What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00

https://www.facebook.com/345753279328032/

Royal Three Stars Co.,Ltd., No. 709 A , Kant Kaw Street, 41th Ward, North Dagon Township, Yangon (2026)

25/03/2024

#မေး။

Company တခုထောင်ထားပီးဆိုလုပ်ငန်းမလုပ်ရသေးလဲအခွန်ရှင်းဖို့လိုလားရှင်
အခွန်ရှင်းရမယ်ဆိုရင် လုပ်ဆောင်ရမယ့်အဆင့်လေးတွေပြောပြပေးပါနော်။

#ဖြေ။

ကုမ္ပဏီတစ်ခုတည်ထောင်ပြီးနောက်လုပ်ငန်းမလုပ်ရသေးသော်လည်းအခွန်ကိစ္စရပ်များကိုဥပဒေနှင့်အညီလိုက်နာဆောင်ရွက်ရန်လိုအပ်ပါသည်၊

ပထမဦးစွာ၂၀၁၇ကုမ္ပဏီဥပဒေအရကုမ္ပဏီတည်ထောင်ပြီးရက်ပေါင်း၉၀အတွင်းအခွန်ထမ်းအဖြစ်မှတ်ပုံတင်ခြင်းအားOnline မှဆောင်ရွက်ရပါမည်၊
Online မှမှတ်ပုံတင်ခြင်းနှင့်ပတ်သက်ပြီးအခွန်ထမ်းဝန်ဆောင်မှုဗဟိုအဖွဲ့ရုံးအနေဖြင့်တင်ပြလာသည့်အချက်အလက်များပြည့်စုံမှန်ကန်မှုရှိမရှိစိစစ်ပြီးပြည့်စုံမှန်ကန်ပါက၃ရက်အတွင်းအခွန်ထမ်းမှတ်ပုံတင်လက်မှတ်ကိုe mailဖြင့်ပြန်လည်ပေးပို့ပေးမှာဖြစ်ပါတယ်၊

e mailမှပေးပို့သည့်အခွန်ထမ်းမှတ်ပုံတင်လက်မှတ်ပါအခွန်ရုံးသို့အခွန်ထမ်းကုမ္ပဏီအနေဖြင့်ဆက်သွယ်ဆောင်ရွက်ရမှာဖြစ်ပါတယ်၊

အခွန်ရုံးနှင့်ဆက်သွယ်ဆောင်ရွက်ပြီးပါက
ဆက်လက်ပြီးextract formပါအစုရှယ်ယာရှင်များထည့်ဝင်ထားသည့်အစုရှယ်ယာများအား
ဆိုင်ရာအစုရှယ်ယာရှင်နေထိုင်သည့်မြို့နယ်အခွန်ရုံးများတွင်ဝင်ငွေရလမ်းစိစစ်မှုခံယူရမှာဖြစ်ပါတယ်၊

အစုရှယ်ယာများအားဝင်ငွေရလမ်းစိစစ်မြှခံယူပြီးပါကကုမ္ပဏီ၏ထည့်ဝင်ငွေPaid up Capital သည်မည်သည့်လုပ်ငန်းကိုမဆိုလုပ်ကိုင်ဆောင်ရွက်နိုင်သည့်အနေအထားသို့ရောက်ရှိသွားပြီဖြစ်ပါတယ်၊

အလုပ်လုပ်သည်ဖြစ်စေ၊မလုပ်သည်ဖြစ်စေနှစ်စဉ်ဧပြီလ၁ရက်နေ့မှဇွန်လကုန်အတွင်းကြေညာလွှာတင်သွင်းရမှာဖြစ်ပြီး

အခွန်ရုံးများမှအခွန်ထမ်းကုမ္ပဏီတင်ပြထားသည့်ကြေညာလွှာအပေါ်အခြေပြုပြီးအခွန်စည်းကြပ်မှုဆောင်ရွက်ပေးမှာဖြစ်ပါတယ်၊

လုပ်ငန်းမလုပ်ထားပါကအခွန်မကျနိုင်ပါ၊
သို့သော်ရက်ပေါင်း၉၀အတွင်းအခွန်ထမ်းအဖြစ်မှတ်ပုံမတင်ထားခြင်း၊
သတ်မှတ်အချိန်တွင်ကြေညာလွှာမတင်
သွင်းခြင်းများရှိခဲ့ပါကဒဏ်ငွေများကျသင့်နိုင်ပါကြောင်းဖြေကြားအပ်ပါတယ်ခင်ဗျား။

#ကချင်လေးအွန်ဂျူး

14/01/2024

လုပ်ငန်းတစ်ခု ဟာ လုပ်ငန်း ချဲ့ထွင်ချင်တဲ့ အခါ အရင်းအနှီးထပ်မံ ရင်းနှီးထည့်၀င်ဖို့အတွက် သူ့ဆီမှာ ရွေးချယ်စရာ နည်း ၃ နည်း ရှိတယ်။ အဲဒါတွေ က လုပ်ငန်း ရဲ့ Dividends လို့ ခေါ်တဲ့အမြတ်ငွေခွဲဝေ တဲ့ အချိန်တုန်း က မခွဲဝေပဲ ချန်ခဲ့ ပြီး အဲဒီငွေနဲ့တိုးချဲ့တာ။ ဒါမှမဟုတ် Share ထပ်ခေါ်တာ။ ဒါမှမဟုတ် ငွေချေးတာ အစရှိသဖြင့် နည်း ၃နည်းနဲ့ Financing လုပ်ကြတယ်။

