01/08/2023
Të mbrohet malësia e Gollakut
Në malësin e Gollakut, qysh nga dalja e Kamenicës, pastaj Tugjevci, Zajqeci, Sfirca e një numër i madh i fshatrave tjera rreth e rreth të boshatisura po ringjallen me ndërtime të reja. Në përgjithësi janë njerëz të rikthyer nga qyteti në fshat, numri ma i madhë i tyre janë nga mërgata.
Të gjitha këto ndërtime janë prona private, aty pronarët kanë lirinë e tyre të përzgjedhjes së projektit dhe materialeve.
Pasi që pushteti qëndror dhe ai lokal nuk ka inspektor të mjaftueshëm për inspektimin e këtyre ndërtimeve është e vështir të menagjohet ky sektor dhe të jetë në dijeni nga shteti se a po zhvillohen sipas legjislacionit në fuqi a jo.
Çfarë duhet të brengosemi secila/i dashamirës i natyrës dhe malësisë së Gollakut është që malësia jonë mos ta këtë fatin e keq të malësive tjera në rajon me ndërtimet e papërshtatshme.
Atje janë ndërtuar villa e shtëpiza malore që nuk përshtaten me natyrën dhe materialet e saj natyrore, dhe kanë filluar edhe rrënimet pasi në zonat e mbrojtura.
1.Cilat janë ndërtimet e papërshtatshme sipas jush?
2.Cilat ndërtime dhe në veçanti materiale nuk duhet përdorur në vendet malore?
3.A duhet të shpallet malësia e Gollakut zonë e mbrojtur?
