Hushe Baltistan

Hushe Baltistan This page has been made to promote the beauty of hushe village. our aim is to promote tourism.

18/05/2026

اپو غلام رسول تالیسوی ❤️🤝
ایک باوقار، تجربہ کار اور ہر دلعزیز شخصیت، جنہوں نے سیاحت کے میدان میں بھی اپنی الگ پہچان بنائی۔
ان کی باتوں میں تاریخ بھی ہے، محبت بھی اور اپنی دھرتی کی خوشبو بھی 🌿

آخر “تالیس” کو تالیس کیوں کہا جاتا ہے؟ 🤔
اس نام کے پیچھے کیا راز اور معنی چھپے ہیں؟
آئیے جانتے ہیں یہ سب کچھ اپو غلام رسول تالیسوی صاحب کی اپنی زبانی ✨



17/05/2026

🍲 ایک نام… ایک روایت… 😍
آخر “کھانے” کو کھانے کیوں کہا جاتا ہے؟ 🤔
اس لفظ کے پیچھے کیا راز اور کیا کہانی چھپی ہے؟

آئیے جانتے ہیں یہ سب دلچسپ باتیں آپو احملو کی زبانی 👀✨

#کھانے #روایت #ثقافت #بلتستان Jaffar ChefAnwar BaltiApo Iqbal Balti CartoonistSagar Hushevi

16/05/2026

🔥 “کاندے” — ایک ایسا نام جسے آج ہر کوئی جانتا ہے، لیکن بہت کم لوگ یہ جانتے ہیں کہ آخر اسے “کاندے” کیوں کہا جاتا ہے؟ ⛰️👀

اس نام کے پیچھے چھپی ہے ایک دلچسپ کہانی، ایک خوبصورت روایت، اور اپنے علاقے کی وہ یادیں جنہیں سن کر دل خوش ہو جائے ❤️

🎙️ آئیں! سنتے ہیں محترم جہانگیر صاحب کی زبانی کہ آخر “کاندے” کا یہ نام کیسے پڑا، کس وجہ سے لوگ اسے “کاندے” کہتے ہیں، اور اس کے پیچھے اصل حقیقت کیا ہے؟ 🌿✨

📌 ویڈیو آخر تک ضرور دیکھیں، کیونکہ یہ صرف ایک نام نہیں بلکہ ایک پوری داستان ہے 🔥



:::

بالخصوص میرے جوانوں، میرے بزرگوں، میری ماؤں، بہنوں اور پورے ہوشے کے غیور عوام کو سلام،جنہوں نے اتحاد، صبر اور حوصلے کے س...
11/05/2026

بالخصوص میرے جوانوں، میرے بزرگوں، میری ماؤں، بہنوں اور پورے ہوشے کے غیور عوام کو سلام،
جنہوں نے اتحاد، صبر اور حوصلے کے ساتھ اپنے حق کی آواز بلند کی اور ہر مشکل گھڑی میں ثابت قدم رہے۔ ❤️

ہوشے کے برج اور روڈ کے مسئلے پر ہماری آواز کو عوام تک پہنچانے میں جن صحافی بھائیوں، میڈیا پلیٹ فارمز، سوشل میڈیا ایکٹیوسٹس اور مختلف علاقوں کے عوام نے دن رات ہمارا ساتھ دیا، ہم دل کی گہرائیوں سے ان سب کے شکر گزار ہیں۔ 🙏

جب ہوشے عوام اپنے حق کے لیے کھڑی تھی، تب آپ سب بھی شانہ بہ شانہ ہمارے ساتھ کھڑے رہے۔
آپ لوگوں نے سوشل میڈیا پر بھرپور انداز میں ہماری آواز کو ہر پلیٹ فارم تک پہنچایا، عوام کی حوصلہ افزائی کی اور ہمارے مسئلے کو اجاگر کرنے میں اہم کردار ادا کیا۔ ❤️

