26/02/2025
#وصفة بريك دنوني 🥟🇹🇳 ساهل و بنين...
برتاجيها عندك خاتر باش تستحقها في "سيدي رمضان" 🌙
✔️المقادير :
👈 للعجينة:
- زوز كيسان سميد أرطب أو متوسط (300غ).
- كاس فارينة (125غ).
- 3 مغارف كبار زبدة مذوبة.
- رشّة ملح.
- 200 مل ماء دافي (أو أكثر شوية).
- زيت للقليان.
👈 للحشو:
- 200غ لحم مفروم.
- عضمة مسموطة.
- 50غ جبن مرحي.
- ربع ربطة معدنوس مفروم.
- بصلة مفرومة.
- رشّة كبّار.
- رشة زيتون منزوع النوى.
- عضمة مركوضة.
- رشّة ملح + رشّة فلفل أكحل.
- ربع كاس زيت نباتي.
✔️ طريقة التحضير:
1) نخلطو السميد، الفارينة، الملح و نزيدهم الزبدة المذوبة.
2) نعجنوهم و نزيدو الماء الدافي بالشوي لين العجينة تتلم.
3) نعركو العجينة لمدة 5 دقايق لين تولي رطبة و تتحل بسهولة.
4) نغطيو العجينة و نخليوها ترتاح لمدة 30 دقيقة.
5) نحضرو الحشو: نطيبو اللحم المفروم مع البصل في مغرفة زيت كيف يطيب مليح، نزيد بقية المكونات.
6) نحلو العجينة و نعملوها دوائر.
7) نحطو الحشو في وسط الدائرة و نسكروها على بعضها بستعمٱل الأصابع و إلا الفرشيطة.
👈 إذا تحب الكعبة تجيك ملمومة و خير ملي في التصويرة، أعملها بٱلة البريك الدنوني ( متاحة للبيع على صفحتنا 😉)
- نقليو البريك في الزيت لين يولي لونو ذهبي.
✔️ صحة و بالشفاء ❤️