အဲဒီအထဲ က မှ အပြင်က နေ ပြီး ငွေချေးယူပြီး လုပ်ငန်းကို တိုးချဲ့ တဲ့အခါ ချေးငွေအပေါ်အတိုး ပေးရ တယ်။ အကြမ်းအားဖြင့် ပြောရရင် တိုးချဲ့တဲ့ လုပ်ငန်း က ရတဲ့ အသားတင်အမြတ်ဟာ အတိုးထက် များရင် လုပ်ငန်း တိုးချဲ့တာဟာမှန်တယ်။ ဒါပေမယ့် အသားတင်အမြတ်ဟာ အတိုးထက် နည်းရင် လုပ်ငန်းတိုးချဲ့တာ ဟာ မှားတယ် ပေါ့။ နည်းတယ် များတယ် ဆိုတာ ကာလ ဘယ်လောက်အပေါ်မှာ မူတည်ပြီးတွက်လဲ ဆိုတော့ အနည်းဆုံး တစ်နှစ် တာ ကာလ စုစုပေါင်းအပေါ်မှာ တွက်တယ်။ တစ်နှစ် စုစုပေါင်း အမြတ် နဲ့ တစ်နှစ် စုစုပေါင်း Interest ပေါ့လေ။အဲလို ယှဉ်ကြည့်တာပေါ့။ အဲဒီမှာ အကြွေးယူထားတာ ဟာ Company ရဲ့ Financial System အပေါ်မှာ ဘယ်လောက် အကျိုး သက်ရောမှု ရှိလဲ ဆိုတာ ကို Leverage Ratio တွေ နဲ့ တိုင်းတာတယ်ပေါ့။

Leverage Ratio တွေမှာ ဘာတွေ ပါလဲ ဆိုတော့ Debt Ratio, Equity Ratio, Debt-Equity Ratio နဲ့ Times Interest Earned Ratio ဆိုတာ တွေ ပါတယ်။

အဲဒီအထဲမှာ မှ SME တွေ ဟာ Debt Ratio နဲ့ TIER ကို သေချာ ကြည့်သင့်တယ်။

Debt Ratio ဆိုတာ က
Total Libabilities ကို Total Assets နဲ့စားတာ။ အလွယ်ပြောရရင် တော့ ပေးစရာ ရှိတာ အကုန် ကို လက်ထဲရှိတာ အကုန်နဲ့စား တာ ပဲ။ အဲတော့ ဘာသိရတုန်း ဆိုတော့ ကိုယ့် ပိုင်ဆိုင်မှုရှိသမျှ ထဲမှာ အကြွေးနဲ့ လည်ပတ်နေတာ ဟာ ဘယ်လောက်ရှိသတုန်း ဆိုတာ သိရတယ်။ ထွက်လာတဲ့ အချိုးဟာ နည်းလေ ကောင်းလေ ပဲ။ ဆိုလိုတာ က သိန်း ၃၀၀၀ လုပ်ငန်းတန်ဖိုးရှိတဲ့အလုပ်တစ်ခု ဟာ အကြွေးက သိန်း ၁၅၀၀ ရှိတယ်။ အဲဒါ ဆိုရင် ဘာကို ပြလဲဆိုတော ကို့ငွေ တစ်ရာတိုင်း မှာ အကြွေးက ငါးဆယ် ဖြစ်နေတယ် ဆိုတာ ကို ပြတယ်။ ကောင်းလား ဆိုရင် ကိုယ်ဘယ်လောက် Cash Flow Management နိုင်လဲ ဆိုတဲ့အပေါ်မှာ မူတည်ပြီးကောင်းမကောင်း ကို ပြန်ပြောရမှာပဲ။ Theory အရ က တော့ ၄၀% ထက်ကျော်တာ မကောင်းဘူးလို့ဆိုထားတယ်။ Long Term ကို ရည်ရွယ်တဲ့ Business ဆိုရင် တော့ တစ်ကယ် မကောင်း ဘူး။

မကောင်းဘူးဆိုတာ ဟုတ်ပြီ ဘယ်လောက် မကောင်း သလဲ ဆိုတာ ကြည့်ချင်ရင် TIER လို့ခေါ်တဲ့ Time Interest Earned Ratio ဆိုတာ မှာ သွားကြည့်ရတယ်။ သူက ဘယ်လို တွက်လဲ ဆိုတော့ သီအိုရီအရ ကတော့ အခွန်မဆောင်ခင်အသားတင်အမြတ် ကို ပေးရတဲ့အတိုးပမာဏနဲ့ တာ။ ဒီမှာ ကတော့ အသားတင်အမြတ်ကို ပေးရတဲ့ အတိုး နဲ့စားတာ ပဲ။ သူ ကကျတော့ တစ်မျိုး ထွက်လာ တဲ့ အချိုး ဟာ များလေ ကောင်းလေ ပဲ။ ဆိုလိုတာ က ခုန က လုပ်ငန်းပဲ သိန်း ၃၀၀၀ လုပ်ငန်းတန်ဖိုးရှိတယ် အကြွေးက သိန်း ၁၅၀၀ ရှိတယ်။ အဲသမှာ အကြွေး သိန်း ၁၅၀၀ အတွက်တလ ကို ၃% အတိုးပေးရတယ် ၄၅ သိန်း ပေးနေရတယ်။ ဒါပေမယ့် အဲဒီလုပ်ငန်း ဟာ တစ်လ ကို အသားတင်အမြတ် တစ်လ ကို သိန်း ၁၅၀ လောက်ရတယ် အဲလိုဆိုရင် သိန်း၁၅၀ ကို ၄၅ သိန်း နဲ့စားရင် ၃.၃၃ ရတယ်။ ဆိုလိုတာ က အတိုး ၃% ပေးနေရပေမယ့် အဲဒီအတိုးပေးနေရတဲ့ ပိုက်ဆံ ကို သုံးပြီး အလုပ်လုပ်ရင် အတိုးထက် ၃ ဆ ကျော် ပြန်၀င်နေတယ်။ ဆိုတာ မျိုး။ ကောင်းတယ် ပေါ့၊ ဘယ်လောက်ရာခိုင်နှုန်းဆိုမကောင်းဘူးလဲ ဆိုတော့ Theory အရ ၁.၅ ထက်နည်းရင်မကောင်းဘူးလို့ဆိုတယ်။ လုပ်ငန်းအမျိူးအစား ပေါ်လဲ မူတည်တယ်ပေါ့။

