13/04/2026
Վաղը երեկոյան համեցեք Թումո Գյումրի!!!
🗓 Ապրիլի 14, 18:00
📍 ԹՈՒՄՈ Գյումրի (կինոդահլիճ)
🎤 Ներկայացնում է Շիրակը. Զարգացման պատմություններ
Մեր հաջորդ խոսնակ Տիգրան Պետրոսյանը կառավարման փորձառու մասնագետ է, և տուրիզմի ոլորտի ակտիվ նախաձեռնողներից, ով իր գործունեությամբ կարևոր ներդրում է ունեցել Շիրակի մարզի և ընդհանրապես Հայաստանի զարգացման տարբեր ուղղություններում։
Նա 2024 թվականից առ այսօր զբաղեցնում է ՄԱԶԾ ծրագրի համակարգողի պաշտոնը։ 2021 թվականից հանդիսանում է «Հյուսիս արկածային ակումբ» ՍՊԸ-ի հիմնադիր նախագահը՝ զարգացնելով արկածային և էքստրեմալ տուրիզմը Հայաստանում։ 2019-2021 թվականներին եղել է ՀՀ Շիրակի մարզպետ՝ իր պաշտոնավարման ընթացքում իրականացնելով մարզի զարգացմանն ուղղված մի շարք նախաձեռնություններ։ Ավելի վաղ՝ 2012-2021 թվականներին, հիմնադրել և ղեկավարել է «Կայտբորդինգի զարգացման կենտրոն» ՀԿ-ն՝ նպաստելով Հայաստանում նոր սպորտաձևի տարածմանը։ Բացի այդ, նա երկար տարիներ դասավանդել է ՀԱՊՀ Գյումրու մասնաճյուղում՝ փոխանցելով իր գիտելիքներն ու փորձը երիտասարդ սերնդին։
Տիգրանի ելույթը կներկայացնի Հայաստանում կայտինգի մշակույթի ձևավորման և զարգացման ճանապարհը՝ որպես նոր և խոստումնալից զբոսաշրջային ուղղություն։ Ելույթը ընդգծում է նախաձեռնողականության, համառության և նորարար մտածողության կարևորությունը՝ հատկապես այն ոլորտներում, որոնք դեռ ձևավորման փուլում են, սակայն ունեն մեծ ներուժ՝ դառնալու երկրի այցեքարտերից մեկը։
🇩🇪🇦🇲 Այս հատուկ թողարկումը կազմակերպվում է Հայաստան-Գերմանիա զարգացման համագործակցության շրջանակում՝ Գերմանական միջազգային համագործակցության ընկերության (GIZ) և Հայաստանում Գերմանիայի դեսպանության հետ համատեղ։
🎟️ Մուտքն ազատ է, խնդրում ենք նախապես գրանցվել մեկնաբանության դաշտում նշված հղումով:
