God's Princess-Jenn R Librado, Brgy Morales, Koronadal (2025)

21/07/2025

Tragedy struck when Josh, 39, was found dead from a sudden cardiac event, despite being healthy just days before. While shock overwhelmed Liz, financial worries did not. Josh’s life insurance allowed her to take a leave of absence from work to grieve and care for her 3-year-old.

21/02/2025

PROTIPS - February 21, 2025
Be Grateful and Contented
By Maloi Malibiran-Salumbides

Nabilang mo na ba ang mga maaari mong ipagpasalamat sa iyong buhay at trabaho ngayon? Marami sa atin ang puno ng reklamo sa buhay na nakakaligtaan na nating magpasalamat sa mga biyaya na ating natatanggap. Maaring hindi ideal ang sitwasyong kinalalagyan mo ngayon. Maaaring ang pinaka-aasam mong trabaho ay naibigay sa iba. Maaaring ang matagal mo ng prayer item ay prayer item pa rin hanggang ngayon. Pero hindi binubura ng mga ito ang katotohanang marami ka pa ring dapat na ipagpasalamat sa buhay mo. Be grateful and contented.

Magandang araw, ako si Maloi Malibiran-Salumbides para sa Protips, partner mo sa inspiradong trabaho at negosyong umaasenso.

Ang sabi ng Greek philosopher na si Socrates, “He who is not contented with what he has, would not be contented with what he would like to have.” Kung hindi tayo marunong makuntento sa kung ano ang mayroon tayo ngayon, ano nga ba ang garantiya na magiging kuntento na tayo sakaling mapasaatin na ang gusto natin? Kakambal ng contentment ang gratefulness. At papaano nga ba tayo magkakaroon ng pusong kuntento at mapagpasalamat?

1) Be intentional in counting your blessings. Bago ka magreklamo, magbilang ka muna ng limang pagpapala na dapat mong ipagpasalamat. Kapag nasanay ka sa pagbibilang ng magagandang bagay na nangyayari sa trabaho mo at negosyo, mababawasan ang iyong pagrereklamo at mapapansin mong higit kang magiging positibo sa iyong buhay. Di naman nangangahulugan na ipipikit mo na lamang ang mga mata mo sa hindi magagandang bagay na nangyayari sa iyong paligid. Mulat ka pa rin pero pipiliin mong mas hanapin at tutukan kung ano ang tama, mabuti at kapuri-puri. Maging kuntento at bilangin ang pagpapalang mayroon ka ngayon.

2) Be thankful at all times. Sa panahon ng kasalatan o kasaganahan, magpasalamat tayo. May kasabihang "necessity is the mother of invention", kapag kapos tayo nagiging maparaan tayo at nakaiisip ng creative solutions para mapunan ang ating pangangailangan. Maging ang kakapusan ay pwedeng maging pagpapala hindi ba? Marami sa mga kakilala kong matagumpay na ngayon sa kanilang negosyo ay ipinagpapasalamat ang kanilang mga payak na simula dahil ito ang naging dahilan kung bakit sila nagpursige sa buhay.

3) Focus on the character of God and not your current situation. Kapag nagfocus ka sa problema, kahit hindi naman ito kalakihan, lumalaki ito dahil dito ka nakatuon. Focus on who God is. Kapag tinignan mo ang sitwasyon mo sa liwanag at katotohanan Diyos, walang problemang napakalaki na di kayang ayusin ng Diyos. Problems are God's stage to demonstrate His limitless goodness, faithfulness and grace.

Piliin mong maging kuntento at mapagpasalamat anu man ang sitwasyon ng iyong trabaho o negosyo ngayon. Count your blessings, be thankful at all times and focus on who God is.

BE A BLESSING IN THE WORKPLACE TODAY!

18/02/2025

PROTIPS - February 18, 2025
Your Dose of Daily Strength
By Maloi Malibiran-Salumbides

Pakiramdan mo ba'y palagi kang pagod? Kahit ilang long weekends pa ang magdaan, sa tuwing oras na ng pagpasok sa trabaho, palaging mababa ang energy mo? May mga umiinon ng iba't-ibang bitamina para lumakas ang kanilang katawan at resistensiya. May mga nag-eexercise naman at kumakain ng masustansiya para pataasin ang kanilang energy. Ang iba naman, sapat na tulog ang kailangan para palagi silang alerto at masigla. Ano nga ba ang susi ng masigla at malakas na pagtatrabaho at paggawa?

