DOSJA 33

01/11/2026

Iu hoq licenca pas zvarritjes së qytetarit në Zvërnec/ “Myrto Security”, fitues i tenderit 2 mln euro të OSSH

​Ajo çka është e habitshme, por tashmë e kthyer në një normë të trishtë në këtë vend, është se sa më shumë të abuzosh dhe të shkelësh rregullat, aq më shumë lulëzon dhe përfiton. Në xhungëlën tonë burokratike dhe klienteliste, ku institucionet shpesh mbyllin sytë para skandaleve, ligji i të fortit dhe i favoreve prapa skenave mbetet i vetmi standard që funksionon realisht.

​Në vend që ndëshkimi të jetë shembullor dhe të pasqyrohet në çdo hallkë të shtetit, shohim paradoksin ku kompanitë e penalizuara për skandale të rënda apo dhunë, jo vetëm që nuk përjasutohen përgjithmonë nga paratë publike, por shpërblehen me tendera miliona eurosh nga institucione kyçe shtetërore.

​Në vëmendje: Përtej shfaqjeve mediatike dhe gjobave simbolike, sistemi vazhdon të dëshmojë se përgjegjësia llogaridhënëse është thjesht një fasadë, ndërkohë që tenderët miliona euro vijojnë të ushqejnë të njëjtën skemë abuzimi.

31/10/2026

PRESION NDAJ NXËNËSVE TË SHKOLLËS “ALI DEMI”? PRETENDOHET SE DREJTORI I KËRCËNON ME PËRJASHTIM NËSE NUK FSHIJNË POSTIMET PËR PROTESTËN
DENONCIM PUBLIK | VLORË

Një informacion i mbërritur në redaksinë tonë nga burime konfidenciale ngre dyshime serioze për një situatë që, nëse konfirmohet, do të përbënte një cenim të rëndë të të drejtave dhe lirive të nxënësve në shkollën “Ali Demi” në Vlorë.

Sipas njoftimeve që kemi marrë nga disa nxënës të kësaj shkolle, drejtori i institucionit dyshohet se u ka kërkuar nxënësve të fshijnë postimet dhe çdo përmbajtje në rrjetet sociale që lidhet me thirrjet për protestë. Sipas të njëjtave pretendime,
atyre u është bërë e ditur se, në të kundërt,
mund të përballen me përjashtimin nga shkolla.
Gjithashtu sipas informacioneve të mbërritura në redaksinë tonë, efektivë të Policisë së Shtetit qëndrojnë çdo ditë në ambientet e jashtme të shkollës, me qëllim që nxënësit të mos largohen nga mësimi për t'iu bashkuar protestës.

I kërkojmë Prokurorisë pranë Gjykatës së Juridiksionit të Përgjithshëm Vlorë dhe institucioneve përgjegjëse të verifikojnë urgjentisht informacionet e publikuara,
të marrin në pyetje nxënësit dhe prindërit,
si dhe të sqarojnë nëse ka pasur kërcënime, presion apo ndërhyrje të paligjshme.
Fëmijët nuk duhet të bëhen objekt presioni për shkak të mendimit apo bindjeve të tyre. Shkolla duhet të jetë vendi ku mësohet liria, jo ku ushtrohet presion për ta heshtur atë.

Shënim i redaksisë: Pretendimet e mësipërme janë në proces verifikimi. Deri në këtë moment nuk kemi konfirmim të pavarur të tyre. Redaksia është e hapur të dëgjojë edhe qëndrimin e drejtorisë së shkollës dhe institucioneve përgjegjëse.

31/10/2026

"Heshtja e Diplomatëve" – Përplasja mes Realitetit të Skandaleve dhe Interesave Gjeopolitike