ဒီ Ratio တွေကို ဘာလို့ပြောပြရလဲဆိုရင် ခု Share ခေါ်တဲ့ လုပ်ငန်းတွေ ရှိတယ်။ တစ်ချို့ ကအောင်မြင်ကြတယ်။ အောင်မြင်တဲ့အခါ Share ထပ်ခေါ်ပြီး ထပ်ချဲ့ ကြတယ်။ အဲလိုထပ်ချဲ့တဲ့ အခါမှ မအောင်မြင်တော့တာ တွေလဲ ရှိတယ်။ ဒါကြောင့် အလုပ်မချဲ့ ခင် ကိုယ့် Leverage လေး ကို တွက်ရင် ပို အဆငိပြေ ပါတယ်။မတွက်တတ်ဘူးဆိုရင်လဲ တွက်တတ်တဲ့ သူ ကို ခေါ် ပြိး အကူအညီလေးတောင်းစေချင်တယ်။

ကြိုသိတာ က ပိုသိတာ ထကိ အမြဲတမ်းပိုကောင်းတယ်မဟုတ်လား

Cr #

06/10/2023

စာရင်းကိုင်တာဝန်များကို Outsourcing လုပ်ခြင်းကရမယ့်
အကျိုးကျေးဇူး ၅ ခု
=================
၁။ ကုန်ကျစရိတ်သက်သာခြင်း
လုပ်ငန်းအများစုဟာ Outsourcing လုပ်ခြင်းကို အပိုဆာဒါးအဖြစ် သဘောထားကြပြီး ၄င်းတို့ရဲ့လုပ်ငန်းအတွက် မလိုအပ်တဲ့ကုန်ကျမှုလို့ ယူဆကြပါတယ်။ ဒါပေမယ့် လက်တွေ့မှာတော့ Outsourcing ကြောင့်ရရှိလာမယ့် စရိတ်သက်သာမှုတွေဟာ သိသိသာသာကို များပြားတတ်ပါတယ်။ အကြောင်းက ကုမ္ပဏီအများစုဟာ ၄င်းတို့ရဲ့ဝန်ဆောင်မှုအတွက် ပိုမိုနည်းပါးတဲ့နှုန်းထားနဲ့ ဝန်ဆောင်ခ တောင်းခံတာကြောင့်ပါ (ဒါဟာ ၄င်းတို့ရှိရာနေရာက လုပ်သားလုပ်ခနှုန်းတွေက သာမန်ထက် နည်းပါးနေတတ်လို့ပါပဲ)။ ဒါတင်မကပါဘူး၊ Outsourcing လုပ်တာကြောင့် သင်လိုအပ်တာအတွက်ပဲ ဝန်ဆောင်ခပေးရတဲ့အတွက် သင့်အနေနဲ့ အချိန်ပြည့်/ အချိန်ပိုင်း ဝန်ထမ်းတွေကို လစာနဲ့ ခံစားခွင့်တွေ ပေးချေရခြင်းက သက်သာသွားပြီး အချိန်ပြည့်ဝန်ထမ်း ငှားရမ်းတာနဲ့အတူ ပါလာမယ့် လုပ်ငန်းဖြစ်ထွန်းမှုနဲ့ ကုန်ကျစရိတ်တွေမှာ အဆုံးအရှုံးလည်း မရှိတော့ပါဘူး။
၂။ အချိန်ပိုရခြင်း
သင့်လုပ်ငန်း ကြီးထွားလာတာနဲ့အတူ သင့်အနေနဲ့ လုပ်ငန်းကိုတိုးချဲ့ဖို့ထက် သင့်ပိုက်ဆံကိုစီမံခန့်ခွဲတာမှာပဲ သင့်အချိန်တွေကို ပိုသုံးဖြစ်လာပါလိမ့်မယ်။ ဒါကြောင့်မို့ စာရင်းအင်းကိုင်တွယ်ခြင်းလို စီမံခန့်ခွဲမှုတာဝန်တွေကို Outsourcing လုပ်ခြင်းအားဖြင့် သင့်ရဲ့အချိန်၊ အားအင်နဲ့ အရင်းအမြစ်တွေကို လုပ်ငန်းအစီအမံတွေ၊ ဝင်ငွေပိုရရှိအောင် စွမ်းဆောင်မှုတွေ၊ သင့်ဖောက်သည်တွေနဲ့ ဆက်ဆံရေးတွေကို ချိတ်ဆက်ဖန်တီးခြင်းတွေ အပေါ်မှာ ပိုပြီးအာရုံစိုက်အသုံးချလာနိုင်မှာပါ။ ဒါပေမယ့် ရုံးတွင်းစာရင်းကိုင်တစ်ယောက် ခန့်အပ်ဖို့အတွက် ရန်ပုံငွေအပို ရှိခဲ့ရင်တော့ ၄င်းရဲ့အသိပညာနဲ့ ကျွမ်းကျင်မှုကို အသုံးချပြီး အရောင်းအဝယ်ကောင်းအောင်၊ သင့်လုပ်ငန်း ကုန်ကျစရိတ်တွေကို လျော့ကျအောင် လုပ်ဆောင်ပါ။
