เว็บไซต์คืออะไร?

https://www.facebook.com/667764863386874/

Hsu & HoHo DeDe, HGW2+W8 หมู่บ้านซับสวอง บ้านเลขท, Nakhon Ratchasima (2026)

14/06/2026

ဒီနှစ်အတွက် easy hiking trip အထမြောက်သွားပါပြီ။

Siam Tulip ပန်းခင်းဆီ (မြန်မာမှာဆိုရင် မာလာဖူးပန်း) day trip ခရီးစဉ်ကို ၊ မနှစ်က သွားခဲ့တဲ့ Bangkok Hiking Tour နဲ့ပဲ ၊ ဒီနှစ်မှာလည်း သွားခဲ့ပါတယ်။

ဒီခရီးစဉ်ကို စိတ်ဝင်စားရင် Jun 28 မှာ တကြိမ် ရှိပါမယ်တဲ့။ Tour ကို ဆက်သွယ်လို့ရမယ့် link ကောမန့်မှာ ချပေးထားပါမယ်။

မျှဝေခြင်းဖြင့် ပျော်ရွှင်သူ

03/06/2026

ဒီတခါတော့ ဗီယက်နမ် 🇻🇳 က Phu Quoc ကျွန်းဆီ ဆု နဲ့အတူ လိုက်ခဲ့ကြပါဦး။ ခွင့်ရက်သိပ်မရတာနဲ့ ဖူးကော့ကျွန်းမှာ ၂ ညပဲ အိပ်ခဲ့ရတယ်။

⭐️ Day 1
Sunset town က Sunset Bay Retreat Hotel မှာ ဆု တို့ တည်းဖြစ်ပါတယ်။ Hotel က ညွှန်းတဲ့ ပင်လယ်စာဆိုင်မှာ lunch စားကြတယ်။ Sunset Town မှာ လည်ပတ်ဖို့ buggy ငှားလိုက်ပါတယ်။

ညနေမှာတော့ Cafe’ ဆိုင်ထိုင်၊ ပြီးနောက် “Symphony of the Sea” ပွဲဆီသို့ နေရာဝင်ဦးထားပါတယ်။ (စောစောသွားမှ နေရာကောင်း ရပါတယ်။) ပွဲအပြီး ဒင်နာစားပြီးနောက် Kiss Bridge ဆီ သွားကြတာပေါ့။ လည်ပတ်ပြီး ဟိုတယ်ဆီ ပြန်နားကြပါပြီ။

⭐️ Day 2
VinWonders ကို သွားပါပြီ။ Grab Taxi ခေါ်တာ ကားဆရာရဲ့ ဝန်ဆောင်မှုကတော့ ရှယ်ပါပဲ။ ဟိုတယ် အပြန်အတွက်ပါ တခါတည်း ချိတ်ထားခဲ့လိုက်တယ်။ VinWonders ထဲမှာ စီးစရာတွေလည်း များတယ်။ water park လည်း ရှိလို့ အဝတ်အစား အပိုယူသွားပါ။
အပြန်မှာ Grand World ဝင်ချင်တယ် ဆိုလို့ ကားဆရာက FOC ဝင်ပို့ပေးပြီး စောင့်နေပေးပါတယ်။ အဲ့ဒါနဲ့ပဲ နောက်နေ့ မနက် လေဆိပ်ဆင်းဖို့အတွက်ပါ ခေါ်ထားလိုက်တယ်။

⭐️ Day 3
မနက်ခင်း sunset town မှာ မရောက်သေးတဲ့ နေရာတွေဆီ လမ်းလျှောက် ပတ်ပါသေးတယ်။ ပြီးမှ လေဆိပ်ဆင်းပြီး ဘန်ကောက် ပြန်လာခဲ့ပါတယ်။

⭐️ ဖူးကော့မှာက လည်ပတ်စရာနေရာတွေများလို့ တောင် နဲ့ မြောက် ၂ ပိုင်းခွဲပြီး ပြောပါမယ်။

မြောက်ပိုင်းမှာ vibes ၂ မျိုး ထပ်ခွဲပါမယ်။
🎡 Entertainment
* VinWonders - ဗီယက်နမ်ရဲ့ Disney Land လို့ တင်စားခေါ်ကြတယ်
* Grand World - ဥရောပစတိုင် ဗိသုကာဒီဇိုင်းများနှင့် sleepless city လို့ လူသိများကြတယ်
* Vinpearl Safari - semi-wildlife park တစ်ခုလို့ သိရပါတယ်။ ဒီနေရာကိုတော့ မရောက်ခဲ့ပါဘူး။

