25/01/2025
ပြည်သူ့စစ်မှုထမ်းရန် မြို့နယ်အဖွဲ့မှ
"အမိန့်စာရရှိသူ "သည်
ဗဟိုအဖွဲ့၏ခွင့်ပြုချက်မရဘဲ
ပြည်ပနိုင်ငံများသို့ ထွက်ခွာခွင့်မရှိသည့်အချက်
ပါဝင်သော ပြည်သူ့စစ်မှုထမ်းနည်းဥပဒေပြဋ္ဌာန်း
ပြည်သူ့စစ်မှုထမ်းရန် မြို့နယ်အဖွဲ့မှ
"အမိန့်စာရရှိသူ"သည်
ဗဟိုအဖွဲ့၏ "ခွင့်ပြုချက်မရဘဲ "
ပြည်ပနိုင်ငံများသို့ ထွက်ခွာခွင့်မရှိသည့်အချက်ပါဝင်သော ပြည်သူ့စစ်မှုထမ်းနည်းဥပဒေကို ဇန်နဝါရီ ၂၃ ရက်တွင် ကာကွယ်ရေးဝန်ကြီးဌာနက ထုတ်ပြန်သည်။
အဆိုပါ နည်းဥပဒေတွင်
အခန်း(၁၀)ခန်း၊ နည်းဥပဒေ အပိုဒ်ပေါင်း (၅၉) ပိုဒ်၊ နောက်ဆက်တွဲပုံစံ (၁၂)ခုဖြင့် ဖော်ပြ ထားပြီး
အခန်း(၁)တွင် အမည်နှင့်အဓိပ္ပာယ်ဖွင့်ဆိုချက်များ၊
အခန်း(၂)တွင် ပြည်သူ့စစ်မှုထမ်းရန် အသက်နှင့် ကာလတွက် ချက်ခြင်း၊
အခန်း(၃)တွင် ပြည်သူ့စစ်မှုထမ်းဆင့်ခေါ်ရေးအဖွဲ့အဆင့်ဆင့်ဖွဲ့စည်းခြင်းနှင့်လုပ်ငန်းတာဝန်များ၊
အခန်း(၄)တွင် စာရင်းပြုစုခြင်းနှင့်မှတ်ပုံတင်ခြင်း၊
အခန်း(၅)တွင်ဆေးစစ်ခြင်း နှင့် စစ်မှုထမ်းခြင်းမှကင်းလွတ်ခွင့်ပြုရန်ဖြစ်စေ၊ စစ်မှုထမ်းရ မည့် ကာလအပိုင်းအခြားကိုလျှော့ပေါ့ပေးရန်ဖြစ်စေ၊ သီးခြား ဖော်ပြထားသော ကာလအပိုင်းအခြားအထိ ရွှေ့ဆိုင်းရန်ဖြစ်စေ လျှောက်ထားခြင်း၊
အခန်း(၆)တွင် အမိန့်စာဆင့်ခေါ်ခြင်း
၊အခန်း (၇)တွင် ဆေးစစ်ဆေးရေးဘုတ်အဖွဲ့များ ဖွဲ့စည်းခြင်းနှင့် လုပ်ငန်း တာဝန်များ၊
အခန်း(၈)တွင် ပြည်သူ့စစ်မှုထမ်းတို့၏ ခံစားခွင့် များ၊
အခန်း(၉)တွင်စစ်စည်းရုံးခြင်း၊ အခန်း(၁၀)တွင်အထွေထွေတို့ပါရှိသည်။
ပြည်သူ့စစ်မှုထမ်းတာဝန်ထမ်းဆောင်သူများ၏စာရင်းကို
ရပ်ကွက်/ကျေးရွာအုပ်စု အုပ်ချုပ်ရေးမှူးက ပြုစု၍ မြို့နယ်အဖွဲ့သို့ ပေးပို့မည်ဖြစ်ပြီး
မြို့နယ်အဖွဲ့က စစ်မှုထမ်းရန် အသက်အရွယ်ရောက်သူများစာရင်းတွင် ပါဝင်သူများကို မှတ်ပုံတင်ရန်ဆင့်ခေါ်စာမည်ဖြစ်ကြောင်း သိရသည်။
ထို့နောက် မြို့နယ်အဖွဲ့က
တိုင်းဒေသကြီး သို့မဟုတ် ပြည်နယ်အဖွဲ့မှတစ်ဆင့် ဗဟိုအဖွဲ့သို့
ပြည်သူ့စစ်မှုထမ်းရန်ပါ၀င်သူစာရင်းအား ပေးပို့မည်ဖြစ်ပြီး ဗဟိုအဖွဲ့သည်
ဆေးစစ်ဆေးရန် ဆင့်ခေါ်ရမည့်သူအရေအတွက်ကို သတ်မှတ်၍
မြို့နယ်အဖွဲ့သို့ စာရင်းပြန်လည်ပေးပို့မည်ဖြစ်ကြောင်း သိရသည်။
ပြည်သူ့စစ်မှုထမ်းရန် ဆေးစစ်အောင်မြင်ပြီးသူသည် ပြည်သူ့စစ်မှုထမ်းခြင်းမှ
ကင်းလွတ်ခွင့်ပြုရန်ဖြစ်စေ၊ ပြည်သူ့စစ်မှုထမ်းရမည့် ကာလအပိုင်းအခြားကို လျှော့ပေါ့ပေးရန်ဖြစ်စေ၊
သီးခြားဖော်ပြထား သည့် ကာလအပိုင်းအခြားတစ်ခုအထိ ရွှေ့ဆိုင်းရန်ဖြစ်စေ လျှောက်ထားခဲ့ပါက
ယင်းလျှောက် ထားမှုအပေါ်
ဗဟိုအဖွဲ့ထံမှ ခွင့်ပြုမိန့်မရမီ
ပြည်ပနိုင်ငံများသို့ ထွက်ခွာခွင့်မရှိစေရကြောင်းနှင့်
ပြည်သူ့စစ်မှုထမ်းရန် မြို့နယ်အဖွဲ့မှ အမိန့်စာရရှိသူသည် ဗဟိုအဖွဲ့၏ ခွင့်ပြုချက်မရရှိဘဲ ပြည်ပနိုင်ငံများသို့ ထွက်ခွာခွင့်
မရှိစေရကြောင်း နည်းဥပဒေတွင် ဖော်ပြထားသည်။
Eleven Media Group
