင်းအရာများ ဆွေးနွေးပြောဆိုခြင်း
ငြင်းခုံခြင်းဖြင့် မိမိနှင့်သူတပါးတို့၏ ခရီးစဥ်အတွင်း
သာယာမှု့များအား မပျက်စီးစေပါရန် အထူးသတိချပ်ပါ။
🎯တောတောင်ရေမြေသဘာဝထဲကိုလာပြီး
တောတောင်ရေမြေသဘာဝကို လစ်လျူရှု့ခြင်းသည်
Camping ဝါသနာရှင်တစ်ဦး၏ ခံယူချက်နှင့် Target လုံးဝလုံးဝ မဟုတ်ပေ။ ခေါင်းစဥ်မပျောက်ပါစေနှင့်။

26. မိမိကိုယ်မိမိ Camping ဝါသနာရှင်ဟုခံယူပြီးလျှင်

Camping ဝါသနာရှင်တစ်ဦးတွင်ရှိသင့်သည့်
အရေးကြီးသည့် အခြေခံ ခံယူချက်တစ်ခုကတော့

တောတောင်ရေမြေသဘာဝကို ခံစားတက်ခြင်းပင်ဖြစ်ပါသည်။

ကမ္ဘာမြေပြင်ကိုကျောခင်းပြီး ကြယ်တွေကို မော့ကြည့်ပါ။
လူမသိသူမသိ ကြယ်ကြွေနေတာတွေ တွေ့ရလိမ့်မယ်။

မြို့မှာမရနိုင်တဲ့ သန့်ရှင်းပြည့်ဝတဲ့ Oxygen ကိုအဝရှူရှိုက်ပါ။

တောသံလေးတွေနားသောတဆင်ပါ။
ပိုးပုရစ်သံတွေ လေတိုးသံတွေ စမ်းချောင်းရေစီးသံတွေ
ရေတံခွန်ရေကျသံတွေကို ခံစားနားဆင်ပါ

27. တောတိုးသည့်အခါ လက်ရှည်အကျီနှင့် ဘောင်းဘီရှည် ဝတ်ဆင်သင့်ပါသည်။
(ခြင်/ဖြုတ်/ခူယားစသည်တို့အားကာကွယ်ရန်။

28. စမ်းချောင်းအတွင်းသို့ တံထွေးထွေးခြင်း နှပ်ညှစ်ချခြင်း အပေါ့အလေးသွားခြင်း လုံးဝလုံးဝ မပြုလုပ်ရ။

29. တောင်စောင်း သို့မဟုတ် ချောက်ကမ်းပါးနားတွင် လေးလံသော Backpack လွယ်ပိုးလျှက် မက်တပ်ရပ်ခြင်း
ထိုင်ရန်ကြံစည်ပြင်ဆင်ခြင်း လုံးဝမပြုရ။
( ကျောပိုးအလေးချိန်မှ မိမိအားတောင်အောက်လို့ အခန့်မသင့်လျှင် ဆွဲချသွားနိုင်၍ဖြစ်သည်)

⏸ တကူးတက ငွေကုန်ကြေးကျခံပြီး ခရီးဝေးနှင်လာရခြင်းဖြစ်သည်။
အပြည့်အဝခံစားပါ သုံးဆောင်ပါ။
တောတောင်ရေမြေသဘာဝထဲကိုလာပြီး
တောတောင်ရေမြေသဘာဝကို လစ်လျူရှု့ခြင်းသည် Camping ဝါသနာရှင်တစ်ဦး၏ ခံယူချက်နှင့် Target လုံးဝလုံးဝ မဟုတ်ပေ။

#မြိတ်
#မြိတ်ကျွန်းစု
#မြိတ်မြို့
#မြိတ်သမိုင်း
#မြိတ်ရာဇဝင်
#မြိတ်ခရီးစဉ်
#မြိတ်ပုလဲ
#တောတွင်းညအိပ်ခရီးစဉ်
#တောင်ပေါ်ညအိပ်ခရီးစဉ်
#တောင်တက်ခရီးစဉ်

16/01/2026

တနင်္သာရီ(မြိတ်)လူမျိုးတို့၏ ယဥ်ကျေးမှုအမွေအနှစ် "ဗူးဘုရား"