🏝️ Beaches (တခုမှ မရောက်ခဲ့ပါဘူး 🙈)
* Phu Quoc National Park
* Bai Dai (Long beach)
* Rach Vem Fishing village
* Ganh Dau Cape

⭐️ တောင်ပိုင်းကတော့ တကယ့် chill vibes အပြည့်နဲ့ unforgettable ဖြစ်တဲ့ နေရာတစ်ခုပါ။
* Sunset Town - Mediterranean style အဆောက်အဦးတွေနဲ့ colorful streets တွေက Europe vibe လို ခံစားရစေတယ်။
* Kiss Bridge - စုံတွဲတွေအတွက် အဓိက photo spot တစ်ခုပါ။
* Hon Thom Cable Car - ပင်လယ်ပြင်အပေါ်ကနေ cable car စီးပြီး island view တွေကို မြင်ရမယ့် အခွင့်အရေးပါ။
* Island Hopping - speed boat နဲ့ ကျွန်းတွေဆီ သွားလည်ပြီး snorkeling လုပ်ရတာ ဝါသနာပါသူများအတွက် enjoy ဖြစ်စေမှာပါ။
* Seafood - ဒီမှာ ပင်လယ်စာ လတ်ဆတ်တာက နာမည်ကြီးပါ။

အချိန်ရခဲ့ရင် ၄ ညအိပ် ၅ ရက် ခရီးစီစဉ်ဖို့ အကြံပြုပါတယ်။ ဆုတို့ မရောက်ခဲ့တဲ့ နေရာတွေ များလို့ပါ။ 😂
Bonus point အနေနဲ့ buggy မောင်းတဲ့သူရိုက်ပေးတဲ့ဓါတ်ပုံတွေက လှတယ်ရှင်။

မျှဝေခြင်းဖြင့် ပျော်ရွှင်သူ

🇻🇳

27/05/2026

Easy Hiking လုပ်ချင်သူ နှင့် National Park ချစ်သူတွေအတွက် ဒီတခါမှာတော့ Chaiyaphum မြို့လေးမှာ ရှိတဲ့ Pa Hin Ngam National Park က Siam Tulip 🌷 ပန်းတွေဆီ ခေါ်သွားပါမယ်။

ဆု သွားခဲ့တာ 2025 August တုန်းက Bangkok Hiking tour နဲ့ join ခဲ့တာပါ။ Hiking tour ဖြစ်ပေမယ့် easy hike level ပါပဲ။ ပန်းရောင်နဲ့ ခရမ်းရောင်ပန်းလေးတွေက မြက်ခင်းစိမ်းစိမ်းတွေနဲ့ပေါင်းပြီး လှပါတယ်။ Nature Trail တွေထဲ လမ်းလျှောက်ရင်း healing ဖြစ်ပါတယ်။ Park ထဲမှာ viewpoint တချို့ရှိပြီး တောင်တန်းတွေ နဲ့ သဘာဝ ရှုခင်းကို အပေါ်ကနေ မြင်ရပါတယ်။

Siam Tulip ပန်းတွေကို ကြည့်ဖို့ အကောင်းဆုံးအချိန်က June – July ပါ။ မိုးရာသီဖြစ်လို့ ထီး (သို့) raincoat ယူသွားပါ။ ဖိနပ်က လမ်းလျှောက်လို့ကောင်းတဲ့ shoes ဝတ်သွားတာပိုအဆင်ပြေပါတယ်။

Bangkok ရဲ့ hustle and bustle ကနေ တစ်ရက်လောက် escape လုပ်ချင်တဲ့သူတွေအတွက် Chaiyaphum ဟာလည်း သင့်တော်တဲ့ day trip destination တစ်ခုပါ။

မျှဝေခြင်းဖြင့် ပျော်ရွှင်သူ

14/05/2026

Adventure activities စိတ်၀င်စားသူတွေ အတွက်
ဒီတခါ ဆု မိတ်ဆက်ပေးချင်တဲ့ နေရာလေးက
Pak Chong မြို့က ThongSomBoon Club ဖြစ်ပါတယ်။ မိသားစု၊ သူငယ်ချင်းများနှင့်အတူ သွားရောက်လည်ပတ်ရန် သင့်တော်သော Adventure Park တစ်ခုဖြစ်ပါတယ်။

