Online Ticket Shopping

01/09/2026

( ၂၈.၈.၂၀၂၆ ) မှ ( ၃.၉.၂၀၂၆ ) အထိ (၇)ရက် သား/သမီးများအတွက် တစ်ပတ်စာ (တားရော့) ဗေဒင်ဟောစာတမ်း
#ဆရာမဒေါ်သန့်သန့်သိန်း
( TTT TAROT Reader @ TTT TAROT Fortune Teller )
https://www.facebook.com/share/p/17oa3wsqBz/

( ၂၈.၈.၂၀၂၆ ) မှ ( ၃.၉.၂၀၂၆ ) အထိ (၇)ရက် သား/သမီးများအတွက် တစ်ပတ်စာ (တားရော့) ဗေဒင်ဟောစာတမ်း
( ၂၈.၈.၂၀၂၆ ) မှ ( ၃.၉.၂၀၂၆ ) အထိ “တနင်္ဂနွေ” သား/သမီးများအတွက် တစ်ပတ်စာ (တားရော့) ဗေဒင် ဟောစာတမ်း
ယခုကာလအတွင်း ဘာပဲလုပ်လုပ် ဘယ်လိုပဲကြုံတွေ့နေရပါစေ မိမိသဘော ဆန္ဒထက် အများ ဆန္ဒအတိုင်း ဦးစားပေး လုပ်ကိုင်သင့်ပါသည်။ အထက်လူကြီးများနှင့် မိမိ သဘောထား ကွဲလွဲနေသလို လုပ်ဖော်ကိုင်ဖက်များနှင့်လည်း အမြင်မတူဘဲ ဖြစ်နေမည်။ စီးပွားရေး လုပ်ကိုင်နေသူ ဆိုပါကလည်း ရင်းနှီးမြှုပ်နှံသူများ ရှယ်ယာရှင်များနှင့် ညှိနှိုင်း မရ ဖြစ်နေတတ်သည်။ ရှယ်ယာလုပ်ငန်းများ လုပ်ကိုင်ထားပါက အမြတ်ခွဲဝေရာတွင် မိမိအား ပေးရန် မေ့လျော့နေတတ်သည်။ ထို့ကြောင့် အလုပ်သစ်၊ လုပ်ငန်းများ မစတင် သင့်သေးသလို ရင်းနှီး မြှုပ်နှံမှုများအားလည်း ထပ်မတိုးချဲ့သင့်သေးပါ။ ကွဲကွာနေသော အိမ်ထောင်ဖက်ဟောင်း၊ ပြတ်စဲပြီးသော ရည်းစားဟောင်းတို့နှင့် ပြန်ဆုံရတတ်သည်။ သား၊ သမီး အရေးကိစ္စများ၊ စီးပွားရေး ကိစ္စများနှင့် ပတ်သက်၍ အိမ်ထောင်ဖက်နှင့် အကြီးအကျယ် စကားများရတတ်သည်။ စီးပွားရေး လုပ်ငန်းများပါ ပြန်အဆင်ပြေ လာမည်။ မည်သို့သော အကြောင်းပြချက် တစ်စုံတစ်ရာ မရှိဘဲ၊ ပြဿနာ ကြီးကြီးမားမား မရှိဘဲ ချစ်သူနှင့် လမ်းခွဲရတတ်သည်။ ယခုကာလအတွင်း ကျောနာခြင်း၊ ကျောအောင့်ခြင်း မှအပ ကြီးကြီးမားမား ရောဂါ ဝေဒနာ ဖြစ်ရန် မရှိပါ။ စီးပွားရေးနှင့် ပညာရေးကြား၊ မေတ္တာရေးနှင့် ပညာရေးကြား လွန်ဆွဲနေမည်။ အိမ်ထောင်ကျပါက ပညာရေး တစ်ခန်းရပ် သွားမည်။ နိုင်ငံရပ်ခြား ပညာတော်သင် သွားပါက အရှက်တကွဲအကျိုးနည်း ကြုံတွေ့ရ တတ်သောကြောင့် ဂုဏ်သိက္ခာ အလေးထားသူများ အနေဖြင့် မသွားသင့်သေးပါ။ မိမိ လုပ်ချင်သည့်အလုပ်၊ တကယ်စိတ်ဝင်စားပြီး လုပ်နိုင်မည့် အလုပ်မျိုးကိုသာ တစိုက် မတ်မတ် လျှောက်ထားပါ။ ရာထူး၊ လစာထက် ပညာရမည့် အလုပ်ကိုသာ ဦးစားပေး ရွေးချယ်ပါက နောင်တွင် ပိုမိုအဆင်ပြေမည်။
https://vt.tiktok.com/ZSVX7QhY2/
( ၂၈.၈.၂၀၂၆ ) မှ ( ၃.၉.၂၀၂၆ ) အထိ “တနင်္လာ” သား/သမီးများအတွက် တစ်ပတ်စာ (တားရော့) ဗေဒင် ဟောစာတမ်း
လုပ်ငန်းပြိုင်၊ လူပြိုင်ဝင်လာမည့် ကာလဖြစ်သည်။ ပိုမိုမျှတသည့် အလုပ်ကိုသာ ဦးစားပေး ရွေးချယ်ပါ။ အမြတ်၊ ငွေကြေးထက် ပညာရမည့် အလုပ်၊ တရားဝင်သော အလုပ်၊ မိတ်ဆွေ ကောင်းများဖြင့် တွဲဖက်လုပ်ကိုင်ရမည့် အလုပ်မျိုးကိုသာ ရွေးချယ်လုပ်ကိုင်ပါ။ ရှေ့က ပြုခဲ့ဖူးသည့်အတိုင်းအကျိုး ပြန်ခံစားရမည်။ ပညာရေးနှင့် ပတ်သက်သော အလုပ်များ၊ Private Schools လုပ်ငန်းများ၊ Freelance Teachers အလွတ်သင် ဆရာ၊ ဆရာမများ၊ စာကြည့်ဂိုက်များ၊ စာအုပ်ဆိုင်များ၊ စာပေ ထုတ်လုပ်ရေး လုပ်ငန်းများ၊ ဘာသာစကား သင်တန်းကျောင်းများ ၊ သက်မွေး သင်တန်းကျောင်းများ အဆင်ပြေမည်။ အိမ်ထောင်ရေး၊ အချစ်ရေးတွင် အဆင်မပြေ ဖြစ်နေမည်။ မျက်နှာချင်းဆိုင်သည်နှင့် စကားများ ရန်ဖြစ် နေတတ်သည်။ နှစ်ဦးစလုံး က ခေါင်းမာပြီး တဇွတ်ထိုး ဆက်လုပ်နေပါက နောက်ဆုံးတွင် အိမ်ထောင်ရေး၊ အချစ်ရေးထိခိုက်လိမ့်မည်။ မိမိတို့နှစ်ဦး ဘဝရှေ့ရေး အတွက် မကြိုးစားဘဲ ပေါ့ပျက်ပျက် နေသည်ဟု ချစ်သူမှ အထင်လွဲနေသည်။ အထင်လွဲမှုများ၊ အမြင်မတူမှုများ ရှိနေပါက စိတ်လျှော့၍ တစ်ဦးနှင့်တစ်ဦး ညှိနှိုင်းယူမှသာ ပြန်အဆင်ပြေ နိုင်မည်။ ရောဂါ ဝေဒနာ ခံစားနေရပါက ယခုပြသနေသော ဆေးရုံ၊ ဆေးခန်းမှ ပြောင်းလဲ ပြသခြင်းဖြင့် ဝေဒနာ သက်သာနိုင်သည်။ အစားမှားခြင်း၊ ဆေးမှားခြင်း၊ ဆေးထိုး ဆေးသောက်မှားခြင်း တို့ဖြစ်တတ်သည်။ ယခုကာလအတွင်း လုံးဝ ခရီး မသွားသင့် သေးပါ။ ခရီးသွားနေစဉ် ရောဂါ ဝေဒနာဟောင်း ပြန်ဖောက်လာပြီး လမ်းခရီး ကြန့်ကြာ တတ်သည်။ အဘွား၊ အမေ၊ အဒေါ်၊ အုပ်ထိန်းသူအမျိုးသမီးတို့၏ ထောက်ပံ့ပေးမှု တို့ကြောင့်မိမိ၏ ပညာရေး ရည်မှန်းချက်များ ပြည့်မြောက်လာမည်။ ပညာရပ်အသစ်များ သင်ကြားခွင့်ရမည်။အလုပ်၊ အင်တာဗျူးစာမေးပွဲများ အောင်မြင်မည်။ ပညာရေးနှင့် ပတ်သက်ပြီး မဖြစ်မနေ ခရီးသွားရမည့် ကိစ္စမျိုး ပေါ်လာတတ်သည်။
https://vt.tiktok.com/ZSVX72FWr/
( ၂၈.၈.၂၀၂၆ ) မှ ( ၃.၉.၂၀၂၆ ) အထိ "အင်္ဂါ" သား/သမီးများအတွက် တစ်ပတ်စာ (တားရော့) ဗေဒင် ဟောစာတမ်း
အလုပ်အကိုင်၊ စီးပွားရေး လုပ်ငန်းများ အေးနေမည်။ ယခင်က မပြီးပြတ်သေးသော လုပ်ငန်းများ ယခုကာလအတွင်း ပြီးပြတ်အောင် ဆောင်ရွက်နိုင်မည်။ ဆုံးဖြတ်ချက်ချ လုပ်ဆောင်ရမည့် ကိစ္စများတွင် ရဲရဲရင့်ရင့် ပြတ်ပြတ်သားသား ဆုံးဖြတ် လုပ်ကိုင် သင့်သည်။ အောက်လက်ငယ်သား၊ ဝန်ထမ်း ဒုက္ခပေးတတ်သည်။ သတိထားပါ။ နှစ်ဖက် အသိုင်းအဝိုင်းနှင့် ဆွေမျိုးများမှ ဝင်ရောက်နှောင့်ယှက်တတ်သောကြောင့် အိမ်ထောင်ရေး၊ အချစ်ရေး အဆင်မပြေ ဖြစ်တတ်သည်။ စေ့စပ်ပွဲ ကျင်းပရန်၊ မင်္ဂလာကိစ္စ စကားပြောရန်၊ မင်္ဂလာပွဲ ကျင်းပရန်တို့ကို အကြိမ်ကြိမ်ညှိနှိုင်းနေရတတ်သည်။ ကြုံလာသမျှ အခက်အခဲ၊ အတိုက်အခိုက်များအား နောက်မဆုတ်တမ်း ရဲရဲရှေ့တိုး လုပ်ဆောင်မှသာအိမ်ထောင်ရေး၊ အချစ်ရေး အဆင်ပြေမည်။ မိမိချစ်သူအား အခြားသူ တစ်ဦးဦးဖြင့် ယှဉ်ပြိုင် တိုက်ခိုက်ပြီးမှ ရယူနိုင်မည်။ အိမ်ထောင်ရေး၊ အချစ်ရေး အဆင်မပြေ ဖြစ်နေပါက နှစ်ဦးတည်း အပျော် ခရီးသွားခြင်း၊ ဘုရားဖူးသွားခြင်းဖြင့် ပြန်အဆင်ပြေနိုင်သည်။ နှစ်ရှည်လများ ခံစားနေ ရသော နာတာရှည် ဝေဒနာသည်များ ပြန်နလန်ထူလာမည်။ အသက်ရှု လမ်းကြောင်း ဆိုင်ရာ ရောဂါဝေဒနာများ၊ နှလုံး၊ အဆုတ်နှင့် ပတ်သက်သောရောဂါ ဝေဒနာများ ခံစားရ တတ်သည်။ လည်ပင်းနာခြင်း၊ လည်ပင်း ကျီးပေါင်းတတ်ခြင်း၊ အုံးလွဲခြင်း၊ လက်ထိခိုက် မိခြင်းတို့ ဖြစ်တတ်သည်။ လူကြီး၊ မိဘများ၏ အစီအမံများကြောင့် မိမိပညာရေး ရည်မှန်းချက်များ စွန့်လွှတ် ရတတ်သည်။ ရာထူးတိုး စာမေးပွဲများ ဖြေဆိုထားပါက အထက်လူကြီး၊ အကြီးအကဲဖြင့် အဆင်ပြေအောင် နေထိုင်လုပ်ကိုင်ပါ။ အလုပ်၊ အင်တာဗျူး စာမေးပွဲများ မဖြေဆိုသင့်သေးပါ။
( ၂၈.၈.၂၀၂၆ ) မှ ( ၃.၉.၂၀၂၆ ) အထိ “ဗုဒ္ဓဟူး” သား/သမီးများအတွက် တစ်ပတ်စာ (တားရော့) ဗေဒင် ဟောစာတမ်း
ယခင်က ဆုံးရှုံးဖူးသော လုပ်ငန်းများ ပြန်လည်လုပ်ကိုင်ခြင်းဖြင့် စီးပွားရေး၊ အလုပ်အကိုင် များ ပြန်ဦးမော့လာမည်။ သို့သော် လက်ရှိလုပ်ကိုင်နေသော အလုပ်အကိုင်မှာ ရပ်တန့်ရ ခြင်း၊ ဆုံးရှုံးရခြင်းတို့ ကြုံတွေ့ရတတ်သည်။ ငွေချေးခြင်း၊ ငွေကြေးနှင့် လုပ်ငန်းကိစ္စများ တွင် အခြားတစ်ပါးသူအတွက် အာမခံပေးခြင်း၊ မိမိ တစ်ခါမှ မလုပ်ဖူးသော လုပ်ငန်းများ တွင် ရင်းနှီးမြှုပ်နှံခြင်း၊ အိမ်၊ ခြံ၊ မြေ၊ စတော့ရှယ်ယာ၊ ငွေကြေး စျေးကွက်စသော လောင်းကစားဆန်သော လုပ်ငန်းများတွင် ဝင်ရောက် လုပ်ကိုင်ခြင်းတို့ ရှောင်ကြဉ်ပါ။ အိမ်ထောင်ရေး၊ အချစ်ရေးတွင် မမျှော်လင့်သော အလှည့်အပြောင်းများ ကြုံတွေ့ရ တတ်သည်။ မိမိ ချစ်ခင် နှစ်သက်သူနှင့် အိမ်ထောင် ပြုထားပါက အဆင်ပြေနိုင်ပြီး မိဘ သဘောတူ ကြည်ဖြူသူနှင့် လက်ထပ်ထားသူများ ကွဲနိုင်သည်။ သား၊ သမီးရတနာ ရမည်။ ကိုယ်ဝန် ဖျက်မချပါနှင့်။ အသက် အန္တရာယ် ရှိသည်။ ခွဲစိတ် ကုသမှု ခံယူရတတ် သည်။ သွေးနှင့် ပတ်သက်သော ရောဂါဝေဒနာများ၊ နှလုံးနှင့် ပတ်သက်သော ရောဂါ ဝေဒနာများ၊ အာရုံကြောနှင့် သက်ဆိုင်သော ရောဂါဝေဒနာများ ခံစားရတတ်သည်။ ခြေထောက် ထိခိုက် မိလိမ့်မည်။ အကြီးအကဲ၊ အထက်လူကြီး၊ အမျိုးသမီးကြောင့် အလုပ်၊ အင်တာဗျူး စာမေးပွဲများ အောင်မြင်နိုင်သည်။ ပညာရေးနှင့် ပတ်သက်ပြီး မိမိနှင့်သိသော၊ မသိသော အမျိုးသမီးများထံမှ အကူအညီများ ရရှိမည်။ ကျောင်းသား၊ လူငယ်များ ပညာရေးကိုသာ အာရုံစိုက်ပြီး သင်ယူ လေ့လာပါ။ မေတ္တာရေးအား အလေးသာပြီး အိမ်ထောင်ကျ သွားပါက ပညာရေး ဆုံးခန်းမတိုင်နိုင်ပါ။
