https://www.facebook.com/634097413112893/

YPT Travel, No. 125/Min Ye Kyaw Swar (6)Road, 7Ward, Southokkalapa Township, Yangon (2026)

07/07/2025

✈️MAI မှ ပြေးဆွဲပေးနေသောဖနွမ်းပင်ခရီးစဉ်များအား 𝐓𝐞𝐜𝐡𝐨 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐀𝐢𝐫𝐩𝐨𝐫𝐭 လေဆိပ်အသစ်သို့ ပြောင်းရွှေ့ပြေးဆွဲမည်ဖြစ်ပါကြောင်း အသိပေးကြေညာခြင်း 📣

၂၀၂၅ ခုနှစ် စက်တင်ဘာလ ၉ ရက်နေ့မှစတင်၍ MAI ၏ ဖနွမ်းပင်မြို့သို့ဆိုက်ရောက်မည့်ခရီးစဉ်များနှင့် ဖနွမ်းပင်မြို့မှထွက်ခွါမည့်အားလုံးကို Phnom Penh International Airport (PNH) အစား အဆင့်မြင့်လေဆိပ်ဖြစ်တဲ့ Techco International Airport (KTI) တွင် ပြောင်းလဲဆင်းသက်/ထွက်ခွါပျံသန်းသွားမည် ဖြစ်ပါကြောင်း အသိပေးအကြောင်းကြားအပ်ပါသည်။

YPT Travel မှလေယာဉ်လက်မှတ်များဝယ်ယူလိုပါက Messenger / Viber မှတစ်ဆင့် ဝယ်ယူရရှိနိုင်ပပါပြီနော်.....

Travel

10/03/2025

ရန်ကုန်လေဆိပ်ကိုပြန်ဝင်လာရင် immigration မှာဖြည့်ပေးရတဲ့ (25) ချက် ကို အလွယ်တကူဖြည့်လို့ရအောင် ဖော်ပြပေးလိုက်ပါတယ်။

၁။ Family Name ကတော့ မရှိတဲ့အတွက် ထည့်စရာမလိုပါဘူး။

၂။ First Name
Passport ထဲက ပထမဆုံး အမည်ကို ထည့်ပါ။

၃။ Middle Name
Passport ထဲက အလယ်က အမည်ကို ထည့်ပါ။

၄။ Male
မိမိက ယောက်ျားလေးဖြစ်ပါက အမှန်ခြစ်ပါ။

၅။ Female
မိမိက မိန်းကလေးဖြစ်ပါက အမှန်ခြစ်ပါ။

၆။ Nationality
Myanmarလို့သာဖြည့်ပါ။

၇။ Occupation
မိမိရဲ့ အလုပ်အကိုင်ကို ဖြည့်ပါ။

၈။ Passport Number
မိမိနိုင်ငံကူးစာအုပ်(passport)စာအုပ်ရဲ့ဂဏန်း8လုံးကို ဖြည့်ပေးပါ။

၉။ Place of Issue
Passport စာအုပ် ထုတ်ပေးတဲ့ နေရာကို ဖြည့်ပါ။
(Passport စာအုပ်ထဲမှာပါပါတယ်)

၁၀။ Date of Issue
Passport စာအုပ် ထုတ်ပေးတဲ့ ရက်ကို ဖြည့်ပါ။
(Passport စာအုပ်ထဲမှာပါပါတယ်)

၁၁။ Visa Number
သူကတော့ ၁၄ ရက် အလည်အပတ် သွားသူ‌ေတွ ဖြည့်စရာမလိုပါဘူး။ Visaနဲ့သွားသူတွေကတော့ visaနံပါတ်ဖြည့်ပေးရပါမယ်။

၁၂။ Place of Issue
Visa ထုတ်ပေးတဲ့နေရာကို ဖြည့်ပါ။

၁၃။ Date of Issue
Tourist visa ၂ လ Visa နဲ့ သွားတဲ့သူဆိုလျှင် Visa ထုတ်ပေးတဲ့ ရက်ကို ဖြည့်‌ေပးရပါမည်။

၁၄။ From
ပြန်လာတဲ့နိုင်ငံကို ‌ဖြညါ့ပေးရပါမယ်။

၁၅။ By Rail (မီးရထားနဲ့လား),By Road (ကုန်းလမ်း နဲ့လား), By Ship (သင်္ဘောနဲ့လား)
အဲ့ဒါတွေ တစ်ခုမှမဟုတ်တဲ့အတွက် အမှန်ချစ်စရာမလိုပါဘူး။

၁၆။ By Air
သူကို အမှန်ခြစ် ပြီးရင် မိမိ စီးခဲ့တဲ့ လေယာဉ် နံပါတ်ကိုရေးပါ။(‌ေလယာဉ်နံပါတ်မသိရင် လေယာဉ်လက်မှတ်မှာပြန်ကြည့်လို့ရပါိတယ်)

၁၇။ First Trip To Myanmar မှာကတော့ No ကိုအမှန် ခြစ်ပေးပါ။

၁၈။ Travelling on group Tour
Noကိုပဲ အမှန်ခြစ်ပေးပါ။
အသင်းအဖွဲ့နဲ့သွားမှ Yes ကိုခြစ်ရပါမယ်။

၁၉။ Length of Stay
ဘယ်နှစ်ရက်နေမှာလဲ ဖြည့်‌ေပးပါ။

၂၀။ Purpose Of Visit မှာ
Tourist - အလည်အပတ် နဲ့သွားတဲ့သူက Tourist ကိုခြစ်ပါ။

၂၁။ Country of Residence
ဘယ်မြို့၊ဘယ်နိုင်ငံကလဲ?

