05/05/2025
P500 PANGHATAG, P5,000 ANG SAAD: KAMPO NI MAYOR DIDOY GIPASANGLAN NGA NAMALIT OG BOTO
NAGPAGAWAS OG KASAYURAN ANG KATAWHAN NGA ANG KAMPO NI MAYOR DIDOY SUAN UG ANG GRUPO SA ASENSO CORDOVANHONS NANGHATAG NA KUNO OG TAG-P500 SA MGA TAWO ISIP PAMAAAGI ARON MAKABOTAR SILA SA ILANG GRUPO.
GISAAD PA GAYUD NGA HUMAN SA ELEKSYON, ANG MATAG TAWO NGA MODAWAT SA KWARTA, MAKADAWAT OG DUGANG NGA P4,500 ARON MAKOMPLETO ANG P5,000. APAN ANG ILANG GIINGON, ANG P4,500 MAKUHA RA KUN MODAUG SILA SA ELEKSYON.
SAMTANG ANG KAMPO SA KANHI MAYOR TECHE SITOY-CHO WALA PA MAY GIPAGAWAS NGA KWARTA. SA MGA MITAMBONG SA ILANG MGA RALLY UG PULONG-PULONG, KLARO NGA GIINGON NGA DILI SILA MANGHATAG OG KWARTA TUNGOD KAY GUSTO NILA NGA LIMPYO UG MATINUD-ANON ANG ELEKSYON.
BASE SA IMPORMASYON NGA NADAWAT, SI MAYOR DIDOY KUNO NAKADAWAT OG P7 MILYON NGA SUPORTA GIKAN SA USA KA KONGRESISTA SA USA KA PARTY-LIST, SAMTANG ANG IYANG BISE-MAYOR KUNO NAKADAWAT OG P2 MILYON. ANG MGA KANDIDATO SA KONSEHO SA ILANG GRUPO KUNO NAKADAWAT TAG-P500,000 MATAG USA. ANG UBAN KANILA MIREKLAMO NGANO GAMAY RA ANG ILANG BAHIN, UG GIINGON KUNO NI MAYOR DIDOY, “AYAW KABALAKA, CONG, I CAN MOVE MOUNTAINS.”
DUGANG PA, SI MAYOR DIDOY NAKADAWAT PA KUNO OG P1.5 MILYON GIKAN SA USA KA KOREANONG INVESTOR. APIL PA GYUD, ANG KWARTA PARA SA MANANAGAT NGA NAGKANTIDAD OG P9.9 MILYON GIKAN SA KOMPANYANG GOTHONG NGA GIPAGAWAS NIADTONG MARSO 14, 2024, HANGTOD KARON WALA PA MAHIBAW-I ASA NAPADUNG.
USA PA, DUNAY BAG-ONG REPORT NGA NIADTONG MARSO 19, 2025, NADAWAT NI MAYOR DIDOY ANG P10 MILYON GIKAN SA SULPICIO LINES, NGA GIPASIGARBO NILA SA ILANG MGA RALLY NGA PARA DAW KINI SA MANANAGAT.
GIINGON NGA ADUNAY P100 MILYON NGA GIANDAM ANG KAMPO NI MAYOR DIDOY PARA SA ELEKSYON KARONG TUIGA. APAN TUNGOD KAY WALA KUNO KABALOS ANG KAMPO NI MAYOR TECHE OG KWARTA, NANGANDOY NA LANG KUNO ANG KAMPO NI DIDOY NGA MANGHATAG TAG-P500 MATAG TAWO ARON MAPALIT ANG ILANG BOTO. APAN ANG ILANG SAAD, MAHIMO KINING P5,000 INIG DAOG NILA.
ANG MGA TAWO SA CORDOVA KARON NAGTAN-AW NA SA MGA LIHOK NI MAYOR DIDOY. ADUNA NAY KABALAKA NGA BASIN MAPILDI SIYA KARONG ELEKSYONA TUNGOD SA MGA ANOMALIYA NGA NABUTYAG NA SA PUBLIKO. APAN BISAN PA NIINI, MURAG GIPUGNGAN NA NIYA ANG PAGGASTO OG DAKO NGA KANTIDAD KAY KUN MAPILDI MAN GANI SIYA SA POLITIKA, DAUG GIAPON SIYA SA SALAPI.
APAN ANGAY TIMAN-AN SA MGA CORDOVANHON NGA ANG KWARTA NGA GIPANGHATAG DILI IYAHA. KWARTA KANA SA KATAWHAN. KWARTA NINYO.
PWEDE NINYONG DAWATON ANG KWARTA, PERO AYAW IBALIGYA ANG INYONG KONSYENSA. ANG BOTO TINAGO. WALAY LAIN NGA NAKABALO KUNG KINSA INYONG GIBUTARAN, IKAW UG ANG GINOO LANG.
PILA MAN GYUD ANG BALOR SA INYONG BOTO?
KUNG MODAWAT MO OG P500 KARON:
P500 Ă· 365 KA ADLAW = P1.36 KADA ADLAW
KUNG MULINGKOD NA PUD OG 3 KA TUIG SI MAYOR DIDOY = P0.45 SENTABOS RA MATAG ADLAW
KUNG MAKADAWAT MO OG P5,000:
P5,000 Ă· 365 KA ADLAW = P13.69 KADA ADLAW
SULOD SA 3 KA TUIG = P4.56 PESOS KADA ADLAW
CORDOVANHON, ANGAY NATO PANAMINAN KINI. DILI NATO IPALIT ANG ATONG KATUNGOD UG KAUGMAON SA P4.56 MATAG ADLAW.
BUTAR SA IMONG KONSYENSA!
IKAW RA UG ANG GINOO ANG NAKAHIBALO KUNG KINSA IMONG GIBUTARAN.