( ၂၈.၈.၂၀၂၆ ) မှ ( ၃.၉.၂၀၂၆ ) အထိ "ကြာသပ‌တေး” သား/သမီးများအတွက် တစ်ပတ်စာ (တားရော့) ဗေဒင် ဟောစာတမ်း
အလှည့်အပြောင်း ကြုံရပြီး အလုပ်အကိုင်၊ စီးပွားရေး လုပ်ငန်းများ စိတ်တိုင်းကျ လုပ်ကိုင်လာနိုင်မည်။ ရင်းနှီးမြုပ်နှံမှုများမှ အကျိုးအမြတ်များ ရရှိမည်။ အလုပ်သစ်၊ လုပ်ငန်းသစ်များ စတင်နိုင်သော ကာလဖြစ်သည်။ ရပ်ဝေးနယ်ခြား၊ နိုင်ငံရပ်ခြားမှလည်း အလုပ်နှင့် ပတ်သက်သော အခွင့်အရေး၊ ငွေကြေးနှင့် အကူအညီများ ရရှိမည်။ လှောင်ကုန်များ ထုတ်ရောင်းပါက ကြိုက်ဈေးရမည်။
အထက်လူကြီး၊ အကြီးအကဲနှင့် မိဘများကြောင့် အိမ်ထောင်ရေး၊ အချစ်ရေး ပြန်အဆင်ပြေမည့် ကာလဖြစ်သည်။ အိမ်ထောင်ရေး၊ အချစ်ရေး သာမက စီးပွားရေးနှင့် အလုပ်အကိုင်များပါ ပျက်စီး ဆုံးရှုံးနိုင်သောကြောင့် ယခုကာလအတွင်းအသောက်အစား၊ အပျော်အပါး၊ မိန်းမလိုက်စားခြင်းတို့ ရှောင်ကြဥ်ပါ။ အိမ်တွင် ညအိပ်ညနေ ဧည့်သည် လုံးဝ လက်မခံသင့်ပါ။အဆင်ပြေနေသော အိမ်ထောင်ရေး၊ အချစ်ရေးမှ ရုတ်တရက် အခက်ကြုံ လာတတ်သလို၊ ပြိုကွဲခါနီး အိမ်ထောင်ရေး၊ လမ်းခွဲခါနီး အချစ်ရေး တို့မှာလည်း ပြန်အဆင်ပြေတတ်သည်။ လက်ထပ်ခါနီး စုံတွဲများ အနေဖြင့် နောက်ထပ် အချိန် တစ်နှစ်ခန့် ထပ်‌စောင့်ကြည့်ပြီးမှ လက်ထပ်ပွဲအတွက် ပြင်ဆင်သင့်သည်။ ကားကိုယ်တိုင် မောင်းပါက ဂရုစိုက်ပါ။ အမြင့်ပေါ်မှပြုတ်ကျခြင်း၊ ကား၊ ဆိုင်ကယ် ယာဉ် အမျိုးမျိုးတို့ပေါ်မှ ပြုတ်ကျခြင်းတို့ကြောင့် ခြေထောက်၊ လက် ထိခိုက်မိတတ်သည်။ အာရုံကြောနှင့် ပတ်သက်သော ရောဂါ ဝေဒနာများ၊ သွေးဖိအား၊ သွေးနှင့် ပတ်သက်သောရောဂါ ဝေဒနာများ ခံစားရတတ်ပါသည်။ ဆရာသမား၊ အကြီးအကဲ၏ လမ်းညွှန် ပြသပေးမှုကြောင့် ပညာရပ် အသစ်များ သင်ယူ ရရှိမည်။ အလုပ်၊ အင်တာဗျူး စာမေးပွဲများအောင်မြင်မည်။ ပညာသင်ကြားနေသောကျောင်းသား၊ လူငယ်များ၊ အပေါင်းအသင်းမှားတတ်သည်။ စာမကြိုးစားသော၊ အလေလိုက်နေသော သူများဖြင့် ပေါင်းပြီး မိမိပါ စာမလုပ်နိုင်ဘဲ၊ မလုပ်ဖြစ်ဘဲ ဖြစ်တတ်သည်။
( ၂၈.၈.၂၀၂၆ ) မှ ( ၃.၉.၂၀၂၆ ) အထိ “သောကြာ” သား/သမီးများအတွက် တစ်ပတ်စာ ( တားရော့ ) ဗေဒင်ဟောစာတမ်း
ယခင်က ဆုံးရှုံးဖူးသော လုပ်ငန်းများ ပြန်လည်လုပ်ကိုင်ခြင်းဖြင့် စီးပွားရေး၊ အလုပ်အကိုင် များ ပြန်ဦးမော့လာမည်။ သို့သော် လက်ရှိလုပ်ကိုင်နေသော အလုပ်အကိုင်မှာ ရပ်တန့် ရခြင်း၊ ဆုံးရှုံးရခြင်းတို့ ကြုံတွေ့ရတတ်သည်။ ငွေချေးခြင်း၊ ငွေကြေးနှင့် လုပ်ငန်း ကိစ္စများ တွင် အခြားတစ်ပါးသူအတွက် အာမခံပေးခြင်း၊ မိမိ တစ်ခါမှ မလုပ်ဖူးသော လုပ်ငန်းများ တွင် ရင်းနှီးမြှုပ်နှံခြင်း၊ အိမ်၊ ခြံ၊ မြေ၊ စတော့ရှယ်ယာ၊ ငွေကြေး စျေးကွက်စသော လောင်းကစားဆန်သော လုပ်ငန်းများတွင် ဝင်ရောက် လုပ်ကိုင်ခြင်းတို့ ရှောင်ကြဉ်ပါ။ နှစ်ဖက် အသိုင်းအဝိုင်းနှင့် ဆွေမျိုးများမှ ဝင်ရောက် နှောက်ယှက် တတ်သောကြောင့် အိမ်ထောင်ရေး၊ အချစ်ရေး အဆင်မပြေ ဖြစ်တတ်သည်။ စေ့စပ်ပွဲ ကျင်းပရန်၊ မင်္ဂလာကိစ္စ စကားပြောရန်၊ မင်္ဂလာပွဲ ကျင်းပရန်တို့ကို အကြိမ်ကြိမ် ညှိနှိုင်း နေရတတ်သည်။ ကြုံ လာသမျှ အခက်အခဲ၊ အတိုက်အခိုက်များအား နောက်မဆုတ်တမ်း ရဲရဲရှေ့တိုး လုပ်ဆောင် မှသာ အိမ်ထောင်ရေး၊ အချစ်ရေး အဆင်ပြေမည်။ မိမိချစ်သူအား အခြားသူ တစ်ဦးဦးဖြင့် ယှဉ်ပြိုင် တိုက်ခိုက်ပြီးမှ ရယူနိုင်မည်။ အိမ်ထောင်ရေး၊ အချစ်ရေး အဆင်မပြေ ဖြစ်နေပါ က နှစ်ဦးတည်း အပျော်ခရီးသွားခြင်း၊ ဘုရားဖူးသွားခြင်းဖြင့် ပြန်အဆင်ပြေနိုင်သည်။ ခွဲစိတ် ကုသမှု ခံယူရတတ်သည်။ သွေးနှင့် ပတ်သက်သော ရောဂါဝေဒနာများ၊ နှလုံးနှင့် ပတ်သက်သော ရောဂါဝေဒနာများ၊ အာရုံကြောနှင့် သက်ဆိုင်သော ရောဂါဝေဒနာများ ခံစားရတတ်သည်။ ခြေထောက် ထိခိုက်မိလိမ့်မည်။ အလုပ်၊ အင်တာဗျူး စာမေးပွဲများ၊ ရာထူးတိုး စာမေးပွဲများ ဖြေဆိုထားပါက အထက်လူကြီး၊ အကြီးအကဲနှင့် အဆင်ပြေ အောင် နေထိုင်ပါ။ ပညာရေးနှင့် ပတ်သက်ပြီးအမျိုးသမီး တစ်ဦးဦး၏ ကူညီ ထောက်ပံ့မှု ကြောင့် ပညာရေး ရည်မှန်းချက်များ ပြည့်မြောက် အောင်မြင်လာမည်။ ကျောင်းသား၊ လူငယ်များ ယခုကာလအတွင်း မေတ္တာရေးကြောင့် ပညာရေးတွင် အနှောင့်အယှက် ကြုံရမည်။ ပညာရေးကိုသာ အလေးထားပြီးဆက်လက် သင်ယူပါ။
( ၂၈.၈.၂၀၂၆ ) မှ ( ၃.၉.၂၀၂၆ ) အထိ “စ‌နေ” သား/သမီးများအတွက် တစ်ပတ်စာ (တားရော့) ဗေဒင် ဟောစာတမ်း
ယခုကာလအတွင်း အမျိုးသမီး အကျိုးမပေးသောကြောင့် အမျိုးသမီးများနှင့် တွဲဖက် လုပ်ကိုင်ရသော လုပ်ငန်းများ၊ လုပ်ငန်းတွင်းရှိလုပ်ဖော်ကိုင်ဖက် အမျိုးသမီးများအား သတိထားပါ။ လုပ်ငန်း၏ လျှို့ဝှက်ချက်များ ခိုးယူခြင်း၊ အစ်အောက် မေးမြန်းခြင်း၊ ပြဿနာ တက်အောင် ဖန်တီးပြီး မိမိအပေါ် အပြစ်ပုံချခြင်းတို့ ပြုလုပ်တတ်သည်။ မိမိ စကားထက် ၎င်း၏ စကားအား ပိုမို ယုံကြည်နေကြမည်။ အခြားသူများ၏ ပြဿနာ များ၊ စိတ်ရှုပ်စရာများအား မိမိမှ ခေါင်းခံ ဖြေရှင်းပေးရတတ်သည်။ ချစ်လျက်နှင့် ကွဲကွာ နေကြသော အိမ်ထောင်ဖက်၊ ချစ်သူများ ပြန်လည် ဆုံဆည်း ကြရမည်။ ချစ်သူ၊ အိမ်ထောင်ဖက်ထံမှ သတင်းကောင်း ကြားရမည်။ သား၊ သမီးရတနာ ရမည်။ မိမိတွင် ကြုံတွေ့နေရသော အခက်အခဲများ၊ ပြဿနာများအား အိမ်ထောင်ဖက်၊ ချစ်သူနှင့် တိုင်ပင်ခြင်းဖြင့် နည်းလမ်းကောင်း၊ အကြံဉာဏ်ကောင်းများရရှိမည်။ ခံစားနေရသော ရောဂါဝေဒနာများ သက်သာလာမည်။ ပျောက်ကင်းလာမည်။ ကားကိုယ်တိုင် မောင်းပါက ဂရုစိုက်ပါ။ အမြင့်ပေါ်မှ ပြုတ်ကျခြင်း၊ ကား၊ ဆိုင်ကယ် ယာဉ် အမျိုးမျိုးတို့ပေါ်မှ ပြုတ်ကျ ခြင်း တို့ကြောင့် ခြေထောက်၊ လက် ထိခိုက်မိတတ်သည်။ အာရုံကြောနှင့် ပတ်သက်သော ရောဂါ ဝေဒနာများ၊ သွေးဖိအား၊ သွေးနှင့် ပတ်သက်သောရောဂါ ဝေဒနာများ၊ သွေးလေ မညီညွတ်ခြင်းကြောင့် ဖြစ်သော ရောဂါ ဝေဒနာများ ခံစားရတတ်ပါသည်။ ပညာရေးတွင် အလွယ်လမ်း၊ ဖြတ်လမ်းနည်းဖြင့် အောင်မြင်ရန် ကြိုးပမ်းနေနေတတ်သည်။ ရေရှည် အတွက် မကောင်းသဖြင့် သေသေချာချာ ကြိုးစား လေ့လာသင့်ပါသည်။ တရားမဝင်သော၊ မကောင်းသော ငွေရလွယ်သော အလုပ်များတွင် အလုပ်ရတတ်သည်။ ၎င်းအလုပ်များတွင် လုပ်ကိုင်မိပါက ပြန်ထွက်မရခြင်း၊ အချုပ်အနှောင် ခံရခြင်း၊ ငွေလျော်ရခြင်းတို့ ကြုံရတတ် သောကြောင့် မလုပ်ကိုင်သင့်ပါ။
#ဆရာမဒေါ်သန့်သန့်သိန်း ( TTT TAROT Reader @ TTT TAROT Fortune Teller )
-------------------------------------------------------------------------------------------------------------
နောက်ပိုင်း FB က ကန့်သတ်ချက်တွေများလာရင် TELEGRAM CHANNEL နဲ့ GROUP မှာပဲ တင်ပေးဖြစ်ပါတော့မယ်။

