24/06/2025
တရုပ်ပြည်မ ဗီဇာ အွန်လိုင်းမှလျှောက်လို့ရပါပြီ။
Notice on Launching the China Online Visa Processing System
China Online Visa Processing System will be officially launched by the Chinese Embassy in Myanmar on June 30, 2025. Applicants could enjoy convenience of filling out the form and uploading materials online by visiting:
https://consular.mfa.gov.cn/VISA/.
Welcome to visit the website for more details.
Tel:0095-9894853188 (Office Hour: Weekday 2:00-6:00 p.m.), Email:[email protected]
တရုတ်ဗီဇာအွန်လိုင်းစနစ်ဆိုင်ရာ စတင်အသုံးပြုခြင်း အသိပေးကြေညာချက်
မြန်မာနိုင်ငံဆိုင်ရာ တရုတ်သံရုံးသည် ၂၀၂၅ ခုနှစ်၊ ဇွန်လ ၃၀ ရက်နေ့မှစတင်၍ "တရုတ်ဗီဇာအွန်လိုင်းစနစ်" ကို တရားဝင်စတင်အသုံးပြုမည်ဖြစ်သည်။ ထို့နောက်တွင် တရုတ်ဗီဇာလျှောက်ထားလိုပါက https://consular.mfa.gov.cn/VISA/ ဝက်ဘ်ဆိုက် မှတစ်ဆင့် အွန်လိုင်းတွင်ဖောင်ဖြည့်၍ လျှောက်လွှာအတွက်လိုအပ်သော စာရွက်စာတမ်းများကိုလည်း အွန်လိုင်းမှ upload လုပ်ကာ အဆင်ပြေချောမွေ့မှုကို ခံစားလိုက်ပါ။ ပိုမိုသိရှိလိုပါက ဤဝက်ဘ်ဆိုက်ကို ဝင်ရောက်ကြည့်ရှုနိုင်ပါသည်။ သံရုံး၏ဆက်သွယ်ရန်ဖုန်းနံပါတ် ၀၀၉၅-၉၈၉၄၈၅၃၁၈၈ (တနင်္လာနေ့မှ သောကြာနေ့အထိ၊ မွန်းလွဲ ၂:၀၀ မှ ၆:၀၀ နာရီအတွင်း) အီးမေးလ် - [email protected]
တရုတ်ဗီဇာအွန်လိုင်းစနစ်နှင့်ပတ်သက်သည့် အမေးများသောမေးခွန်းများ
မေးခွန်း (၁) ။ ။ စနစ်အဆင့်မြှင့်တင်ပြီးနောက် ဗီဇာလျှောက်ထားရန် ဘယ်နေရာတွင် လျှောက်ထားရမည်နည်း။ လျှောက်ထားမှုလုပ်ငန်းစဉ်တွင် ဘာတွေပြောင်းလဲသွား သနည်း။
အဖြေ ။ ။ လျှောက်ထားသူသည် တရုတ်ဗီဇာလျှောက်ထားရန် ဝက်ဘ်ဆိုက် (https://consular.mfa.gov.cn/VISA/) တွင် အွန်လိုင်းဖောင်ဖြည့်၍ လျှောက်လွှာအတွက်လိုအပ်သော စာရွက်စာတမ်းများကို upload လုပ်ရမည်။ ဤအဆင့်သည် ကနဦးစစ်ဆေးမှုအဆင့်ဖြစ်သည်။ ကနဦးစစ်ဆေးမှုအတွင်း လျှောက်ထားသူသည် ဝက်ဘ်ဆိုက်တွင် လျှောက်ထားမှုအခြေအနေကို စစ်ဆေးနိုင်ပြီး လိုအပ်ပါက ဖောင်ကိုပြင်ဆင်၍ အချက်အလက်များဖြည့်စွက်နိုင်သည်။ ကနဦးစစ်ဆေးမှုပြီးမြောက်ပါက လျှောက်ထားသူသည် သံရုံးသို့ ပတ်စပို့နှင့် အခြားလိုအပ်သောစာရွက်စာတမ်းများကို တင်ပြရန်လိုအပ်ပြီး လက်ဗွေရာနှင့် အခြားဇီဝအချက်အလက်များကို ပေးအပ်ရမည်။ ဤအဆင့်သည် နောက်ဆုံးစစ်ဆေးမှုအဆင့်ဖြစ်သည်။ နောက်ဆုံးစစ်ဆေးမှုပြီးမြောက်ပါက (ဗီဇာထုတ်ပေးခြင်းခံရလျှင်) လျှောက်ထားသူသည် သံရုံးသို့ ဗီဇာကြေးပေးသွင်း၍ ပတ်စပို့နှင့်ဗီဇာကို ပြန်လည်ရယူရမည်။