​Për vite të tëra, narrativa zyrtare e partnerëve tanë ndërkombëtarë, SHBA-së dhe Bashkimit Evropian, është parë dhe interpretuar nga një pjesë e madhe e opinionit publik përmes lentes së ngushtë të "stabilitetit rajonal". Por ky koncept, i përdorur si një mburojë diplomatike, është shndërruar në alibinë më të madhe për të legjitimuar një anomali që nuk ka ndodhur kurrë më parë në historinë e tranzicionit shqiptar: heshtjen e plotë përballë konsolidimit të një pushteti autokratik.
​Ndërkohë që në Shqipëri raportohen çdo ditë skandale të njëpasnjëshme korrupsioni të nivelit më të lartë shtetëror, shifra alarmante të shpopullimit dhe largimit masiv të popullsisë për shkak të mungesës së shpresës, kapje er rrënim i çdo institucioni të pavarur, si dhe raste të përsëritura të dhunës policore apo presionit të hapur ndaj mediave të lira, reagimet e zyrtarëve dhe kancelarive ndërkombëtarë kanë munguar në mënyrë drastike. Ato janë kufizuar në deklarata të vakëta, protokollare, ose në një heshtje shurdhuese që e ka lënë shoqërinë shqiptare të vetme përballë një abuzimi të paprecedentë me pushtetin.
​Ky kontrast midis vlerave themelore të demokracisë që Perëndimi predikon në vendet e veta dhe pragmatizmit cinik që zbatohet në Tiranë, ngre pikëpyetje të dhimbshme. Si ka mundësi që aleatët tanë strategjikë, ata që dikur ishin garancia më e madhe e lirisë dhe shtetit të së drejtës, sot zgjedhin të mbyllin sytë para një qeverie të korruptuar, e cila ka shkatërruar çdo mekanizëm të kontrollit dhe balancimit institucional? Prapaskena e kësaj loje fshihet pas interesave gjeopolitike afatshkurtër, ku stabiliteti i rremë dhe kontrolli i lidershipit aktual mbi agjendën e sigurisë rajonale janë vlerësuar më shumë se e ardhmja demokratike dhe dinjiteti i qytetarëve shqiptarë.

31/10/2026

Pamjet sjellin edhe një herë në vëmendje përplasjen mes protestuesve dhe forcave të rendit, si dhe mënyrën se si po menaxhohet reagimi qytetar në rrugë.
Përdorimi i dhunës policore, arrestimet dhe kërcënimet janë kthyer në pjesë të një klime të tensionuar, e cila po shoqëron ditët e fundit të protestës.
Për protestuesit, kjo nuk është më thjesht një përballje me një qeveri, por një kundërshtim ndaj një modeli qeverisjeje që, sipas tyre, po synon të përqendrojë pushtetin dhe të kufizojë zërin kundërshtues përmes forcës.
Por, pavarësisht presionit, mesazhi që vjen nga rruga mbetet i njëjtë: protesta nuk ndalet.
Rezistenca e ditëve të fundit, përballë dhunës, arrestimeve dhe kërcënimeve, tregon se një pjesë e qytetarëve nuk kanë ndërmend të tërhiqen nga kërkesat e tyre.
Pyetja që mbetet është: deri ku do të shkojë përplasja mes qytetarëve që protestojnë dhe një pushteti që po përballet me kundërshtim në rritje?

31/10/2026

Sigurisht që brezi i sotëm nuk e njeh historinë e errët të atij dhe ndaj kemi zgjedhur pikërisht që disa nga dosjet sekret të ish sigurimit të shtetit ti trajtojmë në podcastin tonë: TrueCast

31/10/2026

TRANSFERIMI I VELIAJT NË FIER, URDHRI QË NGRE DYSHIME: KUSH E KËRKOI DHE ÇFARË FSHIHET PAS TIJ?
Mister mbetet urdhri urgjent për transferimin e Erion Veliajt në Burgun e Fierit. Kush e mori këtë vendim? Ishte një urdhër i ardhur nga Edi Rama apo një vendim i diktuar nga Belinda Balluku, e cila prej kohësh përmendet në debatet publike si një prej figurave me ndikimin më të madh në qeveri?
Transferimi i kryebashkiakut të Tiranës ngre një sërë pikëpyetjesh që kërkojnë përgjigje institucionale. Përse u krye me kaq urgjencë? Kush e kërkoi dhe mbi çfarë argumentesh u mbështet vendimmarrja? A u ndoqën procedurat e zakonshme apo kemi të bëjmë me një vendim të pazakontë, motivet e të cilit ende nuk janë bërë publike?
Por zhvillimi që e bën këtë histori edhe më shqetësuese është ai që ndodhi më pas me Ergys Agasin. Vetëm një ditë pas transferimit të tij në Fier, mediat raportuan se ai ishte dhunuar nga dy të paraburgosur, të dënuar me burgim të përjetshëm. Një pretendim i rëndë, i cili kërkon verifikim urgjent nga autoritetet dhe një reagim të qartë nga administrata e burgjeve.

Këtu lindin pyetje që nuk mund të anashkalohen:
A ishte vlerësuar realisht siguria e Erion Veliajpërpara transferimit?

A ka lidhje mes transferimeve të njëpasnjëshme të Veliajt dhe Agasit?
Përse të dy u dërguan pikërisht në të njëjtin institucion penitenciar?