Magandang araw, ako si Maloi Malibiran-Salumbides para sa Protips, partner mo sa inspiradong trabaho at negosyong umaasenso.

Kung lakas at sigla sa araw-araw na trabaho ang hangad mo, may magandang paalala sa atin sa Isaiah 12:2, "God is my salvation, I will trust and not be afraid; For the LORD GOD is my strength and song". Hindi lang sigla sa paggawa ang pwedeng ibigay sa iyo ng Diyos, maging ang saya na hanap mo para maenjoy ang iyong trabaho ay matatagpuan mo rin sa Kanya. Get your daily dose of strength from the Lord, dahil kailanman ay hindi Siya mauubusan nito. Tatlong uri ng kalakasan ang maaari mong ipanalangin na ibigay sa iyo ng Diyos.

1) Physical strength. Ang sabi sa Isaiah 40:31, "Those who hope in the Lord will renew their strength. They will soar on wings like eagles; they will run and not grow weary, they will walk and not be faint." May physical exercises para sa strength and endurance. May akmang ehersisyo para sa pagpapalakas ng iba't-ibang bahagi ng ating katawan. Pero huwag na huwag nating kalilimutan na ang lakas na mayroon tayo ay biyayang mula sa Diyos.

2) Strength of mind. Kung lakas ng pag-iisip at karunungan naman ang kailangan mo para sa iyong trabaho at negosyo, sa Diyos din natin ito maaaring hingin. Naalala mo ba ng magulat ang maraming tao noon sa Israel dahil sa talino na namasdan nila buhat sa mga tagasunod ni Jesus. Ganito ang mababasa natin sa Acts 4:13, "When they saw the courage of Peter and John and realized that they were unschooled, ordinary men, they were astonished and they took note that these men had been with Jesus." Katalinuhan at karunungan ba ang kailangan mo? Mahalaga ang pag-aaral, pero hindi garantiya na dahil nag-aral ka sa magandang unibersidad ay marunong ka na. Diyos ang magbibigay sa iyo ng tunay na karunungan.

3) Strength of character. Marami ang may malakas na pangangatawan. Marami ang may taglay na karunungan. Pero kung wala naman tayong katatagan ng kalooban at karakter mabilis tayong matatangay sa mga tukso at kumpromiso sa trabaho at negosyo. We need a daily dose of strength of character. At ito ay maaari nating hingin sa Diyos. Ang sabi sa Galatians 5:22-23, "Galatians 5:22-23 – “But the fruit of the Spirit is love, joy, peace, patience, kindness, goodness, faithfulness, gentleness, self-control".

Gusto mo bang palagi kang energized sa trabaho at negosyo mo? Tandaan, you can always ask God for your daily dose of strength - physical strength, strength of mind and even strength of character.

BE A BLESSING IN THE WORKPLACE TODAY!

16/02/2025

PROTIPS-February 17, 2025
Let God Lead You
By Maloi Malibiran-Salumbides

Nahihirapan ka bang makatrabaho ang boss mo? Huwag mong pakalakasan ang sagot at baka marinig ka. Pero kung ito ang pinagdaraanan mo, my simple tip for you today is this, fix your eyes on God who is your ultimate boss and let God lead you.

Magandang araw, ako si Maloi Malibiran-Salumbides para sa Protips partner mo sa inspiradong trabaho at negosyong umaasenso.

Kung sa tao kasi tayo nakatingin, talagang marami tayong makikitang maaaring ika-inis natin, ikasama ng loob o ika-disappoint. Ang sabi ni Benjamin Franklin, "Blessed is he that expects nothing, for he shall never be disappointed." Marami ang nadi-disappoint sa kanilang mga boss dahil mayroon silang expectations na hindi nangyari. Pero kung ang Diyos ang boss ng buhay mo, be ready to be amazed beyond what you can ask, expect or imagine. Let God lead you. Paano?

1) Learn to entrust your plans to Him. Mabuting gumawa ng plano para sa buhay mo, trabaho o negosyo. Pero mas mabuting ang mga planong ito ay ipinagkakatiwala natin sa Diyos. Alam ng Diyos ang lahat. Bago pa mapredict ng financial analysts kung ano ang mga negosyong papatok o hihina, alam na ng Diyos ang lahat ng ito. While it is helpful to know the opinions of business experts, walang makadadaig sa pagtitiwala sa Diyos pagdating sa mga pasyahin mo sa buhay.Ang sabi sa Proverbs 19:21, "Many are the plans in the mind of a man, but it is the purpose of the Lord that will stand."