CHANNEL နှင့် GROUP ဖြစ်တဲ့ "TTT TAROT FORTUNE TELLER" နှင့် CHANNEL ကနေ တစ်ပတ်စာဟောစာတမ်းများ တင်ပေးပြီး ပညာဒါန ဆက်ပြုလုပ်ပြီး မျှဝေသွားပါ့မယ်။
TTT TAROTFORTUNETELLER ( TELEGRAM GROUP Link )
https://t.me/TTTTAROTTELLER

TTT TAROT ( FORTUNE ) TELLER ( CHANNEL Link ) https://t.me/TTTTAROTFortuneTELLER

VIBER CHANNEL Link
https://invite.viber.com/?g2=AQBOo%2BJA%2FGL%2FNVMkVVvdeGeSpxO9EnCTwNPQRQ11A0nl8OI%2FJEFPQsa4w7y87ya7

TIKTOK ACCOUNT Link
https://www.tiktok.com/?_t=ZS-8uCwFa1Neqt&_r=1

အောက်က QR CODE ကို Scan ဖတ်ပြီး CHANNEL ကို Join ထားလိုရပါပြီ။

SCAN ဖတ်လို မရခဲ့ရင် Search Box မှာ "TTTTAROTFORTUNETELLER" လို ရိုက်ရှာပြီး Channel လေးကို Join ထားပြီဖတ်နိုင်ပါပြီ။

