Rauf International Travels

06/07/2026

02/07/2026

🕋 عمرہ کا مکمل طریقہ
1️⃣ احرام پہننا اور نفل ادا کرنا
● احرام پہننے کے بعد دو رکعت نفل ادا کریں (اگر مکروہ وقت نہ ہو)۔
● نماز کے دوران سر ڈھانک کر رکھیں کیونکہ ابھی احرام کی نیت نہیں کی گئی۔
● خواتین اگر حیض یا نفاس کی حالت میں ہوں تو صرف احرام کا لباس پہنیں، نفل ادا نہ کریں۔
2️⃣ ایئرپورٹ کے لیے روانگی
● نوافل ادا کرنے کے بعد ایئرپورٹ کے لیے روانہ ہوں۔
● پرواز سے کم از کم 4 گھنٹے پہلے ایئرپورٹ پہنچ جائیں۔
3️⃣ عمرہ کی نیت اور تلبیہ
نیت:
🌟اللَّهُمَّ إِنِّي أُرِيدُ الْعُمْرَةَ فَيَسِّرْهَا لِي وَتَقَبَّلْهَا مِنِّي🌟
تلبیہ (مرد بلند آواز سے، خواتین آہستہ آواز سے، تین مرتبہ)
● لَبَّيْكَ اللَّهُمَّ لَبَّيْكَ
● لَبَّيْكَ لَا شَرِيكَ لَكَ لَبَّيْكَ
● إِنَّ الْحَمْدَ وَالنِّعْمَةَ لَكَ وَالْمُلْكُ
● لَا شَرِيكَ لَكَ
● نیت اور تلبیہ کے ساتھ ہی احرام کی پابندیاں نافذ ہو جاتی ہیں۔
4️⃣ 🌟احرام کی پابندیاں🌟 (خلاصہ)
مردوں کے لیے
● سلے ہوئے کپڑے نہ پہنیں۔
● سر نہ ڈھانپیں۔
● بند جوتے یا موزے نہ پہنیں۔
🌟مرد و خواتین دونوں کے لیے
● خوشبو استعمال نہ کریں۔
● بال نہ کاٹیں اور نہ توڑیں۔
● ناخن نہ کاٹیں۔
● دستانے نہ پہنیں۔
● شکار نہ کریں اور نہ اس میں مدد کریں۔
● لڑائی جھگڑا نہ کریں۔
● ازدواجی تعلقات اور ان کے مقدمات سے اجتناب کریں۔
5️⃣ 🌟احرام کی حالت میں جائز امور🌟
● بغیر خوشبو والے صابن سے غسل کرنا۔
● احرام دھونا یا تبدیل کرنا۔
● انگوٹھی، گھڑی، چشمہ، بیلٹ، موبائل اور پٹی استعمال کرنا۔
● مسواک کرنا۔
● پسینہ صاف کرنا۔
● مچھر یا نقصان دہ کیڑے مارنا۔
● پھل اور عام غذا کھانا۔
● احرام کے اوپر چادر اوڑھ کر سونا (سر اور چہرہ کھلا رہے)۔
6️⃣ 🌟بیت اللہ میں طواف🌟
● بیت اللہ کے سات چکر مکمل کریں۔
● رکن یمانی اور حجر اسود کے درمیان یہ دعا پڑھیں:
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
● طواف مکمل ہونے کے بعد مقامِ ابراہیم کے پیچھے دو رکعت نماز ادا کریں۔
7️⃣ 🌟آبِ زم زم اور استلام🌟
● خوب نیت کے ساتھ آبِ زم زم پیئیں۔
● اگر شدید رش ہو تو حجر اسود تک جانے کی کوشش نہ کریں۔
8️⃣ 🌟صفا و مروہ کی سعی
صفا پر
● یہ آیت پڑھیں:
إِنَّ الصَّفَا وَالْمَرْوَةَ مِنْ شَعَائِرِ اللَّهِ
● پھر تین مرتبہ اللہ اکبر کہیں۔
● اس کے بعد یہ ذکر پڑھیں:
لَا إِلَهَ إِلَّا اللَّهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ، يُحْيِي وَيُمِيتُ، وَهُوَ عَلَى كُلِّ شَيْءٍ قَدِيرٌ
سعی کے دوران
● صفا سے مروہ تک سات چکر مکمل کریں۔
● دو سبز لائٹس (میلین اخضرین) کے درمیان صرف مرد ہرولہ (تیز قدموں سے چلیں)، یہ سنت ہے۔
● خواتین پوری سعی میں معمول کی رفتار سے چلیں۔
● ہر چکر میں قرآن کریم، تسبیح، درود شریف اور اپنی پسند کی دعائیں پڑھتے رہیں۔
مروہ پر
● قبلہ رخ ہو کر اللہ اکبر کہیں۔
● مذکورہ ذکر پڑھیں۔
● پھر خوب دعائیں مانگیں۔
9️⃣♿️وہیل چیئر پر طواف و سعی
● بیمار، کمزور یا معذور افراد وہیل چیئر پر طواف اور سعی کر سکتے ہیں۔
● دوبارہ طواف یا سعی کرنے کی ضرورت نہیں۔
● مسجد الحرام میں دستی اور برقی وہیل چیئر دستیاب ہیں۔
🔟 حلق یا تقصیر (احرام کھولنا)
مرد
● پورا سر منڈوانا افضل ہے۔
● یا پورے سر کے بال چھوٹے کروائیں۔
خواتین
● چوٹی کے آخری حصے سے ایک پور (انگلی کے سرے) کے برابر بال کاٹیں۔
● اس کے بعد احرام ختم ہو جاتا ہے اور عمرہ مکمل ہو جاتا ہے۔
1️⃣1️⃣ اگر دوبارہ عمرہ کرنا ھو
● مسجد عائشہ (تنعیم) جائیں۔
● SAPTCO بس (5 ریال) یا دوسری سواری استعمال کریں۔
● وہاں سے نیا احرام باندھ کر نیا عمرہ شروع کریں۔
2️⃣1️⃣ مکہ مکرمہ میں قیام کے دوران
● فرض نمازیں وقت پر ادا کریں۔
● زیادہ سے زیادہ وقت مسجد الحرام میں گزاریں۔
● نوافل، تلاوتِ قرآن، ذکر اور دعا کا اہتمام کریں۔
● طائف جانے کی صورت میں میقات سے احرام باندھیں۔
● جدہ میں بحیرۂ احمر کے ساحل یا دیگر مقامات پر جاتے وقت احتیاط کریں۔
🤲 دعا
اللہ تعالیٰ آپ کا عمرہ قبول فرمائے، آسانیاں عطا فرمائے، اور بار بار اپنے گھر اور مسجد نبوی ﷺ کی حاضری نصیب فرمائے۔آمین🥰

23/06/2026

یہ عمرہ پیکج 21 دن کا ہے اور 23 جون سے یہ گروپ جائے گا