TROPOJA

31/10/2026

14 VITE TË NJËJTËN QEVERI, 35 VITE TË NJËJTAT FIGURA POLITIKE DHE NJË POPULL QË PO MËSOHET THJESHT TË MBIJETOJË!

Sa herë duan, ndryshojnë ligjet. Shkrijnë bashkitë, shesin malet dhe pasuritë publike, abuzojnë me pushtetin dhe skandalet e korrupsionit nuk i tronditin më.

Por problemi i Shqipërisë nuk është vetëm qeveria!

Edhe opozita, megjithëse i jep zë revoltës qytetare, prej 14 vitesh nuk ka arritur ta kthejë atë në një alternativë bindëse për ndryshim. Kur sheshet mbushen jo vetëm kundër qeverisë, por edhe kundër klasës politike që na ka sunduar e përfaqësuar prej 35 vitesh, përgjigjja nuk mund të jetë thjesht vazhdimi i të njëjtave figura, të njëjtave fytyra dhe të njëjtave interesa.

Populli nuk ka nevojë të zgjedhë mes dy zhgënjimeve!

Sot qytetarët janë lodhur, kanë humbur besimin dhe po mësohen të jetojnë me padrejtësinë. Po mësohen të mos reagojnë, të mos kërkojnë llogari dhe të mendojnë se asgjë nuk ndryshon.

Kjo është fitorja më e madhe e një sistemi të kalbur: kur arrin ta bindë popullin se nuk ka alternativë.

Një qeveri që nuk jep llogari, një opozitë që nuk rinovohet dhe një popull që hesht nga frika apo zhgënjimi janë tre plagë të së njëjtës Shqipëri.

Ne nuk kemi nevojë vetëm për ndërrim pushteti. Kemi nevojë për ndërrim mentaliteti, përgjegjësi dhe figura të reja që nuk kanë qenë pjesë e këtij dështimi.

🇦🇱 Shqiptarët nuk kanë lindur për të mbijetuar nën të njëjtat fytyra dhe të njëjtat premtime. Kanë të drejtë të jetojnë në një vend ku pushteti i shërben popullit dhe jo populli pushtetit!

26/10/2026

Faleminderit Dardanis e shyqyr Zotit e kem afer.

Pernime mire ish kan me u bashku me Kosoven krejt se osht shtet e jo hajdutave ne Shqipni

24/10/2026

https://www.facebook.com/100064394035181/posts/1656082926548159/?mibextid=rS40aB7S9Ucbxw6v

20/10/2026

Ku janë tropojanët në këtë protestë, se nuk po shoh asnjë? Apo doni të rrini në komunizëm gjithë jetën?

16/10/2026

KUR RINISË I VJEDHIN TË ARDHMEN, MOS U HABITNI KUR AJO TË PROTESTOJË!

Studentëve dhe rinisë shqiptare u është vjedhur e ardhmja. U është mohuar mundësia të jetojnë me dinjitet në vendin e tyre, të blejnë një shtëpi, të krijojnë familje e të ndërtojnë një jetë me punë të ndershme.

Sot, mijëra të rinj largohen nga Shqipëria, duke lënë prindërit vetëm në moshën e thyer, pa mundësinë të kalojnë pranë tyre vitet e fundit të jetës. Një plagë që nuk matet me para dhe që nuk shërohet kurrë plotësisht.

Ndërkohë, në këtë vend, qytetarët përballen me spitale ku pretendohet se pa para nuk merr shërbimin e duhur, me vende pune që shpesh u jepen njerëzve pa meritë e pa arsimin e nevojshëm, ndërsa të rinjtë e shkolluar detyrohen të emigrojnë.

Shohim pasuri marramendëse, miliona euro dhe luks të pajustifikuar te njerëz që akuzohen për lidhje me krimin, ndërsa familje të tëra luftojnë për bukën e gojës. Për 35 vjet, qytetarët kanë parë të njëjtat figura politike, të njëjtat premtime dhe të njëjtat padrejtësi.

Dhe sot, përballë protestës studentore, çfarë dëgjojmë? Flasin për xhama të thyer dhe biznese të djegura!

Po kush flet për të ardhmen e djegur të rinisë? Kush flet për familjet e ndara, për prindërit që plaken vetëm, për mjekësinë që nuk u shërben të gjithëve njësoj dhe për vendet e punës që kthehen në privilegj për njerëzit e lidhur me pushtetin?

Asnjë dhunë dhe asnjë shkatërrim nuk duhet të justifikohet. Por asnjë xham i thyer nuk duhet të përdoret si perde për të fshehur problemet e mëdha të këtij vendi.