“ ၇ရက် သားသမီး အားလုံး ကပ်ကြီး ၃ပါးမှ ကျော်လွှားနိုင်ကြပါစေ။ "
“ ၇ရက် သားသမီး အားလုံး စိတ်၏ချမ်းသာခြင်း၊ ကိုယ်၏ကျန်းမာခြင်း, ၊ ကိုယ်၏ချမ်းသာခြင်းနဲ့ ပြည့်စုဲနိုင်ကြပါစေ! "
“ ၇ရက် သားသမီး အားလုံး ဘေးခပ်သိမ်း၊ ရန်ခပ်သိမ်း၊ အန္တရာယ် ခပ်သိမ်း၊ အတိုက်အခိုက်၊ အနှောင့်အယှက် အပေါင်းတို့မှ ကင်းရှင်းကြပါစေ။ "
-------------------------------------------------------------------------------------------------------------

တားရော့ ဗေဒင် မေးလိုပါက အောက်ပါ CODE ကို Scan ဖတ်၍ဖြစ်စေ၊ Search Box မှာ " တားရော့ ဆရာမ ဒေါ်သန့်သန့်သိန်း TTT TAROT" ဟု ရိုက်ရှာ၍ ဖြစ်စေ၊ Telegram// Viber +95 9443971971 က်ု ရိုက်ရှာပြီး လာရောက်မေးမြန်းနိုင်ပါပြီ။
MESSENGER မှ စာ MESSENGER/ TIKTOK မှ မေးမြန်းခြင်းသည်းခံပါ။













#တားရော့
#ဗေဒင်
#ဗေဒင်ဆရာမ
#အဟော
#ဟောစာတမ်း
#နိမိတ်
#ကံ
#ကံကြမ္မာ
#‌ရှေ့ဖြစ်ဟော
#အနာဂတ်
#စီးပွားရေး
#အိမ်ထောင်ရေး
#အချစ်ရေး
#ကျန်းမာရေး
#ပညာရေး
#လူမှုရေး
#ပညာဒါန

01/09/2026

❝ထိုင်းနိုင်ငံက ရက် ၆၀ ဗီဇာကင်းလွတ်ခွင့်ကို ဖျက်သိမ်းလိုက်ပြီး ရက် ၃၀ အထိပဲ လျှော့ချသတ်မှတ်လိုက်ပြီ❞

ထိုင်းနိုင်ငံဟာ ခရီးသွားတွေအတွက် အရင် ခွင့်ပြုပေးထားတဲ့ ရက် ၆၀ ဗီဇာကင်းလွတ်ခွင့်ကို ဖျက်သိမ်းလိုက်ပြီး သတ်မှတ်ချက်နဲ့ ကိုက်ညီတဲ့ နိုင်ငံခြားသား ခရီးသွားတွေအတွက် အများဆုံး ရက် ၃၀ အထိပဲ နေထိုင်ခွင့်ပြုတော့မယ့် မူဝါဒအသစ်ကို ဩဂုတ် ၃၁ ရက်နေ့မှာ Royal Gazette အစိုးရပြန်တမ်းကနေတစ်ဆင့် တရားဝင် ထုတ်ပြန်လိုက်ပါတယ်။
"ခရီးသွားလာရေးအတွက် ထိုင်းနိုင်ငံအတွင်းသို့ ယာယီဝင်ရောက်သည့် ဗီဇာကင်းလွတ်ခွင့်ရရှိပြီး ရက် ၃၀ ထက်မပိုဘဲ နေထိုင်ခွင့်ရရှိမည့် နိုင်ငံစာရင်း" ဆိုတဲ့ ခေါင်းစဉ်နဲ့ စည်းမျဉ်းအသစ်တွေကို အသေးစိတ် သတ်မှတ်ပေးထားတာပါ။
ဒီစည်းမျဉ်းအသစ်အရ အောက်ပါ နိုင်ငံနဲ့ နယ်မြေတွေက ပတ်စပို့ (သို့မဟုတ်) ခရီးသွားစာရွက်စာတမ်း ကိုင်ဆောင်ထားသူတွေအနေနဲ့ ထိုင်းနိုင်ငံဆီ ဗီဇာမလိုဘဲ ခရီးသွားအဖြစ် ဝင်ရောက်နိုင်မှာဖြစ်ပြီး ရက်ပေါင်း ၃၀ အထိ နေထိုင်ခွင့် ရရှိကြမှာ ဖြစ်ပါတယ်။

ဩစတြေးလျ၊ ဩစတြီးယား၊ ဘာရိန်း၊ ဘယ်လ်ဂျီယံ၊ ဘူဂေးရီးယား၊ ဘူတန်၊ ဘရူနိုင်း၊ ကနေဒါ၊ ခရိုအေးရှား၊ ဆိုက်ပရပ်စ်၊ ချက်သမ္မတနိုင်ငံ၊ ဒိန်းမတ်၊ အက်စတိုးနီးယား၊ ဖီဂျီ၊ ဖင်လန်၊ ပြင်သစ်၊ ဂျော်ဂျီယာ၊ ဂျာမနီ၊ ဂရိ၊ ဟန်ဂေရီ၊ အိုက်စလန်၊ အင်ဒိုနီးရှား၊ အိန္ဒိယ၊ အိုင်ယာလန်၊ အစ္စရေး၊ အီတလီ၊ ဂျပန်၊ ဂျော်ဒန်၊ ကူဝိတ်၊ ကာဂျစ်စတန်၊ လတ်ဗီးယား၊ လစ်ချန်စတိန်း၊ လစ်သူယေးနီးယား၊ လူဇင်ဘတ်၊ မော်လ်တာ၊ မလေးရှား၊ မော်လဒိုက်၊ နယ်သာလန်၊ နယူးဇီလန်၊ နော်ဝေ၊ အိုမန်၊ ဖိလစ်ပိုင်၊ ပိုလန်၊ ပေါ်တူဂီ၊ ကာတာ၊ ရိုမေးနီးယား၊ ဆော်ဒီအာရေဗျ၊ စင်ကာပူ၊ ဆလိုဗက်ကီးယား၊ ဆလိုဗေးနီးယား၊ တောင်အာဖရိက၊ စပိန်၊ ဆွီဒင်၊ ဆွစ်ဇာလန်၊ ထိုင်ဝမ်၊ တူရကီ၊ ယူကရိန်း၊ အာရပ်စောဘွားများပြည်ထောင်စု (UAE)၊ ဗြိတိန် (UK) နဲ့ အမေရိကန်ပြည်ထောင်စု (USA)။
ဒီ စည်းမျဥ်းက စက်တင်ဘာ ၁၅ ရက်ဝန်းကျင်မှာ စတင်သက်ရောက်မှာဖြစ်ပါတယ်။ မြန်မာတွေကတော့ ထိုင်းမှာ ၁၄ ရက်ပဲ နေခွင့်ရမှာဖြစ်ပြီး အပြောင်းအလဲမရှိပါ။

Ref: KhaoSod English
#ထိုင်းရောက်မြန်မာ

01/09/2026

🟪ထိုင်းမှာ လုပ်ငန်းယာယီရပ်ဆိုင်းမှုတွေ တိုးလာ
🟪အလုပ်အကိုင် အခွင့်အလမ်းများ အားနည်းလာနိုင်ဟု ဗဟိုဘဏ် သတိပေး
_____________
ထိုင်းနိုင်ငံမှာ ပြိုင်ဆိုင်မှုနဲ့ စီးပွားရေးဖိအားတွေကြောင့် လုပ်ငန်းတွေ လည်ပတ်မှု ယာယီရပ်ဆိုင်းလာတာ ပိုများလာပြီး အလုပ်သမားတွေရဲ့ အလုပ်အကိုင်အခြေအနေအပေါ် စိုးရိမ်စရာ ဖြစ်လာနေပါတယ်။ အလုပ်သမားကာကွယ်ရေး ဥပဒေ ပုဒ်မ ၇၅အရ လုပ်ငန်းယာယီရပ်ဆိုင်းမှုတွေ တိုးလာနေတာကို အလုပ်သမားဈေးကွက် အားနည်းလာနိုင်တဲ့ လက္ခဏာတစ်ရပ်အဖြစ် ထိုင်းဗဟိုဘဏ် (BOT) က သတိပေးထားပါတယ်။

ဒီလို ယာယီရပ်ဆိုင်းမှုတွေဟာ ပြိုင်ဆိုင်မှု ပြင်းထန်တဲ့ မော်တော်ယာဉ်အစိတ်အပိုင်း၊ အဝတ်အထည်၊ ရော်ဘာနဲ့ ပလတ်စတစ်ထုတ်ကုန် ထုတ်လုပ်ရေးလုပ်ငန်းတွေမှာ ပိုများလာပါတယ်။ ပုဒ်မ ၇၅အရ လုပ်ငန်းတစ်ခုလုံး ဒါမှမဟုတ် တစ်စိတ်တစ်ပိုင်းကို ယာယီရပ်ဆိုင်းထားတဲ့ ကာလအတွင်း အလုပ်မလုပ်ရတဲ့ အလုပ်သမားတွေကို ပုံမှန်လုပ်ခရဲ့ အနည်းဆုံး ၇၅ ရာခိုင်နှုန်း ပေးဆောင်ရမှာ ဖြစ်ပါတယ်။

တစ်ဖက်မှာ လုပ်ငန်းအသစ် တည်ထောင်မှု ကျဆင်းလာသလို ကုန်သွယ်ရေးနဲ့ အိမ်ခြံမြေကဏ္ဍတွေမှာ လုပ်ငန်းပိတ်သိမ်းမှုလည်း ပိုများလာပါတယ်။ ဒါ့အပြင် လတ်တလော ရင်းနှီးမြှုပ်နှံမှုတွေက အရင်ကနဲ့ နှိုင်းယှဉ်ရင် အလုပ်သမားလိုအပ်ချက် နည်းလာတာကြောင့် အလုပ်အကိုင်အသစ် ဖန်တီးနိုင်မှုအပေါ်ပါ သက်ရောက်လာနိုင်တယ်လို့ ဗဟိုဘဏ်က သုံးသပ်ထားပါတယ်။

