09/02/2026
🕯️Հիշատակի օր…
📆 1985 թվականի փետրվարի 9-ին է մահացել, բանաստեղծ Աշոտ Ավդալյանը (ծն. 1948):
ՇԱՐԺՈՒՄ ԴԵՊԻ ՁԵԶ
Այդ ես եմ անցնում
անսահամանության ու լույսի միջով՝
թափ տալով փոշին անդրշիրիմյան,
աստղի ընթացքը պահելով իմ մեջ,
ձեզ հրաժեշտ եմ տալիս գիշերով:
Գնում եմ մտնեմ ոգու նախաբեմ,
կրակ կտրելով վարագույրի մոտ,
ինձ մոտ պահելով շրջանակը ձեր,
ինձ մոտ պահելով բառը երկմտող:
Իսկ թե կասկածեք,
վայ ձեզ,
քանզի դուք
չեք հասնի լույսին,
կապրեք բեմին մոտ,
ու վարագույրը էլ չի բարձրանա:
Եվ ես գնում եմ, մտնում եմ արդեն,
բեմում վառվում է ջահը երկնային,
ես մոռացել եմ նախաբեմն արդեն,
այստեղ եմ, ձեզ մոտ,
հիշեցեք, նայեք, փախեք, գալիս եմ՝
աստղի ընթացքը պահելով իմ մեջ:
✍️ Աշոտ Ավդալյան
Աշոտ Ավդալյանի կիսանդրու հեղինակը քանդակագործ Զավեն Կոշտոյանն է։
