TROPOJA

13/08/2026

Ngushllime Familjes.

13/08/2026

A duhet të ngrihemi për Tropojën?

Një pyetje që duhet t’ia bëjmë vetes të gjithë, pa dallim bindjesh politike:

A ka ardhur koha që banorët e Tropojës, qofshin demokratë apo socialistë, të ngrihen për problemet që po e boshatisin çdo ditë më shumë vendin tonë?

Shpopullimi masiv nuk është më një statistikë. Është realiteti që po shohim me sytë tanë. Të rinjtë largohen, familjet ikin dhe vendi ynë po humbet njerëzit që duhet të ishin e ardhmja e tij.

Punësimet me mik dhe mungesa e mundësive për ata që nuk kanë “mik” vazhdojnë të jenë një problem që duhet të na shqetësojë të gjithëve.

Dhe pse Tropoja duhet të jetë gjithmonë në varësi të Kukësit? Pse çdo gjë duhet të kalojë në Prefekturën e Kukësit, ndërkohë që Tropoja ka nevojë për institucione funksionale pranë qytetarëve?

Po ashtu, kemi një spital ku për shumë shërbime qytetari detyrohet të përfundojë në Gjakovë. A është kjo normale për një qytetar të Tropojës në vitin 2026?

Këto nuk janë probleme të demokratëve apo socialistëve. Janë probleme të Tropojës.

Prandaj pyetja është e thjeshtë:

A do të vazhdojmë të heshtim dhe të shohim Tropojën të zbrazet, apo do të bashkohemi të gjithë, pavarësisht bindjeve politike, për të kërkuar atë që na takon?

Tropoja nuk ka nevojë për më shumë ndarje.
Ka nevojë për zë, për përfaqësim dhe për veprim.

10/08/2026

Zoti Haklaj, Tropoja nuk është një tabelë që ndërrohet sa herë dikush kërkon të rikthehet në vëmendje.

“Malësia e Gjakovës” është një emër historik dhe askush nuk ia mohon vendin në identitetin e kësaj treve. Por Tropoja është gjithashtu emër, histori, kujtesë dhe identitet i brezave që kanë lindur, janë rritur e kanë jetuar këtu.

Emrat e vendeve nuk ndërrohen me deklarata politike, as me nostalgji personale. Aq më pak nga njerëz që kanë pasur mundësi të përfaqësojnë Tropojën në institucione dhe sot, në vend që të flasin për shkollat, rrugët, punësimin, largimin e të rinjve, shëndetësinë dhe zhvillimin e kësaj treve, na sjellin si “zgjidhje” ndryshimin e emrit.

Tropoja nuk ka nevojë për një emër të ri. Ka nevojë për një të ardhme të re.

Dhe një gjë duhet kuptuar mirë:
Malësia e Gjakovës është pjesë e identitetit tonë, por Tropoja është emri me të cilin na njohin, me të cilin jemi rritur dhe për të cilin kemi krenari.

Kush e do vërtet Tropojën, nuk lufton me emrin e saj.
Lufton që Tropoja të mos boshatiset. Lufton që fëmijët të mos largohen. Lufton që familjet të kenë punë. Lufton që kjo trevë të ketë perspektivë.

Sepse emrin mund ta propozosh në një deklaratë.
Por historinë, kujtesën dhe identitetin e një populli nuk i ndryshon dot me një deklaratë.

Tropoja ka mbijetuar shumë më tepër se karrierat politike të njerëzve të saj. Dhe do të mbijetojë edhe pa këshillat e atyre që kujtohen për të vetëm kur kanë nevojë të dëgjohen.

Tropoja është Tropojë. Dhe emrin e saj nuk ia përcakton askush nga lart.

23/07/2026

16/07/2026

Shaqir Curri, Bajram Mani (flamurtar i fisit Krasniqe në Tropojë) dhe Bajram Nimani, të veshur me plis dhe kostume tradicionale shqiptare, janë fotografuar në vitin 1911. Ata njihen si figura të shquara të rezistencës dhe luftës për pavarësinë e Shqipërisë, si edhe për mbrojtjen e trojeve shqiptare në veri.

Në atë periudhë, Bajram Mani mbante detyrën e bajraktarit të Krasniqes, ndërsa Bajram Nimani, nga fshati Margjegaj, ishte një prej luftëtarëve më të njohur të krahinës. Gjatë viteve 1910–1915, ata u dalluan për trimërinë dhe qëndresën e tyre kundër forcave osmane dhe atyre serbo-malazeze, duke luftuar përkrah prijësit legjendar Zeqir Halili.