၂၂။ Address in Myanmar
မြန်မာနိုင်ငံက လိပ်စာကိုဖြည့်ပါ။

၂၃။ ID Card Number
မိမိရဲ့ မှတ်ပုံတင်နံပါတ်ကို ဖြည့်ပါ။

၂၄။ Father Name
အဖေ အမည်ဖြည့်ပါ။

၂၅။ Signature
လက်မှတ်ထိုးပါ။

မသိသေးသောခရီးသွားမိတ်ဆွေညီကိုများတွက်ပိုမိုအဆင်‌ ပြေအောင် နံပါတ်များထည့်ထား‌ ပေးတာဖြစ်ပါတယ်။🙏

08/03/2025

“လေယာဉ်စီးလျှင် လူသိပ်မသိတဲ့ သတိထားစရာ အချက်တွေ"
(ပြန်လည်မျှဝေပါတယ်)

ခရီးသည်အချို့တော့ သိပါလိမ့်မယ်။ တော်တော်များများ မသိသေးတဲ့ ဗဟုသုတအချို့ကို မျှဝေပေးမယ်နော်။

- လေယာဉ်က လျှပ်စီးလက်၊ မိုးကြိုးပစ်တာတွေကို ကြောက်စရာမလိုဘူး။ အချို့သူတွေက အရေးပေါ်အခြေအနေမျိုးတွေမှာ ကြောက်တတ်ကြတယ်။ ၁၉၆၃ ခုနှစ်ကတည်းကနေ ခုထိ မိုးကြိုးပစ်လို့ လေယာဉ်ပစ်ကျတာမျိုး တခါမှကို သမိုင်းမှာ မရှိသေးပါဘူး။

- လေယာဉ်ပေါ်က သန့်စင်ခန်းတံခါးက တကယ်တော့ အထဲဝင်နေချိန် လောခ့် Lock မချထားပါဘူး။ အပြင်ကနေလည်း လော့ခ်ချထားရင် ပြန်ဖွင့်လို့ရအောင် လုပ်ပေးထားတယ်။ အရေးပေါ်အခြေအနေတွေမှာ လေယာဉ်မယ်တွေက လာရောက်သတိပေးတာ၊ ဖွင့်ပေးလို့ရအောင်ပါ။ လေယာဉ်အတက်နဲ့အဆင်းချိန်တွေမှာ သန့်စင်ခန်းအသုံးပြုခွင့် ပိတ်ထားပါတယ်။

- အချို့လေယာဉ်တွေမှာ Crew တွေအတွက် အသုံးပြုဖို့ အိပ်ခန်းလေးတွေ ပါတယ်။ ဒါကို လူတိုင်းမသိကြပါဘူး။ (၁၅) နာရီလောက် ခရီးစဉ်တွေ သွားရ၊ လာရပြီဆို သူတို့လည်း အီဆိမ့်နေမှာပေါ့။ ဒီတော့ အနားယူဖို့ လိုပြီလေ။

- လေယာဉ်မောင်းတဲ့ ပိုင့်လော့တွေ၊ သူတို့နဲ့ အဖွဲ့ဝင် ဝန်ထမ်းတွေတောင် အပြင်မှာ အစားအသောက်စားရင် အမြဲ ဆင်ခြင်ရတယ်။ လေယာဉ်ပေါ်ရောက်မှ အစာအဆိပ်သင့်တာတွေ ဖြစ်ရင် သူတို့အတွက်ကော၊ ဧည့်သည်တွေအတွက်ပါ အဆင်မပြေမှုတွေ ဖြစ်နိုင်ပါတယ်။

- လေယာဉ်ပေါ်က အစားအစာတွေ အမြဲ ကောင်းမနေဘူး။ လေကြောင်းလိုင်းတွေက ကြိုတင်ပြင်ဆင်ကတည်းက လေယာဉ်စီးချိန်ခံစားရတဲ့ စိတ်ခံစားချက်အနိမ့်အမြင့်တွေကို ချိန်ညှိပေးနိုင်ဖို့ လုပ်ထားတာ ဖြစ်ပါတယ်။

- လူ ဆယ်ယောက်မှာ တစ်ယောက်ကတော့ လေယာဉ်စီးပြီး အမြင့်ကို ကြောက်တဲ့ ရောဂါ “ Aviophobia” ဆိုတာ ရှိတတ်ကြပါတယ်။

- လေယာဉ်ပျက်ကျတာတွေကို မကြောက်ပါနဲ့။ လေယာဉ်ပျက်ကျတာက ပျံသန်းနေတဲ့ အကြိမ်ရည် တစ်သန်းမှာ တစ်ခါလောက်ပဲ။ ကားတိုက်မှုတွေကြောင့် သေဆုံးရမှုတွေက အကြိမ်ရည် ငါးထောင်မှာ တစ်ခါပါ။

- အတက်၊ အဆင်းတွေမှာသာ မတော်တဆမှုတွေ ဖြစ်တာ အများဆုံးပါ။ လူတွေကို ထိခိုက်ဖို့ ရာနှုန်းတော်တော် နည်းပါတယ်။ ပထမအတက် (၃) မိနစ်နဲ့ ဆင်းဖို့ (၈) မိနစ်အလိုလောက်သာ စိတ်မှာ သတိရှိကြပါ။