خصوصاً شکریہ:
 رضوان صاحب
مون بلتستانی
سکردو ٹی وی
گانچھے ٹی وی
K2 News
بلتستان جرنلسٹس
اور وہ تمام صحافی حضرات اور سوشل میڈیا ایکٹیوسٹس جنہوں نے ہوشے کے عوام کا ساتھ دیا۔

اس کے ساتھ ساتھ ہم دل کی گہرائیوں سے شکریہ ادا کرتے ہیں:
مچلو کے عوام
تلس کے عوام
کاندے کے عوام
اور مرجی گن کے عوام کا،
جنہوں نے احتجاجی تحریک میں بھرپور ساتھ دینے کا اعلان کیا اور ہر مشکل وقت میں ہمارے ساتھ کھڑے رہے۔ 🤝

آپ سب کی محبت، اتحاد اور حمایت ہمارے لیے بہت بڑی طاقت ہے۔
اللہ پاک آپ سب کو سلامت رکھے اور کامیابیاں عطا فرمائے۔ ❤️







Rizwan Ahmed sab 🫡

11/05/2026

آج ھوشے کے عوام کی جانب سے خُپلو کی طرف جو لانگ مارچ کرنے کا فیصلہ کیا گیا تھا، اسے فی الحال مؤخر (postpone) کیا جاتا ہے۔

ایگزیکٹو انجینئر کمیونیکیشن اینڈ ورکس ڈپارٹمنٹ گانچھے کی جانب سے روڈ اور برج کے حوالے سے ہمارے تمام تحفظات کو دور کیا گیا ہے۔

اس کے ساتھ ہی برج پر باقاعدہ کام کا آغاز کر دیا گیا ہے اور ٹھیکیدار کو موقع پر لا کر عملی کام شروع کرا دیا گیا ہے۔

دیے گئے ٹائم فریم اور باہمی اتفاق کے مطابق لانگ مارچ کو فی الحال مؤخر کیا جاتا ہے۔

اگر مقررہ وقت میں کام مکمل نہ کیا گیا تو خُپلو کی طرف دوبارہ لانگ مارچ کا حق محفوظ رکھتے ہیں، انشاء اللہ۔MOon BalTistaniVCC HusheKhadim AliSkardu TVDaily PakistanSagar Hushevi𝑭𝒐𝒍𝒍𝒐𝒘𝒆𝒓𝒔.سلیم نور بخشCommunication and Works Department Ghanche@topfans

10/05/2026

اعلانیہ

آج مؤرخہ 10 مئی 2026 بروز اتوار بوقت شام 4 بجے عوام الناس ہوشے ولیج کنزرویشن کمیٹی کا ایک اہم اجلاس زیرِ صدارت صدر وی سی، Refugio Hotel Hushe لاؤنج میں منعقد ہوا، جس میں عوامِ ہوشے کی بڑی تعداد نے شرکت کی۔

اجلاس میں حالیہ سڑک کی ابتر صورتحال، عوام کی جانب سے اپنی مدد آپ کے تحت جاری سڑک کی تعمیر اور RCC برج کی بحالی کے حوالے سے تفصیلی غور و خوض کیا گیا۔ عوام الناس نے اپنی مدد آپ کے تحت مسلسل چار دن محنت کر کے سڑک کا کام مکمل کیا، جبکہ اس دوران گاؤں کے ذمہ داران، سرکردگان اور عمائدین نے متعلقہ محکمہ، ضلعی انتظامیہ، تحصیل انتظامیہ اور متعلقہ حکام کو بذریعہ فون کال بارہا آگاہ کیا کہ ہوشے RCC برج کی بحالی اور دیگر بنیادی مطالبات پر فوری اقدامات کیے جائیں۔

متعلقہ اداروں کو آج شام تک کا وقت دیا گیا تھا تاکہ عوام کے اولین مطالبات پر عملی پیش رفت کی جا سکے، مگر بدقسمتی سے متعلقہ اداروں کی جانب سے کوئی خاطر خواہ یقین دہانی یا عملی اقدام سامنے نہیں آیا۔