၃။ ကျွမ်းကျင်သောဝန်ဆောင်မှု။
Outsourcing လုပ်ခံရတဲ့ စာရင်းကိုင်ဝန်ဆောင်မှုပေးသူများအနေနဲ့ စျေးကွက်ထဲမှာ တည်မြဲနိုင်ဖို့ ၄င်းတို့ရဲ့ ကျွမ်းကျင်မှုနဲ့ အရည်အသွေးကို စဉ်ဆက်မပြတ် တိုးတက်နေစေရမှာ ဖြစ်ပါတယ်။ ဒါမှသာ သင့်အနေနဲ့ သင်ရဲ့စာရင်းကိုင်တာဝန်တွေကို ယုံကြည်စိတ်ချရပြီး ဗဟုသုတများတဲ့ ပုဂ္ဂိုလ်တစ်ယောက်ဆီကို လွှဲအပ်ထားတယ်လို့ စိတ်ချပြီး နေနိုင်မှာပါ။ အဓိပ္ပါယ်ကတော့ Outsourcing လုပ်ခြင်းကြောင့် ပိုမိုကျွမ်းကျင်တဲ့ ပညာရှင်တစ်ယောက်ကို တတ်နိုင်တဲ့စျေးနှုန်းတဲ့ ငှားရမ်းနိုင်ဖို့ အခွင့်အရေးရှိလာတာပါပဲ။
၄။ အလုပ်ခန့်အပ်မှု အကျိုးခံစားခွင့်များ ပြောင်းလဲပြင်လွယ်ရှိခြင်း
သင့်ရဲ့စာရင်းကိုင်တာဝန်တွေအတွက် Outsourcing လုပ်တဲ့အခါ ၄င်းတို့ရဲ့ဝန်ဆောင်မှုတွေကို သင်လိုအပ်သလောက်ပဲ အသုံးချနိုင်တဲ့ အားသာချက်ရှိလာပါတယ်။ စာရင်းကိုင်တာဝန်တွေ နေ့စဉ်လုပ်ရလောက်အောင် မများပြားတဲ့ အသေးစား စီးပွားရေးလုပ်ငန်းတွေ၊ Start-up (စွန့်ဦးလုပ်ငန်းသစ်) တွေနဲ့ စွန့်ဦးစီးပွားရေးသမားတွေအတွက် ဒီအချက်က အထူးသဖြင့် အကျိုးများနိုင်ပါတယ်။ ဒါတင်မက၊ Outsourcing လုပ်ခံရတဲ့ စာရင်းကိုင်သမားဟာ သင့်ရဲ့မျှော်မှန်းချက်နဲ့ လိုအပ်ချက်တွေအတိုင်း မဆောင်ရွက်နိုင်ခဲ့ရင် တခြားအခက်အခဲမရှိဘဲ စာချုပ်ကို အလွယ်တကူ ဖျက်သိမ်းနို်င်ပါတယ်။
၅။ အကြံဉာဏ်ရယူခြင်း။
သင့်ရဲ့လုပ်ငန်းကိုတိုးချဲ့ဖို့ ကြိုးစားနေတာပဲဖြစ်ပါစေ၊ ရိုးရိုးတန်းတန်း အသုံးစရိတ်လျှော့ချဖို့ ကြိုးစားနေတာပဲဖြစ်ပါစေ၊ သင့်ဦးတည်ချက်ကိုရောက်ဖို့ အသုံးချနိုင်မယ့် ဘဏ္ဍာရေးစီမံကိန်းအမျိုးမျိုးနဲ့ ရွေးချယ်ပိုင်ခွင့်တွေကို ပေးနိုင်မယ့် ယုံကြည်စိတ်ချရတဲ့ အတွေ့အကြုံရှိ ကျွမ်းကျင်သူတစ်ယောက် သင့်အနားမှာ ရှိနေတာဟာ အကျိုးများပါတယ်။ ဒါ့အပြင် Outsourcing ကြောင့် သင့်အဖွဲ့ရဲ့ဘေးမှာ အချိန်ပြည့် Professional တစ်ယောက်ကိုု ထားနိုင်မယ့်အခွင့်အရေးကောင်း ရရှိလာနိုင်ပြီး ဒီဝန်ဆောင်မှုကိုလည်း အသုံးပြုသလောက်သာ ပေးချေရမယ့်နည်းနဲ့ ရယူနိုင်ဦးမှာပါ။
Cr # #

