Соёлтой аялъя

28/04/2026

Дорнод аймгийн Халхгол нутгаар аялахдаа түүх соёлын хөшөө дурсгал дээр нэр усаа сийлэхгүй, хог хаяхгүй байхыг уриалж байна!

Түүх соёл, унаган байгалиа хайрлая.
Via. Dornod DATA

27/02/2026

ДОТООДЫН АЯЛАГЧДЫН 2026 ОНЫ ЭХНИЙ САРЫН СУДАЛГААНЫ ҮР ДҮН ГАРЛАА 💚

Тодруулбал: 2026 оны 01 дүгээр сард эх орноороо аялсан дотоодын аялагчдын аяллын чиг хандлага, зан төлөвийн судалгааны үр дүнг танилцуулж байна.

Монголчууд хэрхэн аялдаг вэ? Энэхүү асуултын хариултыг олох зорилгоор бид дотоодын аялал жуулчлалын өнөөгийн нөхцөл байдалд иж бүрэн дүн шинжилгээ хийхээр зорин ажиллаж байна. Аялагчдын нийгмийн байдлаас эхлээд аяллын зардал, сэтгэл ханамж хүртэлх бүх үзүүлэлтийг тоо баримтаар баримтжуулах зорилттой.

Судалгаагаар дотоодын аялагчдын дийлэнх нь хот, суурин газрын стрессээс ангижрахын тулд ойр дотнынхоо хүмүүстэй байгалийн сайханд аялахыг илүүд үздэг нь харагдаж байна. Түүнчлэн аялагчдын зарцуулж буй төсөв болон аяллын хугацаа нь улирлын онцлогоос хамаарч өөр өөр байгаа юм.

2026 оны дотоодын аялагчдын зан төлөв, хэрэгцээ болон сорилтуудыг нэгтгэн тодорхойлсон энэхүү судалгааны зөвлөмжүүд нь төр, хувийн хэвшил, орон нутгийн хамтын ажиллагааг шинэ шатанд гаргахад бодитой хувь нэмэр оруулна гэдэгт итгэж байна.

Бид сар бүр тухайн сард аялсан аялагчдаас судалгааг авч мөн тухайн сар бүрийн судалгааны үр дүнг олон нийтэд нээлттэй танилцуулсаар байх болн.

Жич: Энэ сарын судалгааны голлох 5 үзүүлэлтийг тайлан мэдээнд хавсаргав. Нэгдсэн бусад үзүүлэлтийг 2026 оны төгсгөлд нэгтгэх юм.

2026 ОНЫ 01 ДҮГЭЭР САРЫН ДОТООДЫН АЯЛАГЧДЫН СУДАЛГААНЫ ҮР ДҮНГ ДООРХ ЛИНКЭЭР ОРЖ НЭЭЛТТЭЙ ҮЗЭХ БОЛОМЖТОЙ 💚 https://drive.google.com/file/d/12H5ZIHwYcjFYFqOEh1ZbZAyh8NSed5_z/view

Судалгааг боловсруулсан: Daagii Compass Batjargal Munkhtogtokh Rentsendagva Saihnaa Otu Saihnaa

Дэмжигч itravel.mn болон Аялал жуулчлалын боловсрол, хөгжлийн нийгэмлэг 👍 Соёлтой аялъя

11/02/2026

2026 оны зөвхөн 2 дугаар сард эх орноороо аялсан дотоод аялагчдын судалгаа эхэллээ.

Энэхүү судалгаа нь дотоодын аялал жуулчлалын хөгжлийн өнөөгийн байдлыг тодорхойлох ба дотоодын аялагчдын зан төлөв, аяллын зорилго, чиг хандлагыг судлах, дата өгө...

03/02/2026

САЙХАН ЦЭВЭРЛЭЖЭЭ. #БАЯРЛАЛАА
Chilling travel Mongolia

Даян дээрхийн хийд, агуй хүрэх зам хэцүү юу?

Зун бол зүглэлтгүй гэж сонсоод өвөл л явъя гэж бодож байсан ч зун ч асуудалгүй явах боломжтой гэдгийг мэдээд ирлээ.