ရွှမ်းသိင်္ဃ(တနင်္သာရီ)၏ ပို့စ်အား ပြန်လည်ကူးယူဖော်ပြခြင်းဖြစ်ပါသည်

တနင်္သာရီ(မြိတ်)ဒေသအတွင်း ပုဂံခေတ်နှင့် ခေတ်ပြိုင် Tanintharyi (Myeik) Cultural Landmarkတစ်ခုကို ပြပါဆိုရင်- မြိတ်မြို့ရဲ့ အနောက်ဘက် ကမ်းနားလမ်းအနီး၊ တောင်ကုန်းမြင့်ပေါ်မှာ တည်ရှိတဲ့ "ဗူးဘုရား"ကိုပဲ ညွှန်းဆိုပါတယ်။ မြိတ်မြို့တလိုင်းစုရပ် ဝတ်တိုက်ကျောင်းပုရဝဏ်တွင် တည်ရှိပါတယ်။ လေးကျွန်းဆီမီး သိမ်တော်ကြီးကို ရောက်ရင် အရှေ့သို့ မိနစ်အနည်းငယ် လှမ်းလိုက်တာနှင့် ဗူးဘုရားသို့ ရောက်ပါတယ်။ ရှေးဟောင်းယဥ်ကျေးမှုလက်ရာများနှင့်အတူ လှပတဲ့ မြိတ်မြို့ရဲ့ ပင်လယ်ရှုခင်းအလှကို အပြည့်အဝ ကြည့်ရှုနိုင်သော အလှတစ်နေရာလည်း ဖြစ်ပါတယ်။ မြိတ်မြို့မှာရှိတဲ့ ဗူးဘုရား (ဒေသအခေါ် ဗူးဘုရားတောင်)ဟာ မြိတ်မြို့ရဲ့ ထင်ရှားတဲ့ သမိုင်းဝင်နေရာတစ်ခု ဖြစ်ပါတယ်။

ရှေးအခါက မြိတ်မြို့သည် တနင်္သာရီမင်းနေပြည်တော်၏ အပြင်ဘက်ခံတပ် (Outpost) နှင့် ဆိပ်ကမ်းမြို့ ဖြစ်ခဲ့ပါတယ်။ သန္တုတ် ဆိပ်ကမ်းမြို့ဟောင်း ရေတိမ်လာသည့်အချိန်တွင် ၇၃၅ခုနှစ်မှာ တနင်္သာရီလူမျိုးဘုရင် ဘာဟီကရာဇာမင်းမှ ယခု မြိတ်မြို့ဟောင်းကို တနင်္သာရီမြို့သစ်အဖြစ် တည်ထောင်ခဲ့ပါတယ်။

အထူးသဖြင့် မြိတ်မြို့ကို ကုန်းဘောင်ခေတ်မှာ မြန်မာမင်းတို့ ပြန်လည်သိမ်းပိုက်ပြီးနောက်ပိုင်း ဘုရားစေတီတွေကို ပြန်လည်မွမ်းမံခဲ့ကြပါတယ်။
သမိုင်း အထောက်အထားအရ- မြန်မာသက္ကရာဇ် ၁၁၈၁ ခုနှစ်တွင် ဦးမြတ်လေးက မြိတ်မြို့၏ ၂၃ ဦးမြောက် မြို့ဝန်ဖြစ်လာတဲ့အချိန်_ မြို့ဝန်ဦးမြတ်လေးသည် ကျောင်းတော်ရာကုန်း (ဘုန်းကြီးကျောင်းတောင်) ပေါ်တွင် ငါးဆူရှင်စေတီ၊ ဘုရားကြီး နှင့် ဗူးဘုရားတို့ကို တည်ထားကိုးကွယ်ခဲ့သည်။ ၎င်းတည်ဆောက်ခဲ့သော တံတားတစ်စင်းအား တည်ဆောက်စဉ်အတွင်း ဝက်ခေါင်းတစ်လုံးကို အသုံးပြုခဲ့ခြင်းကြောင့် "ဝက်ခေါင်းတံတား" ဟု အမည်မှည့်ခေါ်ခဲ့ကြသည်။ မြို့ဝန်ဖြစ်လာသည့်အချိန် မြို့အင်္ဂါရပ်နှင့် ညီအောင် တည်ဆောက်ပြုပြင် မွမ်းမံခြင်း အထောက်အထားဖြစ်သည်။