- လေယာဉ်ကို နောက်ဆုံးပိုင်း ကျအောင် ထိုင်မယ်ဆိုရင် ပြဿနာ တစုံတရာ ဖြစ်လာရင် အဆင်ပြေဖို့ အခွင့်အရေး သူများတွေထက် (၄၀)% ပိုများပါတယ်။

ဒီအချက်လေးတွေက သိပ်ပြီး သတိမပြုမိပေမယ့် တကယ်အရေးကြုံလာရင် သိကို သိသင့်ထားတဲ့ အချက်လေးတွေကို သေချာမျှဝေလိုက်ပါတယ်🙏

08/03/2025

လေယာဉ်နဲ့ ပြဒါး (Mercury)(ပြန်လည်မျှဝေပါတယ်)
~~~~~~~~~~~~~~~~~~~~
(ပြဒါးကို လေယာဉ်ပေါ်မှာ လုံးဝ (လုံးဝ) သယ်ခွင့် မပြုပါဘူး။)

လေယာဉ်နဲ့ခရီးသွားရင် သယ်ယူခွင့်မပြုတဲ့ ပစ္စည်းတွေရှိပါတယ်။

အခုဆိုရင် ဘယ်လိုအရည်မျိုး ( Any liquid ) မှ ခွင့်မပြုတာမျိုးအထိ ရှိလာပါတယ်။

Dangerous goods ခေါ် အန္တရာယ်ရှိတဲ့ပစ္စည်းတွေကိုတော့ သက်ဆိုင်ရာ စည်းမျဉ်းစည်းကမ်းအတိုင်း ထုပ်ပိုးပြီး သယ်ခွင့် ပြုကြတာမျိုးလဲ ရှိပါတယ်။

အခုပြောခြင်တာကတော့ ပြဒါး ( Mercury) ပါ။

သူ့ကိုတော့ လုံးဝ (လုံးဝ) သယ်ခွင့် မပြုပါဘူး။ အကြောင်းကတော့ရှိပါတယ်နော်။

လေယာဉ်တွေကို ပေါ့ပါးအောင်တည် ဆောက်ရာမှာ ဒန်သတ္တု (Aluminum) ကို အသင့်တော်ဆုံးအဖြစ်တွေ့ရှိအသုံးပြုကြပါတယ်။

ကိုယ်ထည် ( Fuselage )တွေ၊ နံရံ (Wall) တွေ၊ ကြမ်းခင်း ( Floor boards) တွေ၊ အတောင် (Wings ) တွေ အားလုံးနီးပါး အလူမီနီယမ် သုံးပါတယ်။

အလူမီနီယမ်ဟာ ပြဒါးနဲ့ ဓါတ်ပြုရင် Amalgam ခေါ် ဒြပ်ပေါင်းအဖြစ် ပြောင်းသွားပါတယ်။

Aluminum+Mercury=Amalgam

ဒီဖြစ်စဉ်ဟာ အစမှာ နှေးကွေးပေမဲ့ နောက်ပိုင်းမှာ မြန်ပြီး အလူမီနီယမ်ကို မှိုပွင့်သဖွယ် အဆုပ်အဆုပ် ဖြစ်သွားစေပါတယ်။

လေယာဉ်ကြမ်းခင်းတွေ ကုန်တင်ခန်းနံရံနဲ့ ကြမ်းခင်းတွေဟာ ဆေးသုတ်ထားတယ်ဆိုပေမဲ့ ပွတ်တိုက်မှုကြောင့် သတ္တုသားပေါ်နေတာမျိုး ရှိတတ်ပါတယ်။

ပြဒါးသယ်လို့ မတော်တဆမှုဖြစ်ပြီး သတ္တုသားနဲ့ ထိတွေ့ခဲ့ရင် ဓါတ်ပြုမှုဖြစ်မှာပါ။

ဒါဆို ကိုယ်ထည်ပေါက်ထွက်တာ၊ ကြမ်းခင်းပျက်ဆီးတာအပြင် လေယာဉ်ပျက်ကျတဲ့အထိ အန္တရာယ်ကြီးပါတယ်။

ဒါကြောင့် ပြဒါးကို လုံးဝ သယ်ယူခွင့်မပြုပါကြောင်းတင်ပြလိုက်ရပါတယ်။

မှတ်ချက်။ ။သင်္ဘောဆးမှာ ပြဒါး ပါသော်လည်း သတ္တုကို ခံဆေး ( Primer ) သုတ်ပြီးမှ လေယာဉ်အတွက် အထူးထုတ်လုပ်သော သင်္ဘောဆးကိုသာ အသုံးပြုပါကြောင်း။

#ပြဒါး

08/03/2025

လေဆိပ်ဝင်မဲ့ကလေးတွေသတိထားရန်🇯🇵⬇️⬇️❗️
👘Coe အောင်ပြီး သွားခါနီးကလေးများ ပစ္စည်းဝယ်တာ၊ ထည့်တာတွေမှာ ဒါလေးတွေ သတိထားကြပါနော် ....
▪️အိတ်(Luggage) ဝယ်ရင် ပေါ့ပါးပြီး ပစ်ချလည်း မကွဲလောက်မယ့် အိတ်ကိုဝယ်ပါ။
▪️Hand Carry Bag သုံးမယ့်အိတ်ကို မဖြစ်မနေ ဘီးပါတာဝယ်ပါ။
Hand Carry Bag က ကိုယ်တိုင်သယ်ရတာဖြစ်လို့ ဘီးမပါလို့ မ နေရရင် Transit ဝေးရင်ဝေးသလောက် ပင်ပန်းပါတယ် ။
▪️Hand Carry Bag ထဲထည့်သယ်မယ့် ပစ္စည်းများထဲမှာ သံထည်ပစ္စည်းနဲ့ အရည်ပါတဲ့အရာနဲ့ ဆေးဝါးပစ္စည်းတွေ မထည့်တာက Save အဖြစ်ဆုံးဖြစ်ပါတယ်။