06/10/2020

2020 Sept လကုန်ပြီဆိုတော့ ဒီနှစ်ရဲ့ Budget year နှစ်ချုပ်ချိန်ရောက်ပါပြီနော်
ဒါကြောင့် လူကြီးမင်းတို့ရဲ့ နှစ်ချုပ်ရေးဆွဲခြင်း၊ အခွန် ရေးဆွဲခြင်းကိစ္စရပ်များအတွက် Royal Three Stars Accounting & Auditing Service မှ အောက်ပါဝန်ဆောင်မှုတွေကို ဆောင်ရွက်ပေးနေပါပြီ
အခွန်စာရင်းရေးဆွဲခြင်း
အခွန်ရုံးစာရင်းတင်ခြင်း
အခွန်စာရင်းကိုချလန် ထွက်သည်အထိရှင်းလင်းခြင်း
ကသခ- ၂ လျှောက်ပေးခြင်း စတဲ့ ဝန်ဆောင်မှုတွေပေးနေပါပြီ...
ခုလို Stay Home ကာလမှာ လူကြီးမင်းတို့အနေနဲ့ လုပ်ငန်းနဲ့ပတ်သက်တဲ့ အခွန်စာရင်းအင်း နှစ်ချုပ်အားလုံးကို လုံခြုံမှုရှိရှိ စိတ်အေးလက်အေးလွှဲထားလို့ရနိုင်အောင် ကူညီဖို့အဆင်သင့်ရှိနေပါတယ်
ဒါ့ကြောင့် ဝန်ဆောင်ခ မှန်ကန်ပြီး စိတ်ကျေနပ်လောက်သည်အထိ ဝန်ဆောင်မှုအပြည့်အဝပေးနိုင်တဲ့
ကျွန်မတို့ Royal Three Stars Accounting & Auditing Service ကို Chatbox မှလည်းကောင်း၊ အောက်ပါဖုန်းနံပါတ်မှလည်းကောင်း အခုပဲဆက်သွယ်လိုက်ပါ
၀၉-၂၆၀၇၁၅၆၈၁ , ၀၉-၄၂၁၁၀၀၄၅၂

01/10/2020

အခွန်ကြေညာလွှာ များအကြောင်း သိသင့်သမျှ
–––––––––––––––––––––––

♥ယနေ့ 1-10-2020နေ့သည် 2020 - 2021 ဘဏ္ဍာရေးနှစ်ရဲ့ အစပထမ နေ့ဖြစ်သလို 2019 - 2020 ဘဏ္ဍာရေး နှစ်အတွက် ဝင်ငွေခွန်ကြေညာလွှာ နှင့် ကုန်သွယ်လုပ်ငန်းခွန် နှစ်ချုပ်ကြေညာလွှာ တို့ကိုစတင် တင်သွင်းနိုင်တဲ့နေ့ဖြစ်ပါတယ်၊

♥"ဝင်ငွေခွန် ဥပဒေအရ ဝင်ငွေကြေညာတင်ခြင်း"
ဝင်ငွေခွန် ဥပဒေ ပုဒ်မ (၁၇)
#မည်သူတွေကြေညာလွှာတင်ရမလဲ?
ဝင်ငွေကြေညာလွှာကို ဝင်ငွေနှစ်အတွင်းစည်းကြပ်ထိုက်သည့် စုစုပေါင်းဝင်ငွေရှိသူ
မည်သူမဆို နှင့် ဘာသာရေး၊ကုသိုလ်ရေး
အဖွဲ့အစည်းများမှအပ ကုမ္ပဏီ အပါအဝင်
ပုဂ္ဂိုလ်စုအားလုံးအနေဖြင့် လုပ်ငန်းမှမြတ် စွန်းငွေ မရှိလည်း တင်သွင်းရမှာဖြစ်ပါတယ်၊ထို့အပြင် ကြေညာလွှာတင်သွင်းရန်
တာဝန်ရှိသည့် မည်သူ့ကိုမဆို ကြေညာလွှာ
တင်သွင်းရန် သက်ဆိုင်ရာ အခွန်ရုံးမှ အကြောင်းကြား နိုင်ပါတယ်၊

#ဘယ်အချိန်မှာတင်ရမှာလဲ
သက်ဆိုင်ရာဝင်ငွေနှစ်ကုန်ဆုံးပြီး သုံးလအတွင်းလို့ ပြဌာန်းထားတာကြောင့် နှစ်စဥ်
1-10-2020 မှ 31-12-2020 အတွင်း (31-12-2020သည်အစိုးရရုံးပိတ်ရက် ဖြစ်၍ TAL law ပုဒ်မ ၁၉(က)အရ
2-1-2021နေ့ထိရပါသည်)သက်ဆိုင်ရာအခွန်ရုံးသို့တင်ရပါမည်၊

#အသုံးပြုရမည့်ပုံစံ
SAS စနစ်ဖြင့်အခွန်စည်းကြပ်သည့် အခွန်ရုံးများမှ အခွန်ထမ်းများအတွက်( ဝင-၁က)
ပုံစံနှင့် OAS စနစ်ဖြင့်အခွန်စည်းကြပ်သည့်ရုံးများမှ အခွန်ထမ်းများအတွက်(ဝင-၁)
ပုံစံဖြစ်ပါသည်၊

#လစာနှစ်ချုပ်စာရင်း
လစာဝင်ငွေခွန်ပေးဆောင်ကြရသည့် ဝန်ထမ်းများအတွက် အလုပ်ရှင်/ကုမ္ပဏီ
သည် ဝင်ငွေကြေညာလွှာကဲ့သို့ပင် နှစ်စဥ်
ဝင်ငွေနှစ်ကုန်ဆုံးပြီး သုံးလအတွင်း ဝင်ငွေနှစ်အတွင်း လစာ ၄၈သိန်းကျော်လွန်သော
ဝန်ထမ်းများအတွက်(ဝင-၁၆)ပုံစံ နှင့် ၄၈သိန်းမပြည့်မီသည့် ဝန်ထမ်းများအတွက် (ဝင-၁၆က)ပုံစံ ဖြင့် တင်သွင်းရပါမည်၊

