30/08/2026
جنوبی افریقا کے شہر کیپ ٹاؤن میں رگبی میچ سے قبل دو مسافر طیاروں کے انتہائی نچلی پرواز کرتے ہوئے گزرنے کے منظر نے تماشائیوں کو حیران کردیا۔
نیوزی لینڈ کی ٹیم آل بلیکس اور جنوبی افریقا کی اسپرنگ بوکس کے درمیان جاری ’’Rugby’s Greatest Rivalry‘‘ سیریز کے سلسلے میں ہفتے کے روز کیپ ٹاؤن میں میچ کھیلا گیا۔
میچ سے قبل جنوبی افریقی ایئرلائن ایئرلنک کے دو Embraer E-Jets نے اسٹیڈیم کے اوپر سے فلائی پاس کیا۔ طیارے اس قدر کم بلندی پر پرواز کرتے دکھائی دیے کہ اسٹیڈیم میں موجود شائقین کے لیے یہ منظر انتہائی حیران کن بن گیا۔
طیاروں کی غیر معمولی لو فلائی پاس کی ویڈیوز اور مختلف زاویوں سے بنائی گئی تصاویر سوشل میڈیا پر بھی توجہ حاصل کر رہی ہیں، جہاں صارفین اس شاندار فضائی مظاہرے کو دیکھ کر حیرت کا اظہار کر رہے ہیں۔