1. ATV ၊ Go-Kart ၊ Luge ၊ Skyride ၊ Buggy Car
Friendly Competition လုပ်ပြီး ပျော်ရွှင်နိုင်ပါတယ်။ သူငယ်ချင်းတွေနဲ့ Group Ride လုပ်ရင် ပိုပြီး ပျော်စရာကောင်းပါတယ်။

2. Horse Riding – Cowboy Style Experience
ဒီနေရာမှာ မြင်းစီးတဲ့ Activity ကို စမ်းသပ်နိုင်ပါတယ်။ Cowboy Theme ပုံစံနဲ့ ဖန်တီးထားတဲ့နေရာတွေကြောင့် Western Movie ထဲရောက်သွားသလို ခံစားရမှာပါ။

3. Zipline နှင့် Rope Activities
အမြင့်ကို ကြောက်တဲ့သူမဟုတ်ရင် Zipline Activity ကို
မဖြစ်မနေ စမ်းသင့်ပါတယ်။ အပေါ်ကနေ လေတိုက်ခံရင်း
စီးသွားရတဲ့ Feeling က အရမ်း Refreshing ဖြစ်မှာပါ။

5. Camping နှင့် Resort Stay
နေ့ချင်းပြန်မဟုတ်ဘဲ တစ်ညအိပ်ချင်သူများအတွက်
Resort နှင့် Camping Area များလည်း ရှိပါတယ်။
ညဘက်မှာ အေးချမ်းတဲ့တောင်ပေါ်လေထုကို ခံစားရတာက မြို့ပြဘဝကနေ အနားယူနိုင်စေပါတယ်။

🎟️ Foreigner လက်မှတ်ဈေးကတော့
Adult - 599 THB, 799 THB, 999 THB, 1199 THB
Child - 450 THB
ထိုင်းက Work Permit ပြရင် 100 THB သက်သာခွင့် ရှိပါတယ်။ အချိန်ပေးန်ိုင်ရင် Unlimited rides ရှိတဲ့
package မျိုးကို ၀ယ်ဖို့ အကြံပြုပါတယ်။

📸 အစားအသောက်နှင့် ဓာတ်ပုံရိုက်ရန်နေရာများ
Park အတွင်းမှာ Thai Food, BBQ နှင့် Cafe များလည်း ရှိပြီး Instagram တင်ဖို့ လှပတဲ့ Spot များစွာရှိပါတယ်။

🤔 ဘာကြောင့် သွားသင့်သလဲ?
ThongSomBoon Club က Adventure, Relaxation နှင့် Nature Experience ကို တစ်နေရာတည်းမှာ ရနိုင်တဲ့ နေရာတစ်ခုပါ။ Bangkok ကနေ Pak Chong အထိ ရထား (သို့မဟုတ်) ကားနဲ့သွားရလည်း အဆင်ပြေပြီး Weekend Trip အတွက် အထူးသင့်တော်ပါတယ်။

မိုးရွာရင်တော့ တချို့ activities တွေက မရနိုင်တာမို့
Pak Chong မြို့ရဲ့ ရာသီဥတုကို မသွားခင် သတိပြုစေချင်ပါတယ်။ သဘာဝတောတောင်ရှုခင်းများကြားတွင် စိတ်လှုပ်ရှားဖွယ် Activities များစွာကို တစ်နေရာတည်းမှာ ခံစားနိုင်တာကြောင့် ThongSomBoon Club ကို အရောက်သွားလည်ခဲ့ပါဦးနော်။

Map: https://maps.app.goo.gl/cfEgbTyPA5JutTa29

မျှဝေခြင်းဖြင့် ပျော်ရွှင်သူ

08/05/2026

အရင်တပတ်ကလေ မြန်မာပြည်ကိုသတိရလို့
မွန်နှင့် ကရင် အငွေ့အသက်များရှိတဲ့ နေရာဆီ
အလွမ်းပြေ လည်ပတ်ခဲ့ပါတယ်။
ဘန်ကောက်ကနေ day trip သွားလို့ ရပြီး၊
နေရာက Ratchaburi ခရိုင်ထဲမှာ ရှိပါတယ်။

📍Haui Nam Sai (Mon Village)
မွန်ရွာလေးကို ရောက်ဖို့ဆိုရင် ဘန်ကောက်မှ ၃ နာရီခန့်
ကားမောင်းရပါတယ်။ စနေ နဲ့ တနင်္ဂနွေ မနက် ၈ နာရီဆို ဆွမ်းလောင်းလှူတဲ့ ဓလေ့ရှိတာမို့ ဆွမ်းကပ်ချိန်အမှီ
သွားခဲ့ကြပါတယ်။ ဘုန်းဘုန်းတို့ ကြွလာပြီး ၊
လှူဖွယ်ပစ္စည်းများ ကပ်လှူလို့ ရပါတယ်။