#ကြေညာလွှာမတင်လျင်ဘာဖြစ်မလဲ?
အခွန်ဆိုင်ရာစီမံအုပ်ချုပ်မှုဥပဒေအရ ဒဏ်တပ်ရိုတ်ခံရပါမည်။

♥ကုန်သွယ်လုပ်ငန်းခွန်ဥပဒေအရ နှစ်ချုပ်ကြေညာလွှာတင်ခြင်း
ကုန်သွယ်လုပ်ငန်းခွန် ပုဒ်မ (၁၃)

#မည်သူတွေကြေညာလွှာတင်ရမလဲ?
ဘဏ္ဍာရေးနှစ်အတွင်းကုန်သွယ်လုပ်ငန်း
ခွန်ကျသင့်သည့် ကုန်စည် ထုတ်လုပ်၊တင်သွင်း ရောင်းချသူ နှင့် ဝန်ဆောင်မှုဆောင်
ရွတ်သူတို့သည့် စည်းကြပ်ထိုက်သည့် ရောင်းရငွေ/ဝန်ဆောင်မှုရငွေ သိန်း ၅၀၀
ကျော်ပါက ကုန်သွယ်လုပ်ငန်းခွန်နှစ်ချုပ်
ကြေညာလွှာတင်သွင်းရမည်ဖြစ်ပြီး မည်သူ့
အားမဆို စည်းကြပ်ထိုက်သည့် ရောင်းရငွေ/ ဝန်ဆောင်ခရငွေ ရရှိပါက နှစ်ချုပ်
ကြေညာလွှာတင်ရန်သက်ဆိုင်ရာအခွန်ရုံး
မှအကြောင်းကြားနိုင်ပါသည်။

#ဘယ်အချိန်တင်ရမလဲ?
ဝင်ငွေကြေညာလွှာတင်သကဲ့သို့ပင် သက်ဆိုင်ရာ ဘဏ္ဍာရေးနှစ်ကုန်ဆုံးပြီး သုံး
လ အတွင်းသက်ဆိုင်ရာအခွန်ရုံးသို့တင်ရပါမည်။

#အသုံးပြုရမည့်ပုံစံ
SAS စနစ် အခွန်ထမ်းများအတွက် (ကသခ-၁၁က)ပုံစံ တစ်မျိုးတည်းဖြစ်သော်
လည်း OAS စနစ်အခွန်ထမ်းများ မှာ
ထုတ်လုပ်မှုလုပ်ငန်းအတွက်(ကသခ-၁၁)
ဝန်ဆောင်မှု နှင့် ကုန်သွယ်မှု အခွန်ထမ်း
များအတွက် ပုံစံ (ကသခ -၁၂) ဖြစ်ပါသည်

#နှစ်ချုပ်ကြေညာလွှာမတင်လျင်ဘာဖြစ်မလဲ
အခွန်ဆိုင်ရာစီမံအုပ်ချုပ်မှုဥပဒေအရ ဒဏ်တပ်ရိုတ်ခံရပါမည်။

♥အခွန်ဆိုင်ရာ စီမံအုပ်ချုပ်မှု ဥပဒေအရ
အခွန်ကြေညာလွှာ
အခွန်ဆိုင်ရာစီမံအုပ်ချုပ်မှုဥပဒေ ပုဒ်မ၂ ၂
(အခွန်ကြေညာလွှာအားလုံးနှင့်သက်ဆိုင်)

#မည်သူတွေကြေညာလွှာတင်ရမလဲ?
ဝင်ငွေခွန်ဥပဒေ နှင့် ကုန်သွယ်လုပ်ငန်းခွန်
ဥပဒေတို့အရ ကြေညာလွှာတင်ရန် တာဝန် ရှိသူတို့အပြင် သက်ဆိုင်ရာအခွန်ရုံးမှ ကြေညာလွှာတင်ရန်တောင်းဆိုခံရ (သတ်မှတ်ခံရ)သူ

#တင်သွင်းထားသောကြေညာလွှာပြင်ဆင်တင်သွင်းခြင်း
ဝင်ငွေခွန်ဥပဒေ ၊ကုန်သွယ်လုပ်ငန်းခွန်ဥပဒေတို့အရ တင်သွင်းခဲ့သည့်ကြေညာလွှာကို တင်သွင်းရန်သက်မှတ်သည့်နောက်
ဆုံးရက် ကျော်လွန်ပြီး(၆)နှစ်အတွင်းပြင်ဆင်ထားသည့်ကြေညာလွှာကိုတင်သွင်း
ခွင့်ရှိပါသည်၊

#ပြင်ဆက်တင်သွင်းသည့်ကြေညာလွှာအတွက်သတိပြုရမည့်ကန့်သတ်ချက်
အခွန်ဆိုင်ရာစီမံအုပ်ချုပ်မှု ဥပဒေပုဒ်မ
၃၈(ခ)အရ မူလတင်သွင်းခဲ့သောကြေညာ
လွှာပါ အခွန်ပမာဏထက် ပိုမိုမှသာလျင်
ပြင်ဆင်တင်သွင်းသောကြေညာလွှာသည်
အကျိုးသက်ရောက်မှုရှိပါမည်
(မူလကြေညာလွှာထက်အခွန်နည်းလျင်မရ)

#ကြေညာလွှာတင်သွင်းချိန်ကာလတိုးမြှင့်ပေးရန်တောင်းဆိုခွင့်
အခွန်ဆိုင်ရာစီမံအုပ်ချုပ်မှု ဥပဒေပုဒ်မ
(၂၄)အရ ကြေညာလွှာတင်သွင်းရမည့် တာဝန်ရှိသူ (or)အခွန်ထမ်းကကြေညလွှာ
တင်သွင်ရန်သက်မှတ်ရက်ကို တိုးမြှင့်ပေး
ပါရန်လျောက်ထားနိုင်သည်