2) Endeavor to honor God in everything you do. Ang tiyak na paraan para makaiwas sa mga tukso at kumpromiso sa trabaho, honor God in everything that you do. If God is your number 1 boss, alam mo na kaagad kung ano ang gagawin sa mga tempting offers na dumarating sa iyo. Tanggihan ang hindi makaluluwalhati sa Diyos at manindigan para sa tama at matuwid. Easier said than done, but possible with the Lord's help.

3) Pray to God moment by moment. Kung tayo ay required na magpasa ng report sa ating boss, paano ka magrereport sa Diyos? Sa pamamagitan ng pananalangin.God knows everything that you do, but He still longs to talk to you in prayer. I-kwento mo sa Kanya kung ano ang mga pinagdaraanan mo sa trabaho mo. Sabihin mo sa Kanya kung ano ang mga bigatin at pagsubok na mayroon ka ngayon. God is always available to listen to you. Hindi mo kailangang makipag-appointment dahil palagi Siyang handang makinig sa bawat panalangin mo.

Ang sabi sa Colossians 3:23, "Whatever you do, work at it with all your heart, as working for the Lord, not for human masters". Invite God to be the boss of your life today.

BE A BLESSING IN THE WORKPLACE TODAY!

13/02/2025

PROTIPS - February 13, 2025
Dealing with Disappointments
By Maloi Malibiran-Salumbides

Kapag mayroon kang inasahan at hindi ito nangyari, ano ang iyong mararamdaman? Unmet expectations almost always result to disappointments. Mayroong aplikante sa kumpanya ninyo na sa tingin mo ay mahusay at puno ng potential. Pero nang inyo ng i-hire, naku, ubod pala ng tamad. Mahusay lang magsalita pero kulang na kulang sa gawa. Disappointing hindi ba? How can we best deal with disappointments in our work and our lives?

Magandang araw, ako si Maloi Malibiran-Salumbides para sa Protips, partner mo sa inspiradong trabaho at negosyong umaasenso.

Maraming pagkakataon, madidisappoint tayo sa tao, sa ating trabaho, at sa mga pangyayari sa paligid natin. And when this happens, it is always good to turn to God and His word to find hope and encouragement. If your plans and expectations didn't materialize as you wanted, know that there is a God-ordained purpose behind it. How should we handle disappointments?

1) Continue to trust. Ang sabi sa Jeremiah 29:11, "For I know the plans I have for you, declares the LORD, plans for welfare and not for evil, to give you a future and a hope". Patuloy mong panghawakan ang Salita at pangako ng Diyos dahil kahit ano pa ang nangyayari sa paligid mo, tiyak na ang sinabi ng Diyos ay hindi magbabago. Disappointing events in your life and career do not mean a cancellation of God's good plans for you. Patuloy kang magtiwala.

2) Continue to hope. Kung may pagsubok ka ngayon diyan sa iyong trabaho, tignan mo ang problemang iyan bilang bahagi ng sinasabi sa Romans 8:28, "And we know that to those who love God all things work together for good, for those who are called according to his purpose." Hindi lamang ang magandang pangyayari sa trabaho at negosyo mo ang sakop ng kakayahan at kapangyarihan ng Diyos. Even the disappointing events in your life are within His control at kahit ang mga ito ay gagamitin ng Diyos para magbunga ng kaayusan, kabutihan at kagandahan sa takbo ng buhay mo.

3) Continue to pray. Kung nababagabag ka at puno ng pag-aalala ngayon, balikan mo ang sinasabi sa Philippians 4:6-7, "Do not be anxious about anything, but in everything by prayer and supplication with thanksgiving let your requests be made known to God. And the peace of God, which surpasses all understanding, will guard your hearts and your minds in Christ Jesus." Disappointments remind us of our need to depend on God and to call on Him. Maraming bagay sa buhay mo ang labas sa kaya mong i-control. But all these are within God's control. Kapag ikaw ay discouraged at disappointed sa Diyos ka lumapit, sa Kanya tayo tumawag.

