02/11/2025
ရထားလက်မှတ်ကို မြန်မာ့မီးရထားမှ အွန်လိုင်းစနစ်ဖြင့် ရောင်းချပေးနေပါပြီ 🧳🚇
🔵 ဝေဖန်မှုမြင့်တက်နေတဲ့ ကြိုတင်ရထားလက်မှတ်
မြန်မာ့မီးရထားမှ ORTP စနစ်လို့ခေါ်ဆိုတဲ့ အွန်လိုင်းမှ ရထားလက်မှတ်ဝယ်ယူခြင်းစနစ်ကို ရှေ့ပြေးစမ်းသပ်နေပြီး အွန်လိုင်းလက်မှတ်များကို ရန်ကုန် - မန္တလေးရထားလမ်းပိုင်းတွင် ပြေးဆွဲနေသော ခရီးစဉ်များအတွက် ရှေ့ပြေးအနေနဲ့ ရောင်းပေးသွားမှာဖြစ်ပါတယ်။
ရန်ကုန် - မန္တလေးလမ်းပိုင်းအတွင်း ပြေးဆွဲနေတဲ့ အမှတ် (၇)၊ (၃၁)၊ (၂၇) အဆန်၊ အမှတ် (၈)၊ (၃၂)၊ (၂၈) အစုန်ရထားများအတွက် လက်မှတ်ဝယ်ယူလိုသူအနေဖြင့် မိမိတို့စီးနင်းလိုက်ပါမယ့် ဘူတာရဲ့ ဖုန်းနံပတ်ကိုဆက်ကာ ၅ ရက်ကြိုတင်ဘိုကင်တင်နိုင်မှာဖြစ်ပါတယ်။
ဖုန်းဆက်ဝယ်ရာတွင် တာဝန်ရှိသူသို့ ဝယ်ယူမည့်သူရဲ့ အမည်၊ နိုင်ငံသားမှတ်ပုံတင်ကဒ်၊ စီးနင်းလိုတဲ့နေ့ရက်၊ ခုံ၊ တွဲအတန်းတို့ကို တပါးတည်းပြောဆိုကာ ကြိုတင်ဘိုကင်တင်နိုင်ပါတယ်။
ဘိုကင်တင်ပြီးပါက တာဝန်ရှိသူမှ မှတ်သားထားမည်ဖြစ်ပြီး ခရီးစဉ်မတိုင်ခင် ၃ ရက်အလိုတွင် မိမိဆက်သွယ်ခဲ့တဲ့ နံပတ်ကို ပြန်လည်ဆက်သွယ်ပေးရပါမယ်။
ဘိုကင်တင်ခဲ့စဉ်အတိုင်း ခုံနေရာလစ်လပ်မှုရှိပါက တာဝန်ရှိသူမှ Viber မှတဆင့်ဆက်သွယ်ကာ ကျသင့်ငွေအတွက MMQR ကိုပေးပို့ပြီး တနာရီအတွင်း စီးနင်းသူမှ ပေးချေရမှာ ဖြစ်ပြီး ပေးချေပြီးကြောင်း အထောက်အထားကို ပြန်လည်ပေးပို့ရမှာ ဖြစ်ပါတယ်။
ငွေလက်ခံရရှိပါက ခရီးသွားမယ့်သူထံသို့ စီးနင်းလိုက်ပါရမယ့် ခရီးစဉ်အသေးစိတ်ကို ပြန်လည်ပေးပို့မှာဖြစ်ပြီး လက်မှတ်ဝယ်ယူသူသည် ရထားမထွက်ခင် လက်မှတ်ကြိုရုံသို့ လာရောက်ကာ ထုတ်ယူနိုင်ပါတယ်လို့ ဆိုပါတယ်။
ရထားစီးနင်းသူတချို့က ၅ ရက်ကြိုတင်ဘိုကင်စနစ်က ၃ ရက်ကြိုတင်ပြန်လည်ဆက်သွယ်နေဖို့လိုအပ်တာကြောင့် ကြားမှာ ကွာဟချက်တွေ အလွန်အမင်းဖြစ်နိုင်ပြီး ထွန်းကားလှတဲ့ မှောင်ခိုလက်မှတ်ဈေးကွက်ကြောင့် စီစဉ်ထားတဲ့အတိုင်း လက်မှတ်မရမှာ စိုးရိမ်နေကြတာအပြင် ငွေပေးချေရာတွင် Viber အသုံးပြုမှုကြောင့် အွန်လိုင်းလိမ်လည်မှုအတွက် စိုးရိမ်နေကြတာတွေ ရှိနေပါတယ်။
မြန်မာ့မီးရထားဘက်မှ လက်မှတ်ဝယ်ယူနိုင်မယ့် ဖုန်းနံပတ်၊ လက်မှတ်အပိုကြေးနှင့် မှောင်ခိုဝယ်ယူရခြင်းတို့အတွက် တိုင်ကြားနိုင်မယ့် ဖုန်းနံပတ်တွေကို ထုတ်ပြန်ထားပြီး ဖုန်းနံပတ်သိလိုရှိပါက ယခုပို့စ်မှာ ကောမန့်မှာ ဖတ်ရှုနိုင်ပါတယ်။
Online Railway Ticketing and Payment System - ORTPS စနစ်ကို အကောင်အထည်ဖော်နိုင်ရေးကို ကြိုတင်ပြင်ဆင်လျက်ရှိပြီး မကြာမီကာလအတွင်း အဆိုပါစနစ်အား ရန်ကုန် - မန္တလေးရထားလမ်းအတွင်း ပြေးဆွဲနေတဲ့ လူစီးရထားခရီးစဉ်အတွက် စီစဉ်ဆောင်ရွက်ပေးသွားဖို့လည်း ရှိနေပါတယ်။
Photo - Internet
