23/09/2026
د ټولو محترمو سیاحتی شرکتونو د پام وړ:
السَّلامُ عَلَيْكُم و رَحْمَةُ اللهِ وَ بَرَكاتُهُ!
موضوع: د ۱۸ کلونو څخه د کم عمره مسافرینو لپاره د ټکټ د صادرولو شرایط
په رسمي توګه ټولو سیاحتی شرکتونو ته خبر ورکول کېږي چې د ټکټ د صادرولو پر مهال، په ځانګړې توګه د کابل–دوبۍ په مسیر کې، د هغو مسافرینو د عمر شرایط او اړوند مقررات چې عمر یې له ۱۸ کلونو کم وي او په یوازې توګه سفر کوي، باید په جدي توګه رعایت شي.
د ۱۶ کلونو څخه کم عمره مسافرینو ته اجازه نشته چې په یوازې توګه سفر وکړي.
هغه مسافرین چې ۱۶، ۱۷ او ۱۸ کلن وي او غواړي په یوازې توګه سفر وکړي، باید لاندې شرایط په بشپړه توګه رعایت کړي:
1. د مسافر د پلار له خوا یو مکتوب چې پکې پلار د خپل زوی او یا لور د سفر مسؤلیت پر غاړه اخلي. په مکتوب کې باید لاندې معلومات شامل وي:
o د پلار د اقامې نمبر
o د مسافر د اقامې نمبر
o د پلار د پاسپورټ نمبر
o د پلار د اماراتو د آیډي نمبر
o د پلار د اړیکې شمېره
2. لاندې اسناد باید د پلار له مکتوب سره ضمیمه شي:
o د پلار د اماراتو د آیډي کاپي
o د پلار د اقامې کاپي
o د پلار د پاسپورټ کاپي
له ټولو سیاحتی شرکتونو څخه په جدي توګه غوښتنه کېږي چې له ۱۶ کلونو څخه کم عمره مسافرینو ته چې غواړي په یوازې توګه سفر وکړي، ټکټ صادر نه کړي. همدارنګه، د ۱۶، ۱۷ او ۱۸ کلنو مسافرینو لپاره باید د ټکټ له صادرولو مخکې ټول پورته شرایط او اسناد په دقت سره وکتل او تأیید شي.
که چېرې دا ډول موارد تکرار شي او د مسافر د سفر پر مهال کومه ستونزه رامنځته شي، مسؤلیت به د ټکټ صادرونکې سیاحتی شرکت پر غاړه وي.
مهرباني وکړئ ټول اړوند کارکوونکي په دې موضوع خبر کړئ او د هر ټکټ له صادرولو مخکې د مسافر عمر، اړین اسناد او د سفر اړوند شرایط په دقت سره وڅېړئ.
په درنښت
