Aviator of Mongolia

25/08/2025

ОРОСУУДЫГ ХОДОРСОН ОРЧИН ЦАГИЙН ШИЛИЙН САЙН ЭР АЖНАЙ БАТ-ЭРДЭНЭ

1444 онд Алтан ордны хаан Үлэг Мухаммед Москваг эзлэн түрэмгийлж, үнсэн товрог болгосноос хойш оросуудын зүрхэнд шар ус хуруулах цөстэй аавын хүү Монголын тал нутагт мэндлэлгүй таван зууныг элээн 1963 оны усан туулай жилтэй золгов.
Тэр жил Өмнөговь аймгийн Даланзадгад хотод Дашдэмбэрэлийн гэрт нуган хөвгүүн мэндэлсэн нь хожмоо төр нийгмийн нэрт зүтгэлтэн болох нигууртай Бат-Эрдэнэ ажгуу.
Алгандаа нөж атгаж төрөөгүй ч “Ажнай” хэмээх их хүндэтгэлийг хүртэх хувьтай энэ хүү биеийн хүчээр байлдан дагуулагч бус билэг оюуны бядаар бусдыг эрхшээх увдисыг эзэмшин философийн ухааны доктор болжээ.
Мөнхтэнгэр түүнд хайр ивээлээ харамгүй хайрлаж, УИХ-ын гишүүн, Засгийн газрын гишүүн Батлан хамгаалахын сайд, Монгол Улсын манлай уяач, Бэлтгэл ахмад, Боловсролын тэргүүний ажилтан, Нийгмийн хамгааллын тэргүүний ажилтан, Биеийн тамир спортын тэргүүний ажилтан, Ажнай корпорацын ерөнхийлөгч, тэрбумтан зэрэг төр, нийгмийн бүхий л салбарт өв тэгш өндөр амжилт гаргав.
Өсөж төрсөн Өмнийн их говь нь ч үүцээ түүнд харамгүй нээж, Тавантолгойн бүлэг ордын таван цулын шим нь хэмээгддэг жижиг Тавантолгойд эзэн суух их хувь заяаны эзэн болгосныг яалтай.
Өмч хувьчлалаар өмнөговьчуудад тараагдсан энэ их баялгийн өчүүхэн хэсэг болох 1.023.000 ширхэг хувьцааг Оросын холбооны улсын иргэн К.Д.Романовский гэгч монголчуудтай хамтран байгуулсан Говь-Урал компаниараа дамжуулан худалдаж авсан нь Үлэг Мухаммед хааны сүнсийг хилэгнүүлэх мэт болов.
Таван зуун жил таг чиг байсан талын Монголын баатар эрс сэрэв үү гэлтэй, төрсөн нутагт нь эзэн суухыг санаархсан тавьтиргүй тэр Орост Ажнай хүү томоос том “салаавч” өгөхөөр шийдсэн гэдэг.
Төр, нийгмийнхэн л түүнийг Ажнай хэмээн авгайлдаг болохоос эрүүгийнхэн бол “Философич” хэмээн хочилдог юм билээ.
Учир нь, Орос Иваны хувьцааг гартаа оруулсан суу заль нь эрүүгийн рецедивүүдийг ёстой амыг нь ангайлгаж, нүдийг нь бүлтийлгэсэн гэдэг.
Учир юу хэмээвэл, Тээвэр хөгжлийн банкны барьцаанд байсан К.Д.Романовскийн хувьцааг худалдаж авах гэрээ хийгээд хувьцаагаа шилжүүлж авсан ч мөнгийг нь болохоор Тавантолгой транс гээд охин компанийнхаа данс руу хийчихэж.
Тэнэг Иван хувьцаагаа шилжүүлчихсэн мөнгөө хүлээгээд байдаг, данс нь хоосон.
Яав ийв гээд эрэл сурал болсон мань сайн эр Банк, Шүүх, Санхүүгийн зохицуулах хороо, Үнэт цаасны хадгаламжийн төвийнхөнд Тавантолгой транс компанийн Тээвэр хөгжлийн банкин дахь дансанд мөнгө шилжүүлсэн баримтаа үзүүлээд хувьцаагаа шилжүүлээд авчихсан гэх үлгэр домог шиг үл итгэм яриа эрүүгийнхэн дунд явдаг.
Яаж ховсдохоороо шүүгчид хуурамч баримтыг жинхэнэ гээд итгүүлчихдэг ч юм.
Угтаа бол мөнгө шилжүүлсэн баримт нь жинхэнэ бололтой. Гол нь мөнгө нь очих ёстой эзэндээ бус мань эрийн баруун халааснаас гараад зүүн халаас руу орчихсоныг С.Амардэлгэр гэх шүүгч нягталж шалгалгүй хувьцааг нь шилжүүлэх шийдвэр гаргачихсан хэрэг.