ဘာကြောင့် "ဗူးဘုရား" လို့ ခေါ်တာလဲဆိုတဲ့ အချက်ကို ရှင်းရလျှင်- ပုဂံမြို့မှာရှိတဲ့ ဗူးဘုရားလိုပဲ ဗူးသီးပုံသဏ္ဍာန် (သပိတ်မှောက်ပုံ) တည်ထားတာကြောင့် ဗူးဘုရားလို့ ခေါ်ဝေါ်ကြတာပါ။ ဒီပုံစံဟာ ရှေးဦးပုဂံခေတ် ဗိသုကာလက်ရာတွေမှာ တွေ့ရတတ်တဲ့ ပုံစံမျိုး ဖြစ်ပါတယ်။
ထို့အပြင် မြိတ်မြို့ ဗူးဘုရားတောင်ပေါ်ရှိ သမုတ်သိမ်တော်များ နှင့် တနင်္သာရီမင်းနေပြည်တော် ဆက်နွယ်မှုမှာ အလွန်စိတ်ဝင်စားဖို့ကောင်းတဲ့ သမိုင်းအချက်အလက်တစ်ခု ဖြစ်ပါတယ်။ ဒီသိမ်တော်တွေဟာ သာမန်ဘာသာရေး အဆောက်အအုံတွေတင်မဟုတ်ဘဲ နိုင်ငံရေးနဲ့ စစ်ရေးဗျူဟာအရပါ အရေးပါခဲ့တာကို တွေ့ရပါတယ်။

#တနင်္သာရီနန်းစိုက်ရာသို့ မျက်နှာမူခြင်း၏ အဓိပ္ပာယ်
ဗူးဘုရားတောင်ပေါ်ရှိ သမုတ်သိမ်တော်များသည် အရှေ့ဘက် (သို့မဟုတ်) တနင်္သာရီနန်းမြို့ဟောင်း ရှိရာဘက်သို့ မျက်နှာမူထားပါတယ်။

#ဗျူဟာမြောက်တည်နေရာဖြစ်ခြင်း

ရှေးဘုရင်များသည် နန်းစိုက်ရာမြို့တော် ဘေးအန္တရာယ်ကင်းဝေးစေရန်နှင့် ဘုန်းတန်ခိုး တိုးတက်စေရန်အတွက် မြို့၏ အရပ်မျက်နှာအသီးသီးရှိ မြင့်မားသော တောင်ကုန်းများပေါ်တွင် သိမ်တော်များ သမုတ်ပြီး အဓိဋ္ဌာန်ပြုလေ့ရှိကြပါတယ်။

#သမုတ်သိမ်များ၏ သမိုင်းကြောင်း
ဒီသိမ်တော်တွေကို တနင်္သာရီဒေသကို အုပ်ချုပ်ခဲ့တဲ့ တနင်္သာရီမင်းဆက်များ က တည်ထားခဲ့တာဖြစ်ပါတယ်။

သိမ်တော်ဆိုသည်မှာ ရဟန်းသံဃာတော်များ ဝိနည်းကံပြုရာ (ဥပမာ - ရဟန်းခံခြင်း) နေရာဖြစ်သလို၊ ရှေးဘုရင်များက တိုင်းပြည်တည်ငြိမ်အေးချမ်းစေရန် "အောင်မြေ" အဖြစ် သတ်မှတ်ပြီး သိမ်သမုတ်ခဲ့ကြပါတယ်။

ထိုခေတ်က တနင်္သာရီမင်းများသည် ကိုယ်ပိုင်အုပ်ချုပ်ရေး အားကောင်းခဲ့ပြီး ပုဂံ၊ ဟံသာဝတီ နှင့် ယိုးဒယား (အယုဒ္ဓယ) တို့အကြား ဟန်ချက်ညီအောင် ထိန်းကျောင်းခဲ့သူများ ဖြစ်ပါတယ်။

#ဗူးဘုရားတောင်ပေါ်ရှိ သိမ်တော်များ၏ ထူးခြားချက်
ဗူးဘုရားတောင်သည် မြိတ်မြို့၏ အမြင့်ဆုံးနေရာများထဲတွင် ပါဝင်သောကြောင့် ရန်သူလာရာ ပင်လယ်လမ်းကြောင်းကိုလည်း ကြည့်ရှုနိုင်သလို၊ မြို့တော်ရှိရာ ကုန်းတွင်းပိုင်းဘက်ကိုလည်း ကာကွယ်စောင့်ရှောက်သည့် သဘောဆောင်ပါတယ်။

