Lubinja

11/08/2026

Ku t'i ruajmë për dimër?

10/08/2026

Objekt hekuri i gjetur ne mes te rruges (te Sokaku) ne fshatin Lubinje.
Sipas kerkimeve rrezulton te jete nje thike luftarake e kultures Ilire e Epokes se Hekurit (midis shekujve VI-II para eres sone).
Nje relike qe per shumekend duket nje hekurishte e rendomt, ndodh qe te jet nje ,,thesar,, i vertete qe i shtohet koleksionit te fshatit tone. Ndaj ruajini ,,hekurishtet" e vjetra qe gjeni ne vende te pazakonta. ❤️

06/08/2026

30/07/2026

Një ngjarje e rëndë automobilistike ka ndodhur sot në orët e para të mëngjesit në aksin rrugor Kissamos - Hania, afër Kolimbarit, në Kretë, Greqi.
Vëllai ynë Qazim (Aleksandër) Toçila, 34 vjeç, humbi jetën tragjikisht për shkak të aksidentit bashkë me shokun e tij Edison Xhaka, 28 vjeç.
U shprehim ngushëllimet tona familjarëve, miqve e të afërmve.
Qofshë i Parajsës Qazim vëllai, të qoftë dheu i lehtë!
Do na mungosh shumë ti me shakatë e tua.
😪😪😪

29/07/2026

Fshati Lubinjë

BOTIM NË GAZETËN SHPRESA, DISA VITE MË PARË

Me iniciativën e vetë fshatarëve u hap në fshatin Lubinjë, në janar të vitit 1945, shkolla fillore shqipe në shtëpinë e Selman Dylit, ish kryetar i këshillit nacionalçlirimtar të këtij fshati.

Shkolla fillore u hap me rreth 26 nxënës të Lubinjës si dhe nga fshatrat përreth Duzhë, Ostenth, Dufshan dhe Trashovicë. Në pak javë numuri i tyre arriti në 110.

Mësuesi i parë i kësaj shkolle ka qenë Ymer Shypeja, i ardhur nga Elbasani.
Ishte një fat për nxënësit e parë të kësaj shkolle, që patën mësues Ymerin, një njeri I dashur, punëtor, I thjeshtë e mbi të gjitha arsimdashës.
Në shtëpinë e Selman Dylit, shkolla fillore vazhdoi deri në fund të vitit 1946, pasi me inisiativën dhe kontributin e vetë fshatarëve, u ndërtua në qendër të këtij fshati godina e re, një ndërtesë e thjeshtë, e bukur, me një klasë të bollshme për mësim e dy dhoma për strehimin e mësuesve. nxënësit që janë ulur për herë të parë në bankat e kësaj shkolle kanë qenë si më poshtë:
Tajar Frangu nga Ostenthi
Maliqe Hasan Dyli
Tajar e Neim Shaipi nga fshati Dufshan
Yzeir, Halim, Rrapush e Aqif Toçila nga Trashovica
Selim e Zade Latifi nga Duzha
Tajar Salla
Rreme Toçila
Aqif Avdiu
Sabri, SHerife, Pasho Toçila, e shumë të tjerë.

E veçantë e shkollës fillore të fshatit Lubinjë ishte se aty bënin pjesë krahas djemve dhe shumë vajzave si Halime Çekrezi, Hamide Luli, Zybe Boçi, Sofie Mutafi, Zade Latifi, Neverhe Shaipi, Diliko Toçila, Diliko Bezati e shumë vajza të tjera.
Mbresa dhe kujtime të paharrueshme ruajmë për mësuesin tonë të dashur Ymer Shupeja, me të cilin kaluam së bashku 4 vjet, shprehen ish-nxënësit e tij.
Pas largimit të tij, në këtë shkollë vjen mësuesi I nderuar dhe I paharruar, Pirro Ballkaniku po nga qyteti I Elbasanit. Në vitin 1968 kjo shkollë kaloi në 8-vjeçare duke shtuar nga një vit në klasë dhe në vitin 1972 u kompletua cikli 8-vjeçar nga klasa e parë në klasën e tetë.
Drejtori I parë I shkollës 8-vjeçare ‘’Naim Frashëri’’, në fshatin Lubinjë ka qenë mësuesi Agim Topçiu, më vonë vazhduan punën si drejtorë Liljana Qirko nga Korça, Hekurie Kaçaniku, Bajram Omeri nga Cerriku, Bajram Latifi, Razie Latifi, Tajar Toçila, Sybi Karaj, Sabri Toçila, Fatmir Verça, Miranda Tabaku dhe si drejtor I fundit Sabri Toçila.