لہٰذا عوام الناس، عمائدین اور سرکردگان کی مشاورت سے متفقہ فیصلہ کیا گیا کہ کل صبح انشاء اللہ تعالیٰ عوامِ ہوشے خپلو کی جانب مارچ کریں گے اور اپنے جائز مطالبات کے حل تک سیچن روڈ کو بند کر کے احتجاج ریکارڈ کروائیں گے۔

مطالبات درج ذیل ہیں:

1۔ ہوشے RCC برج کی فوری بحالی۔
2۔ رالم سے ہوشے برج تک خستہ حال سڑک کو ایمرجنسی بنیادوں پر بہتر اور بحال کیا جائے۔
3۔ کانڈے سے ہوشے تک سڑک کی مکمل توسیع کے لیے فنڈز جاری کیے جائیں۔
4۔ ہوشے سی کلاس ڈسپنسری کو اے کلاس ڈسپنسری میں اپگریڈ کیا جائے۔
5۔ ہوشے ڈسپنسری میں تعینات تمام اسٹاف اور GMT عملے کی فوری ہوشے میں حاضری اور تعیناتی یقینی بنائی جائے۔
6۔ ہوشے جیسے دور دراز علاقے کے لیے فوری طور پر ایک LHV تعینات کی جائے۔

عوامِ ہوشے اپنے بنیادی حقوق کے حصول تک پرامن جدوجہد جاری رکھی
Skardu TVMOon BalTistaniCommunication and Works Department Ghanche VCC Hushe@

09/05/2026

یہ پل اور یہ روڈ صرف ہوشے عوام تک محدود نہیں بلکہ یہ پورے پاکستان اور انٹرنیشنل ٹورسٹ کے لیے ایک اہم راستہ ہے۔ ہر سال ہزاروں ملکی اور غیر ملکی سیاح اسی راستے سے دنیا کے بلند و بالا پہاڑوں کی طرف سفر کرتے ہیں اور واپس بھی اسی راستے سے آتے ہیں۔ ہوشے کو “Mountain Gateway” اور “Mountain Capital” کہا جاتا ہے، کیونکہ یہاں سے دنیا بھر کے کوہ پیما اور سیاح آنا جانا کرتے ہیں۔

یہ صرف ایک گاؤں کا مسئلہ نہیں، بلکہ پاکستان کے سیاحتی مستقبل، مقامی لوگوں کی زندگی، اور دنیا بھر سے آنے والے مہمانوں کی سہولت کا مسئلہ ہے۔ یہاں سے سرکاری افسران، مہمان، سیاح اور مختلف اداروں کے لوگ مسلسل سفر کرتے ہیں۔

لہٰذا ایک بار پھر ضلع گانچے کے اعلیٰ حکام، حکومتِ گلگت بلتستان اور متعلقہ اداروں سے عاجزانہ اپیل ہے کہ خدا راہ اس برج اور روڈ کے مسئلے کو فوری طور پر حل کیا جائے۔ عوام نے اپنی مدد آپ کے تحت راستے بنا دیے، دن رات محنت کی، بزرگوں نے اپنی کمزور عمروں میں بھی کام کیا، اب حکومت اپنی ذمہ داری پوری کرے اور اس برج پر فوری کام شروع کرے۔

خدا راہ اس آواز کو سنیں، کیونکہ یہ صرف ہوشے کی آواز نہیں بلکہ پورے پاکستان اور انٹرنیشنل ٹورسٹ کی ضرورت ہے۔ 🙏VCC HusheKhadim AliMOon BalTistaniSagar HusheviSkardu TVDaily PakistanCommunication and Works Department Ghanche@topfans

08/05/2026

💔 حکومتِ گلگت بلتستان، ضلع گانچھے کے اعلیٰ حکام، اور تمام ذمہ دار افسران سے گزارش ہے کہ یہ ویڈیو ضرور دیکھیں۔

یہ وہ بزرگ ہیں جن کی عمر اسی، نوے سال تک پہنچ چکی ہے۔ 😢
پاکستانی حکومت اپنے ملازمین کو ساٹھ سال کے بعد ریٹائر کر دیتی ہے تاکہ وہ آرام سے اپنی باقی زندگی گزار سکیں، پینشن لے سکیں، سکون سے اپنے گھروں میں بیٹھ سکیں۔