မေးခွန်း (၂)။ ။ ဗီဇာအွန်လိုင်းစနစ်တွင် အကောင့်ဖွင့်ရန်လိုအပ်ပါသလား။ မည်သို့ဖွင့်ရမည်နည်း။
အဖြေ ။ ။ ဗီဇာအွန်လိုင်းစနစ်တွင် အကောင့်ဖွင့်၍ဝင်ရပါမည်။ လောလောဆယ်တွင် အီးမေးလ်ဖြင့်သာ အကောင့်ဖွင့်နိုင်သည်။
မေးခွန်း (၃) ။ ။ အရေးပေါ်လျှောက်ထားမှုနည်းလမ်းတွင် ဘာတွေပြောင်းလဲသွား သနည်း။ စစ်ဆေးမှုအတွက် ဘယ်လောက်ကြာမြင့်နိုင်သနည်း။
အဖြေ ။ ။ လျှောက်ထားသူသည် အွန်လိုင်းဖောင်ဖြည့်စဉ်တွင် "ပုံမှန်" သို့မဟုတ် "အရေးပေါ်" လျှောက်ထားမှုနည်းလမ်းကို ရွေးချယ်နိုင်သော်လည်း ဤရွေးချယ်မှုသည် ကနဦးစစ်ဆေးမှုအဆင့်နှင့် မသက်ဆိုင်ပါ။ အရေးပေါ်လျှောက်ထားမှုသည် ပတ်စပို့တင်ပြပြီးနောက်မှသာ လုပ်ငန်းစဉ်ကို အရှိန်မြှင့်ပေးမည်ဖြစ်သည်။ အရေးပေါ်လျှောက်ထားမှုအတွက် အပိုကြေးပေးသွင်းရမည်ဖြစ်ပြီး လျှောက်ထားပြီးနောက် ပြန်ရုပ်သိမ်းခွင့်မရှိပါ။ အကယ်၍ ကောင်စစ်ဝန်က တစ်ဦးချင်းအခြေအနေအရ စစ်ဆေးမှုကာလပိုမိုကြာမြင့်ခဲ့ပါက အရေးပေါ်ကြေးကို ပြန်အမ်းမည်မဟုတ်ပါ။
ပုံမှန်အားဖြင့် အွန်လိုင်းကနဦးစစ်ဆေးမှုသည် ၁-၃ ရက်အတွင်း ပြီးမြောက်နိုင်ပြီး ပတ်စပို့တင်ပြပါက ၃-၄ ရက်အတွင်း စစ်ဆေးမှုပြီးမြောက်နိုင်သည် (အရေးပေါ်လျှောက်ထားမှု - ၃ ရက်၊ ပုံမှန်လျှောက်ထားမှု - ၄ ရက်)။
မေးခွန်း (၄) ။ ။ အခြားသူများအတွက် လျှောက်ထားနိုင်ပါသလား။ အခြားသူမှတစ်ဆင့် ပတ်စပို့နှင့်စာရွက်စာတမ်းများကို တင်ပြနိုင်ပါသလား။
အဖြေ ။ ။ တရုတ်ဗီဇာလျှောက်ထားမှုကို ကိုယ်တိုင်လျှောက်ထားနိုင်သလို အခြားသူများ သို့မဟုတ် ခရီးသွားအေဂျင်စီများမှတစ်ဆင့်လည်း လျှောက်ထားနိုင်သည်။ သို့သော် မြန်မာနိုင်ငံဆိုင်ရာ တရုတ်သံရုံးနှင့် ကောင်စစ်ဝန်ရုံးတို့သည် မည်သည့်အေဂျင်စီနှင့်မျှ တရားဝင်ချိတ်ဆက်မှုမရှိသလို ၎င်းတို့ကို ရားဝင်အသိအမှတ်ပြုအေဂျင်စီအဖြစ် သတ်မှတ်ခြင်းလည်းမရှိပါ။ ထို့အပြင် ဗီဇာလျှောက်ထားသူများအား မည်သည့်အေဂျင်စီကိုမျှ အကြံမပြုပါ။ လက်ဗွေရာကင်းလွှတ်ခွင့်ရသူများမှလွဲ၍ အွန်လိုင်းကနဦးစစ်ဆေးမှုပြီးမြောက် ပါက လျှောက်ထားသူသည် သံရုံးသို့ ပတ်စပို့နှင့်စာရွက်စာတမ်းများကို တင်ပြရာတွင် လက်ဗွေရာပေးအပ်ရမည်။ လက်ဗွေရာကင်းလွှတ်ခွင့်ရသူများသည် အခြားသူမှတစ်ဆင့် ပတ်စပို့နှင့်စာရွက်စာတမ်းများကို တင်ပြရန်နှင့် ဗီဇာနှင့်ပတ်စပို့ကို ပြန်လည်ရယူရန် ကိုယ်စားလှယ်ဖြစ့် ဆောင်ရွက်နိုင်ပါသည်။
မေးခွန်း (၅) ။ ။ ဇွန် လ ၃၀ ရက်နေ့မတိုင်မီ မူလစနစ်ဟောင်းတွင် ဖောင်တင်ပြီးသော်လည်း သံရုံးသို့ စာရွက်စာတမ်းများမတင်ရသေးပါက ဇွန် လ ၃၀ ရက်နေ့မှစ၍ စနစ်အသစ်ဖြင့် ပြန်လည်လျှောက်ထားရမည်လား။
အဖြေ ။ ။ ဇွန် လ ၂၇ ရက်နေ့၊ ညနေ ၆:၀၀ နာရီမှ ဇွန် လ ၃၀ ရက်နေ့၊ မနက် ၈:၀၀ နာရီအတွင်း စနစ်အဆင့်မြှင့်တင်ခြင်း (System Update) ပြုလုပ်မည်ဖြစ်သဖြင့် ဤကာလအတွင်း လျှောက်ထားသောဗီဇာမှန်သမျှ အကျုံးမဝင်ပါ။ ဇွန် လ ၃၀ ရက်နေ့၊ မနက် ၈:၀၀ နာရီနောက်ပိုင်းတွင် စနစ်အသစ်ဖြင့် ဗီဇာလျှောက်ထားရမည်။ ဇွန် လ ၂၇ ရက်နေ့မတိုင်မီ မူလစနစ်ဟောင်းတွင် ဆောင်ရွက်ခဲ့သော ဖောင်များသည် ဆက်လက်အကျုံးဝင်နေမည်ဖြစ်ပြီး ဇွန် လ ၂၇ ရက်နေ့၊ မနက် ၁၁:၀၀ နာရီအထိ မူလနည်းလမ်းဟောင်းအတိုင်း သံရုံးသို့ စာရွက်စာတမ်းများကို တင်ပြနိုင်သည်။ ဤအချိန်ကျော်လွန်ပါက စနစ်အသစ်ဖြင့် အွန်လိုင်းမှသာ ပြန်လည်လျှောက်ထားရမည်။
မေးခွန်း (၆) ။ ။ စနစ်အသစ်စတင်ပြီးနောက် သံတမန်နှင့်အစိုးရဝန်ထမ်းများ၏ လျှောက်ထားမှုကို မည်သို့လျှောက်ထားရမည်နည်း။
အဖြေ ။ ။ စနစ်အသစ်စတင်ပြီးနောက် သံတမန်ပတ်စပို့၊ အစိုးရပတ်စပို့ပိုင်ဆိုင်သူများ နှင့် သံတမန်ဗီဇာ၊ အစိုးရဗီဇာ၊ courtesy visa စသည့်လျှောက်ထားသူများသည် အထက်ဖော်ပြပါဝက်ဘ်ဆိုက်မှတစ်ဆင့် အွန်လိုင်းစနစ်ဖြင့်လျှောက်ထားရမည်။ ကနဦးစစ်ဆေးမှုရလဒ်ရရှိပါက လိုအပ်သောစာရွက်စာတမ်းများကို မြန်မာနိုင်ငံဆိုင်ရာ တရုတ်သံရုံးနှင့် ကောင်စစ်ဝန်ရုံးခန်းသို့ တနင်္လာနေ့မှ သောကြာနေ့အထိ၊ မနက် ၈:၃၀ မှ ၁၁:၃၀ နာရီအတွင်း (ရုံးပိတ်ရက်များမှလွဲ၍) လာရောက်တင်ပြရမည်။
မေးခွန်း (၇) ။ ။ စနစ်အသစ်သည် တရုတ်နိုင်ငံဟောင်ကောင်အထူးအုပ်ချုပ်ခွင့်ရ ဒေသနှင့် တရုတ်နိုင်ငံမကာအိုဒေသတို့၏ ဗီဇာလျှောက်ထားမှုနှင့် သက်ဆိုင်ပါသလား။
အဖြေ ။ ။ မသက်ဆိုင်ပါ။ စနစ်အသစ်သည် တရုတ်ပြည်မကြီးအတွက်သာ သက်ဆိုင်သည်။
