01/03/2026
Sot është një ditë e veçantë për Radio Saranda, e cila feston përvjetorin e nisjes së transmetimeve të saj! 🎉📻
Më 1 mars 2000, Radio Saranda doli për herë të parë në ajer në frekuencën 96.1 FM, duke sjellë një frymë të re informimi dhe komunikimi për qytetin e Sarandës dhe gjithë jugperëndimin e Shqipëri. Që nga ajo ditë, transmetimi i saj ka qenë i pandërprerë, duke u bërë një burim i besueshëm lajmi dhe informacioni për zhvillimet ekonomike, politike, sociale dhe kulturore të rajonit.
Për më shumë se dy dekada, Radio Saranda ka qenë zëri i komunitetit – pranë qytetarëve në gëzime dhe sfida, në momente festash dhe në ngjarje të rëndësishme që kanë shënuar jetën e përditshme. Me profesionalizëm, korrektësi dhe përkushtim, stafi i saj ka ndërtuar një traditë solide gazetarie lokale, duke i dhënë hapësirë çështjeve që prekin drejtpërdrejt komunitetin.
Kjo ditëlindje është një moment reflektimi për rrugëtimin e bërë, për sfidat e kapërcyera dhe për arritjet e shumta. Është gjithashtu një falënderim i sinqertë për të gjithë gazetarët, moderatorët, teknikët, bashkëpunëtorët dhe mbështetësit ndër vite, por mbi të gjitha për dëgjuesit besnikë, që e kanë bërë Radio Sarandën pjesë të përditshmërisë së tyre.
Sot festojmë jo vetëm një përvjetor, por një histori suksesi dhe përkushtimi ndaj informimit të drejtë e të paanshëm.
Gëzuar ditëlindjen Radio Saranda! Urojmë edhe shumë vite të tjera transmetimesh, rritjeje dhe suksesi në shërbim të komunitetit! 🎂🎙️