မွန်ဓလေ့များနှင့် ရွာငယ်လေးမှာ သစ်ရိပ်ဝါးရိပ်နဲ့ စမ်းချောင်းလေးပါ ရှိတဲ့အတွက် အေးချမ်းသာယာလှပါတယ်။ မွန်ဝတ်စုံများ ၊ ရွှေပြည်နန်း မြန်မာ့ သနပ်ခါး ၊
ဒေသထွက် လက်မှုပစ္စည်းများ အပြင်
ငါးခြောက်များလည်း အိမ်ပြန်လက်ဆောင်
ဝယ်ယူလို့ ရပါတယ်။ မြန်မာစကားပြောတတ်တဲ့
မွန်လူမျိုးတို့နှင့်လည်း ဆုံခဲ့ပါတယ်။

ရွာထဲက Shade of Green ဆိုတဲ့ကော်ဖီဆိုင်လေး ရှိပါတယ်။၉ နာရီခွဲ ဝန်းကျင်မှာ ဒီရွာလေးမှ ထွက်ခွါလာခဲ့ပါတယ်။

📍Oh Poi Market
Huai Nam Sai မှ အပြန် ထိုင်းကရင်လူမျိုးများ ရောင်းတဲ့ weekend market ကို ဝင်ခဲ့ကြပါတယ်။
သစ်ပင်ကြီးတွေရယ် ၊ ဘေးနားက စီးဆင်းနေတဲ့ ချောင်းငယ်ရယ် ၊ တူရိယာသံတို့ဖြင့် ကျေးလက်သဘာဝကို
ခံစားရမှာပါ။

ဆု တို့ ရောက်တဲ့ အချိန်က မနက် ၁၀ နာရီခွဲ ဝန်းကျင်မို့ ဘုန်းကြီးဆွမ်းလောင်းတာကို ဒီနေရာမှာ မမှီတော့ပါဘူး။ မနက် ၇ နာရီခွဲ နဲ့ ၈ နာရီ ဝန်းကျင် မှာ ချောင်းရိုးတလျှောက် ဝါးဖောင်စီးကာ ဘုန်းဘုန်းတို့ ကြွလာပါတယ်။ ဒီမှာလည်း အလှူဒါန ပြုလို့ ရပါတယ်။

ဒီ weekend ဈေးမှာတော့ အစားအစာ စုံလင်စွာ
ဝယ်စားလို့ရတဲ့အပြင် ၊ ကရင်အင်္ကျီများ ၊ သစ်သားနဲ့ ပြုလုပ်ထားတဲ့ လက်မှုပစ္စည်းများ အပြင်
ချည်ထိုးအိတ်ကလေးများလည်း ဝယ်ယူလို့ ရပါတယ်။

🚘 Transportation
ဆု သွားခဲ့တဲ့ နေရာ နှစ်ခုစလုံးက weekend မှာပဲ activities တွေ ရှိပါတယ်။ public transportation ရှာမတွေ့တာနဲ့
တနေ့တာအတွက် ကားပဲငှားပြီးသွားခဲ့ပါတယ်။

ကျေးလက်တောတန်းရယ် ၊ မွန် နှင့် ကရင် culture အငွေ့အသက်များကို ခံစားရင်း မြန်မာပြည်ကို လွမ်းတဲ့အခါ တခေါက်လောက်တော့ အရောက်သွားဖြစ်ခဲ့တာပါ။
နောက်ပိုစ့်တွေမှာ ပြန်တွေ့ပါမယ်နော်။

မျှဝေခြင်းဖြင့် ပျော်ရွှင်သူ

08/04/2026

Hello hello … Similan is calling 📞📞📞

မနှစ်က ဖူးခတ် သွားလည်ကတည်းက ဆု အရမ်းသွားချင်ခဲ့တဲ့ ကျွန်းနှစ်ကျွန်း ရှိခဲ့တယ်။ ဒီနှစ် Easter ပိတ်ရက်မှာပဲ အဲ့ဒီအိမ်မက်ကို အကောင်အထည်ဖော်လိုက်ပါပြီ။ ကျွန်းနာမည်တွေက Similan နဲ့ Surin ပါ။ ကျွန်း ၂ ခုလုံးက ဖန်ငါးပြည်နယ်ထဲမှာတည်ရှိပြီး ၊ National Park အဖြစ် ထိန်းသိမ်းထားပါတယ်။ ဒီနေ့ ပိုစ့်မှာတော့ Similan Islands သွားခဲ့တာလေး ပြန်လည်ဝေမျှပေးချင်ပါတယ်။