Continue to trust, continue to hope, continue to pray. People will disappoint us but God won't.

BE A BLESSING IN THE WORKPLACE TODAY

12/02/2025

PROTIPS - February 12, 2025
Patience Pays Off
By Maloi Malibiran-Salumbides

Ilang beses na ba nating narinig ang kasabihang "Kung may tiyaga, may nilaga"? Siguro ay hindi mo na mabilang. Pero kahit alam na alam na natin ito, madalas ay mahirap pa rin ang maghintay. Malaking challenge pa rin ang pagiging patient but it pays off to be patient.

Magandang araw, ako si Maloi Malibiran-Salumbides para sa Protips, partner mo sa inspiradong trabaho at negosyong umaasenso.

Ano nga ba ang mabuting gawin kapag medyo nauubusan ka na ng pasensiya at pag-asa sa paghihintay dahil tila wala namang nangyayari sa iyong efforts? Ilang paalala at encouragement ang gusto kong ibigay sa iyo ngayon.

1) Waiting does not mean you won't do anything. Marami ang naiinip sa paghihintay dahil iniisip nating wala tayong pwedeng gawin habang naghihintay. Bored ka na ba sa kahihintay ng tawag ng mga pinag-applyan mo ng trabaho? Nawawalan ka na ba ng pag-asa dahil wala pang sagot ang matagal mo ng ipinagdarasal? Pa-give-up ka na ba dahil ang negosyong sinimulan mo, hanggang ngayon ay wala pa ring masyadong kita? Hindi naman dahil sa naghihintay ka ay wala ka ng gagawin. Your season of waiting can be your season of building and equipping. Maaaring ang panahong ito ay ginagamit ng Diyos upang i-build ang iyong character. Tinuturuan ka Niyang maging matiyaga at higit na magtiwala. Pwede ring ang panahong ito ay gamitin upang ikaw ay higit na ma-equip. Learn new skills, acquire additional knowledge. The season of waiting does not have to be a season of passivity.

2) Look at what you already have and be excited for what is to come. Isang dahilan ng pagka-inip ay ang pananaw na walang nangyayari sa buhay mo. Na madalas sa hindi ay hindi naman totoo. "Are we there yet?" ang tanong ng marami kapag bumibiyahe at malayo ang pupuntahan. Pagkainip ang umiiral sa kahabaan ng biyahe samantalang pwede mo namang i-enjoy ang tanawin, ang kwentuhan, ang musikang tumutugtog habang kayo'y naglalakbay. We fail to enjoy the journey because we think that reaching the destination is the only blessing. Maging ang paglalakbay, ang bawat kilometrong dinaraanan natin, ang biyahe papalapit sa ating pupuntahan ay mga pagpapalang pwede nating bilangin at i-enjoy.

3) Focus on the reward of waiting. Maraming magagandang bagay ang bunga ng matagal na paghihintay. We wait for 9 months for a beautiful baby to be born. Nag-aaral at naghihintay tayo ng maraming taon bago maka-akyat sa entablado para magtapos sa pag-aaral. Naghihintay tayo at nag-iipon ng kapital bago maitayo ang pangarap nating negosyo. Maghihintay ka bago makasakay sa bus o sa LRT. Maghihintay ka bago ang una mong huli ng isda. Bahagi ng buhay ang paghihintay at higit nitong pinatatamis ang bawat tagumpay, pangarap, plano na napapasaatin pagkatapos ng mahabang paghihintay.

Huwag ka munang umayaw dahil tila walang nangyayari. Tandaan mo, patience always pays off. Walang kalugihan ang taong marunong maghintay.

BE A BLESSING IN THE WORKPLACE TODAY!

11/02/2025

PROTIPS - February 11, 2025
Do Not Grow Weary
By Maloi Malibiran-Salumbides

Normal ang mapagod. Minsan nga iniisip mo pa lang ang mga kailangan mong gawin sa iyong trabaho ay nakakapagod na hindi ba? Nai-imagine mo pa lang ang traffic na susuungin mo, nanlalambot ka na at parang ayaw mo ng umalis. Talagang dumarating ang kapaguran sa ating katawan kahit pa ikaw na siguro ang pinaka-energetic na tao diyan sa inyong kumpanya.

Magandang araw, ako si Maloi Malibiran-Salumbides para sa Protips, partner mo sa inspiradong trabaho at negosyong umaasenso.