( အကုန် အသေးစိတ် အစစ်ခံရမှာမို့ အခန့်မသင့်ရင် စစ်တဲ့နေရာမှာ ထားခဲ့ရနိုင်ပါတယ်)
▪️ဖိနပ်ကို သက်သောင့်သက်သာ အဖြစ်ဆုံးဖိနပ် ဝယ်ပါ။ ဖိနပ်ပေါက်ရင် ခြေထောက်အရမ်းနာပြီး ပင်ပန်းစေပါတယ်။
▪️ Power bank ပါလျှင် Hand Carry ထဲပဲ ထည့်သည်ရတယ်လို့ သိရပါတယ်။
mobile Battery charging , ဓါတ်ခဲပါတဲ့လျှပ်စစ်ပစ္စည်းအမျိုးအစားက Check in baggage အိတ်အကြီးထဲထည့်သယ်လို့မရပါ❌
100Wh ~ 160 Wh ( 43243 mAh) ထိဆို လူတစ်ယောက်ကို (2) ခုထိဘဲ သယ်ခွင့်ရှိပါတယ်✅
▪️💻Laptop က ကျောပိုးအိတ် (သို့) handcarry အနေနဲ့လက်ကဆွဲသွားလို့ရပါတယ်။
▪️ရွှေထည်ပစ္စည်းက လူတစ်ကိုယ်စာ ဝတ်ဆင်သွားရင်ရပါတယ်။
▪️ကျောပိုးအိတ် လွယ်လို့ရပါတယ်။
ပုံမှန်ဆို ထည့်မချိန်ပါ။
အရမ်း size ကြီးနေတာမျိုး၊ လေးတဲ့ပုံစံသိသာရင်တော့ Hand Carry နဲ့ပေါင်းချိန်တာမျိုး၊ ပစ္စည်းလျှော့ခိုင်းတာမျိုးတွေ လုပ်တတ်ပါတယ်။
(ဆိုဒ်သေးတဲ့ ကျောပိုးအိတ်ရွေးချယ်ပြီး မဖောင်းစေတဲ့ အရာတွေထည့်သင့်ပါတယ်)
▪️Snack မုန့်ထုပ်နဲ့ Ready အစားအစာ(အရည်မပါ) တာမျိုးတွေက Hand Carry နဲ့ကျောပိုးအိတ်ထဲထည့်သယ်လို့ရပါတယ်။
▪️အသီး၊ အသားငါး၊ အခြောက်အခြမ်း၊ အကြော်အလှော်တွေက ဆီလုံအောင်သေချာပိတ်ပြီး check in baggage အိတ်အကြီးထဲထည့်တာကောင်းပါတယ်။
⚠️အထူးသတိပေးချင်တာက တိပ်(ပ်)အဝါတွေနဲ့ မပတ်ဖို့ပါ။ တိပ်(ပ်) အဝါနဲ့ ပတ်ထားတော့ အစစ်ခံရတဲ့အခါ သံသယပိုဖြစ်ပြီး အကုန်ဖောက်စစ်တတ်ပါတယ်။
အနံ့ထွက်မှာစိုးရင် ပုံမှန် ကြွပ်ကြွပ်အိတ်နဲ့ အရင်ထည့်၊ လေထုတ်၊ စုပြီး သားရေကွင်း(သို့) ကြိုးနဲ့ ကြပ်ကြပ်လေးချည်၊ ပြီးရင် Zip Lock အိတ်အကြည်နဲ့ထည့်လိုက်ရင် အနံ့က တော်တော်လုံသွားပါတယ်။
▪️ပစ္စည်းထည့်တဲ့အခါ အိတ်ရဲ့ အောက်ခြေမှာ အဝတ်အစား အနည်းငယ်စီထည့်၊ ပြီးရင် မမြင်စေချင်တာတွေစီထည့်၊ ပြီးရင် အဝတ်အစားများကိုပဲ အပေါ်ကစီထည့်ပါ။
အိတ်နှစ်လုံး သယ်ခွင့်ရှိရင်တချို့က တစ်အိတ်က အဝတ်အစား၊ တစ်အိတ်က စားစရာဆိုပြီး ထည့်တတ်ကြပါတယ်။
အဲ့လိုမလုပ်ပဲ အပေါ်ကပြောတဲ့အတိုင်း နှစ်အိတ်လုံးမျှထည့်တာ ကောင်းပါတယ်။
▪️ Kg ဘယ်လောက်ရလဲဆိုတာကို လေယာဉ်လက်မှတ်ထဲမှာကြည့်ပြီး ပစ္စည်းထည့်တဲ့အခါ အလေးချိန်ကို တွက်ရင်း ထည့်တာကောင်းပါတယ်။
✳️အရမ်းအများကြီး Kg တွေပိုလို့ လေဆိပ်မှာ ထုတ်ထားခဲ့ရရင် ပစ္စည်းမဆုံးရှုံးရင်တောင် အရေးကြီးတာတွေ ချန်ခဲ့ရနိုင်ပါတယ် ။
မိတ်ဆွေအနေနဲ့ ဂျပန်နိုင်ငံကိုအခုမှရောက်တယ်ဆိုရင်တော့ သွားရေးလာရေးအတွက် Japan Travel App ကိုတော့ မရှိမဖြစ်ဆောင်ထားသင့်ပါတယ်။ သူက Local သုံးဆိုပေမယ့် English စာပါတော့ အသုံးပြုရအရမ်းကို အဆင်ပြေစေမှာပါ။
ဆော့ဝဲဒေါင်းရန် - https://bit.ly/3QH9jox
ကဲ အားလုံးပဲ အခက်အခဲမရှိ နိုင်ငံခြားခရီးစဉ်လေးကို ဖြတ်သန်းနိုင်ပါစေ။

