05/08/2026
भोजपुर र खोटाङ जिल्लाको सिमानामा पर्ने मुन्धुम ट्रेल (Mundum Trail) पूर्वी नेपालको एक सुन्दर, नयाँ र सांस्कृतिक पदमार्ग हो। किराँत समुदायको मुन्धुम (मौखिक ग्रन्थ, संस्कार र इतिहास) संग जोडिएको हुनाले यसको नाम मुन्धुम ट्रेल राखिएको हो।
मुख्य यो बाटोमा किरात राई समुदायका मानिसहरू बसोबास गर्ने गाउँहरू पर्छन्। उनीहरूको रहनसहन र संस्कृति नजिकबाट हेर्न पाइन्छ।हिमालको दृश्य: यहाँबाट सगरमाथा, मकालु, कञ्चनजङ्घा र ल्होत्से जस्ता ठूला हिमालहरू स्पष्ट देखिन्छन्।
यो पदमार्गको सबैभन्दा उच्च बिन्दु सिलिचुङ डाँडा (Silichung Peak) हो, जुन करिब ४,२०० मिटर उचाइमा छ।प्राकृतिक सौन्दर्य र मनमोहक दृष्यहरू जस्तै लालीगुराँस र बाँसका घना जङ्गल, साना पोखरीहरू तथा गोठालाहरूको जीवनशैली यहाँको मुख्य आकर्षण हो।
यात्रा सामान्यतया चखिया भञ्ज्याङबाट सुरु भई मैयुङ रावाधाप र सिलिचुङ हुँदै भोजपुर बजारसम्म पुग्न सकिन्छ ।
उत्तम समय चाहि वसन्त ऋतु (मार्चदेखि मे) र शरद ऋतु (सेप्टेम्बरदेखि नोभेम्बर) पदयात्राका लागि सबैभन्दा राम्रो समय हो।