Pahinga ang katapat ng pagod at may mga bagay sa buhay na kahit na mahirap ay di tayo dapat mapagod. Ano-anu ang mga ito?

1) Do not grow weary in doing good. Ang sabi sa Galatians 6:9, "Let us not become weary in doing good, for at the proper time we will reap a harvest if we do not give up." Kahit na minsan nakakapagod at parang wala namang epekto ang mga mabubuting ginagawa mo, huwag kang huminto. Ituloy mo lang iyan. Ang bawat panahon ng pagtatanim ay may katapat na panahon ng pag-ani. It is a universal law. Ang mga kabutihang itinatanim mo ngayon, ang pagsusumikap na ginagawa mo ngayon, sa tamang panahon ay magbubunga din. Minsan ang bunga ay hindi yung inaasahan mo, pero tiyak na mayroon iyang ibubungang maganda. Kaya magpatuloy ka lang.

2) Do not get tired of dreaming. Patuloy kang mangarap kasi libre naman yan. Let your dreams fuel you to do your best every day. Maraming negosyo ang nagsimula sa pangarap na sinabayan ng tiyaga, sipag at pagpupursige. Ilan na ba sa mga pangarap mo ang naabot at nahahawakan mo na ngayon? Ipagpasalamat mo iyan sa Diyos at ibahagi mo rin sa iba para sila man ay ma-enganyo na mangarap at magsumikap din.

Sa tuwing makararamdam ka ng pagod, ipahinga o itulog mo iyan. Pero huwag na huwag kang mapapagod na umasa, mangarap at gumawa ng mabuti.

BE A BLESSING IN THE WORKPLACE TODAY!

10/02/2025

PROTIPS - February 10, 2025
Choose to be Joyful
By Maloi Malibiran-Salumbides

May mga taong nagre-resign sa kanilang trabaho dahil hindi na sila masaya. Mayroong hindi tumutupad sa kanilang mga commitment dahil hirap na sila. Mayroong mga umaayaw sa karera dahil pagod na. Ganito ba ang sitwasyon mo ngayon diyan sa iyong trabaho. Minsan ay may pinayuhan ako na ang pagiging masaya sa buhay at trabaho ay personal choice. You may be working in a very nice company and still be unhappy. Happiness is dependent on happenings. Kapag masaya ang environment, kapag masaya ang mga nangyayari doon ka lamang masaya. What I'd like to encourage you to consider is this, choose to be joyful instead.

Magandang araw, ako si Maloi Malibiran-Salumbides para sa Protips, partner mo sa inspiradong trabaho at negosyong umaasenso.

Ang sabi ni Apostle Paul sa Philippians 4:4, "Rejoice in the Lord always. I will say it again: Rejoice!" at alam mo ba kung nasaan siya ng isulat niya ito? Siya ay nasa bilangguan. Clearly, Paul discovered that regardless of the circumstance, one can still be joyful.

Ano ang mga hakbang ng pagiging tunay na kuntento at maligaya sa buhay at trabaho mo?

1) Practice gratefulness. Ang mga taong mapagpasalamat ay mas masaya sa trabaho nila. Sila'y naka-focus sa kung ano ang mabuti at magandang nangyayari. Napansin ko rin na kapag ang isang tao ay grateful, sa kabila ng mga problema, nananatili siyang positibo at nakahahanap pa rin siya ng dahilan para maging masaya.

2) Have a long-term perspective. Magkaroon ka ng pangmatagalang pananaw sa iyong trabaho. Kung magre-resign ka kada may mangyayaring hindi maganda sa trabaho mo, talagang hindi ka magtatagal sa kahit anong kumpanya. Think long-term. Ang mga problema ay temporary lamang. At sa bawat problemang mapagtatagumpayan mo, you will emerge stronger, more mature and wiser.

3) Spread the joy. May mga taong tila ang kasiyahan ay ang magkalat ng lungkot o kaya naman ay galit sa kanyang mga kasama. Kung may ikakalat ka man, dapat ay kabutihan at kasiyahan. Simple acts of kindness in your place of work may be seeds that will bear a more joyful environment.

Piliin mong maging masaya sa iyong trabaho at buhay. Practice gratefulness. Cultivate a long-term perspective and spread joy.

BE A BLESSING IN THE WORKPLACE TODAY!