နန်းဦးသိမ်သဘောမျိုးဆောင်ခြင်းဖြစ်ပြီး တနင်္သာရီမင်းများ မြိတ်သို့ ဆင်းလာသည့်အခါ (သို့မဟုတ်) နိုင်ငံခြားသံတမန်များကို လက်ခံတွေ့ဆုံသည့်အခါ ဤနေရာတွင် ဘာသာရေးအမှုကိစ္စများ ဆောင်ရွက်လေ့ရှိပါတယ်။

#ဘာကြောင့် သမုတ်သိမ်လို့ ခေါ်တာလဲ

"သမုတ်" ဆိုသည်မှာ ဝိနည်းကံနှင့်အညီ သတ်မှတ်ခြင်း (Consecration) ကို ဆိုလိုတာပါ။ ဗူးဘုရားတောင်ပေါ်က သိမ်တွေဟာ ရှေးဟောင်းစေတီများ၊ သိမ်သမုတ်ရာတွင် သုံးသည့် အုတ်ချပ်ဟောင်းများနှင့် ရှေးဟောင်းလက်ရာများ ကြွင်းကျန်နေဆဲဖြစ်လို့ သမိုင်းတန်ဖိုး အလွန်ကြီးမားပါတယ်။

ယနေ့ခေတ်မှာ ဗူးဘုရားတောင်ပေါ်ကို ရောက်ရင် အဆိုပါ ရှေးဟောင်းသိမ်တော်နေရာတွေကို ဘုန်းကြီးကျောင်းဝင်းအတွင်းမှာ တွေ့နိုင်ပါတယ်။ အထူးသဖြင့် တနင်္သာရီဘုရင် နှင့် ဆက်နွယ်နေတဲ့ ဒဏ္ဍာရီတွေလည်း အများအပြား ရှိပါတယ်။ (နဂါးနှင့် ဘီလူး စသော ယဥ်ကျေးမှု ရာဇဝင်အမှတ်အသားများကို အများကြီး တွေ့ရှိ လေ့လာနိုင်ပါတယ်)

အနှစ်ချုပ်အနေနဲ့ဖြင့်ပြောရရင်- ဗူးဘုရားဟာ ပုဂံခေတ် ကတည်းက အခြေတည်ခဲ့ပြီး တနင်္သာရီ(မြိတ်)လူမျိုးများမှ ခေတ်အဆက်ဆက် ပြုပြင်မွမ်းမံလာခဲ့တဲ့ ရှေးဟောင်းသမိုင်းဝင် စေတီဖြစ်ပါတယ်။
မြိတ်ကျွန်းစုဘက်ကို မျက်နှာမူထားတဲ့ တောင်ကုန်းပေါ်မှာ ရှိတာကြောင့် ဘုရားရင်ပြင်ကနေ ကြည့်ရင် မြိတ်ပင်လယ်ပြင်နဲ့ ကျွန်းစုအလှအပတွေကို အထူးတလည် မြင်တွေ့နိုင်ပါတယ်။

ဗူးသီးပုံစံ စေတီတော်ဖြစ်ပြီး ဉာဏ်တော် သိပ်မမြင့်လှပေမယ့် ရှေးဟောင်းလက်ရာတွေနဲ့ ကြည်ညိုဖွယ် ကောင်းပါတယ်။
ခရီးသွားတွေနဲ့ ဒေသခံတွေအတွက် ညနေခင်း နေဝင်ချိန်ကြည့်ဖို့ အကောင်းဆုံးနေရာတစ်ခုအဖြစ် လူသိများပါတယ်။
(ဗူးဘုရားအကြောင်းကို ပြောပြပေးဖို့ လာပြောထားတဲ့ စာဖတ်သူများအတွက် ကျနော် မှတ်သားသိရှိထားသော အကြောင်းအရာများကိုသာ အခြေခံပြီး ရေးသားထားသည်ဖြစ်ပြီး ဒီထက်ပိုသောအချက်အလက်များ၊ အမှတ်အသား မှတ်တမ်း အထောက်အထားများကို ဝေဖန် အကြံပြု ထောက်ပြရင်း တနင်္သာရီ(မြိတ်)လူမျိုးတို့၏ ယဥ်ကျေးမှုအမွေအနှစ်အဖြစ် သိရှိ ဂုဏ်ယူနိုင်ပါစေခင်ဗျား။)

ရွှမ်းသိင်္ဃ(တနင်္သာရီ)
(၁၁-၁-၂၀၂၆)
Credit - Post and Photo
ရွှမ်းသိင်္ဃ(တနင်္သာရီ)

