12/04/2026
P1,200 nga bag-ong rate sa Loboc River Cruise, Ipatuman na Sugod Karong Abril 16
Gipahibalo sa Loboc Bohol Tourism ug sa nagdumala sa bantog nga Loboc River Cruise ang pagsaka sa rate ngadto sa ₱1,200.00 nga magsugod karong umaabot nga Abril 16, 2026.
Sumala sa opisyal nga advisory sa Loboc Bohol Toursim, kini nga lakang gihimo tungod sa dili maayo nga kahimtang sa ekonomiya sa nasud nga nakaapekto sa inadlaw-adlaw nga operasyon sa maong atraksyon.
Gipasabot sa maong pahibalo nga ang pagpasaka sa presyo "dili malikayan" aron masiguro nga magpadayon ang de-kalidad nga serbisyo ug mahatagan gihapon og nindot nga kasinatian ang mga turista nga mobisita sa sapa sa Loboc.
| Jomer Pequit