Similan Islands ကိုသွားဖို့ အနီးစပ်ဆုံး ဆိပ်ကမ်းတွေရှိတဲ့ Khao Lak မြို့ မှာ တည်းခိုခဲ့ပါတယ်။ ဖူးခတ်အထိ လေယာဉ်စီးပြီး ၊ Airport မှ Khao Lak ကို bus ဖြင့် တဆင့် ဆက်သွားခဲ့ပါတယ်။ ကားစီးချိန် တနာရီခွဲ ကြာပါတယ်။ ကားလက်မှတ်ကိုတော့ 12Go ကနေ ကြိုဝယ်ခဲ့ပါတယ်။

ကျွန်းတွေသွားလည်ဖို့အတွက်ကို မနှစ်က ဖူးခတ်သွားတုန်းက package တွေ ဝယ်ခဲ့တဲ့ BOBO in Phuket tour ကိုပဲ ကြိုတင်ဆက်သွယ်ပြီး package တွေ ဝယ်ခဲ့ပါတယ်။ ဒီနှစ်အတွက်လည်း အရမ်းအဆင်ပြေခဲ့ပါတယ်။

မနက် ၇နာရီ ၄၀ မိနစ်မှာ Hostel ကို pick up လာလုပ်ပါတယ်။ Thublamu Pier မှာ check in process လုပ်ပြီးနောက် မနက်စာ ကျွေးပါတယ်။ မနက် ၉ နာရီမှာ စတင် ထွက်ခွာပါတယ်။ Pier ကနေ ကျွန်းဆီသို့ Speed Catamaran ဖြင့် တစ်နာရီနဲ့ မိနစ် ၂၀ စီးရပါတယ်။ snorkeling accessories ၊ Fin နဲ့ Towel ပေးပါတယ်။ ပျောက်ခဲ့ရင် လျော်ရပါမယ်ရှင်။

Similan Islands ကို panoramic view ရှိတဲ့ကျွန်းစုလို့ မြင်ပါတယ်။ ဒီကျွန်းစုမှာ ကျွန်းပေါင်း ၉ ခု နေရာခွဲထားပါတယ်။ ဒီမှာက ကျွန်းတွေကို နံပါတ်စဉ်အလိုက် ခေါ်ကြပါတယ်။ Package ထဲမှာ ပါတဲ့ နေရာတွေက Island No. 6, 4, 9, 8 နံပါတ်တွေပါ။ နံပါတ် ၆ ကျွန်းမှာ snorkeling နဲ့ စတင်ပြီး ၊ နံပါတ် ၄ ကျွန်း (Koh Miang) မှာ နေ့လည်စာ ကျွေးပါတယ်။ ပြီးနောက် နံပါတ် ၉ ကျွန်းမှာ snorkeling ထပ်လုပ်ပြီး ၊ နောက်ဆုံး နံပါတ် ၈ ကျွန်း (Koh Similan) Sailing Rock Viewpoint မှာ ရေကူးကြ ၊ viewpoint တက်ကြ နဲ့ အချိန်ပေးပါတယ်။

ညနေ ၅ နာရီ ၁၀ မိနစ်ခန့်မှာ Pier ဘက် ပြန်ရောက်ပါတယ်။ အပြန်မှာလည်း light meal အနေနဲ့ papaya salad ၊BBQ ၊ ကြက်ကြော် ၊ ရေခဲမုန့် ထပ်ကျွေးပါတယ်။ 5.50 PM မှာ Van တွေ စတင် ထွက်ခွာပြီး Hostel ကို ပြန်ပို့ပေးပါတယ်။

Marine ecosystem recovery နဲ့ maintenance လုပ်ဖို့ အတွက် Similan islands ကို မေလလယ် မှ အောက်တိုဘာလလယ် အထိ နှစ်စဉ်ပိတ်ထားလေ့ ရှိပါတယ်။ ၂၀၂၆ ခုနှစ် အတွက်ကတော့ မေလ ၁၆ ရက်နေ့မှ အောက်တိုဘာ ၁၄ ရက်နေ့ အထိ ကျွန်းကို ပိတ်ထားမှာဖြစ်လို့ ဒီဇင်ဘာ နဲ့ ဧပြီ အကြား သွားလည်ဖို့ အကြံပြုပါတယ်။