Хөөрхий бас аргагүй юм билээ. Энэ хэргийг шийдвэрлэхдээ өөр шүүгчээс тав дахь өдөр нь шилжүүлж аваад даваа гаригт нь шийдвэрлэсэн байдаг. Үндсэндээ амралтын хоёр өдрийг хасаад ажлын хоёрхон өдөрт шийдсэн байх нь.
Баяжих айлын бяруу хүртэл тугаллана гэгчээр бонусанд нь Тэнэг Иванаас дахиад 106 ширхэг хувьцаа сул ороод ирсэнээр зууны байтугай мянганы “Суут луйвар”-аар тодруулж болох энэ хэрэг 1.023.106 ширхэг хувьцааны хэрэг болж, Татар-Монголын дарлалын үеэс хойш Оросоос Монгол руу орж ирсэн хамгийн өндөр дүнтэй мөнгө буюу Тавантолгойн хувьцааны ханшийн хэлбэлзлээс шалтгаалж 40-60 тэрбумаар үнэлэгдэж байна.
Бат хаан оросуудаас татвар авахдаа 10 мөнгөнөөс хоёрыг нь авч наймыг нь үлдээдэг байсан бол мань философич Тэнэг Иванд сохор улаан копейк үлдээлгүй тууснаараа Бат хаанаас ч давсан суу зальтай удирдагч гэдгээ харуулсан байгаа юм.
Биеийн хүчээр нэгийг дийлдэг бол билиг оюуны хүчээр мянгийг дийлнэ гэдэг энэ буюу.
Хамгийн гол нь бензин шатахуун, эрчим хүчээр байнга хааж боож үнэд орж дээрэлхэж байдаг оросуудыг утаа манартал шатаасан улстөрч, бизнесмен Үлэг Мухаммед хаан Москваг галдан шатааснаас хойш таван зууны дараа гарч ирсэн нь монголчуудын ёстой л бахыг нь хангах шиг болов.
Дээр нь оросууд хөрш Украин руу халдан довтолсноор нэр хүнд нь Монгол байтугай дэлхий даяар унаж, эдийн засгийн хоригт ороод байгаа.
Ийм эмзэг үе нь таарсан учраас ОХУ-ын Засгийн газар, Элчин сайдын яам нь иргэнийхээ эрхийг хамгаалж олон юм яривал монголчуудын дургүйг улам хүргэж Нөүваар мэтийн олон олон хөдөлгөөнийг өдөөж мэдэх учраас бүлх залгисан мэт бүлтэлзэн суухаас өөр аргагүй нь ойлгомжтой.
Яг л Манж амбан, хятад пүүсний данжаад нар шилийн сайн эрсээс айн шавар тагзандаа чичирч суусантай зүйрэлж болох билээ.
Гэвч сайны эсрэг саар гэгчээр Улсын Дээд шүүхээс сүүлд сул орж ирсэн 106 ширхэг хувьцааг нь хууль ёсны өмчлөгчид нь буцаан олгох шийдвэр гаргаж нохойтсон байна лээ.
Нэгэнт Дээд шүүхийн шийдвэр гарсан тул Шүүхийн шийдвэрийнхэн гурван шатны шүүхийн шийдвэрийг биелүүлэх тогтоолоо Үнэт цаасны төвлөрсөн хадгаламжийн төвд хүргүүлсэн ч дарга нь болох Энхсайхан шилийн сайн эрсийн удам шийртэй эр гэдгээ харуулж шүүхийн шийдвэрийг нь биелүүлэхгүй элдэв арга саам хэрэглээд овоо хэдэн сар уяж, эх орондоо нэлээн хэдэн тэрбум төгрөг авч үлдэхээр мачийж байгаа сурагтай.
Ёстой л Ажнай Бат-Эрдэнэ Энхсайхан хоёр маань Торой Банди, Тогос Чүлтэм шиг бие биедээ нөмөр нөөлөг болж орчин орчин цагийн шилийн сайн эрс шиг оросуудын зүрх түрийвч хоёрт шар ус хуруулж явааг хараад олон Монгол эрс омогшиж огшиж байгаад эргэлзэх хэрэггүй билээ.
Зээ…
Эрийн хийморь сэргээсэн
Шилийн богд сонсож бай
Ид хаваа гайхуулсан
Халхын сайн эрс дуулж бай
Холын холоос хэлэх
Хонгорын үгийг сонсож бай
Торой Банди , Тогос Чүлтэм
Ганган Төгс , Гархи Намжил
Харцага Бор , Хүрэл Дампил
Цахиур Төмөр , Царцаа Гомбо, Ажнай Бат-Эрдэнэ Ардын хүү Энхсайхаан…