08/03/2025

MAI လေယာဉ်လက်မှတ်ပေါ်မှာပါတဲ့ အချက် (5) ချက်က ဘာတွေလဲ?
(1) Flight ဆိုတဲ့နေရာမှာ (8M365)ဆိုတာကတော့ မိမိ စီးရမည့် လေယာဉ်နံပါတ်ဖြစ်ပါတယ်။

(2) Date ဆိုတဲ့နေရာမှာ (28JAN) ဆိုတာကတော့ ၂၈ ရက်နေ့ ၁လပိုင်း မိမိလေယာဉ် စီးရမည့် ရက် ဖြစ်ပါတယ်။

(3) Time ဆိုတဲ့နေရာမှာ 7:45 ဟာ မိမိ စီးမည့်လေယာဉ်ရဲ့ ဂိတ်စဖွင့်ပြီး လေယာဉ်ပေါ် စတက်ခွင့် ပြုတဲ့အချိန်ပါ။

(4) Gate 02 ဂိတ် နံပါတ် 2 ကတော့ မိမိ စီးမည့်လေယာဉ်ကို သွားစောင့်ရမည့် ဂိတ်ပေါက် နံပါတ်ဖြစ်ပါတယ်။

(5) Seat (ထိုင်ခုံ) နေရာမှာ 16Cကတော့ မိမိ လေယာဉ်ပေါ်မှာ ထိုင်ရမည့် ထိုင်ခုံနံပါတ်ပါ။

✔️ မိမိက ဘယ်နားမှာထိုင်ရမလဲဆိုတာ ဘယ်လိုအလွယ်တကူသိနိုင်မလဲ ဆိုတာကတော့👇
A ဆိုရင်တော့ ပြတင်းပေါက်နား။
B ဆိုရင်တော့ အလယ်ခုံ။
C ဆိုရင်တော့ အလယ်လျှောက်လမ်း ကပ်လျက်။
D ဆိုရင်တော့ အလယ်လျှောက်လမ်း ကပ်လျက်။
E ဆိုရင်တော့ အလယ်ခုံ။
F ဆိုရင်တော့ ပြတင်းပေါက်နား။
⭕️ မိမိက ဆီးခဏခဏသွားတဲ့သူဆို C နဲ့ D အလယ်လျှောက်လမ်းနဲ့ ကပ်လျက် ထိုင်ခုံတွေမှာ ထိုင်သင့်ပါတယ်။
🔹ရန်ကုန် ကနေ ဘန်ကောက်သွားတဲ့ MAI လေယာဉ်ကတော့ ဘယ်ဘက် (3)ခုံ ညာဘက် (3)ခုံပါ။

🔹အကယ်၍ အစားအသောက် မရွေးခဲ့ဘူးဆိုလည်း ကိစ္စမရှိပါဘူး၊ အားလုံးစားလို့ရမည့် အစားအသောက် ကျွေးပါမိမိလက်မှတ်ဖြတ်စဉ်ကတယ်။

08/03/2025

လေယာဉ်လက်မှတ် BOARDING PASS ပေါ်မှာ ပါတဲ့ အချက် (6) ချက်က ဘာတွေလဲ?
(1) Flight No
NQ002 ဆိုတာကတော့ စီးရမည့် လေယာဉ်နံပါတ်ဖြစ်ပါတယ်။
(2)Boarding Time
23:35 ဆိုတာက ညဘက် ၁၁နာရီ၃၅မိနစ်မှာ စီးမည့်လေယာဉ်ရဲ့ ဂိတ်စဖွင့်ပြီး လေယာဉ်ပေါ် စပီးတက်ခွင့် ပြုတဲ့အချိန်ပါ။
(3) Gate
ဂိတ် နံပါတ် (E8) ကတော့ မိမိ စီးမည့်လေယာဉ်ကို သွားစောင့်ရမည့် ဂိတ်ပေါက် နံပါတ်ပဲဖြစ်ပါိတယ်။
(4) Seat
6A ကတော့ လေယာဉ်ပေါ်မှာ ထိုင်ရမည့် မိမိရဲ့ထိုင်ခုံနံပါတ်ပဲဖြစ်ပါတယ်။
( A )ကတော့ပြတင်းပေါက်နား ဖြစ်ပီး ( B )ကတော့တော့ အလယ်ခုံပါ။
( C )ဆိုရင်တော့ အလယ်လျှောက်လမ်းနဲ့ ကပ်လျက်ပဲဖြစ်ပါတယ်။
(5) Date
08NOV ကတော့ (8)ရက်နေ့ (11)လပိုင်းမှာလေယာဉ်စီးရမယ့် နေ့ ပဲဖြစ်ပါတယ်။
(6) To
Toyoko Narita ကတော့ မိမိ လေယာဉ်ဆင်းမည့်မြို့ပဲဖြစ်ပါတယ်။

08/03/2025

ဘန်ကောက် သုဝဏ္ဏဘူမိလေဆိပ်ရဲ့ အလွှာ တစ်ခုချင်းစီရဲ့ အကြောင်း
🔸6 Floor - ၆လွှာ
Luggage ထုတ်ရမယ့် နေရာမှာ မိမိ Luggage ကိုရှာမတွေ့ဘူးဆိုရင် (၆)လွှာ မှာရှိတဲ့ Lost and Found မှာ သွားရောက်စုံစမ်းမေးမြန်းလို့ရတဲ့အလွှာ ဖြစ်ပါတယ်။
🔸5 Floor - ၅လွှာ
ဘန်ကောက်မှ ထွက်ခွာရန် Immigration အဆင့်ဆင့် ဖြတ်ရမည့် အလွှာ။
🔸4 Floor - ၄လွှာ
Departures (ပြည်ပထွက်ခွာ)
ဘန်ကောက်မှ မြန်မာနိုင်ငံသို့ လေယာဉ်ဖြင့် ပြန်မည့်သူများ Air Ticket ထုတ်ပြီး Luggage အပ်ရမည့်အလွှာ။