ဇူလိုင်လအတွင်း အလုပ်သမားလျှော့ချမှုနဲ့ လူမှုဖူလုံရေးစနစ်အတွင်း အလုပ်လုပ်ကိုင်သူအရေအတွက်က အရင်လနဲ့ နှိုင်းယှဉ်ရင် သိသိသာသာ မပြောင်းလဲသေးပေမယ့် အလုပ်သမားဈေးကွက်ရဲ့ နောက်ကွယ်အခြေအနေတွေမှာ အားနည်းချက်တွေ ပေါ်လာနေပါတယ်။ ဒါကြောင့် လုပ်ငန်းယာယီရပ်ဆိုင်းမှုနဲ့ လုပ်ငန်းပိတ်သိမ်းမှုတွေ ဆက်လက်တိုးလာမလား၊ အလုပ်အကိုင်အပေါ် ဘယ်လောက်ထိ သက်ရောက်လာမလဲဆိုတာကို လာမယ့်လတွေမှာ စောင့်ကြည့်ဖို့ လိုအပ်နေကြောင်း ဗဟိုဘဏ်က သတိပေးထားပါတယ်။

#ဘီကွန်မြန်မာ #ထိုင်း #အလုပ်အကိုင်

01/09/2026

🟪ထိုင်းတောင်ပိုင်းမှာ CI စင်တာတွေ တိုးချဲ့ဖွင့်လှစ်နိုင်ရေး စီစဉ်
🟪အလုပ်ပါမစ် လျှောက်ထားခြင်းနဲ့ သက်တမ်းတိုးကာလ တိုးပေးရေးပါ ဆွေးနွေးမည်
_____________
ထိုင်းနိုင်ငံ ဆောင်ခလာခရိုင်မှာ အလုပ်သမားဝန်ကြီး ဂျုလဖန် အမွန်ဝိဝတ်က ပုဂ္ဂလိကကဏ္ဍက လုပ်ငန်းရှင်တွေနဲ့ တွေ့ဆုံဆွေးနွေးခဲ့ကြောင်း သူ့ရဲ့ လူမှုကွန်ရက်စာမျက်နှာကနေ အသိပေးထားပါတယ်။ အလုပ်သမားရှားပါးမှု ပြဿနာကို ဖြေရှင်းနိုင်ဖို့ နိုင်ငံသားအထောက်အထားလက်မှတ် (CI) ထုတ်ပေးတဲ့စင်တာတွေ တိုးချဲ့ဖွင့်လှစ်ပေးရေးအပြင် အလုပ်လုပ်ခွင့်လက်မှတ် လျှောက်ထားခြင်းနဲ့ သက်တမ်းတိုးခြင်းအတွက် သတ်မှတ်ကာလကို တိုးပေးရေးတို့ကိုပါ ဆွေးနွေးခဲ့တယ်လို့ သိရပါတယ်။

တွေ့ဆုံဆွေးနွေးရာမှာ ပုဂ္ဂလိကကဏ္ဍဘက်က အလုပ်သမားရှားပါးမှု ပြဿနာနဲ့ ဆက်စပ်ပြီး နိုင်ငံသားအထောက်အထားလက်မှတ် (Certificate of Identity - CI) ထုတ်ပေးတဲ့စင်တာတွေ တိုးချဲ့ဖွင့်လှစ်ပေးဖို့ တင်ပြခဲ့ပါတယ်။ ဒါ့အပြင် အလုပ်သမားတွေအတွက် အလုပ်လုပ်ခွင့်လက်မှတ် လျှောက်ထားခြင်းနဲ့ သက်တမ်းတိုးခြင်းဆိုင်ရာ သတ်မှတ်ကာလကို တိုးပေးဖို့လည်း တောင်းဆိုခဲ့တယ်လို့ ဆိုပါတယ်။ အလုပ်သမားဝန်ကြီးဌာနအနေနဲ့ အလုပ်သမားရှားပါးမှု ပြဿနာကို အလေးထားဆောင်ရွက်နေပြီး လက်ရှိမှာ CI ထုတ်ပေးရေးစင်တာတွေ ထပ်မံတိုးချဲ့ဖွင့်လှစ်နိုင်ရေးကို ဆောင်ရွက်နေကြောင်း ဝန်ကြီးက ဆိုပါတယ်။

တောင်ပိုင်းဒေသအတွက်လည်း CI စင်တာတွေ ထပ်မံဖွင့်လှစ်နိုင်မယ့် အခြေအနေကို သက်ဆိုင်ရာဌာနတွေနဲ့ ပူးပေါင်းဆွေးနွေးပြီး စိစစ်သွားမယ်လို့ သိရပါတယ်။ အထူးသဖြင့် တောင်ပိုင်းဒေသက လုပ်ငန်းရှင်တွေရဲ့ အလုပ်သမားလိုအပ်ချက်ကို ဖြည့်ဆည်းနိုင်ရေးအတွက် CI စင်တာ တိုးချဲ့ဖွင့်လှစ်ရေးအပြင် အလုပ်လုပ်ခွင့်လက်မှတ် လျှောက်ထားခြင်းနဲ့ သက်တမ်းတိုးခြင်းအတွက် အချိန်ကာလတိုးပေးနိုင်ရေးကိုပါ ဆက်လက်ဆွေးနွေးသွားမယ်လို့ အလုပ်သမားဝန်ကြီးက အသိပေးထားပါတယ်။

အလုပ်သမားကူညီထောက်ပံ့ရေးရန်ပုံငွေနဲ့ ပတ်သက်ပြီးတော့လည်း လာမယ့် အောက်တိုဘာ ၁ ရက်နေ့မှာ ဥပဒေစတင်အာဏာသက်ဝင်လာချိန်အတွက် လိုအပ်တဲ့ လုပ်ထုံးလုပ်နည်းတွေ ကြိုတင်ပြင်ဆင်ထားပေးဖို့ တောင်းဆိုမှုတွေ ရှိခဲ့တယ်လို့ ဆိုပါတယ်။ ဒါကြောင့် အလုပ်သမားဝန်ကြီးဌာ နအနေနဲ့လည်း အဆိုပါကိစ္စကို အမြန်ဆုံး ဆောင်ရွက်သွားမယ်လို့ သိရပါတယ်။

#ဘီကွန်မြန်မာ #ထိုင်း #အလုပ်သမား #ထိုင်းရောက်မြန်မာ #အလုပ်အကိုင်

01/09/2026

ထိုင်းနိုင်ငံမှာ အလုပ်ရှင်က အလုပ်သမားတွေရဲ့ လစာထဲကနေ လူမှုဖူလုံရေးကြေးကို ဖြတ်တောက်ထားပြီးမှ သက်ဆိုင်ရာ လူမှုဖူလုံရေးရုံးမှာ မသွင်းပေးတာ၊ ဒါမှမဟုတ် အလုပ်သမားတွေ ဆေးကုသခွင့်နဲ့ အကျိုးခံစားခွင့်တွေ ဆုံးရှုံးရတာမျိုးတွေ ဖြစ်လာတဲ့အခါ ဥပဒေအရ ဖြေရှင်းနိုင်တာတွေ ရှိပါတယ်။

▪️အလုပ်ရှင်ကို ဥပဒေအရ အရေးယူနိုင်သည့် ပြစ်ဒဏ်များ
ထိုင်းနိုင်ငံရဲ့ လူမှုဖူလုံရေး ဥပဒေအရ အလုပ်ရှင်ဟာ အလုပ်သမားရဲ့ လစာထဲက ဖြတ်တောက်ထားတဲ့ ငွေတွေကို သတ်မှတ်ရက်အတွင်း ပုံမှန် မသွင်းပေးဘဲ သိမ်းဆည်းထားမယ်ဆိုရင် ရာဇဝတ်မှု မြောက်ပါတယ်။ အဲဒီလို ကျူးလွန်တဲ့ အလုပ်ရှင်ကို ထောင်ဒဏ် အများဆုံး ခြောက်လအထိ ဖြစ်စေ၊ ငွေဒဏ် ဘတ် ၂၀,၀၀၀ အထိ ဖြစ်စေ၊ ဒဏ်နှစ်ရပ်လုံး ဖြစ်စေ ချမှတ်နိုင်တဲ့ ပြစ်ဒဏ်တွေ တိတိကျကျ သတ်မှတ်ထားပါတယ်။

▪️နောက်ကျကြေးနှင့် ဒဏ်ကြေး ပေးဆောင်ရခြင်း
အလုပ်ရှင်က လူမှုဖူလုံရေးကြေးကို အချိန်မီ မသွင်းဘဲ နောက်ကျသွားတဲ့အခါ တစ်လချင်းအလိုက် သတ်မှတ်ထားတဲ့နှုန်းနဲ့ နောက်ကျကြေးတွေကို အလုပ်ရှင်ဘက်ကနေ အတိုးနဲ့တကွ ပေးဆောင်ရပါတယ်။ အလုပ်သမားတွေရဲ့ လစာထဲက ဖြတ်ထားပြီးသား ဖြစ်ပေမဲ့ အလုပ်ရှင်ရဲ့ ပေါ့ဆမှု၊ ရည်ရွယ်ချက်ရှိရှိ မသွင်းပေးမှုတွေကြောင့် ဖြစ်လာတဲ့ ငွေကြေးဆုံးရှုံးမှု မှန်သမျှကို အလုပ်ရှင်က တာဝန်ယူပေးရပါတယ်။