SABRI TOÇILA

Janë tëe shumtë mësuesit që kanë dhënë mësim në këtë shkollë ku përmendëm disa prej tyre: Berta Vasili, Avni Mesiti, Qazim Zenuni, Avni Lila, Myrteza Murati, Sabire Dyli, Agim Toçila, Avni MIraka e shumë të tjerë.
Nga dyert e kësaj shkolle kanë dalë plot njerëz të arsimuar që mësuan me devotshmëri dhe sot vazhdojnë të kontribojnë në të gjitha fushat e jetës. Le të përmendim disa prej tyre: Hasan Dyli, Isuf Salla, Zyferr Boçi, Tajar Toçila, Shaqir Avdia, Sabire Dyli, Sabri Toçila, SHahin Dyli, Agim Toçila, arsimtarë Isuf Sadush Salla, Rexhep Çekrezi ekonomistë, Xhaferr Boçi, Neta Salla, Tajar e Naim Shaipi, Eranda MUstafaj, Gani Çekrezi, Grisild e Elidon Dyli, Orjeta e Ermir Salla, Matilda Çekrezi, Rudina Dyli e shumë të tjerë.

TAJAR SHAIPI
SHAHIN DYLI
ISH-NXËNËS TË KËSAJ SHKOLLE

29/07/2026

Në orën e bio-kimisë në shkollën 8-vjeçare “Naim Frasheri" në Lubinjë, vitet ‘80—‘90.
Foto e ruajtur nga D. Avdiu

24/07/2026

Dëme të mëdha sot në fshat.

23/07/2026

Krye Zorit

20/07/2026

"DIALOG ME TË BUKURËN"
Autor: Shahin Dyli

Shumëkush për të ka ditur vetëm se ka punuar si mësues i edukimit fizik në mjaft fshatra dhe në qytetin e Gramsh*t.

Me përjashtim të ndonjë “miku të besës”, askush nuk e ka ditur deri tani se brenda këtij njeriu të zakonshëm e të heshtur zien bota e bukur e poezisë, që ngjan herë me ujëvarën e Sotirës e shkëmbin e Kabash*t (me gjithë magjinë e fyellëve të tij) e herë me qetësinë e liqenit të Dushkut dhe befasitë e bukura e të bleruara të Rovjes. Kështu troket libri i tij tek lexuesi. Pa zhurmë, pa spektakël, me një vetëpërmbajtje dinjitoze, krijuar nga e drejta për t’u vendosur dhe ai në familjen fisnike të librave.

Poezia e Shahin Dylit është, para së gjithash, e thjeshtë, përjetim i një realiteti të gjerë në kohë dhe hapësirë, një përjetim origjinal i një njeriu, i cili përpara se të jetë profesionist në të shkruar, është poet në të ndjerë. “Herë merr frymë e herë gulçon/ hallemadhja, jeta ime…”, shkruan poeti. Është fati mbarënjerëzor, i fiksuar në këtë foto poetike, ku çdo lexues mund të gjejë një pjesë të vetes e një çast të jetës së tij të derisotme. Poezitë e këtij libri kërkojnë të kontaktojnë me shumë shqetësime e njerëz, tek të cilët ato jetojnë si në stinët e krijimit të poetit.
Autorit të këtij libri i kanë mbetur në kujtesë struktura vargjesh popullore, ritme, rima, “vetëtima” figurash, të cilat ai i ka ruajtur gjatë në vetëdijen e tij krijuese e na i dhuron sot, sipas mënyrës: “Kape yllin, bëje zjarr e,/ Ngjiti vetes një zambak”.

Poeti i dashuruar me jetën, dashurinë e natyrën, fabulisti i shqetësuar gjithnjë për deformimet e portretit të njeriut, duket se tashmë e “ka marrë vizën” për të shkuar tek lexuesi e për t’i shtuar Gramsh*t emrin e një krijuesi tjetër. Ta presim së bashku, si një mik që na ka munguar prej kohësh!

KUSH E DËSHIRON LIBRIN TË NA KONTAKTOJË.