🔸3 Floor - ၃လွှာ
Food & Beverage (အစားအသောက် နှင့် အဖျော်ယမကာ) ။စားသောက်ဆိုင်တို့ ဆဲဗင်းအလဲဗင်းဆိုင်တွေရှိတဲ့နေရာ။
🔸2 Floor -၂လွှာ
Arrivals (ဆိုက်ရောက်)
ရန်ကုန်/မန္တလေး မှ ဘန်ကောက်လေဆိပ် သို့ ဆိုက်ရောက် တဲ့ သူများ Immigration ဖြတ်၊Luggage ထုတ် ရမည့် အလွှာ။
🔸1 Floor - ၁လွှာ
Public Transportations (အများပြည်သူသယ်ယူပို့ဆောင်ရေး)
Bus Car စီးတဲ့နေရာ , Taxi စီးတဲ့နေရာ။
🔸B Floor
Train to City (ဘန်ကောက် မြို့ထဲကိုသွားတဲ့ Airport Rail Link မီးရထား စီးရမည့်နေရာ)
Airport Rail Link စီးရတဲ့နေရာဆိုလည်း မမှားပါဘူး။

-
သွားလာရေးအတွက် အသုံးပြုရမည့် App များ
Bolt - https://bit.ly/4fs6nq3
Grab - https://bit.ly/3AAU8se
Via bus - https://bit.ly/3CfYGER
Bangkok MRT & BTS Metro Guide - https://bit.ly/3Anf5qA
အခြား မရှိမဖြစ် သုံးသင့်တဲ့ App များ
Hotel ငှါးဖိုဆို - https://bit.ly/3Anf5qA
အိမ်ပြောင်းဖိုဆို Lala Move App - https://bit.ly/3YwAeqz
အိမ်ငှါးဖိုဆို Renthub - https://bit.ly/3NMJ66q
Online Shopဆို Lazada - https://bit.ly/3CjGavk

07/03/2025

ထိုင်းမှာနေဖို့ စဉ်းစားထားရင် Visa အကြောင်း မဖြစ်မနေ သိဖို့လိုပါတယ် 🪪

ထိုင်းမှာအခြေချဖို့ Plan ထားတဲ့သူတွေအတွက် ထိုင်းမှာနေထိုင်တဲ့အခါ လိုအပ်တဲ့ Visa Type တွေအကြောင်းကို မျှဝေပေးသွားမှာပဲဖြစ်ပါတယ်။

ဒါဆို ထိုင်းမှာနေဖို့ ဘယ်လို Visa အမျိုးအစားတွေ လျှောက်ထားနိုင်လဲ ❓

➡️ B Visa ( Work & Business Visa )
-ဒီဗီဇာကတော့ ထိုင်းမှာ အလုပ်လုပ်မယ့်သူတွေနဲ့ စီးပွားရေးလုပ်မယ့်သူတွေအတွက် လျှောက်ထားရ မယ့် Visa ပါ။
-B Visa လျှောက်မယ်ဆိုရင် အလုပ်ခေါ်မယ့် ကုမ္ပဏီရဲ့ Job Offer Letter, Employer’s Document နဲ့ Work Permit တွေရှိဖို့ လိုအပ်ပါတယ်။

➡️ O Visa
🔹 Dependent Visa
-O Visa ရဲ့ Dependent Visa ကတော့ ထိုင်းတွင် Work Permit ဖြင့် အလုပ်လုပ်နေတဲ့ သူတွေဆိုရင် မိမိ၏ မိသားစုဝင်များ (ခင်ပွန်း / ဇနီး / မိဘ / သားသမီး) တို့ကို Dependent အနေနဲ့ ခေါ်လို့ရပါတယ်။

🔹 Guardian Visa
-Guardian Visa ဆိုတာကတော့ အထူးသဖြင့် ထိုင်းကို ကျောင်းနဲ့လာမယ့် ကလေးတွေရဲ့ မိဘအုပ်ထိန်းသူတွေ လျှောက်ထားခွင့်ရှိတဲ့ ဗီဇာပါ။
-ကိုယ့်ကလေးက အသက် 18 နှစ်အောက် ဖြစ်မယ်ဆိုရင် ကလေးကို နိုင်ငံခြားမှာ အုပ်ထိန်းဖို့လိုတယ်ဆိုတဲ့ အကြောင်းပြချက်နဲ့ မိဘတွေက လျှောက်ထားနိုင်ပါတယ်။
-ကလေးကျောင်းတက်နေတဲ့ ကာလအတွင်း ထိုင်းမှာ တရားဝင်နေထိုင်ခွင့်ရတဲ့ ဗီဇာဖြစ်ပါတယ်။ ကလေးကျောင်းစရိတ်ကို ပုံမှန်သွင်းပေးနေတဲ့ အထောက်အထားနဲ့ ကလေးက ထိုင်းနိုင်ငံမှာ ကျောင်းတက်နေတာဖြစ်ကြောင်း ထောက်ခံစာတွေလိုပါတယ်။

🔹 Family Visa