နောက်ပိုစ့်တစ်ခု မှာ Surin Islands သွားခဲ့တဲ့အကြောင်းလည်း လာပြောပြပါဦးမယ်ရှင့်။

မျှဝေခြင်းဖြင့် ပျော်ရွှင်သူ

02/03/2026

Starting March with sea views 💙

ဆုကတော့ ဒီပိတ်ရက်မှာ Koh Sichang ကျွန်းကို
day trip ထပ်ရောက်ဖြစ်ခဲ့တယ်။
နွေနေပူကို အံတုပြီး Tuk Tuk တစီးနဲ့ ကျွန်းပတ်လိုက် ၊
ရေဆင်းဆော့လိုက် ၊ ပင်လယ်စာ စားလိုက် နဲ့
တနေ့တာ ဖြတ်သန်းနိုင်ခဲ့ပါတယ်။

နေ့ချင်းပြန်ခရီးမို့ အနည်းငယ် ပင်ပန်းပါတယ်။
အချိန်ရမယ်ဆိုရင် တညအိပ်သွားဖို့ အကြံပြုပါတယ်။

မျှဝေခြင်းဖြင့် ပျော်ရွှင်သူ

07/02/2026

အခုတလော Khao Yai ဘက်သွားလည်လို့ အချိန်ရခဲ့ရင်
ဒီပန်းခင်းလေးတွေနဲ့ ကော်ဖီဆိုင်လေးကို ဝင်လည်ခဲ့ပါဦး

Location - Blossom Bloom

ဝင်ကြေး ဘတ် ၈၀ ပေးရပြီး ၊
ကော်ဖီဆိုင်မှာ ဘတ် ၃၀ ဖိုး ပြန်အသုံးပြုလို့ ရပါတယ်။

ဪ မေ့လို့ …
ဓါတ်ပုံရိုက်မယ်ဆိုရင်တော့ phone storage ရှင်းခဲ့ဦးနော်
ဒီနေရာရောက်ရင် ဓါတ်ပုံတွေရိုက်မိမှာ အသေအချာပဲမို့ 😉

မျှဝေခြင်းဖြင့် ပျော်ရွှင်သူ

28/01/2026

ကတ်ရှ်မီးယား ကို Heaven on earth လို့ တင်စားခေါ်ကြတာ မလွန်ဘူးလို့ ကိုယ်တိုင်မြင်တွေ့ပြီးမှ နားလည်ခဲ့တယ်။
ဒီနေ့မှာတော့ Kashmir ကို သွားရောက်လည်ပတ်ခဲ့တဲ့ အမှတ်တရတွေကို မျှဝေချင်ပါတယ်။

Day 1 - လေယာဉ် ၂ ဆင့် ၊ ကား ၁ ဆင့် စီးရတဲ့နေ့
Day 2 - Gulmarg မှာ activities တွေနဲ့ ပျော်ရတဲ့နေ့
Day 3 - Sonmarg မှာ snowfall မြင်ခဲ့ရတဲ့နေ့
Day 4 - Srinagar မြို့မှာ sightseeing ထွက်တဲ့နေ့
Day 5 - Delhi မှာ ဝင်လည်ပြီး ဘန်ကောက်ပြန်တဲ့နေ့

ဒါကတော့ အကြမ်းဖျဉ်း သွားခဲ့တဲ့ ခရီးစဉ်ပါ။ တရက်ချင်းစီရဲ့ အသေးစိတ်ကို ပုံတွေအောက်မှာလည်း ရေးပေးထားပါတယ်။

