15/03/2025
Gabriel Rakaj udhëheq listen e kandidatëve të Lëvizjes Lëvizja BASHKË në Qarkun Shkodër.
Përveçse një student i arritur dhe djalë shëmbullor, Gabrieli meriton mbështetjen tonë pasi vjen nga një familje intelektuale me origjinë nga Boga.
I urojmë Gabrielit suksese në rrugen e nisur dhe mbarvajtje të fushatës.
GABRIEL RAKAJ, I PARI NË SHKODËR
Gabriel Rakaj do të jetë udhëheqësi i listës së kandidatëve për deputetë të Lëvizjes BASHKË për qarkun e Shkodrës.
Me prejardhje nga një familje intelektuale shkodrane me kontribute në mësimdhënie dhe në botën akademike, Gabrieli është diplomuar rishtazi në degën Inxhinieri Fizike pranë Fakultetit të Inxhinierisë Matematike dhe Inxhinierisë Fizike të Universitetit Politeknik të Tiranës. Përveçse është një ndër të rinjtë më premtues si kërkues shkencor në fushën e shkencave ekzakte, interesi i tij i hershëm për historinë dhe drejtësinë sociale e ka bërë Gabrielin një njohës të mirë të mendimit politik dhe të shkencave humane.
Si një ndër aktivistët më seriozë dhe të dijshëm të Lëvizjes BASHKË, Gabrieli është angazhuar me përkushtim për t’i dhënë zë kauzave të ndryshme me të cilat jemi përfshirë ndër vite: nga kërkesa për njohjen e Minimumit Jetik, te fushata për Tiranën, e deri te protestat e fundit për rritjen e pensioneve.
Përtej angazhimit të tij politik dhe akademik, Gabrieli është një njeri me pasionin për sportin. Ndër aktivitetet e tij të preferuara janë loja e shahut dhe çiklizmi, si mënyra për të mbajtur aktive mendjen dhe trupin.
Shkodra, një qytet me traditë të pasur kulturore dhe intelektuale, meriton të mbështesë zërin e të rinjve të ndershëm e të shkolluar, duke lënë prapa politikën e vjetër të pazareve dhe shfrytëzimit të pushtetit për interesa të ngushta. Me integritetin dhe përkushtimin e tij, Gabriel Rakaj do të përfaqësojë denjësisht Shkodrën në parlamentin shqiptar.