-Family Visa ဆိုတာကလည်း Dependent Visa နဲ့ နည်းနည်းဆင်ပါတယ်။
-နိုင်ငံခြားသားတစ်ယောက်က ထိုင်းလူမျိုးတစ်ယောက်နဲ့ လက်ထပ်တဲ့အခါမှာ Dependent Visa လျှောက်ပြီး ကိုယ့်မိသားစုဝင်တွေကို ထိုင်းမှာ တရားဝင်နေထိုင်လို့ရအောင် လျှောက်ထားလို့ရပြီး ထိုင်းနိုင်ငံရဲ့ တရားဝင်နိုင်ငံသားဖြစ်ခွင့်ရှိတဲ့ ဗီဇာမျိုးပါပဲ။
-အထူးသဖြင့် အိမ်ထောင်ဖက်နဲ့ ကလေးတွေအတွက် လျှောက်ထားနိုင်ပါတယ်။ တစ်ခါတစ်လေမှာ မိဘတွေအတွက်လည်း လျှောက်လို့ရပါတယ်။
လိုအပ်တာကတော့
- လက်ထပ်စာချုပ်၊ အိမ်ထောင်စုစာရင်းနဲ့ ကိုယ်လက်ထပ်ထားတဲ့ ထိုင်းနိုင်ငံသားရဲ့ Financial Proof တွေလိုအပ်ပါတယ်။

➡️ ED Visa ( Education Visa )
-ထိုင်းမှာ University, Collage နဲ့ Language School တွေ လာတက်မယ့် ကျောင်းသားတွေအတွက်ကတော့ ED Visa လျှောက်ရပါမယ်။
- ED Visa လျှောက်တဲ့အခါမှာ Thai Educational Institution နဲ့ Tuition Fees Slip စတာတွေကို လိုအပ်ပါတယ်

➡️ Tourist Visa
-ဒါကတော့ အလည်လာမယ့်သူတွေအတွက် လျှောက်ထားနိုင်တဲ့ Visa Type ဖြစ်ပါတယ်။
-Tourist Visa မှာမှ Single-entry နဲ့ Multiple-entry ဆိုပြီး ရှိပါတယ်။ Multiple-entry က 6 လအတွင်း အသွားအပြန် လုပ်လို့ရပြီးတော့ Single-entry ကတော့ ရက် 60 သက်တမ်းရှိပါတယ်။
-လိုအပ်တာကတော့ Financial Proof၊ လေယာဉ်လက်မှတ်အသွားအပြန်နဲ့ ဟိုတယ်ဘိုကင်တွေလိုအပ်ပါတယ်

➡️ Medical Visa
- Single-entry Medical Visa ကတော့ လျှောက်ထားမယ့်သူက ထိုင်းမှာ ဆေးကုသမှုအတွက် ရက် 60 နေထိုင်ခွင့်ပေးတဲ့ Visa ဖြစ်ပါတယ်။နောက်ပိုင်း ရက်ထပ်တိုးပြီး နေချင်တယ်ဆိုလည်း လျှောက်လို့ရပါတယ်
- ကိုယ်ပြမယ့် ဆေးရုံ၊ ဆေးခန်းကပေးတဲ့ Letter, ကျန်းမာရေးအခြေအနေ အ‌သေးစိတ်နဲ့ ဆေးကုသမှုဆိုင်ရာ အထောက်အထားတွေ ပြပေးရပါတယ်။

ဒီလောက်ဆိုရင်တော့ ထိုင်းကို ဘယ်လို Visa မျိုးတွေနဲ့ လာလို့ရမလဲဆိုတာ တော်တော်များများ သိသွားလောက်ပြီလို့ ထင်ပါတယ်နော် 🤗

07/03/2025

နိုင်ငံခြားခရီးစဉ်လိုက်ပါဖို့အတွက် စိတ်ပူပန်ပြီး မေးကျတဲ့ ဧည့်သည်တော်များရဲ့ အမေးအများဆုံး မေးခွန်းလေးတွေပါရှင့်....

🔸𝗤: ဘယ်လို Passport မျိုးနဲဲ့နိုင်ငံခြားခရီးစဉ်လိုက်လို့ရလဲ?
🔹𝗔: PV / PS / PE Passportကိုင်ဆောင်ထားသူတိုင်း နိုင်ငံခြားခရီးစဉ်များကိုသွားရောက်လည်ပတ်လို့ရမှာပါရှင့်
မှတ်ချက် ▪︎ PS အတွက် DMA ထောက်ခံစာလိုပါတယ်ရှင့်

🔸𝗤: လေဆိပ်ကထွက်လို့ရသေးလား?
🔹𝗔: မည်သည့်နိုင်ငံကိုမဆို အလည်အပတ်အတွက်ဆိုရင်ထွက်လို့ရပါတယ်ရှင့်

🔸𝗤: အသက်အရွယ် + ကျား/မကန့်သတ်ထားသေးလား?
🔹𝗔: အသက်အရွယ် + ကျား/မ မ ကန့်သတ်ထားပါဘူး
ရင်ခွင်ပိုက်မှစပြီး စတင်လည်ပတ်လို့ရပါတယ်ရှင့်

🔸𝗤: PV Passport စာအုပ်အသစ်တွေ ပထမဆုံးအကြိမ် တွေသွားလို့ရလား ?
🔹𝗔: သွားလို့ရပါတယ်ရှင် ( travel history မလိုပါ)