21/04/2025

АЖНАЙ БАТ-ЭРДЭНЭ, Р.СЭДДОРЖ НАРААС БОЛЖ ОХУ-МОНГОЛЫН ХАРИЛЦАА ХҮЙТРЭХ ҮҮ⁉️⁉️⁉️

🆘Ерөнхий сайд Л.Оюун-Эрдэнэ: Жижиг Тавантолгой буюу Өмнөговь дээр байгаа компанийн асуудал бол луйврынхаа хэмжээгээр том Тавантолгойтойгоо дүйцэхүйц хэмжээний асуудал гарч ирнэ. АН, МАН-ын талаас томилсон хүмүүсийг УИХ-ын гишүүн Ажнай Бат-Эрдэнэ томилсон. Нөхөр бол Засгийн эсрэг жагсаалыг санхүүжүүлэхэд онцгой үүрэг гүйцэтгэсэн.

❌Хууль зүйн сайд асан, УИХ-ын гишүүн Б.Энхбаяр: Нүүрсний хулгайн хэргээр яллагдагчаар татагдан шалгагдаж байсан хүн Эдийн засгийн байнгын хороог ахлаад сууж байна.
УИХ-ын дарга асан, Ерөнхийлөгчийн Тамгын газрын дарга Г.Занданшатар: Ажнай Бат-Эрдэнэ, Дагвадорж нар орон нутгийн Тавантолгой дээр хууль бус үйлдэл хийж болзошгүй байна. Үүнийг шалгаж улсын Тавантолгойг хохиролгүй болгох шаардлага тавьж байгаа.

⛔️Төрийн өмчийн хорооны дарга Б.Цэнгэл: Том Тавантолгойгоос 370 мянга орчим тонн коксжих сайн чанарын нүүрс хулгайлчихаад эрчим хүчний нүүрсээр хохирол барагдуулна гээд явж байгаа нь шударга бус

💯Шадар сайд С.Амарсайхан: Дотоод гадаадын бүр хувьцаа эзэмшигчдийн эрх ашгийг хамгаалах ёстой