▪️အလုပ်သမားများ တုံ့ပြန်ဆောင်ရွက်နိုင်မှု
အလုပ်ရှင်က ငွေမသွင်းပေးထားလို့ အလုပ်သမားမှာ လူမှုဖူလုံရေး ကတ်ပြားမရှိတာ၊ ဆေးရုံပြတဲ့အခါ ကုန်ကျစရိတ် ကိုယ်တိုင်စိုက်ထုတ်ရတာ ဒါမှမဟုတ် မီးဖွားစရိတ်နဲ့ လုပ်ငန်းခွင် ထိခိုက်မှု လျော်ကြေးတွေ မရတာမျိုး ဖြစ်လာရင် နီးစပ်ရာ အလုပ်သမားရုံး ဒါမှမဟုတ် လူမှုဖူလုံရေးရုံးကို တိုင်ကြားနိုင်ပါတယ်။ အလုပ်ရှင်ဘက်က မသွင်းပေးထားတဲ့ ကာလအတွင်း အလုပ်သမားမှာ ဆေးကုသခွင့် ထိခိုက်နစ်နာမှု ရှိလာရင် လူမှုဖူလုံရေးရုံးက တရားဝင် စစ်ဆေးပြီး အလုပ်ရှင်ကို ဥပဒေကြောင်းအရ အပြည့်အဝ ပြန်လည် တောင်းခံပေးသလို၊ အလုပ်ရှင်ကိုလည်း ဥပဒေပုဒ်မတွေနဲ့ တရားစွဲဆို အပြစ်ပေးနိုင်ပါတယ်။

> သင်တို့ရော လုပ်ငန်းခွင်တွေမှာ လူမှုဖူလုံရေးကြေး ဖြတ်တောက်ပြီး မသွင်းပေးတာမျိုး ဒါမှမဟုတ် အခွင့်အရေးနစ်နာတာမျိုး ကြုံဖူးလား။

#ဘီကွန်မြန်မာ #ထိုင်း #အလုပ်သမား #အလုပ်အကိုင်

01/09/2026

🟪ပထုမ်ဌာနီမှာ မြန်မာလူငယ်အုပ်စုတွေ လက်နက်ကိုင်ပြီး
အင်အားပြဗီဒီယိုတွေ အွန်လိုင်းတင်
🟪 အလုပ်သမားတွေနဲ့ ဒေသခံတွေကို ခြိမ်းခြောက်
_______________
ထိုင်းနိုင်ငံမှာ မြန်မာလူငယ်အုပ်စုတွေ အုပ်စုဖွဲ့အင်အားပြတာ၊ အနှောင့်အယှက်ဖြစ်စေတာနဲ့ လက်နက်ကိုင်ပြီး ထိုင်းနိုင်ငံသားတွေကို ခြိမ်းခြောက်တာတွေ ရှိလာတာကြောင့် ရဲတပ်ဖွဲ့နဲ့ လုံခြုံရေးအဖွဲ့တွေက နေရာအနှံ့ စောင့်ကြည့်ဖမ်းဆီးအရေးယူနေပါတယ်။ စက်တင်ဘာ ၁ ရက်မှာလည်း ပထုမ်ဌာနီခရိုင် စီမုမ်မောင်းဈေးအနီး မြန်မာလူငယ်အုပ်စုတစ်ခုက ဓား၊ သေနတ်တွေကိုင်ပြီး အင်အားပြတဲ့ဗီဒီယိုတွေ ဆိုရှယ်မီဒီယာပေါ် တင်ထားတာ တွေ့ရှိခဲ့တယ်လို့ သိရပါတယ်။

လုံခြုံရေးအဖွဲ့တွေရဲ့ စစ်ဆေးချက်အရ ထိုင်းနိုင်ငံအတွင်း နိုင်ငံခြားသားလူငယ်အုပ်စု ၁၀ ဖွဲ့ကျော် လှုပ်ရှားနေပြီး မြန်မာနိုင်ငံသားတွေနဲ့ တိုင်းရင်းသားအုပ်စုဝင်အချို့ ပါဝင်နေပါတယ်။ အဲဒီအုပ်စုတွေထဲမှာ 037 နဲ့ RUK အဖွဲ့တွေ ပါဝင်ပြီး ဆိုင်ကယ်တွေ အုပ်စုလိုက်စီးနင်းတာ၊ ဓား၊ ဓားရှည်နဲ့ သေနတ်တွေ ကိုင်ဆောင်တာတွေ ပြုလုပ်ကာ ဗီဒီယိုရိုက်ပြီး ဆိုရှယ်မီဒီယာပေါ် တင်ကြတာ ဖြစ်ပါတယ်။ အချို့အဖွဲ့တွေက ထိုင်းအစိုးရဝန်ထမ်းဝတ်စုံပုံစံကို တုပဝတ်ဆင်ပြီး အလုပ်သမားတွေနဲ့ ဒေသခံတွေကို ခြိမ်းခြောက်တာတွေပါ ပြုလုပ်ကြတယ်လို့ သိရပါတယ်။

လုံခြုံရေးအဖွဲ့တွေက လက်နက်ကိုင်ဆောင်သူတွေ၊ အုပ်စုဖွဲ့အင်အားစုနေသူတွေနဲ့ လူကိုယ်ထိလက်ရောက် ကျူးလွန်သူတွေကို ဖမ်းဆီးပြီး ရာဇဝတ်မှုဆိုင်ရာ အရေးယူနေပါတယ်။ လူဝင်မှုကြီးကြပ်ရေးဌာနကလည်း အလုပ်လုပ်ခွင့်ပါမစ်နဲ့ နေထိုင်ခွင့်အခြေအနေတွေကို စစ်ဆေးကာ တရားမဝင်ဝင်ရောက်နေထိုင်သူ ဒါမှမဟုတ် အလုပ်လုပ်ခွင့်မရှိသူတွေကို နိုင်ငံကနေ ပြန်လည်ပို့ဆောင်ဖို့ ဆောင်ရွက်သွားမယ်လို့ သိရပါတယ်။

ဒီအခြေအနေတွေကြောင့် နိုင်ငံခြားသားအလုပ်သမားတွေကို စိစစ်မှု ပိုမိုတင်းကျပ်ဖို့ လူမှုအဖွဲ့အစည်းတွေနဲ့ ပြည်သူအချို့က အစိုးရကို တောင်းဆိုနေကြပါတယ်။ တစ်ဖက်မှာလည်း ထိုင်းနိုင်ငံမှာ တရားဝင်အလုပ်လုပ်နေတဲ့ မြန်မာအလုပ်သမားအများစုက အဆိုပါလူငယ်အုပ်စုတွေရဲ့ လုပ်ရပ်တွေကို သဘောမတူကြောင်း ဖော်ပြထားပြီး ဒီဖြစ်ရပ်တွေကြောင့် မြန်မာအလုပ်သမားတွေရဲ့ ပုံရိပ် ထိခိုက်လာနိုင်တယ်လို့ စိုးရိမ်နေကြကြောင်း ထိုင်းသတင်းတစ်ရပ်က ဖော်ပြပါတယ်။

#ဘီကွန်မြန်မာ #ထိုင်း #အလုပ်သမား

01/09/2026

ထိုင်းဥပဒေအရ ပုံမှန်လုပ်ငန်းခွင် တစ်ခုရဲ့ နေ့စဉ် အလုပ်ချိန်က တစ်ရက်လျှင် ၈ နာရီ ထက် မပိုစေရလို့ သတ်မှတ်ထားပါတယ်။ တစ်ပတ်အတွက် စုစုပေါင်း အလုပ်ချိန်က လုပ်ငန်းအမျိုးအစားအပေါ် မူတည်ပြီး နာရီ ၄၀ မှ ၄၈ နာရီ အတွင်းသာ ရှိရမှာဖြစ်ပြီး လုပ်ငန်းရှင်ဘက်က ဒီသတ်မှတ်ချက်ထက် ကျော်လွန်ခိုင်းစေရင် အချိန်ပို (OT) စနစ်နဲ့သာ တွက်ချက်ပေးဖို့ တာဝန်ရှိပါတယ်။

▪️အနားယူခွင့်
အလုပ်သမားတစ်ဦးဟာ အလုပ်စတင်ဝင်ရောက်ချိန်ကစလို့ ၅ နာရီ ဆက်တိုက် ပြည့်သွားတာနဲ့ တစ်ပြိုင်နက် အနည်းဆုံး ၁ နာရီကြာ အနားယူချိန်နဲ့ အစားအသောက်စားချိန် (Break time) ကို အလုပ်ရှင်ဘက်က မဖြစ်မနေ ပေးအပ်ရပါတယ်။ ဒီ ၁ နာရီကို အစားစားဖို့နဲ့ အနားယူဖို့အတွက် လွတ်လပ်စွာ အသုံးပြုခွင့်ရှိပြီး အလုပ်ချိန်ထဲမှာ ထည့်သွင်းတွက်ချက်ခြင်း မရှိပါဘူး။

▪️အနားယူချိန် ခွဲဝေယူနိုင်ခြင်း
ဥပဒေက ၁ နာရီတိတိ အနားယူရမယ်လို့ ဆိုထားပေမဲ့ အလုပ်ရှင်နဲ့ အလုပ်သမား နှစ်ဦးသဘောတူညီချက် ရရှိထားရင် ဒီ ၁ နာရီကို အကြိမ်ရေခွဲပြီး အတိုချုံး အနားယူချိန်တွေအဖြစ် (ဥပမာ- နံနက်ပိုင်း မိနစ် ၃၀၊ နေ့လယ်ပိုင်း မိနစ် ၃၀) ခွဲဝေယူနိုင်ပါတယ်။ ဒါပေမဲ့ စုစုပေါင်း အနားယူချိန် ပမာဏက တစ်နေ့တာအတွက် ၁ နာရီအောက် မလျော့နည်းရပါဘူး။

▪️အနားယူချိန်အတွင်း အလုပ်ခိုင်းစေခြင်းအတွက်

ဥပဒေအရ သတ်မှတ်ထားတဲ့ အဆိုပါ အနားယူချိန်အတွင်း အလုပ်ရှင်ဘက်က အလုပ်သမားကို အလုပ်တာဝန် ဆက်လက် လုပ်ကိုင်ခိုင်းစေခြင်း၊ အနားမပေးဘဲ ဆက်တိုက် အလုပ်ခိုင်းခြင်း လုံးဝ မလုပ်ရပါဘူး။ အကယ်၍ အနားယူချိန်၌ပါ အလုပ်သမားကို အတင်းအကျပ် ဆက်ခိုင်းရရင် အဆိုပါအချိန်က အချိန်ပို (OT) သဘောသက်ရောက်သွားသဖြင့် လုပ်ငန်းရှင်ဘက်က သက်ဆိုင်ရာ အချိန်ပိုလုပ်ခနှုန်းထားနှင့်အညီ တရားဝင် တွက်ချက်ပေးချေရမှာ ဖြစ်ပါတယ်။

