19/10/2026
✅Հոկտեմբերի 17-ին առաջին անգամ Լոռու մարզում տեղի ունեցավ Lori Big Hike-ը, որը միավորեց բնության ճանաչումը, տեղական փորձառություններն ու ազգային ավանդույթները։
❇️Մասնակիցներն ունեցան գաթայի և ղափամայի պատրաստման վարպետաց դասեր։
👉Այնուհետև մասնակիցները բաժանվեցին երեք խմբի՝ բացահայտելու Դսեղի տարբեր ուղղություններն ու պատմությունները։
🔸Առաջին խումբը զիլինգով ուղևորվեց դեպի Դսեղի Ծովեր։ Աշնանն այս տեսարանն ուղղակի հիասքանչ է։ Մասնակիցները վայելեցին Ծովերի գեղեցկությունը, խոսեցին արշավների համար անհրաժեշտ հանդերձանքի ու գույքի մասին, ծանոթացան Դսեղի կենդանական և բուսական աշխարհին, ապա վերադարձի ճանապարհ ընկան։
🔸Երկրորդ խումբը քայլեց դեպի Բարձրաքաշ Սուրբ Գրիգորի վանք։ Նրանք ծանոթացան Բարձրաքաշի պատմությանը, տեղեկություններ ստացան Ագրավաքարի մասին, եղան Գիքորի աղբյուրի մոտ, իսկ հետո զիլինգով վերադարձան դեպի Տուկ։
🔸Իսկ մեր ամենափոքրիկ արշավականներն ուղևորվեցին դեպի Քառասնից Մանկանց վանք՝ ծանոթանալու դրա պատմությանն ու տեղանքի առանձնահատկություններին։ Այնուհետև այցելեցին Հովհաննես Թումանյանի տուն-թանգարան։
Իսկ մեր ամենափոքրիկ արշավականներն ուղևորվեցին դեպի Քառասնից Մանկանց վանք՝ ծանոթանալու դրա պատմությանն ու տեղանքի առանձնահատկություններին։ Այնուհետև այցելեցին Հովհաննես Թումանյանի տուն-թանգարան։
Երեք խմբերի վերադարձից հետո սկսվեց համեղ հատվածը՝ գաթայի և ղափամայի համտեսը։ Իսկ հետո՝ ազգային պարեր, պարուսուցում ու հին հայկական խաղեր։ Երեխաներն ու մեծահասակները միասին պարեցին, խաղացին ու նոր փորձառություններ կիսեցին։
Lori Big Hike-ը հնարավորություն էր ծնողների ու երեխաների համար միասին բացահայտելու Լոռին, ճանաչելու բնությունն ու տեղական մշակույթը, սովորելու միմյանցից և միասին ստեղծելու հիշողություններ։
Իսկ վերջում Դսեղը մեզ ճանապարհեց իր փառահեղ մայրամուտով՝ թողնելով անմոռանալի հիշողություններ։