https://www.facebook.com/share/v/1P6oRctQDM/?mibextid=wwXIfr

25/09/2024

29/08/2024

ИНЕГ, ИНҮТ-ИЙН ДАРГА НАРЫГ “ДАРАХ” ЦАГ БОЛООГҮЙ ЮУ
Сүүлийн үед ИНЕГ болон ИНҮТ-ийн дарга нартай холбоотой, тэдний архидан согтуурч, нэгнээ гэмтээсэн, хөрөнгө мөнгө буруу захиран зарцуулсан гэх хэл ам ихсэв. Бүр нэгнээ хүчирхийлсэн хэрэг гарсан ч дарга удирдлагууд нь хав дарсан гэх. Хэдийгээр батлагдаж нотлогдоогүй ч нисэх даяар энэ хэргийг жиг жуг хийлцэж байна. Тодруулбал өнгөрөгч Тавдугаар сарын 25-нд буюу Нисэхийн баяраар ИНЕГ, ИНҮТ-ийнхэн өөрсдийн эзэмшлийн “Жаргалант” амралтад очиж зад баярлажээ. Энэ үеэр тухайн хэрэг гарсан ч дарга нар нь хэл ам, цагдаа сэргийлэх бололгүй хохирогчийг чимээгүй байхыг хүсч цалин хөлс, албан тушаалаар “амыг нь тагласан” байж болзошгүй байна. Хэргийг үйлдэгч гэгдээд байгаа Б нь хүчирхийлэл үйлдсэнээ нуун дарагдуулаад зогсохгүй ИНҮТ-ийн нэг газрын дарга болохоор яриа тохироогоо хийж яваа ч гэх олны ам дамжсан яриа нисэхийн хонхорт үргэлжилж буй юм.
ИНЕГ-ын дарга Ч.Мөнхтуяа өнгөрөгч нэгдүгээр сард бүтцийн өөрчлөлт нэрээр ИНҮТ-д өөрчлөлт оруулахдаа агаарын навигацийн газрын дарга Э.Төрбаярыг ИНҮТ-ийн даргаар томилж, түүний харьяа газар нэгжүүдэд өөрийн хүмүүсийг удирдах албан тушаалд “шахсан” нь өнөөдрийн эмх замбараагүй олон асуудлын эхлэл болсон.
Тухайлбал, ИНҮТ-ийн Үйлдвэр, үйлчилгээний газрын Нисэх буудлуудын үйлчилгээ хариуцсан менежерээр өмнө Нисэхийн эрүүл мэнд, сэргээн засах албаны дарга Д.Гантулгыг томилж, зөвхөн 2024 онд л гэхэд тэрээр 30 гаруй сая төгрөгийн томилолт гаргуулжээ. Мөн ИНҮТ-ийн Хүний нөөцийн хэлтсийн даргаар Э.Мишээлийг томилсон. Э.Мишээл нь томилогдсон даруйдаа маш олон хүнийг сонгон шалгаруулалтгүйгээр ажилд авч, тэднээс авилга авсан гэдгийг ярих хүн олон. Үүгээр ч зогсохгүй өмнө ИНҮТ-ийн даргаар ажиллаж байсан Н.Батсайхан, НААХЗА-ны байцаагч н.Амарцэцэг тэргүүтэй хэд хэдэн хүнийг цомхотгол нэрээр ажлаас нь чөлөөлж, хүн тус бүрт ажлаас чөлөөлөгдсний тэтгэмж гэж 200 саяыг олгоод хэдхэн сарын дараа буцаан ажилд авсан нь тэдний мөнгө завших нэг арга аж.
ИНҮТ-ийн дарга Э.Төрбаярын хувьд томилолт нэрээр маш их мөнгө завшжээ. Жишээ нь төвийн ажилтнуудын нэрийг ашиглаж, томилолт бичиж төсөв гаргуулаад томилолтын тушаалд нэр нь ороогүй өөрийн ойр тойрны хүмүүсийг дагуулж, орон нутаг олон улсаар зугаалсаар байна. Мөн 2024 онд гэхэд Э.Төрбаярын хувьдаа ашигласан шатахууны төлбөр 50-60 сая гаруй төгрөг болоод байгаа аж. Энэ бүх гэмт үйлдлүүд ИНЕГ-ын дарга Ч.Мөнхтуяагийн нүдэн дээр өрнөж, амтай болгон ярьж чихтэй бүхэн дуулаад байхад удирдлага нь болох Ч.Мөнхтуяа ахайтан нүдэн балай, чихэн дүлий суусаар.
Дарга нар нь данхалзаж, ажилтнууд нь аргаа барсан энэ байгууллагыг шалгаж, цэгцлэх цаг нь болоогүй гэж үү.

26/08/2024

ИНЕГ-ын даргын албан тушаалыг Ч.Мөнхтуяа “Түр орлон гүйцэтгэгч” статусын дор хашаад жил хагас болж байна. Жинхэлж эсвэл жинхэнэ даргыг нь томилдоггүй энэ хугацаа....

29/05/2024

09/12/2023

Өнөрөө, Осоржаамаа хоёр нарсанд, Загдаа, Мөнх-Эрдэнэ хоёр сууж гарч ирээд томоожсон сошил үнэн гуниг байнаа сдаа

09/08/2023

Цусны шинжилгээний хариуг өөрөө уншиж сураарай.
цусны шинжилгээний хариун дээр байдаг дараах тэмдэглэгээнүүдийг танд тайлбарлаж өгье.

Гемоглобин (Hb):
Энэ бол уушигнаас хүчилтөрөгчийг эд эсэд шилжүүлэх, CO2-ыг зайлуулах гол үүрэгтэй эритроцитуудын үндсэн бүрэлдэхүүн хэсэг болох нарийн төвөгтэй уураг юм. Хэвийн хэмжээ нь: эрэгтэйчүүдэд – 130-160 г/л, эмэгтэйчүүдэд – 120-140 г/л. Хэрэв гемоглобин буурсан бол энэ нь цус багадалт эсвэл цус алдах магадлалтайг илтгэж, их хэмжээний үзүүлэлтүүд нь шингэн алдалт, цусны өвчин, зүрхний зарим төрлийн өвчнийг илтгэнэ.

