23/07/2025
🇺🇸 Նոր օրենք ԱՄՆ-ում․ «Visa Integrity Fee»՝ Հոկտեմբերից ԱՄՆ տուրիստական վիզան 250 դոլարով կթանկանա
Սիրելի հետևորդներ,
ԱՄՆ Կոնգրեսը հաստատել է նոր օրենք, որի համաձայն՝ 2025թ. հոկտեմբերից բոլոր ոչ մշտական վիզաների դիմողները (այդ թվում՝ տուրիստական B1/B2 վիզա ստանալու ցանկացողները) պետք է վճարեն նոր պարտադիր վճար՝ Visa Integrity Fee՝ $250։
💸 Այս վճարը գումարվում է առկա վիզայի վճարին։
Այսինքն՝ եթե նախկինում վճարում էիք $185 վիզայի համար, հիմա կվճարեք՝
$185 + $250 = $435 ընդհանուր։
$250 - ը կվճարվի վիզան շնորհելուց հետո
(Եվ սա դեռ առանց այլ հնարավոր հավելավճարների, օրինակ՝ I-94 կամ որոշ երկրների դեպքում՝ ռեցիպրոցիտի վճարներ)
📌 Ո՞ւմ է վերաբերում․
Բոլոր՝ ոչ մշտական վիզա ստացողներին՝
• տուրիստներ
• ուսանողներ
• աշխատանքային վիզա ունեցողներ
• ծրագրի մասնակիցներ (J1 և այլն)
📌 Ովքե՞ր են ազատվում․
• Դիվանագիտական A/G կատեգորիայի վիզաներով անձինք
• Visa Waiver Program-ից օգտվող զբոսաշրջիկները (օրինակ՝ եվրոպացիներ, ճապոնացիներ և այլն)
📅 Երբ է ուժի մեջ մտնում․
Օրենքը ընդունվել է 2025թ. հուլիսի 4-ին, բայց իրական կիրառումը սպասվում է 2025թ. հոկտեմբերի 1-ից ( նախնական )
🔁 Կարո՞ղ է վերադարձվել ( refund )
Հնարավոր է, բայց դեռ պաշտոնապես հստակ ինֆո չկա՝ ինչպես է վերադարձը լինելու։ Ուստի այժմ սա համարվում է ոչ վերադարձվող վճար։
