29/07/2026
اقوامِ متحدہ کے معاون مشن یوناما نے اپنی تازہ ترین سہ ماہی رپورٹ میں انکشاف کیا ہے کہ طالبان نے صوبہ بدخشان میں اسماعیلی برادری کے 33 جماعت خانوں (زیبات میں 17، اشکاشم میں 14 اور واخان میں 2) کو بند کر کے انہیں مساجد میں تبدیل کرنے کا حکم دیا ہے۔ امر بالمعروف وزارت کی جانب سے رواں سال جنوری سے جاری اس سلسلے کے تحت شہریوں کو مذہبی امور کی ادائیگی سے روکا جا رہا ہے۔
یوناما کی رپورٹ کے مطابق اہل تشیع پر بھی سخت پابندیاں عائد ہیں، جہاں عاشورہ کے موقع پر تقریبات کو محدود کیا گیا اور کابل میں مذہبی پرچم لہرانے پر 45 افراد کو حراست میں لیا گیا۔