Сайхныг нь биширч, сүрдэм явсаар ирлээ.
Замын хувьд тэгтлээ айж бэргээд байх асуудалгүй ажээ.

УБ талаас явбал Хөвсгөл аймгийн Тариалан сумруу салалгүй өнгөрөөд 8,9 км яваад цайны газартай, замын 2 талаар цөөн хэдэн байшинтай газраар баруун гар талруугаа шороон замруу сална. Нутгийнхан энэ газраа Зүлэгт гэдэг юм байна. /Зам дээр тэмдэг тэмдэглэгээ байхгүй учир бид2 ололгүй Тариалангаар яваад зам төөрсөн/. Зүлэгтээс Эрдэнэбулган сум /Эгүүр/ хүртэл сайхан цагаан замаар 75 км явна. Сумаас 60 км яваад агуйн доор байрладаг ГАРЬД ТУР амралтын газар хүрнэ.

Сумаас хойшоо гараад хэсэг явахаар Агуй гэсэн тэмдэг байгаа, тэмдгээр зүүн хойшоо сална. Эгийн голын эргээрээ явсаар Үүрийн голд хүрнэ. Голоо гараад хойд талынх нь уулын зүүн талаар Агуй гэсэн тэмдгээр баруун хойшоо даялаад явна. Модон дундуур нэлээн явж хүрнэ.

Харуй бүрий болохоос өмнө амжиж хүрэхээр цагаа тооцоолохгүй бол төөрөх юм байна лээ шүү. Аялагчид төөрч давхилдаж олон зам гаргажээ. Тэмдэг тэмдэглэгээ бас л муу юм байна. Зам нь харин асуудалгүй цагаан аж. Эгүүрээс гараад ямар ч сүлжээгүй учир гархаасаа өмнө замаа сайн заалгаж гарах эсхүл машин дагаж гарах хэрэгтэй.

Хатгал талаас явбал Чандмань өндөр сумаас Цагаан-Үүр сум ороод Цагаан-Үүрээс очиж болно. Ингэж явбал зам асуудалгүй цагаан гэсэн. Буцахдаа УБ орох бол Эрдэнэбулган сумаар явчихна гэсэн үг.

Ингээд амралтын газраа олоод ирсэн байхад агуйруу явж байгаа олон аялагчид байдаг юм байна. Амралтын газраас 9 км яваад агуйд хүрнэ. Аялагчидтай ханьсаад дагаад явсан ч болно, ахаар зам заалгаад явсан ч болно. Голоор явах, дээгүүр нь модоор явах гэсэн 2 замтай юм бна лээ. Аль аль нь асуудалгүй. Гэхдээ дан уулаар модон дундуур учир багахан бартаат замаар явна. Голоор бол зарим газраа халиатай, модоор явбал харз усаар гарна. 2 эрэг нь мөстөж хөлдөөд өндөр болсон байсан. Бид өгсөхдөө модоор, уруудахдаа голоор явсан. Энэ аяллын влог энэ долоо хоногтоо орно, влогоос замын байдлыг харах боломжтой.

Заа ингээд агуйдаа хүрэхэд байгалийн сайхныг харж баясан, энергийн сайхныг мэдэрнээ. Сумаас очих хүртлээ л байгалийн сайхныг дуу алдан биширч явна. Агуйгаас өндөр уулс, ой модод хэчнээн гоё харагддаг юм бэ, гайхалтай.
Зун дахин заавал зочилж очно хэмээсээр буцлаа. Үүрийн гол бирваазтай болсон юм байна, амралтын газраа хүрсэн байхад агуйруу мориор яваад ирэх юм байна. “Гарьд тур” амралтын газар аялагч нараа мориор агуй хүргэдэг гэлээ.

Амралтын газрын утас: 98986217
Хаяг нь: 50°29'32.0"N 101°54'55.3"E
Хадгалж аваад явах үедээ холбогдоорой. Байшингаа эртхэн захиалахгүй бол дүүрчихдэг юм байна лээ шүү. Ялангуяа амралтын өдрүүдээр очих бол дүүрэн л байдаг юм байна.

Хийдийн тухайд “Гарьд тур” амралтын газар явах зам дагуу 6 км-н наана байдаг юм байна. Хаалттай байсан тул орж чадсангүй ээ, гаднаас нь залбираад буцлаа.