05/02/2025

PROTIPS - February 5, 2025
Making Decisions You Won't Regret
By Maloi Malibiran-Salumbides

There are good decisions and there are decisions that we regret for life. Paano ka gumawa ng desisyon? Pinag-aaralan mo ba kung ano ang magiging implikasyon ing iyong decision bago mo sabihing, "This is it. This is my final decision." Tignan natin ang nangyari kay Esau at isa-isahin ang mga bagay na pwede nating matutunan tungkol sa decision-making.

Magandang araw, ako si Maloi Malibiran-Salumbides, partner mo sa inspiradong buhay at trabaho.

Esau, the twin brother of Jacob made a decision that he truly regretted. Ito ang mababasa natin sa Genesis 25:29-34, " Minsan, si Jacob ay nagluluto ng sinabawang p**ang patani; siya namang pagdating ni Esau mula sa pangangaso. Sinabi niya, “Gutom na gutom na ako, bigyan mo naman ako niyang map**ang niluluto mo.” At dahil dito'y tinawag siyang Edom. Sumagot si Jacob, “Ibigay mo muna sa akin ang iyong karapatan bilang panganay.” “Payag na ako,” sabi ni Esau, “aanhin ko pa ang pagiging panganay kung mamamatay naman ako sa gutom?“Kung gayon,” sabi ni Jacob, “sumumpa ka muna.” Sumumpa nga si Esau, at ibinigay kay Jacob ang karapatan ng pagiging panganay. Ibinigay naman ni Jacob kay Esau ang niluto niyang gulay at binigyan pa ito ng tinapay. Matapos kumai't uminom, umalis na agad si Esau. Iyon lamang ang halaga sa kanya ng kanyang karapatan bilang panganay."

Ipinagpalit ni Esau ang kanyang birthright bilang panganay na anak sa isang mangkok ng sinabawang gulay. Was this a good decision? Obviously not. Kahit nga ang aking anak na nasa grade school ay nagcomment na, "How could he give up his birthright for a bowl of lentil soup?" What can we learn from Esau when it comes to making decisions?

1) Decide when you're state is right. Iwasang mong gumawa ng major decision kung ikaw ay gutom, galit, malungkot, pagod o inaantok. A good decision is a well-thought-out decision. Hindi ka makapag-iisip ng tuwid, gaya ni Esau, kung ang physical at emotional state mo ay hindi stable.

2) Avoid hurried decisions. Sellers will often pressure you into making a decision so that they can close a sale. Ilan sa mga ginagamit nilang tactic sa atin ay, "Bumili ka na ngayon dahil last stock na po namin ito", o kaya naman, "Kapag ngayon kayo bumili, may discount kayong makukuha." Don't give in to such pressure tactics dahil maraming minadaling decision ang hindi napag-isipan at sa bandang huli ay pinagsisihan.

3) Think Long Term. Bago ka magpasya, bago ka magcommit sa isang bagay, pag-isipan mo muna ang magiging long-term impact nito sa iyong buhay. You want to buy a condo unit? May pang-down payment ka nga, pero saan mo kukunin ang pambayad buwan-buwan? May invitation sa iyo para tumulong sa isang project. Excited ka sa simula pero mapangangatawanan mo ba ito? Bago magpasya, pag-aralan mo muna ang long-term impact ng desisyong ito.

Esau gave up something very valuable for temporary relief from hunger. Ang desisyong ito ay kanyang pinagsisihan at maraming opportunities ang nawala sa kanya dahil sa maling pasya. Decide when your state is right. Avoid hurried decisions. And think long term. May God give you wisdom as you make decisions today.

BE A BLESSING IN THE WORKPLACE TODAY!

03/02/2025

PROTIPS- February 3, 2025
What are You Collecting?
By Maloi Malibiran-Salumbides

May mga taong mahilig mangolekta ng refrigerator magnets. Lahat ng bansa o lugar na mapuntahan nila, dapat ay may souvenir silang magnet. Mayroon naman na ang collection ay mugs, caps, bells, relo, figurine ng owl, baboy, pusa at kung anu-ano pa. May kakaibang tuwa nga na makitang lumalago ang iyong koleksyon. Pero kadalasang problema ng mga nangongolekta ay kung saan nila ilalagay ang mga ito lalo na kung napakarami na ng kanilang kolekyon. While it is an interesting hobby to collect something, sa buhay at trabaho natin may mas mahalaga na dapat tayong kolektahin at ipunin.

