ANTARAL

30/12/2025

यहाँहरु सवैलाई सहभागिताकोलागि हार्दिक अनुरोध गर्दछौं।
टिकट सिमित छ। सम्पर्क - ९८५१३५१९७१

30/12/2025

धेरै धन्यवाद दैनिक नेपालगन्ज ।

29/12/2025

अन्तरालमा बीपीका पार्श्व संगीतमा कविता
नेपालगन्जमा पार्श्वसंगीत सहित कविता प्रस्तुति हुने भएको छ। कवि बीपी अस्तुका एक दर्जनबढी कविताहरू प्रस्तुत गरिने उक्त कार्यक्रम पुस १९ गते शनिबार अन्तरालले आयोजना गर्दैछ ।
प्रभावकारी र एकाग्रतापूर्ण वातावरणमा कविता प्रस्तुतिले कार्यक्रमलाई स्मरणीय बनाउने गरी तयारी भैरहेको अन्तरालका प्रमुख कार्यकारी जयनारायण शाहले जानकारी दिए ।

नेपालगन्ज सुर्खेत रोडस्थित वेष्टर्न मलमा रहेको अन्तराल हलमा हुने उक्त कार्यक्रममा सशुल्क सहभागिताको व्यवस्था गर्न लागिएको पनि शाहले जानकारी दिए । अन्तराल डेढ दशक बढी समयदेखि सन्चार, कला, साहित्य, गीतसंगीत, खेलकुद, ईभेन्ट म्यानेजमेन्ट र पर्यावरणका क्षेत्रमा काम गर्दै आएको संस्था हो।
कवि अस्तु साहित्य र पत्रकारिताका सशक्त कलम चलाउँछन् । `मैले कविता लेख्न सिकेको शहरमै पहिलोपटक एकल कविता प्रस्तुति हुन लागेकोमा म उत्साहित छुँ,' कवि बीपीले भने, 'सँगीतको पार्श्वले कविता श्रवणलाई थप प्रभावकारी बनाउनेछ भन्ने विश्वास छ।'
संगीतमा गायक महेन्द्र सेडाई सहितका संगीतकर्मीहरुले साथ दिनेछन्। हाल कार्यक्रमका लागि रिहर्शल भईरहेको छ।

अन्तराल शृङ्खला अब हरेक महिना निरन्तरता दिने ढंगले तयारी भईरहेको आयोजकले जनाएको छ। `कविता र संगीतको बेजोड प्रस्तुति दर्शक तथा स्रोताहरुले मन पराउने हाम्रो विश्वास छ,' अन्तरालका प्रमुख कार्यकारी शाह भन्छन्, 'अन्तरालको यो मंचमा आगामी महिनाहरुमा कला, साहित्य, गीतसंगीत र खेलकुदका विशिष्ट व्यक्तित्वलाई प्रस्तुत गरिनेछ। ´
कार्यक्रम निर्धारित समयमा सुरु हुने र दर्शकहरु पलेंटीमा बस्ने प्रवन्ध मिलाईएको आयोजकले जनाएको छ। कार्यक्रम अघिको आधा घण्टा भलाकुशारी र जलपानका लागि छुट्याईएको छ। कार्यक्रम शुरु हुनु १० मिनेट अघि हलको ढोका खुल्ने र एक घण्टा कविता प्रस्तुतिको कार्यक्रम रहनेछ ।
पाँच सय रुपैयाँको टिकट सुरुमा बुकिङ गर्नेहरूलाई ५० प्रतिशत छुटको व्यवस्था पनि मिलाइएको आयोजकले जनाएको छ । टिकट अन्तरालको कार्यालय र विभिन्न क्याफेहरुमा उपलब्ध छ।
टिकटकालागि सम्पर्क - ९८५१३५१९७१