02/02/2026

Хөвсгөл аймгийн Рэнчинлхүмбэ сумын зүүн хойно байх Жаргалант гол хавиар манайх зусдаг байлаа. Сүүлийн үед “Хөлддөггүй гол” гээд өвлийн улиралд жуулчид шавах болжээ. Өмнө нь төдийлөн тоодоггүй байсан би олон хүн шуурах цагт л дэндүү үзэсгэлэнтэйг нь мэдэрсэн юм. Намайг Р.Даваадалай гэдэг. Би Улаантайгын УТХГ-т олноо алдаршсан Хорьдол Сарьдагийн ДЦГ-ын байгаль хамгаалагчаар ажилладаг. Багшийн Дээдийн Математикийн багшийн ангиа орхин цэргийн алба хаагаад, нутагтаа ирэн анх 22 насандаа байгаль хамгаалагч болсон юм.

2017 онд эчнээгээр байгаль хамгааллын мэргэжлээр сурч төгсөхөд иргэдийн мэдээлэл хомс, хяналт шалгалтаар явахад олон эсэргүүцэлтэй тулгардаг байв. Хэдэн жилийн өмнө ирвэсийн эргүүл, судалгаагаар камер тавихаар манай захиргаанаас зургаан хүн явав. Бид үүргээ хуваарилан, би нэг ахтайгаа камер байршуулахаар уул, хад асгаар өдөржин яваад ширүүн бороонд дарагдан осгохын наана гал дээрээ харуй бүрийтэй уралдан ирлээ. Гэтэл дарга, мэргэжилтэн хоёр ирчихсэн, нөгөө байгаль хамгаалагчид маань байдаггүй. Шөнө нь уулаараа цас орж хоноход ч ирсэнгүй. Өглөө нь дарга дуудаад тэр хоёр амь эрсэдсэнээс гарцаагүй гэхэд дотор пал хийгээд л явчхав. Санамсаргүй байдлаар хөл алдахад өндөр хад асга дундаас амьд гарах боломжгүйг бид бүгд мэдэж байгаа ч дотроо амьд байгаасай хэмээн залбирсаар. Бүгд эрж хайхдаа бэлдэж, ачаа тээшээ цэгцлэн би түлээгээ бэлдэхээр явж байтал нэг байгаль хамгаалагчийн долгионы станцад сүлжээ тааран түчигнээд эхэллээ… Тэр хоёрын нэг нь дөнгөж 18 настай айлын ганц балчирхан хүү байсан юм. Хэсэг чимээгүй байсны дараа манай хоёр амьд байна гэх мэдээ сонсогдож, өөрийн эрхгүй нүднээс нулимс урсаад эхлэв. Шөнийн бороонд аюултай хэмээн хонгилд хоносон байх нь тэр. Энэ мэтчилэн бидний амь нас дээсэн дөрөөн дээр байх үе олонтой. Хүн болгоны хийдэггүй ажил юм даа. Анх ажилд ороход анчдын мөр л цухуйдаг байсан тайга минь одоо хандгай буга эмээсэн шинжгүй хажууд урамдан гарч ирэх ямар сайхан гээч. Өвөг дээдэс маань онгоноор нь байгалиа үлдээж байхад бид үр хойчдоо дордуулж өгч болохгүй шүү дээ. Бид хойч үедээ өртэй хүмүүс. Байгалиа сайхнаар нь хадгалж, өвлүүлэх нь тэр өрөө төлж буй хэрэг юм даа.

Соёлтой аялъя

Via. National Park Academy page

31/01/2026

ЮУ ҮЛДЭЭХ НЬ ТАНЫ Л МЭДЭХ ХЭРЭГ 💚

30/01/2026

ЭХ ОРНОО ЭХЛЭЭД ТАНИХ НЬ ЧУХЛӨӨ 💚

29/01/2026

АЯЛЛЫН ХАМГИЙН ГОЁ ЗҮЙЛ НЬ ХООЛ ИДЭХ ҮЕ ТЭ 💚

28/01/2026

АЯЛАХААР БОРЛОДОГ НЬ ҮНЭЭН 💚