Magandang araw, ako si Maloi Malibiran-Salumbides para sa Protips, partner mo sa inspiradong trabaho at negosyong umaasenso.

Kung magsisimula kang mangolekta ngayon, mayroon akong tatlong suggestions sa iyo kung ano ang dapat kolektahin.

1) Collect pleasant memories and not painful ones. Mas mabuting ipunin at balik-balikan ang masasayang ala-ala kaysa mga pangyayaring puno ng pasakit at hinanakit. Hindi mo na mabubura ang iyong painful past, pero sa bawat araw na ibinibigay pa sa iyo ng Diyos, you can be intentional in creating happy and pleasant memories each day. Maganda ring maging goal na tayo ay magiging bahagi ng happy memory ng ibang tao sa bawat araw.

2) Collect friends not enemies. Mag-ipon ka ng kaibigan at hindi kaaway. Ang sabi nga ng isang matagumpay na negosyante na nakakwentuhan namin, kung gusto mong umasenso, maging palakaibigan ka at hindi pala away. Friends will recommend your business to others. Enemies won't. Ang iba ngang kaaway ay sisiraan ka pa sa iba. Hindi ka naman makikipagkaibigan dahil lang may kailangan ka sa isang tao. Pero sadyang mas mabuti ang magkaroon ng maraming kaibigan kaysa kaaway.

3) Collect God's promises and not problems. Dapat mong alamin at ipunin ang pangako ng Diyos para sa iyo dahil iyan ang magbibigay lakas-loob sa iyo na malampasan ang iyong mga pagsubok sa buhay at trabaho. God's promises give us strength, hope and encouragement. Basahin, kabisaduhin at iyong panghawakan ang mga pangako ng Diyos para sa iyo.

What are you collecting? Marami kang pwedeng maging koleksyon. Ang mungkahi ko, collect pleasant memories and not painful ones, collect friends not enemies and collect God's promises and not problems.

BE A BLESSING IN THE WORKPLACE TODAY!

31/01/2025

PROTIPS - January 31, 2025
Work on Your Dreams
By Maloi Malibiran-Salumbides

Sa isang decorative poster na nakadisplay sa Bohol Bee Farm ay nabasa ko ang inspiring quote na ito, "Dreams don't work unless you do." Totoo nga naman, ang isang pangarap ay hindi magkakaroon ng katuparan kung hindi mo ito pagtatrabahuhan at pagsusumikapan.

Magandang araw, ako si Maloi Malibiran-Salumbides para sa Protips, partner mo sa inspiradong trabaho at pag-abot sa mga pangarap mo.

Magandang simula sa pagtatagumpay ang magkaroon ng malaking pangarap. Pero ano nga ba ang mga hakbang na dapat na sundan para ang pangarap mo ay maging katotohanan?

1) Be ready to work hard. Walang duda na kailangan nating magtrabaho para marating ang ating pangarap. Yan ang malaking pagkakaiba ng day-dreaming sa pangarap na nagiging reyalidad. Lapatan ng aksyon di lang puro imahinasyon ang pangarap mo.

2) Be ready to experience failure. Hindi lahat ng pangarap naaabot sa unang subok. May mga abogado na ilang beses na kumuha ng bar exams bago sila nakapasa. Hindi biro ang sakit, disappointment at self-doubt na maaaring maramdaman kapag di tayo nagtagumpay sa ating pakikipagsapalaran. You begin to question your abilities, your calling and your dream. Pero bahagi iyan ng ating lakbayin. Not all journeys are smooth-sailing.

3) Be ready to try again until you succeed. Sakaling di ka magtagumpay sa mga unang pagsabak, huwag na huwag kang aayaw. Sumubok lang muli hanggang marating mo ang gusto mong abutin. Success is within reach for those who never give up.

May pangarap ka bang gustong abutin? Be ready to work hard, be ready to fail and be ready to try again until you succeed.

BE A BLESSING IN THE WORKPLACE TODAY!