#ကြေညာလွှာတင်သွင်းရန်နောက်ကျပျက်ကွက်သည့်အတွက်ဒဏ်ကြေးငွေ

1.ပေးဆောင်ရမည့် အခွန်၏ ၅ % နှုန်းအပြင်စည်းကြပ်မှုပြုလုပ်ချိန်အထိကြေညာ
တင်သွင်းရန်ပျက်ကွက်သည့် တစ်လချင်းစီ
အတွက် ပေးဆောင်ရန်အခွန်၏ ၁%

ဥပမာ A ကုမ္ပဏီသည် ကြိုတင်ခွန် သိန်း ၈၀ ပေးသွင်းထားပြီး ကြေညာလွှာကို ၃ လ
နောက်ကျပြီး မတ်လ မှတင်သွင်းခဲ့သည် စည်းကြပ်သည့် အခါ အခွန် သိန်း ၁၀၀ ကျသင့်သည် ဆိုပါက
ဒဏ်တွက်ရန် -
ပေးဆောင်ရမည့်အခွန်၏ 5% =20 ×5% 1သိန်း +သုံးလအတွက်1% စီ 20 ×1% × 3=6သောင်း၊ စုစုပေါင်းဒဏ် 160000/-

2.အထက်ပါအတိုင်း တွက်ချက်ရရှိသည့်
ဒဏ်ငွေ ၁ သိန်းထက်နည်းသောကိစ္စရပ်များ နှင့် သုံးလတစ်ကြိမ်ကြေညာလွှာတင်သွင်းရန်ပျက်ကွက်ခြင်းအတွက် ဒဏ်ငွေ
၁ သိန်း

#အခွန်ဆိုင်ရာစီမံအုပ်ချုဏ်မှုကိုဟန့်တားခြင်းအတွက်ပြစ်ဒဏ်
အခွန်ဆိုင်ရာစီမံအုပ်ချုပ်မှုဥပဒေ ပုဒ်မ
၇၈(ခ)(၄)အရ အခွန်စီမံအုပ်ချုပ်မှုကိုဟန့်
တားရန်အလို့ငှာ အခွန်ကြေညာလွှာတင်သွင်းရန်ပျက်ကွက်ခြင်းဖြစ်ပါက ပြစ်မှုထင်
ရှားစီရင်ခြင်းခံရပါက တစ်နှစ်ထက်မပိုသော ထောင်ဒဏ် (or)ဒဏ်ငွေ 250000/-(or) ပြစ်ဒဏ်နှစ်ရပ်လုံး
Cr # #

08/07/2019

မလိုအပ်တဲ့ နေရာမှာ အကုန်အကျနဲစေဖို့

လူကြီးမင်းတို့ရဲ့ ကုမ္ပဏီတွေ၊ လုပ်ငန်းတွေ၊ ဆိုင်တွေမှာ စာရင်းအင်း တွက်ချက်မှုနဲ့ ပက်သက်ပြီး.အခက်အခဲတွေဖြစ်နေပြီလား.........?

စာရင်းတွေမှားမှာဆိုးလို့ သုံး လေး ခါ ပြန်စစ်နေရလို့
အလုပ်တွေ နှောင့်နှေးနေသလား.....?

စာရင်းအင်းတွေ မတိကျလို့ မကုန်သင့်တဲ့ အပိုငွေတွေ
သင့်ကုမ္ပဏီမှာ ကုန်နေပြီလား......?

ကျွန်မတို့ Royal Three Star Co.,Ltd ကနေ
ဒီပြဿနာတွေကို ဖြေရှင်းပေးနေပါပြီ။
လူကြီးမင်းတို့ စိတ်ကြိုက်
Account & Aduiting Sevice တွေကို

ဝန်ဆောင်မှု 15 ခုတိတိနဲ့
✅အချိန်မှန်
✅နည်းစနစ်တကျ
✅အာမခံ ဖြင့် ဝန်ဆောင်မှုပေးနေပါပြီ။

ရန်ကုန်၊ မန္တလေး မြို့ကြီးများသာမက ပဲခူး၊ မုံရွာ၊ မြင်းခြံ
စတဲ့ နယ်မြို့များ အတွက်ပါ ဆောင်ရွက်ပေးနေပါပြီ။
လိပ်စာက

ရန်ကုန်မှာ ဆိုရင် -No (46)A, 3rd Floor,
Yeik Thar Street, Thingangyun Township.

မန္တလေးမှာ ဆိုရင် -No.57, (B)လမ်းထောင့်,
သိပ္ပံလမ်းတောင်ဘက်,ချမ်းမြသာစည်မြို့နယ်.

ဆက်သွယ်ရန် ph no တွေကတော့ - 09-401046916,
09-950962205, 09-260715681, 09-5006637.

