14/03/2026
🏁“Цайны замын брэнд авто аялал–2026” 🌏олон улсын авто ралли 🇲🇳Монгол Улсаар дамжин зохион байгуулагдана.
📜18 дугаар зуунаас 20 дугаар зууны эхэн үе хүртэл БНХАУ-аас цай болон бусад Хятадын бүтээгдэхүүнийг Монголын нутгаар дамжуулан Оросын зах зээлд хүргэдэг байсан түүхэн худалдааны замыг “Цайны зам” хэмээн нэрлэдэг. 📜Ойролцоогоор 9000 гаруй километр үргэлжилдэг энэхүү зам нь тухайн үед голчлон 🐫тэмээн жин тээврээр дамжин худалдаа арилжаа хийгддэг байснаараа түүхэн ач холбогдолтой юм.
📜Түүхчдийн үзэж буйгаар монголчууд бараг 300 жилийн турш Орос–Хятад төдийгүй 🌏Ази, Европыг холбосон дамжин өнгөрөх худалдаа, тээврийн чухал зангилаа бүхий бүс нутаг болж байжээ.
🇲🇳Монгол Улсын Засгийн газраас аялал жуулчлалыг дэмжих, төр хувийн хэвшлийн хамтын ажиллагааг идэвхжүүлэх бодлогын хүрээнд Цайны замыг түшиглэсэн аялал жуулчлалын шинэ бүтээгдэхүүн, чиглэлүүдийг хөгжүүлэх ажлуудыг хэрэгжүүлж байна.
📌 2025 оны 11 дүгээр сарын 7-ны өдөр🇲🇳 Монгол Улс, 🇨🇳БНХАУ, 🇷🇺ОХУ-ын Аялал жуулчлалын сайд нарын 9 дүгээр уулзалт Дархан хотод зохион байгуулагдаж, 🚙 “Цайны замын брэнд авто аялал”-ыг албан ёсоор эхлүүлэх шийдвэрийг гаргасан.
🌏Уг арга хэмжээг 🇲🇳Монгол Улсад 2026 онд зохион байгуулагдах олон улсын эвент арга хэмжээний🗓 календарчилсан төлөвлөгөөнд албан ёсоор тусгасан бөгөөд 🧭Marco Polo Tour ХХК болон 🧭AKU Game World ХХК хамтран ерөнхий зохион байгуулагчаар ажиллахаар бэлтгэл ажлыг ханган ажиллаж байна.
📌Одоогийн байдлаар 🇲🇳Монгол Улс, 🇨🇳БНХАУ, 🇷🇺ОХУ-ын авто спорт сонирхогчид, авто клубууд болон 📝хэвлэл мэдээллийн байгууллагууд оролцохоор урьдчилан мэдэгдээд байна.
📌Авто аялал 2026 оны 6 дугаар сарын 20-ны өдөр 🇨🇳БНХАУ-ын ӨМӨЗО-ны нийслэл Хөххотоос эхэлж, 🇲🇳Монгол Улсын Замын-Үүд хилийн боомтоор нэвтрэн, Монгол Улсын 11 аймгийн нутаг дэвсгэрээр дамжин үргэлжилнэ. Улмаар 🇲🇳🇨🇳🇷🇺гурван улсын 20 гаруй хот, суурин газраар аялж, БНХАУ-ын Манжуур хотод 🏁өндөрлөхөөр төлөвлөгдсөн байна.
🏆“Цайны замын авто ралли” нь зөвхөн спортын арга хэмжээ төдийгүй Монгол Улсын аялал жуулчлалыг олон улсын хэмжээнд сурталчлах томоохон боломж юм.
📌🏆💰Түүнчлэн Цайны зам дагуух аймаг, орон нутгийн аялал жуулчлалын байгууллагууд, бизнес эрхлэгчид хамтран ажиллах, бүс нутгийн эдийн засгийг идэвхжүүлэх өргөн боломжийг бүрдүүлж байна.
📌Энэхүү арга хэмжээг Tourism Week–2026 үндэсний чуулганы үеэр албан ёсоор танилцуулсан болно.
Дэлгэрэнгүй мэдээллийг:
☎ 7777-2992
☎ 9199-8868
☎ 8822-2112
📧 [email protected]
Соёл, спорт, аялал жуулчлал, залуучуудын яам
Аялал жуулчлалын мэргэжлийн холбоо НЭЗХЭ / MTO
АЖМХ - Хятад зах зээлийн салбар холбоо
Marco Polo Tour Mongolia
Ганзориг Жанваа