> သင်တို့ရော လုပ်ငန်းခွင်တွေမှာ အလုပ်ချိန်အတွင်း ဒီလို အနားယူချိန်တွေ၊ အစားအသောက်စားချိန်တွေကို ဥပဒေပါအတိုင်း အပြည့်အဝ ရရှိခံစားနေရရဲ့လား။

#ဘီကွန်မြန်မာ #ထိုင်း #အလုပ်သမား #အလုပ်အကိုင်

01/09/2026

တကယ်တော့ ထိုင်းနိုင်ငံမှာ နိုင်ငံခြားသားတစ်ဦးက တရားမဝင်ဝင်ရောက်နေထိုင်ခြင်း၊ ဗီဇာသက်တမ်းကျော်လွန်ခြင်း၊ အလုပ်လုပ်ခွင့်မရှိဘဲ အလုပ်လုပ်ခြင်း စတဲ့ ဥပဒေချိုးဖောက်မှုများရှိပါက

ဖမ်းဆီး၊ ထိန်းသိမ်းပြီး မိခင်နိုင်ငံသို့ ပြန်လည်ပို့ဆောင်နိုင်တဲ့ ဥပဒေက အရင်ကတည်းက ရှိပြီးသား ဖြစ်ပါတယ်။

အထူးသဖြင့် ထိုင်းရောက် မြန်မာနိုင်ငံသားများဟာ Overstay ဖြစ်နေခြင်း၊ work permit မရှိဘဲ အလုပ်လုပ်ခြင်း၊ Work Permit ပေါ်ရှိ အလုပ်ရှင်အမည်/အလုပ်နေရာနှင့် လက်ရှိအလုပ်အခြေအနေ မကိုက်ညီခြင်း၊

အေးဂျင့် သို့မဟုတ် ပွဲစားများမှ စီစဉ်ပေးထားသော စာရွက်စာတမ်းတွင် အတုအပ သို့မဟုတ် မမှန်ကန်မှု ပါဝင်နေခြင်းတို့ဖြင့် ဖမ်းဆီးခံရပါက

ကော့သောင်း၊ တာချီလိတ်ကဲ့သို့ နယ်စပ်ဂိတ်များမှ ပြန်ပို့ခံရသည့်အခြေအနေများ မကြာခဏဖြစ်ပေါ်လေ့ရှိပါတယ်။

ဒါပေမယ့် ဒီတစ်ခေါက် ထုတ်ပြန်လိုက်တဲ့ စည်းမျဉ်းအသစ် (Prime Minister’s Office Regulation on Deportation B.E. 2569) ကတော့

ယခင်ကရှိပြီးသား ပြည်နှင်ဒဏ်ဆိုင်ရာ လုပ်ငန်းစဉ်တွေကို သက်ဆိုင်ရာဌာနများကြား ပိုမိုမြန်ဆန်၊ စနစ်တကျ အကောင်အထည်ဖော်နိုင်အောင် စီမံထားပြီး

အဓိကအားဖြင့် တရားမဝင်ဝင်ရောက်/နေထိုင်မှု၊ တရားမဝင်အလုပ်လုပ်ကိုင်မှု၊ တရားမဝင်စီးပွားရေးလုပ်ကိုင်မှု၊ အစိုးရစာရွက်စာတမ်းအတုပြုလုပ် သို့မဟုတ် အသုံးပြုမှုနှင့်

ပြင်းထန်သောပြစ်မှုများတွင် နောက်ဆုံးတရားရုံးဆုံးဖြတ်ချက် ရရှိပြီးသူများကို ပြည်နှင်ဒဏ်ပေးရေးအတွက် သက်ဆိုင်ရာဌာနများက ပိုမိုထိရောက်စွာ ချိတ်ဆက်ဆောင်ရွက်နိုင်မယ့် ပုံစံဖြစ်ပါတယ်။

ဒီစည်းမျဉ်းမှာ ပုံမှန်နဲ့ မတူတဲ့အချက်တစ်ခုကတော့ ပြည်နှင်ဒဏ်ချမှတ်ခံရသူကို မိခင်နိုင်ငံသို့ ပြန်ပို့လိုက်ပါက ညှဉ်းပန်းနှိပ်စက်ခံရနိုင်ခြင်း၊ လူမဆန်စွာဆက်ဆံခံရနိုင်ခြင်း၊ အတင်းအကျပျောက်ဆုံးစေနိုင်ခြင်း စတဲ့ အန္တရာယ်များရှိပါက

တတိယနိုင်ငံ (Third Country) သို့ လွှဲပြောင်းပို့ဆောင်နိုင်မည့် လမ်းကြောင်းကို ထည့်သွင်းထားခြင်း ဖြစ်ပါတယ်။

သို့သော် လက်ခံ ခေါ်ဆောင်ပေးမည့် တတိယနိုင်ငံ သို့မဟုတ် အပြည်ပြည်ဆိုင်ရာအဖွဲ့အစည်းတစ်ခုက ထိုင်းအစိုးရထံ diplomatic channel မှတစ်ဆင့် လက်ခံမည့်အကြောင်း တောင်းဆိုရမှာဖြစ်ပြီး၊

ပို့ဆောင်ရေးနှင့် စောင့်ရှောက်ရေးဆိုင်ရာကုန်ကျစရိတ်ကိုလည်း တာဝန်ယူရမှာဖြစ်ပါတယ်။

ဒါ့အပြင် ကာယကံရှင်၏ စာဖြင့်သဘောတူညီချက်လည်း လိုအပ်တာကြောင့် ဒီလမ်းကြောင်းက လက်တွေ့မှာ ဘယ်လောက်အလုပ်ဖြစ်မလဲဆိုတာကိုတော့ ဆက်လက်စောင့်ကြည့်ရဦးမှာ ဖြစ်ပါတယ်။

ဒါကြောင့် ထိုင်းရောက်မြန်မာများအနေနဲ့

Passport သက်တမ်း၊ Visa/Extension stamp သက်တမ်း မကျော်လွန်စေရန်နှင့် Work Permit နှင့် လက်ရှိအလုပ်ရှင်အမည်၊ အလုပ်နေရာတို့ ကိုက်ညီမှုရှိစေရန် သတိထားဖို့လိုပြီး

90-day report၊ TM30 နှင့် နေထိုင်လိပ်စာအချက်အလက်များကိုလည်း Update ပြုလုပ်ထားဖို့လိုမှာဖြစ်ပါတယ်။

အလုပ်ရှင်ပြောင်းလဲလိုက်ပါက Work Permit နှင့် သက်ဆိုင်ရာ အချက်အလက်များကို သတ်မှတ်ထားသည့်အတိုင်း ပြင်ဆင်ထားဖို့လိုပြီး၊

မသေချာသော အေးဂျင့်/ပွဲစားများထံမှ ရရှိလာသည့် စာရွက်စာတမ်းများ၊ အထူးသဖြင့် စာရွက်စာတမ်းအတုများကို အသုံးပြုခြင်းများအား ရှောင်ကျဉ်ကြဖို့လိုပါလိမ့်မယ်

ဒါ့အပြင် ဖမ်းဆီးခံရခြင်း သို့မဟုတ် ပြည်နှင်ဒဏ်သတ်မှတ်ခံရပါက Passport၊ Visa၊ Work Permit နှင့် နေထိုင်/အလုပ်လုပ်ခွင့်ဆိုင်ရာ စာရွက်စာတမ်းအားလုံးကို ထိန်းသိမ်းထားပြီး

ယုံကြည်ရသော ဥပဒေအကူအညီပေးသည့်အဖွဲ့အစည်းထံ အမြန်ဆုံး ဆက်သွယ်ဖို့လိုပါတယ်။

ယခုအချိန်ဟာ ထိုင်းနိင်ငံမှာ စာရွက်စာတမ်းနှင့် နေထိုင်/အလုပ်လုပ်ခွင့်အခြေအနေ မမှန်ကန်သူများ၊

အမှန်တကယ် အလုပ်လုပ်ကိုင်နေခြင်းမရှိပဲ အလုပ်လုပ်ကိုင်ခွင့်နှင့် နေထိုင်ခွင့် ကိုင်ဆောင်ထားသူများအနေနဲ့ ယခင်ကထပ် ပိုပြီးဂရုစိုက်ရမယ့်အချိန် ဖြစ်ပါကြောင်း အသိပေးလိုက်ရပါတယ်။

ကူညီရာအနေနဲ့ အလုပ်လုပ်ကိုင်ခွင့်၊ အလုပ်အကိုင်ဗီဇာကိစ္စရပ်များကို ဝန်ဆောင်မှုပေးခြင်းနှင့် တာဝန်ယူဆောင်ရွက်ပေးခြင်းများ လုံးဝမပြုလုပ်ပါ။

Ku Nyi Yar "Wherever You Are."