لیکن افسوس… 😔
ھوشے کے یہ بزرگ آج بھی سخت دھوپ، پتھروں اور خطرناک راستوں میں اپنے ہاتھوں سے روڈ اور بریج بنانے پر مجبور ہیں۔ 🚧⛏️
یہ ان کا شوق نہیں، یہ ان کی مجبوری ہے۔ کیونکہ ان کی آواز سننے والا کوئی نہیں۔

یہ راستہ صرف مٹی اور پتھروں سے نہیں بن رہا…
اس میں ھوشے کے غریب عوام کا خون، پسینہ، درد اور امید شامل ہے۔ 🥀💦

اور یاد رکھیں…
جب کل یہی اعلیٰ حکام اور بڑے افسران اس روڈ سے گزریں گے، تو انہیں محسوس ہونا چاہیے کہ:
“یہ راستہ حکومت نے نہیں، بلکہ ھوشے کے غریب عوام نے اپنے خون پسینے سے بنایا ہے۔” 😢

پھر آپ لوگ کس خوشی سے اس روڈ پر سفر کریں گے؟
کیونکہ ہر پتھر، ہر مٹی، ہر قدم آپ کو عوام کی بے بسی یاد دلائے گا۔ 💔

یہ شرم کا مقام ہے کہ اسی نوے سال کے بزرگ آج بھی اپنے کندھوں پر قوم کا بوجھ اٹھا رہے ہیں جبکہ ذمہ دار ادارے خاموش تماشائی بنے ہوئے ہیں۔ 😭

ھوشے کے عوام آج بھی اپنے مدد آپ کے تحت اپنے مستقبل کی جنگ لڑ رہے ہیں۔ ✊
خدا کے لیے ان کی آواز سنیں، ان کے درد کو محسوس کریں، اور ان کے بنیادی حقوق انہیں دیں۔ 🙏🥺

#ھوشے








🇵🇰 HusheKhadim AliSkardu TVMOon BalTistaniDaily PakistanCommunication and Works Department Ghanche𝑭𝒐𝒍𝒍𝒐𝒘𝒆𝒓𝒔.

08/05/2026

🎶 پرانے زمانے میں جب آج کی طرح ڈیجیٹل دور نہیں تھا، اُس وقت لوگ ایک دوسرے تک اپنے جذبات، درد اور پیغامات گانوں کے ذریعے پہنچایا کرتے تھے۔ 💔🎤

آج اُسی روایت کو زندہ رکھتے ہوئے اپو غلام علی مونٹن ہیرو نے اپنی خوبصورت آواز میں ضلع گانچے کے اعلیٰ حکام تک ایک درد بھرا پیغام گانے کے ذریعے پہنچایا ہے۔ 🙏🎶

یہ صرف ایک گانا نہیں، بلکہ ہوشے کے عوام کے دل کی آواز ہے۔ ❤️🏔️
امید ہے کہ یہ آواز اُن ایوانوں تک ضرور پہنچے گی جہاں سے فیصلے ہوتے ہیں۔ VCC HusheSkardu TVSagar HusheviDaily PakistanMOon BalTistaniKhadim Ali✊

#ہوشے

محترم محکمہ مواصلات و تعمیرات گانچھے، آپ کی وضاحت اپنی جگہ، لیکن چند زمینی حقائق عوام کے سامنے رکھنا بھی ضروری ہیں۔عوام...
08/05/2026

محترم محکمہ مواصلات و تعمیرات گانچھے،
آپ کی وضاحت اپنی جگہ، لیکن چند زمینی حقائق عوام کے سامنے رکھنا بھی ضروری ہیں۔