Цусны улаан эс:
Гемоглобин агуулсан цусны эсүүд. Хэвийн хэмжээ нь: эрэгтэйчүүдэд – 4.0-5.1 × 10¹² эс/л; эмэгтэйчүүдийн хувьд – 3.7-4.7 × 10¹² эс/л. Эрүүл хүмүүст цусны улаан эсийн илүүдэл нь өндөр ууланд ажиглагдаж болно. Гэхдээ энэ нь ихэвчлэн гуурсан хоолой, уушиг, бөөр, элэг, зүрхний өвчний тухай өгүүлдэг. Эритроцитын дутагдал нь цус багадалт, цочмог цусны алдагдал, архаг үрэвсэлт үйл явцын тухай өгүүлж байдаг. Заримдаа энэ нь жирэмсний хожуу үе шатанд илэрдэг.

Лейкоцитүүд:
Бие махбодийг хорт бодис, вирус, бактериас хамгаалахын тулд ясны чөмөг, тунгалгийн булчирхайд үүсдэг цагаан цусны эсүүд. Хэвийн хэмжээ нь: 4‚0–9‚0 × 10⁹ эс/л. Илүүдэл нь бие махбод дахь үрэвсэл эсвэл бактерийн халдварын тухай өгүүлдэг. Хүчтэй стресс, бие махбодийн стресс эсвэл жирэмслэлтээс болж лейкоцитын түвшин нэмэгддэг. Вирусын халдвар, түүнчлэн өвдөлт намдаах эм, таталтын эсрэг эм уух нь лейкоцитын тоо буурахад хүргэдэг.

Тромбоцитууд:
Цусны бүлэгнэлтийг хариуцдаг эсүүд. Хэвийн хэмжээ нь: 180–320 × 10⁹ эс / л. Илүүдэл хэмжээ нь сүрьеэ, шархлаат колит, элэгний хатуурал зэргийг илтгэнэ. Тромбоцитийн агууламж буурах нь архи, хүнд металлын хордлого, цусны өвчин, бөөрний дутагдал, элэг, дэлүүний өвчин, уулын эмгэг зэрэгт тохиолддог.

ESR: Туршилтын хоолой дахь эритроцит тунадасжих хурд. Хэвийн хэмжээ нь: эрэгтэйчүүдэд – 2-10 мм/цаг, эмэгтэйчүүдэд – 2-15 мм/цаг. Өндөр байх нь халдвар, үрэвсэл, цус багадалт, бөөрний өвчин, дааврын эмгэг, гэмтэл, мэс заслын дараах цочрол, жирэмслэлт, сарын тэмдгийн үед ажиглагддаг. Багассан утга нь цусны эргэлт хангалтгүй, анафилаксийн шок гэх мэт өвчний үед илэрдэг.

Глюкоз:
Цусан дахь сахарын үзүүлэлт. Хэвийн хэмжээ нь: 3.5-6.5 ммоль/л. Өндөр үзүүлэлттэй байх нь чихрийн шижин өвчнийг илтгэнэ. Бага байх нь тогтмол бус хоол тэжээл, дааврын тасалдал байгааг илтгэнэ.

Нийт уураг: Хэвийн хэмжээ нь: 60-80 г/л. Хатуу чанга хоолны дэглэмийн дараа, түүнчлэн элэг, бөөрний үйл ажиллагааг алдагдсан тохиолдолд энэ үзүүлэлт буурдаг.

Нийт билирубин: Элэгний үйл ажиллагааны үзүүлэлт. Хэвийн хэмжээ нь: 20.5 ммоль/л. Гепатит, холелитиаз эсвэл цусны улаан эсийг устгах үед энэ үзүүлэлт нэмэгддэг.

Креатинин: Элэгний үйл ажиллагааны үзүүлэлт. Хэвийн хэмжээ нь: 0.18 ммоль/л. Өндөр үзүүлэлт нь бөөрний дутагдлын шинж тэмдэг юм.

05/07/2023

Бат-Үүл баатар живэх шахжээ

03/07/2023

Онгоц Нисдэг тэрэгний эрлийз төрсөн түүх😂😂😂