24/12/2025

आज अन्तरालको स्थापना दिवश।
ईभेन्ट म्यानेजमेन्ट , डकुमेन्ट्री निर्माण , पुस्तक प्रकाशनसँगै
कला, संस्कृति , साहित्य, गीतसंगीत , फोटोग्राफी , खेलकुद र पर्यावरणको क्षेत्रमा हामी निरन्तर क्रियाशील छौं।
यहाँहरुको साथ, समर्थन र माया निरन्तर पाईरहने विश्वास छ।
आजको दिनमा हामी सवै सहकर्मीहरुलाई सम्झिरहेको छौं।
सम्पूर्ण शुभेच्छुकहरुलाई धेरै धन्यवाद !
सवै क्षेत्रसँग निरन्तर सहकार्य गर्दै हामी अझ दृढताकासाथ अघि बढ्ने प्रण गर्दछौं।

16/06/2025

11/01/2025

राष्ट्रिय एकता दिवश तथा पृथ्वी जयन्तीको सवैलाई शुभकामना !

07/01/2025

नेपालगन्ज फोटो फेस्टिवलको निर्णायक समितिले पूर्णता पाएसँगै राष्ट्रिय फोटो प्रतिस्पर्धाको फोटो छनौट शुरु भएको छ।
बरिष्ष्ठ फोटो पत्रकार श्री विकास कार्कीको नेतृत्वमा रहेको निर्णायक समितिमा फेस्टिवल आयोजक अन्तरालले आज फोटो पत्रकार श्री केशव राज थोकरलाई मनोनयन गरेसँगै यो समितिले पूर्णता पाएको हो। कार्की फोटो पत्रकार क्लवका पूर्व अध्यक्ष हुन् ।
यसैगरी विगत १५ वर्ष भन्दा लामो समयदेखि फोटो पत्रकारितामा सक्रिय थोकर फोटो पत्रकार क्लवको पूर्व उपाध्यक्ष हुन्।
यसअघि नै वरिष्ठ फोटोग्राफर श्री रमेश मल्ललाई सदस्यको जिम्मेवारी प्रदान गरिसकिएको छ। भिडियोग्राफी र एडिटिङ्गमा पश्चिम नेपालमै अग्रणी मल्ल नेपाली खेलाडीको जीवनीमा वनेको पहिलो डकुमेन्ट्री `हरिबहादुर ´ का निर्माता मध्ये एक हुन्।
निर्णायक समितिले पूर्णता पाएसँगै आजैदेखि फोटो छनौंट प्रक्रिया शुरु भएको संयोजक विकास कार्कीले जानकारी दिए। ` शुरुमा हामी देशैभर वाट आएको फोटो मध्ये १ सय ११ फोटो छनौट गर्छौं। अनि शीर्ष २५, विधागत उत्कृष्ट र वर्षफोटो छनोट हुनेछ ´ कार्कीले भने।
छानिएका १ सय ११ फोटोहरुलाई प्रमाणपत्र प्रदान गरिनेछ भने नेपालगन्ज अनि राजधानी काठमाण्डौं र सवै प्रदेशमा हुने फोटो प्रदर्शनीमा राखिनेछन्। यी फोटोहरु अन्तरालले प्रकाशन गर्ने फोटो पुस्तकमा समेटिनेछन् ।


निर्णायकहरुको छनौटमा शीर्ष २५ फोटोहरु अनलाइन भोटिङकालागि राखिनेछ। भोटिङमा सर्वाधिक भोट पाउने फोटोलाई Peoples Choice Award प्रदान गरिनेछ। यसको पुरस्कार राशी ५० हजार १ सय ११ रुपैयाँ र प्रमाणपत्र रहेको छ।

