31/10/2026
کم سن بچے پر تشدد کا واقعہ، مزید 3 ملزمان گرفتار، گرفتار ملزمان کی تعداد 5 ہوگئی۔۔۔
دیر بالا: سوشل میڈیا پر وائرل تشدد کی ویڈیو کے معاملے میں دیر بالا پولیس کی کارروائیاں جاری ہیں۔ ریجنل پولیس آفیسر ملاکنڈ زاہد نواز مروت کے احکامات اور ڈی پی او دیر بالا اسلم نواز کی ہدایات پر ایس ڈی پی او سرکل واڑی فخر عالم خان کی نگرانی میں ایس ایچ او تھانہ واڑی جوہر علی نے مزید کارروائی کرتے ہوئے واقعے میں ملوث 3 ملزمان ہمایوں، مدثر پسران فرمان الله،سہیل ولد میجر ساکنان شینکاڑی حال واڑی بالا کو گرفتار کر لیے۔
اس سے قبل پولیس نے بروقت کاروائی کرکے دو مرکزی ملزمان کو گرفتار کر لیے تھیں ۔جس کے بعد گرفتار ملزمان کی مجموعی تعداد 5 ہوگئی ہے۔ واقعے کی مزید تفتیش جاری ہے، جبکہ واقعہ میں بقایا ملوث عدم گرفتار ملزم کی گرفتاری کے لیے کوششیں جاری ہیں۔
ڈی پی او دیر بالا اسلم نواز نے واضح کیا کہ کم سن بچوں پر تشدد کسی صورت برداشت نہیں کیا جائے گا اور ایسے واقعات میں ملوث تمام افراد کے خلاف قانون کے مطابق سخت کارروائی عمل میں لائی جائے گی۔