Historia e Malësisë kujton edhe betejat e lavdishme të Binak Alisë dhe Sokol Ramës, të cilët në vitin 1862 iu kundërvunë ushtrisë osmane të udhëhequr nga Maxhar Pasha. Edhe pse ajo ushtri ishte e pajisur me artileri dhe kishte si synim nënshtrimin e Bujanit dhe Krasniqes së Madhe, malësorët shqiptarë i shkaktuan humbje të rënda, duke e detyruar të tërhiqej.

Në përkujtim të 100-vjetorit të rënies së Zeqir Halilit, nderohen sakrifica dhe heroizmi i tij, si edhe i bashkëluftëtarëve Bajram Mani dhe Bajram Nimani, të cilët ranë duke luftuar për lirinë e atdheut. Emrat e tyre mbeten simbol krenarie për Tropojën dhe për gjithë historinë shqiptare.

15/07/2026

NJOFTIM:

Për popullin e Nikaj Merturit, miq e dashamirë, që na janë bashkue në kauzën tonë “PËR MBROJTJEN E LUMIT TË NIKAJ MERTURIT”

Në vijim të vendimeve që u morën në Kuvendin e Nikaj Merturit, nga më shumë se treqind pjesmarrës në atë kuvend te Ura e Merturit, sot u mblodhëm shumë vullnetmirë nga treva jonë, për të formalizuar krijimin e Bordit “Për mbrojtjen e lumit” nga përfaqësues dinjitoz të 12 fshatrave e krahinës tonë.

Po ashtu, Bordi ngarkoi me detyrë avokatë e juristë nga treva jonë, për të përgatitur mbrojten ligjore përpara gjykatave, SPAK dhe agjencive ligjzbatuese, për të ndalë njëherë e përgjithnonë, krimin mjedisor të shkatërrimit të Lumit (identitet natyror) i Nikaj Merturit.

Ju bej me dije që një grup ekspertësh, ndër ma kompetentët ne fushën e mjedisit, gjeodezisë, gjelogjisë, hidros e ndërtimit, po përgatitin mbrojtjen teknike kundra këtij krimi mjedisor.

Ju bëj me dije po asht se, êshtë kërkuar informacion nga institucionet e përfshira në dhënien e lejes së kësaj masakre mjedisore, dhe jemi në pritje të përgjigjeve brenda afateve ligjore.

Emrat e Bordit “PËR MBROJTJEN E LUMIT TË NIKAJ MERTURIT”, dhe emrat ekspertëve, do bëhen të ditur në vijim, bashkë me transparencën e çdo veprimi e vendimi që do merret!

Zoti i ndihmoftë popullin e Nikaj Merturit, miqt e dashamirët tonë!

* BORDI PËR MBROJTJEN E
LUMIT TË NIKAJ-MËRTURIT

15/07/2026

Vazhdon presioni mbi tokat e Tropojës. Sot për studimin e erës, nesër ndoshta për park me turbina. Tropoja meriton transparencë dhe respekt për natyrën e saj. Çfarë mendoni ju?

03/07/2026

Mos harroni! Neser te gjitha ne Tirane,koha te shkruajme historine..Pa ju,Shqiperis humbet!

Nuk esht koha te diskutojme se cfar bani Sali Berisha apo cfar ben Edi Rama,esht koha qe t'ju tregojme se JU ERDHI FUNDI! Per cdo familje qe ka mbi 35 vjet qe pret te jetoj pa borxhe,per cdo familje qe ka 1001 probleme ESHT KOHA TE JENI ATY! Dashuria per kombin duhet te jet me e madhe se per partine dhe ti largojme kta gjakpires! Mos mungoni ❤️🇦🇱

01/07/2026

BAR HOTEL SHPËTIMI

KËRKON SANITARE

Bar Hotel Shpëtimi kërkon të punësojë sanitare me orar të plotë (8 orë).

Kriteret:

* Të ketë përvojë pune.
* Të jetë e shkathët, e përgjegjshme dhe korrekte në punë.

Ofrohet:

* Pagë e kënaqshme.
* Ambient serioz dhe i qëndrueshëm pune.

📍 Adresa: Tropojë, Dubravë

📞 Për me shume informacion: 069 488 9282