#ဆောင်ရန်များ

* မိုင်းနပ်စ်ဒီဂရီအထိ အပူချိန်ကျဆင်းတာမို့ Heattech ၊ အနွေးထည်၊ လက်အိပ်၊ ခေါင်းစွပ်၊ မာဖလာ ၊ မပါမဖြစ်ယူသွားပါ။
* နှင်းတောထဲ လျှောက်လို့ရတဲ့ Anti-slip boot မျိုး တရံထည့်သွားပါ။ Snow glove လည်းယူသွားပါ။
* လက်ထဲ ကိုင်လို့ရတယ်၊ ဖိနပ်ထဲထည့်ထားလို့ရတယ်၊ အင်္ကျီမှာ ကပ်ထားလို့ ရတဲ့ warm patch / heat patch ဆောင်သွားပါ။
* India ရူပီး တခါတည်း လုံလောက်အောင် လဲသွားပါ။
* ဖုန်းအားသွင်းဖို့ မီးပလပ်ခေါင်း (အဝိုင်း) မပါမဖြစ်ထည့်ပါ။
* SIM card အနေနဲ့ DTAC ကဒ်က data roaming package ဝယ်သွားပါတယ်။ သူက ကတ်ရှ်မီးယား မှာ သုံးမရပါ။ Kashmir ဒေသမှာသုံးဖို့ SIM card ထပ်ဝယ်ပါတယ်။
* Indian food မကြိုက်ရင် မြန်မာစာ အခြောက်အခြမ်းထည့်သွားပါ။ဥပမာ ပုစွန်ခြောက်ကြော် ၊ လက်ဖက်သုပ် 😋
* လေဖောင်းအနွေးထည်တွေထည့်ဖို့ လေစုပ်စက်နဲ့လေစုပ်အိတ် အသုံးပြုပါ။ လေယာဉ်ပေါ် သယ်ခွင့်ရှိပါတယ်။

#ရှောင်ရန်များ

* Srinagar လေဆိပ်ထဲမှာ ဓါတ်ပုံနှင့် ဗီဒီယိုရိုက်ခြင်း တားမြစ်ထားပါတယ်။
* Srinagar လေဆိပ်မှာ စစ်ဆေးရေး အရမ်းတင်းကြပ်ပါတယ်။ Srinagar မှ ဒေလီသို့ အပြန် မှာ security check ၄ ကြိမ် အစစ်ခံရပါတယ်။ တားမြစ်ပစ္စည်းများကို သယ်ဆောင်ခြင်း မပြုပါ။
* India ပြည်တွင်းလေကြောင်းက checked baggage ၁၅ ကီလိုပဲ လက်မှတ်မှာ ပါပါတယ်။ hand-carry ကတော့ ၇ ကီလို ရပါတယ်။ ကီလိုအပို မသယ်မိစေဖို့ သတိပြုပါ။

ခရီးစဉ်ရဲ့ highlight အနေနဲ့
~ ကတ်ရှ်မီးယားကောင်လေးတွေ ချောကြတယ်ကွယ်။
~ နှင်းကျတာကို မြင်ဖူးချင်တာ အဓိက ရည်ရွယ်ချက် အောင်မြင်ခဲ့တယ်။
~ Tour က စီစဉ်ပေးတဲ့ 4 stars hotels တွေမှာ Sonmarg နဲ့ Gulmarg က ဟိုတယ်တွေ အရမ်းစိတ်တိုင်းကျခဲ့တယ်။
~ လေဆိပ်တွေမှာ security check ခဏခဏလုပ်တာကို annoy ဖြစ်ပါတယ်။
~ နေရာတော်တော်များများ သေနတ်ကြီးတွေနဲ့ စစ်သားတွေမြင်ရတာလည်း နဲနဲတော့ လန့်ပါတယ်။
~ အပြန်လက်ဆောင်ဝယ်ချင်သူတွေ Srinagar က Lal Chowk (နာရီစင်ဈေး) မှာ ဝယ်လို့ အဆင်ပြေပါတယ်။ ဈေးဆစ်ပြီးမှ ဝယ်ပါ။
~ ရာသီဥတုအခြေအနေအရ ခရီးစဉ် plan အပြောင်းအလဲ ရှိတတ်ပါတယ်။ ပြည်တွင်းလေကြောင်း delay ရှိတတ်ပါတယ်။

Kashmir ကို self plan လုပ်ပြီး သွားတာထက် ၊ Tour နဲ့သွားတာဖြစ်ဖြစ်၊ ဘာသာစကားနဲ့ နယ်မြေကျွမ်းကျင်သူ ပါတဲ့ Join Tour နဲ့သွားတာဖြစ်ဖြစ် ၊ သွားဖို့ကို အကြံပေးတယ်နော်။ ဗီဇာလျှောက်ဖို့လည်း လွယ်ကူပြီး ၊ စရိတ်လည်းအများကြီး မကုန်ပဲ နှင်းတောထဲ တိုးချင်သူတွေအတွက် တခါလောက်တော့ သွားလည်ဖို့ recommend လုပ်ပါတယ်။