#မြိတ်
#မြိတ်သမိုင်း
#မြိတ်မြို့
#မြိတ်ခရီးစဉ်
#မြိတ်ကျွန်းစု

#ဗူးဘုရား(မြိတ်)

11/01/2026

🌊 ကမ်းခြေသွားရင် ဒါတွေ "ဆောင်" ပါ (Dos)
* သဘာဝပတ်ဝန်းကျင်ကို ချစ်မြတ်နိုးပါ: ကိုယ်ယူလာတဲ့ အမှိုက်တွေကို စနစ်တကျ ပြန်သိမ်းပါ။ ဖြစ်နိုင်ရင် အမှိုက်အိတ်အပို တစ်လုံးဆောင်သွားပါ။
* Sunscreen လိမ်းပါ: ဒါပေမဲ့ ပင်လယ်ပြင်နဲ့ သန္တာကျောက်တန်းတွေကို အန္တရာယ်မပေးတဲ့ Reef-safe Sunscreen မျိုးကို ရွေးချယ်ပေးပါ။
* Hydration ကို ဂရုစိုက်ပါ: နေပူထဲမှာ ရေဓာတ်ခန်းခြောက်လွယ်လို့ ရေသန့်ဘူး အမြဲဆောင်ထားပါ။
* ဒေသခံတွေရဲ့ ယဉ်ကျေးမှုကို လေးစားပါ: ရွာတွေထဲ သွားလာတဲ့အခါမှာ သင့်တော်တဲ့ ဝတ်စားဆင်ယင်မှုမျိုး ရှိပါစေ။
🚫 ကမ်းခြေသွားရင် ဒါတွေ "ရှောင်" ပါ (Don'ts)
* ခရုခွံနဲ့ သန္တာကျောက်တန်းတွေ မကောက်ပါနဲ့: ဒါတွေဟာ ကမ်းခြေရဲ့ ဂေဟစနစ်အတွက် အရေးကြီးပါတယ်။ အမှတ်တရဆိုပြီး အိမ်ကို မသယ်သွားပါနဲ့။
* ပင်လယ်သတ္တဝါတွေကို မနှောင့်ယှက်ပါနဲ့: ငါးစာကျွေးတာ၊ ခရုပတ်၊ ကြယ်ငါးတွေကို ကိုင်တွယ်တာမျိုးဟာ သူတို့ရဲ့ သဘာဝကို ပျက်စီးစေပါတယ်။
* အန္တရာယ်ရှိတဲ့ နေရာတွေမှာ ရေမကူးပါနဲ့: အလံနီပြထားတဲ့ နေရာတွေနဲ့ ကျောက်ဆောင်ထူထပ်တဲ့ နေရာတွေကို ရှောင်ပါ။
* ပလတ်စတစ် အလွန်အကျွံ မသုံးပါနဲ့: တစ်ခါသုံး ပလတ်စတစ်တွေဟာ ပင်လယ်လိပ်နဲ့ ငါးတွေအတွက် ငရဲခန်းပါပဲ။

အရေးကြီးသတိပေးချက်: ကျွန်ုပ်တို့ရဲ့ လှပတဲ့ ကမ်းခြေတွေ နောင်နှစ်ပေါင်းများစွာအထိ တည်ရှိနေဖို့ဆိုတာ ခရီးသွားတဲ့ ကျွန်တော်တို့အားလုံးအပေါ်မှာ အများကြီး မူတည်နေပါတယ်။

💬 ဒါလေး ဖြေပေးခဲ့ပါဦး!
သင် နောက်ဆုံးသွားခဲ့တဲ့ ကမ်းခြေ (သို့) ကျွန်းခရီးစဉ်က ဘယ်နေရာလဲ? ပြီးတော့ အဲဒီခရီးစဉ်မှာ သင့်အတွက် အမှတ်တရအဖြစ်ဆုံး အခိုက်အတန့်လေးကို Comment မှာ မျှဝေပေးခဲ့ပါဦး။ 👇