30/01/2025

PROTIPS - January 30, 2025
Running On Low Batt?
By Maloi Malibiran-Salumbides

Umaabot ba sa p**a ang gas guage ng kotse mo bago ka magpagasolina? Ganito rin ba ang cellphone at computer mo, nagbelow-10 percent na ang battery bago mo i-charge muli? You don't have to wait for yourself to run on empty bago mo alagaan ang iyong sarili. Are you running on low batt? Today's daily dose of inspiration is for you.

Magandang araw, ako si Maloi Malibiran-Salumbides, partner mo sa inspiradong buhay at trabaho.
Sa 3 years na public ministry ni Jesus, hindi siya naburn-out kahit na ang dami niyang ginawa, matindi ang opposition na kanyang hinarap at may personal betrayal pa siyang naranasan. Ano ang sikreto niya? Why did he not run on low batt like what most of us are probably feeling after going through a pandemic for more than a year now?

There are 5 things that I observed about Jesus' self-care regimen.
1) He prayed regularly. Sa Mark 1:35 ganito ang ating mababasa, "Before daybreak the next morning, Jesus got up and went out to an isolated place to pray." Jesus spent time in prayer regularly. Makikita natin ito, all throughout his ministry. His daily communication with his Heavenly Father recharged him for his daily mission. Bago ka sumabak sa maraming gawain, bago ka maoverwhelm sa mga trabaho na iyong haharapin, spend time with God to be recharged and strengthened. Make it your daily habit to pray.

2) He practiced solitude. Maraming beses din nating makikita sa Gospels na may mga panahon na pumupunta si Jesus sa di matataong lugar para mapag-isa. In Matthew 14:13 we read that, “When Jesus heard [that John the Baptist had been beheaded], he withdrew by boat privately to a solitary place.” Araw-araw, marami ang aagaw sa ating oras at atensyon na hindi na natin nabibigyan ng panahon ang sarili natin para mag-isip, kamustahin ang sarili natin at magreflect. Jesus practiced solitude. He knew when to withdraw from the multitude. Sa palagay ko, isa ito sa mga dahilan kung bakit mayroon siyang steadiness at focus.

3) He knew how to rest. Nakakatuwang isipan na sa pamamagitan ng kanyang halimbawa, ipinakita sa atin ni Jesus na hindi bawal magpahinga. This is what we read in Matthew 8, "Then he got into the boat and his disciples followed him. Suddenly a furious storm came up on the lake, so that the waves swept over the boat. But Jesus was sleeping." Nagpopower nap si Jesus sa gitna ng bagyo. No wonder, hindi siya nagpanic sa gitna ng malalaking alon, di tulad ng mga kasama niya. Ang pahingadong utak at katawan ay kalmado. Ayaw mong maburn-out, magpahinga ka.

4) He expressed his emotions. Siguro naiimagine mo na si Jesus ay palaging malumanay, hindi nagagalit, hindi nalulungkot. Read the Gospels and you will find out how that that is not the case. Jesus expressed different emotions. When his friend died, "Jesus wept" (John 11:35). Nung nakita niya ang abuses at corruption sa temple, nagalit siya. In Matthew 21:12, we read "And Jesus entered the temple and drove out all who sold and bought in the temple, and he overturned the tables of the money-changers and the seats of those who sold pigeons." Ipinakita ni Jesus na bahagi ng malusog na pagkatao ay ang pagkilala at paghahayag ng ating emosyon. If you don't want to be drained, find healthy ways to express your emotions.

5) He had a support group. Bahagi ng self-care ay ang pagkakaroon ng support group. Jesus had his 12 disciples. At mula sa labing dalawa, meron pa siyang inner circle, sina Peter, James at John. This was Jesus' closest relationships when he was here on earth. Ipinapakita nito na ang design talaga sa atin ng Diyos ay lumago at magthrive in the context of community. We need to be connected to God and to one another so that we won't run on empty.

Self-care is a term that we often hear nowadays. Pero panahon pa ni Jesus, makikita na natin na mayroon siyang healthy practices na nakatulong upang mapanatili siyang focused sa kanyang misyon, well-charged sa araw-araw at hindi na burn-out sa kanyang ministry. Are you running on low batt? Learn from the example of Jesus on power on with his help.

God's Princess-Jenn R Librado

21/07/2025

21/02/2025

18/02/2025

16/02/2025

13/02/2025

12/02/2025

11/02/2025

10/02/2025

05/02/2025

03/02/2025

31/01/2025

30/01/2025

Address

Website

Alerts

Shortcuts

Share

Category