12/02/2026
Nga 25 Shkurti 2026, Mbretëria e Bashkuar do te zbatoje një sistem të ri elektronik autorizimi udhëtimi (ETA) për vizita afatshkurtra në Mbretërinë e Bashkuar, te ngjashem me ate amerikan dhe kanadez.
Nëse jeni shtetas i një vendi që nuk kërkon vizë për të vizituar Mbretërinë e Bashkuar (përfshirë shtetasit e BE-së), udhëtoni për një qëndrim afatshkurtër deri në gjashtë muaj dhe nuk keni vizë në Mbretërinë e Bashkuar, Leje Qëndrimi Biometrike (BRP) ose Kartë Qëndrimi Biometrike (BRC), do ju duhet patjeter te keni nje ETA te vlefshme. Meqenese komuniteti yne rajonal ka persona me shtetesi greke , bullgare, italiane etj, keta persona duhet te bejne kujdes per tu pajisur nese udhetojne nga kjo date e tutje. (shtetasit britanikë dhe irlandezë nuk kërkojnë ETA).
Ju duhet të aplikoni për ETA të paktën 3 ditë para fluturimit . Mund të aplikoni në internet në Gov.uk ose përmes aplikacionit UK ETA. Qëndrimi juaj duhet të jetë më i shkurtër se 6 muaj, pavarësisht nëse udhëtoni për biznes dhe turizem. Nuk keni nevojë për ETA nëse keni leje për të jetuar, punuar ose studiuar në Mbretërinë e Bashkuar. Pasi të miratohet, ETA është e disponueshme për udhëtime të shumëfishta gjatë 2 viteve ose deri në skadimin e pasaportës suaj ( nese skadenca eshte ne me pak se 2 vjet nga data e aplikimit).