Një xham zëvendësohet. Një ndërtesë rindërtohet. Por si i kthehet rinisë koha e humbur? Si ua kthejmë prindërve vitet pa fëmijët pranë? Si ua kthejmë shqiptarëve besimin se mund të jetojnë me dinjitet në atdheun e tyre?

Shqipëria nuk ka nevojë për të rinj që ikin në heshtje. Ka nevojë për drejtësi, meritokraci, shëndetësi dinjitoze dhe përgjegjësi për këdo që abuzon me pushtetin apo pasurinë publike.

Mos u merrni vetëm me xhamat. Shikoni plagët e një populli që prej 35 vitesh kërkon të drejtën për të jetuar në vendin e vet!

Dilni te gjithe,askush sduhet te kete frike sepse frika vret te ardhmen tonen!

02/10/2026

⚽️ Një jetë kushtuar arsimit dhe sportit në Tropojë ❤️

Sot, pas shumë vitesh përkushtimi, mësimdhënieje dhe pune me breza të tërë nxënësish, profesor Gëzim Pali mbylli një kapitull të rëndësishëm të jetës së tij profesionale, duke dalë në pension.

Për vite me radhë, ai nuk ishte vetëm mësuesi që përcillte dijen në klasë, por edhe një figurë e dashur e sportit në Tropojë, duke i kushtuar kohën dhe pasionin e tij futbollit dhe kurseve sportive, duke edukuar e frymëzuar breza të rinjsh.

Sot, nxënësit dhe stafi i shkollës i përgatitën një surprizë të veçantë, si një shenjë mirënjohjeje për gjithçka që ai ka dhënë ndër vite. 🎓⚽️

Faleminderit profesor Gëzim për çdo orë mësimi, çdo këshillë, çdo stërvitje dhe çdo brez që ke frymëzuar!

Urojmë që pensioni të jetë një tjetër kapitull i bukur, i mbushur me shëndet, qetësi dhe shumë momente të lumtura pranë familjes.
Respekt dhe mirënjohje për punën tuaj ndër vite! 👏❤️

10/09/2026

Valbona nuk mund të trajtohet si një burim që merret, shfrytëzohet dhe lihet pas.

Kërkojmë:
🔹 Inspektim urgjent në zonat ku po kryhen punime.
🔹 Verifikim të çdo lejeje dhe projekti që prek lumin.
🔹 Publikimin e dokumentacionit mjedisor dhe të kushteve të lejeve.
🔹 Marrjen e mostrave të ujit dhe një analizë të pavarur të cilësisë së tij.
🔹 Përgjegjësi konkrete nëse ka shkelje.

Kushdo që e do Tropojën duhet ta mbrojë Valbonën.

Nuk mund të presim që lumi të dëmtohet dhe pastaj të pyesim pse uji nuk është më ai i dikurshmi.

📢 Valbona kërkon reagim. Tropoja kërkon përgjigje.

08/09/2026

Ngushellime familjes

Per momentin nuk funksiono sen ne Shqiperi si ka mundesi ?

Duhet pernime Revolucion se cdo dit po vdesin puntor te shkret shteti ska asnje siguri vrasje aksidente zjarre vjedhje n'tana ant.

Boll kan kajt Nanat Shqiptare ka ardh koha per ndryshim te largohen kta politikan se e shfarosen ket popull.

31/08/2026

31/08/2026

🌳 Rruga me plepa në Dubrav – një pamje që do të na mungojë…

Për shumë vite, plepat përgjatë kësaj rruge kanë qenë pjesë e kujtimeve tona. Aty janë bërë foto, video dhe ajo pamje është kthyer në një lloj “pikture” të Tropojës që të gjithë e kemi dashur.

Prandaj është e kuptueshme që sot shumë njerëz ndihen keq kur shohin pemët e vjetra të prera.

Por duhet të kuptojmë edhe një gjë: pemët, ashtu si çdo gjë tjetër e gjallë, plaken. Me kalimin e viteve thahen, dobësohen dhe mund të rrëzohen, duke rrezikuar njerëzit dhe makinat që kalojnë poshtë tyre.

Nëse do të mbilleshin pemë të reja mes atyre të vjetrave, ato nuk do të kishin hapësirën dhe dritën e nevojshme për t’u rritur siç duhet. Prandaj, ndonjëherë për të ruajtur një rrugë të bukur për brezat që vijnë, duhet të pranosh edhe një pamje që të dhemb sot.

Shpresojmë që plepat e rinj të rriten shëndetshëm dhe pas disa vitesh kjo rrugë të jetë përsëri një nga pamjet më të bukura të Tropojës.

Na dhemb ajo që po humbasim, por le të shpresojmë se po mbjellim kujtime të reja për brezat që do të vijnë.