04/03/2025

လေယာဉ်နဲ့ ခရီးသွားရင် သိထားသင့်သော အချက်များ😊

1. လေယာဉ်လက်မှက် ကို ကြိုဖြတ်ပါ ( တလလောက် ကြိုဖြတ်ရင် ပုံမှန်ဈေးနဲ့ ရပါတယ်)ရက်နီးလေ ဈေးကြီးလေပါ

2. လေယာဉ်လက်မှတ် ကြိုဝယ်တဲ့ အခါ Kg 30/40 ပါတာမျိုးကို တခါတည်း ရွေးဝယ်ပါ လေဆိပ်ရောက်မှ Kg ဝယ်ရရင် အရမ်းဈေးကြီးပါတယ်

3. လေယာဉ်မထွက်မှီ International/Local ပဲဖြစ်ဖြစ် 2နာရီ ခွဲ ကြိုရောက်အောင် သွားပါ🚨

4. လေယာဉ်ကွင်း ရောက်တာနဲ့ Check In အရင်ဝင်ပါ။Check in ဝင်တဲ့ အခါမှာ Luggage ကို တခါတည်း အပ်ပြီးလေယာဉ်လက်မှတ်ကို Counter မှာ တစ်ခါတည်းထုတ်ပါ😊Check in ဝင်ရင်း ကိုယ်လိုချင်တဲ့ Seat Number ကို တခါတည်းပြောလို့ရပါတယ် (ဥပမာ-မိမိက လေယာဉ်ပြတင်းပေါက်နားထိုင်ချင်တာတို့)

5. Online က ဖြတ်ထားတဲ့ E-ticket ကို Print ထုတ်သွားပါ ၊ကိုယ်သွားမယ့် လေယာဉ် နံပါတ် နဲ့ အချိန်ကို မှတ်ထားပြီး လေယာဉ်ကွင်းရှိ LED Board မှာ လေယာဉ်လက်မှတ်ထုတ်ရမယ့်နေရာကို Line.No. A,B,C, D စသည်ဖြင့် ရေးထားပါတယ် (ဥပမာ-မိမိက ဘန်ကောက်သွားမယ်ဆို)မျှားညွှန်တဲ့ အတိုင်း သွားရင် ရပါပြီ

6. Check-in ဝင်ဖို့ မလိုတဲ့ ပစ္စည်းများ
Laptop / Power Bank / Ph / Tablet / အခြား Mini Cosmetic ပစ္စည်းများ

7. Check In ပြီးတာနဲ့ Immigration ဖြတ်ရပါမယ် 8.Immigration တန်းစီပါ Immigration တန်းစီနေတုန်း Passport နဲ့ လေယာဉ်လက်မှတ် အသင့်ထုတ်ထားပါ ၊တာဝန်ကျ Officer ကို ပေးပြီး Face Scan လုပ် လက်ဗွေနှိပ်ရုံပါပဲ ။

9.Pass ဖြစ်သွားပြီဆို အပေါ်က စစ်တဲ့နေရာမှာ Body Check ပါတယ်၊ရေဗူးပါရင် ထားခဲ့ရပါတယ် ၊သယ်လို့မရပါဘူး။

10.ပြီးရင်တော့ လေယာဉ်ရပ်ထားတဲ့ နေရာကို ဆင်းရပါမယ် အာ့ကို Gate လို့ ခေါ်ပါတယ်

11. Gate 7/8/9/10 စသည်ဖြင့် ရှိပါတယ် အာ့ကို ကြည့်ပြီး မိမိက ဘန်ကောက်သွားမယ်ဆို ဘန်ကောက်လေယာဉ်ဆိုက်မယ့် ဂိတ်က ထိုင်စောင့်ရုံပါပဲ

12. Gate open လုပ်တဲ့ အခါမှာ သက်ကြီးရွယ်အိုနဲ့ Business class ကို အရင်ခေါ်ပါတယ် အာ့နောက်မှာမှ Economy က ဝင်လို့ရတာပါ

13.လေယာဉ်ဆိုက်ရောက်တဲ့ အခါ လေယာဉ်ပေါ်က ဆင်းဆင်းချင်း Baggage Claim No ကို သေချာမှတ်ပါ၊ Immigration ဖြတ်ပါ Immigration မှာ တန်းစီနေတုန်း Passport / လေယာဉ်လက်မှတ် အသင့်ထုတ်ထားပါ၊ Immigration ပြီးတာနဲ့ Baggage Claim ဖို့ သွားပါ၊အဲ့ဒီမှာ ကိုယ်အပ်ထားတဲ့ Luggage ကို ထုတ်ပါ ၊Luggage ထုတ်ပြီးတာနဲ့ သက်ဆိုင်ရာ Taxi /MRT /BTS စသည့်ဖြင့် အလွှာလိုက် ခွဲထားတဲ့နေရာကို သွားပါ

YPT Travel

07/07/2025

10/03/2025

08/03/2025

08/03/2025

08/03/2025

08/03/2025

08/03/2025

08/03/2025

07/03/2025

07/03/2025

04/03/2025

Address

Website

Alerts

Shortcuts

Share

Category