25/08/2026

မလေးရှားနိုင်ငံကထောင်တွေမှာ မိသားစုနဲ့အဆက်အသွယ်မရလို့ မလွတ်မြောက်နိုင်တဲ့ ရခိုင်ရွှေ့ပြောင်းလုပ်သား အများအပြားရှိနေ

မောင်စာဂ၊ နိရဉ္စရာ၊ သြဂုတ် ၂၅/၂ဝ၂၆

မလေးရှားနိုင်ငံမှာ ဖမ်းဆီးထိန်းသိမ်းခံနေရတဲ့ ရခိုင်ရွှေ့ပြောင်းလုပ်သားအများအပြားဟာ မိသားစုနဲ့အဆက်အသွယ်မရတဲ့အတွက် မလွတ်မြောက်နိုင်ဘဲဖြစ်နေရတယ်လို့ မလေးရှားရောက် ရခိုင်အသိုင်းအဝိုင်းကနေ သိရပါတယ်။

မလေးရှားရောက် ရခိုင်လူမှုရေးလှုပ်ရှားနေသူအမျိုးသမီးတစ်ယောက်က “မိသားစုနဲ့အဆက်အသွယ်မရ၊ မှတ်ပုံတင်မရှိ၊ အိမ်ထောင်စုမရှိ၊ ရပ်ကွက်ထောက်ခံစာ၊ အားလုံးထောက်ခံစာအသီးသီးတွေကို လဝကက တောင်းလာတဲ့အခါမှာ မပြနိုင်၊ မပေးနိုင်၊ အဲလိုမျိုးတွေဆိုရင် နှစ်တွေကြာပြီးတော့ အဲလိုအခက်အခဲတွေနဲ့ ကြုံရတယ်လေ”လို့ နိရဉ္စရာကို ပြောပါတယ်။

မိသားစုနဲ့အဆက်အသွယ်ရပြီးနောက် အထောက်အထားစာရွက်စာတမ်းတွေကိုပြသနိုင်ပြီး ငွေကုန်ကြေးကျခံနိုင်ရင် ပြန်လည်လွတ်မြောက်တတ်တယ်လို့လည်း သိရပါတယ်။

အဲလိုလွတ်မြောက်နိုင်ဖို့အတွက် လူတစ်ယောက်ကို မြန်မာငွေ ကျပ်သိန်း ၁ဝဝ နဲ့အထက် ကုန်ကျတတ်တယ်လို့လည်း ဆိုကြပါတယ်။

မလေးရှားနိုင်ငံအတွင်း ဖမ်းဆီး၊ ထောင်ချခံထားရတဲ့ ရခိုင်လူမျိုးတွေမှာ အထောက်အထားမဲ့ဝင်ရောက်နေထိုင်မှုနဲ့ အော်ပရာဇီဝင်ဖမ်းချိန်မှာ အများဆုံးဖမ်းဆီးခံရတာဖြစ်ပြီး မူးယစ်ဆေးအမှုတွေကြောင့်လည်း ပါဝင်သလို တစ်ပါးသူရဲ့ ချောက်တွန်းခံရမှုတို့ကြောင့်လည်း အဖမ်းခံရတာတွေပါဝင်တယ်လို့ သိရပါတယ်။

မလေးရှားနိုင်ငံ၊ ကွာလာလမ်ပူမြို့က ဆီမန်ယီး(Semenyih) အကျဉ်းထောင်ဆိုရင် မလေးရှားနိုင်ငံရဲ့ ဗဟိုအကျဉ်းထောင်ဖြစ်ပြီး မြန်မာအပါအဝင် တရားမဝင်နိုင်ငံခြားသားအများဆုံး ရှိတဲ့ထောင်ဖြစ်တယ်လို့ မလေးရှားရောက် ရခိုင်လှုမှုရေးလှုပ်ရှားသူတချို့က ပြောပါတယ်။

ဆွမ်ဂိုးဘူမြို့ကအကျဉ်းထောင်ဆိုရင် အချုပ်သားတွေကို အများဆုံးထိန်းသိမ်းထားပြီး အဲဒီထောင်ကနေတဆင့် ပြစ်ဒဏ်ချပြီးရင် ဆီမန်ယီးထောင်သို့ လွှဲပြောင်းပို့ဆောင်တတ်တယ်လို့လည်း သိရပါတယ်။

ဂျိုဟိုးမြို့က ကလမ်းဘာသထောင်မှာဆိုရင်လည်း မိသားစုနဲ့အဆက်အသွယ်မရတဲ့အတွက် မလွတ်မြောက်နိုင်တဲ့ ရခိုင်ရွှေ့ပြောင်းလုပ်သား ၂ဝဝ လောက်ရှိနေတယ်လို့ အဲဒီထောင်သို့ကိုယ်တိုင်သွားရောက်ဖူးတဲ့ မလေးရှားရောက် ရခိုင်လူမှုကူညီရေးလှုပ်ရှားနေတဲ့ ကိုရဲရဲက နိရဉ္စရာကို ပြောပါတယ်။

“ကျနော်တော့ အဲဒီမှာ ကလမ်းဘာသထောင်ကို နှစ်ခါရောက်ဖူးတယ်။ သူငယ်ချင်းအဖမ်းခံရလို့ ထောင်ဝင်စာသွားတွေ့လို့ပါ။ ရခိုင်သားတွေကတော့ များပါတယ်။ အဲဒီမှာ ကမ့်(Camp)ထဲကို ရောက်လို့ မလွတ်နိုင်ဆိုတာလည်း မြန်မာသံရုံးနဲ့ ဆက်သွယ်ပေးဖို့လူတွေမရှိတာတွေက အများကြီးဆိုင်ပါတယ်”လို့ ပြောပါတယ်။

မလေးရှားကထောင်တွေမှာ ဖမ်းဆီးထောင်ချခံထားရတဲ့ မြန်မာအပါအဝင် နိုင်ငံခြားသားတွေဟာ အနေဆင်းရဲ၊ အစားဆင်းရဲနဲ့ အအိပ်ဆင်းရဲတို့နဲ့ ခက်ခက်ခဲခဲရုန်းကန်ကျော်ဖြတ်နေနေကြရတယ်လို့ ဆိုကြပါတယ်။

မလေးရှားရောက် ရခိုင်လူမှုကူညီရေးပရဟိတအဖွဲ့တချို့ကို နိရဉ္စရာက ဆက်သွယ်မေးကြည့်ပေမဲ့ မလေးရှားက ဘယ်ထောင်မှာ ရခိုင်လူဦးရေ ဘယ်လောက်အထိဖမ်းဆီးထောင်ချခံထားရပြီး မိသားစုနဲ့အဆက်အသွယ်မရဘဲ ပြန်မလွတ်နိုင်တဲ့ ရခိုင်ရွှေ့ပြောင်းလုပ်သားဦးရေ ဘယ်လောက်အထိရှိတယ်ဆိုတာကို အတိအကျမသိနိုင်ဘူးလို့ ဆိုကြပါတယ်။

မလေးရှားရောက် ရခိုင်လူမှုရေးလှုပ်ရှားနေသူအမျိုးသမီးက “အဖမ်းခံရတဲ့သူတွေနဲ့လည်း ဆိုင်ပါတယ်။ ဗြုန်းစားကြီး Immigration က ဝင်ဖမ်းသွားတယ်ဆိုတာနဲ့ ဖုန်းကို အရင်ကောက်ကိုင်ပြီး ငါ အော်ပရာဇီ ဘယ်နေရာဘယ်နေရာက ပါသွားပြီ။ အဲဒါတစ်ခုကို လိုင်းပေါ်မှာ တင်ထားခဲ့ရင်ပဲဖြစ်ဖြစ်၊ အသိမိတ်ဆွေတွေကိုမျှဝေခဲ့တာတွေပဲဖြစ်ဖြစ်၊ အဲလို အသံဖိုင်တစ်ဖိုင်နဲ့ပို့ပစ်ခဲ့တယ်ဆိုရင်တောင် ညီမတို့ဘက်က ကူညီဖို့ လူမှုအဖွဲ့အစည်းအတွေဘက်က လိုက်ပြီးတော့ သူ့ကို ဖမ်းသွားတဲ့နေ့နဲ့ ဖမ်းသွားတဲ့နေရာကို သိနိုင်မယ်။ ဒီမှာဘက်မှာ Immigration ဝင်တယ်ဆိုတာက အချိန်နဲ့တပြေးညီလိုက်နိုင်မှပါ။ ဘယ်သူတစ်ယောက်ကို ဘယ်နေရာမှာဖမ်းသွားတယ်ဆိုတာ ချက်ချင်းပူပူနွေးနွေးလိုက်ပြီး ဖော်တာ၊ လိုက်ပြီးကြည့်ပြီးမှ အဆင်ပြေတာပါ”လို့ နိရဉ္စရာကို ပြောပါတယ်။

မိသားစုတွေနဲ့အဆက်အသွယ်မရဘဲ မလွတ်မြောက်နိုင်ဖြစ်နေရတဲ့ရခိုင်သားတွေကို မိသားစုနဲ့ အဆက်အသွယ်ရရှိအောင်နဲ့ ပြန်လည်လွတ်မြောက်နိုင်အောင်ကူညီပေးမဲ့သူတွေနဲ့ လိုက်ပါကူညီဆောင်ရွက်ပေးမဲ့ ရခိုင်လူမှုအဖွဲ့အစည်းတွေလည်း နည်းပါးနေတယ်လို့ မလေးရှားရောက် ရခိုင်အသိုင်းအဝိုင်းက ဆိုပါတယ်။

လိုက်ပါကူညီဆောင်ရွက်ပေးချင်သူတွေကိုယ်တိုင်က အဲဒီနိုင်ငံအတွင်း အထောက်အထားမဲ့ဝင်ရောက်လုပ်ကိုင်နေသူ အများစုဖြစ်နေတဲ့အတွက် အခုလို သွားရောက်ကူညီဆောင်ရွက်ပေးနိုင်တာမရှိဖြစ်နေရတာလို့ သိရပါတယ်။

အခုလို မလေးရှားကထောင်အသီးသီးမှာ အကူအညီမဲ့နေတဲ့ ရခိုင်ရွှေ့ပြောင်းလုပ်သားအကျဉ်းသားတွေဟာ လွတ်ရက်စေ့ရင် မြန်မာနိုင်ငံသို့ အပို့ခံရတတ်ပါတယ်။

ယအုသြဂုတ်လ တတိယအတွင်းကလည်း မလေးရှားနိုင်ငံမှာ ပြစ်ဒဏ်ချခံရပြီးနောက် လွတ်ရက်စေ့သွားတဲ့ မြန်မာနိုင်ငံသား အယောက် ၂ဝ အပါအဝင် နိုင်ငံခြားသား ၂၅၅ ယောက်ကို မလေးရှားအာဏာပိုင်တွေက နေရပ်သို့ ပြန်ပို့ခဲ့တယ်လို့ သိရပါတယ်။

ဓာတ်ပုံ - JIM

ဒီသတင်းအပြည့်အစုံကို အောက်က ကွန်မန့်မှာ ဝင်ရောက်ဖတ်ရှုနိုင်ပါတယ်။>>>>>