ဆု သွားခဲ့တဲ့ Tour ကို ကောမန့်မှာ ချပေးထားပါမယ်။

မျှဝေခြင်းဖြင့် ပျော်ရွှင်သူ

18/01/2026

2026 ရဲ့ ပထမဆုံး ခရီးစဉ် 🦀

ဘန်ကောက်ကနေ နေ့ချင်းပြန်သွားလို့ရပြီး ၊ သင်္ဘောစီးစရာမလို ၊ ရေကလည်း ကြည်ကြည်လင်လင်နဲ့ ကစားလို့ရပြီး စရိတ်သက်သာမယ့် ကမ်းခြေကို ရှာဖွေနေပြီဆိုရင် ဒီပိုစ့်က မိတ်ဆွေအတွက်ပါ။

ကမ်းခြေ နာမည်က Nang Ram Beach ၊ ဘယ်မှာရှိသလဲဆိုရင် Sattahip မြို့ ၊ ထိုင်းတော်၀င်ရေတပ်ရဲ့ စီမံခန့်ခွဲမှုအောက်မှာ ရှိပါတယ်။ သွားလာရေး အတွက် Chauk Samet ဘူတာအထိ ရထားတဆင့်၊ Chauk Samet ဘူတာရောက်ရင် ကမ်းခြေနဲ့ဘူတာကို ပြေးဆွဲနေတဲ့ Songthaew ကားအသေးလေးတွေ တက်စီးလို့ရပါတယ်။

ဆုက weekend ထွက်တဲ့ ရထားနဲ့ သွားခဲ့တာပါ။ မနက် ၁၀ နာရီ ၁၀ မိနစ် မှာ Chauk Samet ဘူတာရောက်ပါတယ်။
ဒီဘူတာမှာ ညနေဘန်ကောက် အပြန်အတွက် လက်မှတ် ဝယ်လို့ရပါတယ်။ online ကနေလည်း ကြိုဝယ်ထားလို့ရပါတယ်။ အပြန်ရထားက ညနေ ၃ နာရီခွဲ ထွက်ပါတယ်။

ကမ်းခြေမှာ ရေပြာပြာသန့်သန့်၊ သဲဖြူနုနုနဲ့ ကမ်းခြေတလျှောက် အရိပ်ရတဲ့ သစ်ပင်များ ရှိနေပါတယ်။ စားသောက်ဆိုင် ဈေးတန်း ၊ ၁၀ ဘတ်တန် အများသုံး ရေချိုးခန်း နဲ့ အိမ်သာ (ကျား/မ ခွဲထားတာ) ရှိပါတယ်။ Water activity တွေဖြစ်တဲ့ banana boat နဲ့ တခြား စီးစရာတချို့လည်း ရှိနေပါတယ်။

ကမ်းခြေက ညနေ ၆ နာရီအထိပဲ ဖွင့်ပါတယ်။ ကမ်းခြေမှာ လည်ပတ်ချိန် ၄ နာရီခွဲစာ အချိန်ကုန်ပြီးနောက် အပြန်ရထားမှီအောင် ကားအသေးဆီသို့ ၃ နာရီ မတိုင်ခင် ရောက်နေဖို့ လိုပါမယ်။ အပြန်ရထားက ဘန်ကောက်ကို ညနေ ၆ နာရီ ၅၅ မိနစ် ပြန်ရောက်ပါမယ်။

ရထားခ ၁ ကြောင်းစာ = 170 ဘတ်
songthaew (ကားအသေး အသွားအပြန်) = 40 ဘတ်

ဆု ဒီကမ်းခြေကို အဓိက သဘောကျတာကတော့
ရေက ကြည်လင်နေပြီး ရေဆော့တဲ့ ကမ်းခြေတလျှောက် ကျောက်ဆောင်မရှိတာမို့ ရေဆော့လို့ ကောင်းလို့ပါ။

ဒီလောက်ဆိုရင် ကမ်းခြေပျော်သူ သူငယ်ချင်းများလည်း သွားလည်ဖို့ ပလန်လို့ ရပါပြီ။ နောက်ခရီးစဉ်အသစ်မှာ ပြန်တွေ့ပါမယ် ရှင့်။

မျှဝေခြင်းဖြင့် ပျော်ရွှင်သူ

Hsu & HoHo DeDe

14/06/2026

03/06/2026

27/05/2026

14/05/2026

08/05/2026

08/04/2026

02/03/2026

07/02/2026

28/01/2026

18/01/2026

ที่อยู่

เว็บไซต์

แจ้งเตือน

ทางลัด

แชร์