JSR Zeropoint Alimberch

29/04/2026

29/04/2026

کیپٹن ریٹائرڈ محمد شفیع
حلقۂ تین کے لیے عوامی منشور
میں، بطور ایک باشعور شہری اور آپ کا نمائندہ بننے کا خواہشمند، اس عزم کے ساتھ میدان میں آیا ہوں کہ روایتی سیاست کے بجائے خدمت، دیانت اور عملی کارکردگی کو بنیاد بنایا جائے۔ گزشتہ دہائیوں میں عوام نے بارہا امیدیں وابستہ کیں مگر وہ پوری نہ ہو سکیں، اب وقت ہے کہ ہم سب مل کر ایک نیا راستہ اختیار کریں۔
میرا منشور واضح اور عوامی ضروریات پر مبنی ہے:
تعلیم میری اولین ترجیح ہوگی۔ میں اسکولوں اور کالجوں کے نظام میں بہتری، اساتذہ کی کمی کو پورا کرنے اور نئی نسل کو معیاری تعلیم و مواقع فراہم کرنے کے لیے عملی اقدامات کروں گا۔
صحت کے شعبے میں حقیقی اصلاحات لائی جائیں گی۔ ہسپتالوں کی حالت بہتر کی جائے گی اور عوام کو بنیادی طبی سہولیات کی فراہمی یقینی بنائی جائے گی۔
فلاح و بہبود کے منصوبے محض اعلانات تک محدود نہیں رہیں گے بلکہ زمین پر ان کا عملی نفاذ یقینی بنایا جائے گا تاکہ عام آدمی کو حقیقی ریلیف مل سکے۔
معذور افراد کے حقوق، تعلیم اور روزگار کے لیے مؤثر قانون سازی اور عملی اقدامات کیے جائیں گے تاکہ وہ بھی باعزت زندگی گزار سکیں۔
بے روزگاری کے خاتمے کے لیے ٹھوس منصوبہ بندی کی جائے گی اور نوجوانوں کے لیے روزگار کے نئے مواقع پیدا کیے جائیں گے۔
معاشرے کو مذہبی منافرت سے پاک کرنے کے لیے سنجیدہ، متوازن اور جراتمندانہ کردار ادا کیا جائے گا تاکہ امن، رواداری اور بھائی چارہ فروغ پا سکے۔
سیاحت کو فروغ دے کر علاقے کی معیشت کو مضبوط بنایا جائے گا، تاکہ مقامی لوگوں کو روزگار اور ترقی کے مواقع میسر آئیں۔
میں آپ سے وعدہ نہیں بلکہ عہد کرتا ہوں کہ کردار، کارکردگی اور وژن کی بنیاد پر آپ کی نمائندگی کروں گا۔
آئیں، اس بار فیصلہ بدلیں تاکہ حالات بدل سکیں۔

05/04/2026

ایک بزرگ ماں جلال آباد امدادی کیمپ میں آکر اپنی جانماز اور چادر عطیہ کر رہی ہے۔ 💕❣️