#विधागतउत्कृष्टपुरस्कार
हरेक विधाका उत्कृष्ट फोटोलाई नगद पुरस्कार सहित विधागत उत्कृष्ट फोटो अवार्ड प्रदान गरिनेछ। ९ विधा रहेका छन् - दैनिक जीवन (Daily Life ), समाचार (News ) , पर्यटन (Tourism ) , कृषि ( Agriculture ) , संस्कृति (Culture ) , वन्यजन्तु (Wildlife ) , प्रकृति र संरक्षण (Nature & Conservation ) खेलकुद (Sports ) , नेपाल इस्माइल ( Nepal Smile ) रहेका छन्। हरेक विधाको उत्कृष्टलाई रु ५ हजार नगद र प्रमाणपत्र प्रदान गरिनेछ।


१ सय ११ फोटोमध्ये वाट निर्णायकहरुले सर्वोत्कृष्ट फोटो छनौट गर्नेछन्। यस फोटोलाई वर्षफोटो -२०८१
Photo of the Year 2081
अवार्ड प्रदान गरिनेछ।
नेपालगन्ज फोटो फेस्टिवल अन्तर्गत राष्ट्रिय फोटो प्रतिस्पर्धाको यो सवैभन्दा ठूलो र मुख्य पुरस्कार हो। यसको पुरस्कार राशी ५१ हजार १ सय ११ रुपैयाँ र प्रमाणपत्र रहेको छ।
राष्ट्रिय फोटो प्रतिस्पर्धामा देशैभरवाट उत्साहजनक रुपमा सहभागिता जनाउने सवैलाई धन्यवाद दिंदै आयोजक अन्तरालले फेस्टिवल अन्तर्गतको फोटो प्रदर्शनीको तयारी शुरु गरेको छ।

26/12/2024

लुम्बिनी कप महिला फुटवल
सचिवालयमा मल्ल, प्रचारप्रसारमा गौतम
नेपालगन्ज,
आगामी फागुन १९ गतेदेखि नेपालगन्ज रंगशालामा आयोजना हुने लुम्बिनी कप महिला फुटवलको तयारी तीव्र पारिएको छ।
प्रतियोगितालाई व्यवस्थित ढंगले आयोजना गर्न सचिवालय प्रमुखको जिम्मेवारी नेपाल राष्ट्र बैंकवाट सेवा निवृत रमेश मल्ललाई प्रदान गरिएको छ।
सुटिङका पूर्व अन्तर्राष्ट्रिय खेलाडी मल्ल बरिस्ठ फोटोग्राफर समेत हुन्। भिडियोग्राफी र एडिटिङमा यस क्षेत्रकै अग्रणी मल्ल सूचना प्रविधिमा राम्रो दख्खल राख्छन्। रमेश मल्ल नेपाली खेलाडीको जीवनीमा वनेको पहिलो डकुमेन्ट्री हरिबहादुरका निर्माता मध्ये एक हुन्।
यसैगरी लुम्बिनी कपका सूचना र समाचारलाई व्यापकता दिन तथा संचारकर्मीहरसँग समन्वय गर्न वरिष्ठ पत्रकार निरज कुमार गौतमलाई प्रचारप्रसार संयोजकको जिम्मेवारी प्रदान गरिएको छ।
गौतम नेपाल पत्रकार महासंघ बाँकेको पूर्व अध्यक्ष हुन्।
राष्ट्रिय समाचार समितिको क्षेत्रीय कार्यालय प्रमुखवाट सेवानिवृत गौतमसँग कम्तीमा ३५ वर्ष पत्रकारिताको अनुभव छ। खेलकुदमा विशेष अभिची राख्ने पत्रकार निरज गौतम हाल गोरेटो न्युज डटकमको सम्पादक छन्।