#မြိတ်မြို့
#မြိတ်ခရီးစဉ်
#မြိတ်ကျွန်းစု
#မြိတ်

10/01/2026

🤿 Snorkeling သွားတဲ့အခါ ဒါတွေ သေချာပေါက် "ဆောင်" ပါ
* Mask နဲ့ Snorkel ကို အစမ်းတပ်ကြည့်ပါ: ရေထဲရောက်မှ ရေဝင်တာ၊ ကျပ်တာမျိုး မဖြစ်ရအောင် လှေပေါ်မှာတင် အံဝင်ခွင်ကျ ဖြစ်မဖြစ် အရင်စစ်ဆေးပါ။
* အသက်ကယ်အင်္ကျီ (Life Jacket) အမြဲဝတ်ပါ: ရေကူးကျွမ်းကျင်သူဖြစ်ပါစေ၊ ပင်လယ်ရေစီးကြောင်းက ခန့်မှန်းရခက်တာမို့ ဘေးကင်းဖို့အတွက် အမြဲဝတ်ထားသင့်ပါတယ်။
* Reef-Safe Sunscreen သုံးပါ: သာမန်နေလောင်ကာခရမ်တွေမှာပါတဲ့ ဓာတုဗေဒပစ္စည်းတွေက သန္တာကျောက်တန်းတွေကို သေစေနိုင်ပါတယ်။ "Coral Friendly" ဖြစ်တာကိုပဲ ရွေးသုံးပါ။
* အဖော်နဲ့အတူ ကူးပါ: တစ်ယောက်တည်း ခွဲမထွက်ပါနဲ့။ တစ်ခုခုဖြစ်ရင် အကူအညီပေးနိုင်ဖို့ Buddy System ကို ကျင့်သုံးပါ။
❌ Snorkeling သွားတဲ့အခါ ဒါတွေ လုံးဝ "မလုပ်ပါနဲ့"
* သန္တာကျောက်တန်းတွေကို ခြေထောက်နဲ့ မနင်းပါနဲ့: သန္တာကျောက်ဆိုတာ အပင်မဟုတ်ဘဲ သက်ရှိသတ္တဝါလေးတွေပါ။ နင်းမိရင် သူတို့သေသွားနိုင်သလို သင့်ခြေထောက်လည်း ရှနာနိုင်ပါတယ်။
* ငါးစာ မကျွေးပါနဲ့: ငါးတွေကို လူတွေစားတဲ့ အစားအစာကျွေးတာဟာ သူတို့ရဲ့ အစာခြေစနစ်နဲ့ သဘာဝဂေဟစနစ်ကို ပျက်စီးစေပါတယ်။
* ပင်လယ်သတ္တဝါတွေကို လက်နဲ့မကိုင်ပါနဲ့: လှပတဲ့ ခရုပတ်တွေ၊ ကြယ်ငါးတွေနဲ့ ငါးလေးတွေကို အဝေးကပဲ ကြည့်ပါ။ သူတို့မှာ ကိုယ့်ကို အန္တရာယ်ပေးနိုင်တဲ့ အဆိပ်အတောက် ဒါမှမဟုတ် ဆူးတွေ ပါနိုင်ပါတယ်။
* အမှိုက်မပစ်ပါနဲ့: ရေထဲကို ပလတ်စတစ်နဲ့ စွန့်ပစ်ပစ္စည်းတွေ ကျမသွားပါစေနဲ့။

Pro Tip: ရေအောက်ထဲမှာ အသက်ရှူတဲ့အခါ ပါးစပ်နဲ့ပဲ မှန်မှန်အသက်ရှူပါ။ နှာခေါင်းနဲ့ ရှူမိရင် မျက်မှန်ထဲ ရေဝင်လာတတ်ပါတယ်။

💬 "Snorkeling လုပ်ရင်း သင်အကြောက်ဆုံးက ဘာလဲ?"
၁။ ရေမကူးတတ်မှာ ကြောက်တာ ၂။ ငါးမန်းနဲ့ တိုးမှာ ကြောက်တာ ၃။ ရေအောက်က သတ္တဝါထူးထူးဆန်းဆန်းတွေနဲ့ တိုးမှာ ကြောက်တာ
ဘယ်အချက်က သင့်ကို အစိုးရိမ်ဆုံးဖြစ်စေလဲဆိုတာ Comment မှာ ရေးခဲ့ပါဦး! တခြားသူတွေအတွက်လည်း ဗဟုသုတဖြစ်အောင် ဒီ Post လေးကို Share ပေးဖို့ မမေ့နဲ့နော်။ 🌊🐠

#မြိတ်မြို့
#မြိတ်ခရီးစဉ်
#မြိတ်ကျွန်းစု
#မြိတ်

Address

Thae Kwin (4)Street, Thar Kay Ta Quarter
Myeik

Telephone

+959768042777

Website

facebook.com

Alerts

Be the first to know and let us send you an email when Myeik Seaside Travels & Tours posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Myeik Seaside Travels & Tours:

Want your business to be the top-listed Travel Agency in Myeik?