လူကြီးမင်းတို့ရဲ့ စာရင်းအင်းတွေကို မြန်မြန်ဆန်ဆန်နဲ့
မှန်မှန် ကန်ကန် ဖြေရှင်းဖို့အတွက် အခုပဲဆက်သွယ်ပြီး
စုံစမ်းလိုက်ပါ။

04/07/2019

Accountant ဆိုတာ
------------------------
Account ဆိုတာ ကုမ္ပဏီတစ်ခုရဲ့အရေးကြီးတဲ့ အခန်းကဏ္ဍမှာ ပါဝင်ပါတယ်။ နေ့စဉ် ကုမ္ပဏီကထုတ်ယူတဲ့ငွေကြေးများ ဝင်ရောက်လာတဲ့ဝင်ကြေးများ ၊ လစဉ် ဝင်ငွေများ ထွက်ငွေများ၊ နှစ်စဉ် ဝင်ငွေများ ထွက်ငွေများကို တိကျသေချာသော စာရင်းဇယားများနဲ့ မှတ်တမ်းတင်ထားလျှက်ရှိပြီး သူဌေးကို နှစ်စဉ်၊ လစဉ်စာရင်းဇယားနဲ့ တင်ပြရတာကို Accountant လို့ခေါ်ပါတယ်။ Accountant ဟာ Finance နဲ့ ဆင်တူသလိုရှိပေမဲ့ ကွဲပြားပါတယ်။ သို့ပေမဲ့ တစ်လှေတည်းစီးသူတွေလို့ပြောရင် မမှားပါဘူး။ Finance က တော့ ငွေကြေးဆိုင်ရာမှုဝါဒတွေ ၊ နှစ်စဉ်ငွေကြေးဆိုင်ရာခွဲဝေသုံးဆွဲမှုတွေ၊ Budget Plan ဆိုင်ရာ စီမံခန့်ခွဲခြင်း ၊ ဆီစစ်ခြင်းတွေပါဝင်ပါတယ်။

Accountant ရဲ့တာ၀န် နှင့် ၀တ္တရား

ကုမ္ပဏီတစ်ခုရဲ့ Accountant ဟာ ကုမ္ပဏီရဲ့ လချုပ်/နှစ်ချုပ်စာရင်းများ နဲ့ ဘဏ္ဍာရေး လက်ကျန်ရှင်းတမ်းများ တာဝန်ယူရေးဆွဲ ပေးရခြင်း ၊ ကုမ္ပဏီရဲ့ ငွေကြေးစီးဆင်းမှုကို စဉ်ဆက်မပြတ် စောင့်ကြည့်ပြီး အထက်သို့ အမြဲအစီရင်ခံရခြင်း ၊ ကုမ္ပဏီဝန်ထမ်းများအတွက် လစာ စီမံရခြင်း ၊ ကုမ္ပဏီနှင့်ဝန်ထမ်းများ အစိုးရသို့ပေးဆောင်ရမယ့် အခွန်ငွေများကိုတွက်ချက်ပေးရခြင်း ၊ Sales နှင့် stocks လက်ကျန်များ စစ်ဆေးခြင်း ၊ စာရင်းစစ်ခြင်း တို့ကို ပြုလုပ်ပေးရပါတယ်။ တစ်ခါတစ်လေ စာရင်းဇယားများ အမှားပါသွားခဲ့ရင် ဂဏန်းတစ်လုံးစီ တိုက်စစ်ရင်လည်း တိုက်စစ်ရ တက်တာမို့ စိတ်ရှည်ပြီး အတွက် အချက် ကောင်းဖို့လည်းလိုအပ်ပါသေးတယ်။

Accountant ရှိခြင်းရဲ့ အားသာချက်များ

* တစ်နေ့တာ တစ်လတာ တစ်နှစ်တာရဲ့ ဝင်ငွေထွက်ငွေတွေကို စာရင်းဇယားအတိအကျနဲ့ သိရှိနိုင်ခြင်း။

* စာရင်းဇယားရဲ့ အချက်အလက်အရ မလိုအပ်တဲ့နေရာတွေအတွက် ပြန်လည်သုံးသပ်နိုင်ပြီး လိုအပ်တဲ့နေရာတွေကို အားစိုက်ထုတ်လုပ်ကိုင်နိုင်ခြင်း။

* နှစ်စဉ်နှစ်တိုင်း Budget Plan များ ကြိုတင်ရေးဆွဲနိုင်ခြင်း။

* အခွန်ဆိုင်ရာ ကိစ္စများကို ဖြေရှင်းပေးနိုင်ခြင်း

* ငွေကြေးစီမံခန့်ခွဲခြင်းနဲ့ပက်သက်သော ကိစ္စရပ်များ Budget Plan ရေးဆွဲခြင်းများ မှာ အကြံညဏ်ပေးနိုင်ခြင်းတွေပါဝင်ပါတယ်။

---------------------
လူကြီးမင်းရဲ့စီးပွားရေးလုပ်ငန်းအတွက် အရေးကြီးတဲ့ Accountant ပိုင်းတွေတိုင်ပင်ချင်တယ်ဆိုရင်တော့ Royal Three Star (Accounting & Auditing Services) ရဲ့ရုံခန်းဖြစ်တဲ့

No(709)A,Kant Kaw Street,41th Ward,North Dagon Tsp မှာလာရောက်ဆွေးနွေးလို့ရပါတယ်ခင်ဗျာ။

Address(1) :No(709)A,Kant KawStreet, North DagonTsp,Yangon ,Myanmar

Address(2)

Mandalay ; ,No.57,(B)လမ်းထောင့်,သိပ္ပံလမ်းတောင်ဘက်,ချမ်းမြသာစည်မြို့နယ်,

Contact No.09-401046916,09-950962205,09-260715681,09-5006637

Royal Three Stars Co.,Ltd.

25/03/2024

14/01/2024

06/10/2023

06/10/2020

01/10/2020

08/07/2019

04/07/2019

Address

Opening Hours

Telephone

Website

Alerts

Contact The Business

Shortcuts

Share

Listing takedown request

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00