24/12/2024

लुम्बिनी कप फागुन १९ गते देखि
नेपालगन्ज,
लुम्बिनी कप महिला फुटवल आगामी फागुन १९ गतेदेखि नेपागन्जमा हुने भएको छ।
अन्तरालको आयोजना र बाँके जिल्ला फुटवल संघको सहकार्यमा नेपालगन्ज स्थित महेन्द्र रंगशालामा हुने उक्त फुटवलमा नेपाल र छिमेकी मित्र राष्ट्र भारतका ८ टिम सहभागी हुनेछन्।
अखिल नेपाल फुटवल संघ (एन्फा)ले आयोजकलाई सोमवार पत्र मार्फत लुम्बिनी कप महिला फुटवल संचालनकोलागि २०८१ फागुन १९ देखि २९ गतेको समय दिएको बाँके जिल्ला फुटवल संघका अध्यक्ष भोजराज शाहीले जानकारी दिए।
यस प्रतियोगिताले बाँके र यस क्षेत्रमै नयाँ प्रतिभाहरु आउने विश्वास व्यक्त गर्दै अध्यक्ष शाहीले बाँके जिल्ला फुटवल संघ लुम्बिनी कपलाई सफल पार्न जुटिसकेको बताए।
यस अघि गत मंसिर १६ गते नेपाली महिला फुटवल राष्ट्रिय टिमकी पहिलो क्याप्टेन रमा सिंह र वर्तमान क्याप्टेन एन्जिला तुम्वापो सुव्वाले संयुक्त रुपमा राजधानी काठमाण्डौंमा लुम्बिनी कपको लोगो सार्वजनिक गरेका थिए। लोगोमा शान्तिका अग्रदुत भगवान गौतमवुद्ध र महिला फुटवल खेलाडीको इमेज राखिएको छ भने नेपाली राष्ट्रिय झण्डाको रङ्ग नीलो र सिम्रिक रातो प्रयोग गरिएको छ।
सो अवसरमा दुवै क्याप्टेनले खुशी व्यक्त गर्दै प्रतियोगिता महिला फुटवलको विकासकालागि महत्वपूर्ण हुने विश्वास व्यक्त गरेका थिए।
आयोजक अन्तरालका प्रमुख कार्यकारी जयनारायण शाहले एन्फालाई विशेष धन्यवाद दिंदै बाँके जिल्ला फुटवल संघ र अन्तरालको संयुक्त प्रयासवाट लुम्बिनी कपले साकार रुप लिन लागेको बताए।
` लुम्बिनी कप महिला फुटवल पश्चिम नेपालकै गर्व गर्न लायक इभेन्ट वन्ने निश्चित छ´ - शाहले भने - ` फुटवल मात्रै होइन, पश्चिम नेपालकै पर्यटन विकासमा समेत यो कोशेढुंगा बन्नेछ। ´
प्रतियोगिता सफल पार्न बाँके र लुम्बिनी प्रदेशका सरोकारवाला सवैलाई हार्दिक अपिल गर्दछौं - अन्तरालका शाहले भनेका छन्।

03/12/2024

लुम्बिनी कप !
शान्तिका अग्रदुत भगवान गौतमवुद्दको जन्मथलो लुम्बिनी प्रदेश ,
माता बागेश्वरीको पवित्र भूमि नेपालगन्जवाट विश्व शान्तिको सन्देश ।
बाँके जिल्ला फुटवल संघ र अन्तरालको सहकार्य।
नेपाल र छिमेकी मित्र राष्ट्र भारतका टिमहरुको सहभागीता रहने लुम्बिनी कप नेपालगन्ज र बाँके मात्रै होइन , पश्चिम नेपालको गौरवको रुपमा हामीले लिएका छौं।
देशको एक प्रतिष्ठित प्रतियोगिताको रुपमा स्थापित भइरहँदा लुम्बिनी कपले नेपाली फुटवलको विकासमा त टेवा पूर्याउनेनै छ, पश्चिम नेपालको पर्यटन र श्रवाङ्गिण विकासमा समेत टेवा पूर्याउनेछ।
आगामी फागुनको अन्तिम साता नेपालगन्जमा रंगशालामा ।
सवैलाई सहकार्य र सहभागीकालागि हार्दिक अपिल गर्दछौं।