31/05/2024
❗ د ETA مریضي ویزو په اړه تازه معلومات!
د مریضانو د ټوکن له بندېدو وروسته پاکستان حکومت د ETA ویزې اعلان کړې، ډېری مریضانو همدې ویزو ته اپلای وکړه، دا چې د اپلای شوو مریضانو شمېر له حده ډېر شو د یو څو ورځو لپاره بېرته دا ویزې بندې شوې، خو وروسته له څو ورځو دوباره فعاله شوې. د هغې باوجود هم ډېرو خلکو دې ویزو ته نوم لیکنه وکړه، تورخم کې د پولې هغې غاړې مسؤلینو چې د مریضانو شمېر ولیده نو په لسو کسانو کې به یو هم د دوی د مریضۍ په شرایطو برابر نه وو، نو بېرته به یې رد کړل او واپس به یې افغانستان خوا ته رالېږل، له ډېرو لانجو وروسته د افغانستان خوا مسؤلینو په ETA ویزه د تګ اجازه بنده کړه، ځکه هغې غاړې به ناروغان هسې تکلیف شول او بېرته به را رخصت کېدل، له تېرو څو ورځو راهیسې همدا خبره ده او افغان حکومتي مسؤلین په ETA ویزه د تگ اجازه نه ورکوي.
تر څو چې دا پروسه بېرته عادي کېږي تاسو د څه وخت لپاره ETA ویزو ته نوم لیکنه مه کوئ.
بل خوا که حقیقي مریضان وي او د مریضي ټول اسناد درسره موجود وي، د مریضي آنلاین ویزو ته ثبت نام وکړئ، له یوې میاشت مخکې مخکې به تاسو ته آنلاین ویزه درکړل شي.
Torkham News تورخم نیوز