عوامِ ہوشے نے کبھی یہ نہیں کہا کہ اس وقت روڈ مکمل بند ہے۔ حقیقت یہ ہے کہ موجودہ صورتحال نہایت تشویشناک ہے، اور دریائے ہوشے میں پانی کے بہاؤ میں روز بروز اضافہ ہو رہا ہے۔ پچھلے چند دنوں سے موسم صاف ہونے کی وجہ سے دریا کی شدت مزید بڑھ گئی ہے، اور اگر فوری و مؤثر اقدامات نہ کیے گئے تو آنے والے دنوں میں یہ سڑک دوبارہ بند ہونے کا شدید خطرہ رکھتی ہے۔

گزشتہ سال جو عارضی بحالی کا کام کیا گیا تھا، وہ وقتی طور پر قابلِ قدر ضرور تھا، مگر وہ مستقل حل ثابت نہیں ہوا۔ اگر مسئلہ مکمل طور پر حل ہو چکا ہوتا تو آج عوام کو اپنی مدد آپ کے تحت دوبارہ میدان میں نہ اترنا پڑتا۔

عوام کو مختلف اوقات میں مختلف باتیں بتائی گئیں۔ کبھی کہا گیا کہ کام کسی ٹھیکیدار کی ذمہ داری ہے، کبھی کہا گیا نئی اسکیم زیرِ عمل ہے، اور کبھی یہ یقین دہانی کرائی گئی کہ اس روڈ کے لیے سات لاکھ روپے منظور ہو چکے ہیں۔ عوام صرف یہ چاہتی ہے کہ اصل صورتحال واضح انداز میں سامنے لائی جائے تاکہ بے یقینی ختم ہو اور اعتماد بحال ہو سکے۔

یہ بات بھی حقیقت ہے کہ گزشتہ ڈیڑھ سال سے عوام مسلسل اس مسئلے کی نشاندہی کرتی رہی، مگر عملی پیش رفت نہ ہونے کے برابر رہی۔ اب جبکہ عوام نے خود اپنی مدد آپ کے تحت کام شروع کیا اور سوشل میڈیا کے ذریعے آواز بلند کی، تو متعلقہ اداروں کی توجہ اس مسئلے کی طرف گئی، جو خوش آئند بات ہے۔

ہوشے کے عوام کسی تصادم یا الزام تراشی کی خواہاں نہیں۔ ہم صرف یہ چاہتے ہیں کہ اس اہم سڑک اور آر سی سی برج کے تحفظ اور مستقل بحالی کے لیے فوری، سنجیدہ اور دیرپا اقدامات کیے جائیں تاکہ مستقبل میں عوام کو بار بار اسی مشکل صورتحال کا سامنا نہ کرنا پڑے۔

امید ہے متعلقہ ادارے عوامی احساسات اور زمینی حقائق کو مدنظر رکھتے ہوئے ترجیحی بنیادوں پر عملی اقدامات کریں گ
Communication and Works Department Ghanche department VCC HusheDolat AliSkardu TVSagar Hushevi

08/05/2026

یہ دیکھ لو ھوشے کے وہ بزرگ، جن کا یہ وقت اپنے گھر میں سکون اور آرام سے زندگی گزارنے کا تھا، آج وہ اپنے گاؤں، اپنی ماں بہنوں، اپنے بچوں، بزرگوں اور پورے اہلِ علاقہ ھوشے کی خاطر سب کچھ چھوڑ کر میدان میں موجود ہیں۔
وہ کسی لالچ یا مفاد کے لیے نہیں، بلکہ ایک جذبے، ایک جنون اور اپنی دھرتی سے محبت کے تحت اس روڈ کی بحالی کے کام میں مصروف ہیں۔
یہ صرف ایک سڑک نہیں، بلکہ اپنے لوگوں کے لیے محبت، قربانی اور اتحاد کی زندہ مثال ہے۔VCC HusheSkardu𝑭𝒐𝒍𝒍𝒐𝒘𝒆𝒓𝒔.Sagar HusheviSkardu TVAmin Meery HusheDaily PakistanKhadim AliMOon BalTistani

Address

Mashabrum Valley Hushe
Skardu
16200

Telephone

+923109429060

Website

Alerts

Be the first to know and let us send you an email when Hushe Baltistan posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Hushe Baltistan:

Shortcuts

Share

Category