Për sa i përket Kryebashkiakut Erion Veliaj ,Drejtoria e Burgjeve ka deklaruar se transferimi i Veliajt është kryer për arsye sigurie, se urdhri është klasifikuar sekret shtetëror dhe se Prokuroria është njoftuar për vendimin. Por klasifikimi i një dokumenti si sekret nuk duhet të kthehet në një pengesë për verifikimin e ligjshmërisë së vendimmarrjes nga organet kompetente.
SPAK duhet të verifikojë rrethanat. Jo sepse çdo transferim burgu përbën domosdoshmërisht një shkelje, por sepse përkimi i këtyre lëvizjeve, pretendimet për dhunën ndaj Agasit dhe mungesa e transparencës për arsyet konkrete kërkojnë një vëmendje të veçantë institucionale.
A kemi të bëjmë me vendime të zakonshme administrative apo me një histori shumë më të ndërlikuar, ku përplasje të mundshme politike dhe interesa të panjohura ndërthuren brenda mureve të burgut?
Përgjigjet nuk mund të zëvendësohen me heshtje institucionale. As mediat dhe as organet e drejtësisë nuk duhet ta largojnë vëmendjen nga kjo çështje.
Sepse pyetja kryesore mbetet: kush i transferoi Veliajn dhe Agasin në Fier dhe pse pikërisht tani?

30/10/2026

Cfarë fshihet pas transferimit me urgjencë të Ergys Agasit në burgun e Fierit dhe kush ishin personat që e dhunuan?

Incidenti i Ergys Agasit në Qeli dhe Lëvizja e tij Urgjentë drejt Fierit

​Zhvillimet e fundit rreth Ergys Agasit kanë sjellë në vëmendje tensionet e fshehta dhe rreziqet që shoqërojnë figurat e lakuara si pjesë e prapaskenave të pushtetit. Ngjarjet e raportuara së fundmi ngrenë pikëpyetje të rëndësishme mbi sigurinë e dëshmitarëve kyç dhe ekuilibrat e brishtë politikë.

​Pretendimet mbi Ngjarjen në Qeli
​Sipas burimeve konfidenciale, Ergys Agasi është përfshirë në një incident fizik brenda ambienteve të paraburgimit, ku raportohet se është sulmuar nga dy të dënuar me burgim të përjetshëm me origjinë nga Tropoja. Ky incident nuk përshkruhet si një përplasje e zakonshme çasti, por si një ngjarje e motivuar për t'i mbyllur gojën dhe për të shërbyer si një paralajmërim i drejtpërdrejtë lidhur me sekretet që ai zotëron.

​Transferimi me Urgjencë dhe Ndërhyrja e Forcave Speciale
​Kjo ngjarje dyshohet se ka shkaktuar një reagim të menjëhershëm të autoriteteve. Forcat speciale të Policisë së Burgjeve (DAP) ndërhynë papritur në paraburgimin e Bradashesh*t. Gjatë këtij aksioni, Agasit iu komunikua urdhri i transferimit të menjëhershëm. Pas debateve dhe tensioneve verbale lidhur me mungesën e dokumentacionit paraprak, ai u transportua në mesditë nën masa të rrepta sigurie drejt burgut të Fierit.

​Çfarë Fshihet Pas Enigmës së Sekreteve?
​Pozicioni i Ergys Agasit si një nga figurat më të besuara në prapaskenat e pushtetit dhe lidhjet e tij të ngushta me skenarë konfidenciale e bëjnë këtë situatë veçanërisht të ndjeshme:
​Pjesëmarrja në Afera dhe Dosje: Agasi përshkruhet si një emërues i padukshëm në drejtoritë kyçe, skemat e tenderave dhe qarkullimin e fondeve, duke qenë në dijeni të çështjeve që ndodhen në dosjet e SPAK-ut.

​Çështja e Ervis Martinajt: Një ndër elementët më të fortë të misterit mbetet roli dhe informacioni që ai zotëron lidhur me fatin e Ervis Martinajt pas gushtit 2022, për të cilin raportohet se ka ndarë detaje dhe fotografi me institucionet ligjzbatuese.
​Neutralizimi i Dëshmitarëve: Intensifikimi i hetimeve vendore dhe ndërkombëtare ka shtuar presionin mbi pushtetin, duke rritur dyshimet se rrethi i ngushtë rreth qeverisë po kërkon të neutralizojë dëshmitarët e rrezikshëm për të shmangur rrjedhjen e mëtejshme të informacioneve komprometuese.

30/10/2026

😢

30/10/2026

Na ndiqni në podcast-in tonë të ri: Një hapësirë kushtuar çështjeve më të rëndësishme dhe temat më të nxehta të momentit

30/10/2026

Pak humor me hallin që na ka zënë