26/05/2026
Հայաստանի և ԱՄՆ-ի միջև ստորագրվել է համապարփակ ռազմավարական գործընկերության կանոնադրությունը:
Փաստաթուղթը ստորագրել են ՀՀ արտաքին գործերի նախարար Արարատ Միրզոյանը և ԱՄՆ պետքարտուղար Մարկո Ռուբիոն։
Կողմերը ստորագրել են նաև TRIPP («Թրամփի ուղի հանուն միջազգային խաղաղության և բարգավաճման»)
նախագծի շուրջ համագործակցության շրջանակային համաձայնագիր, ինչպես նաև օգտակար հանածոների արդյունահանման և մշակման ոլորտում փոխըմբռնման շրջանակային հուշագիր։
«Մենք շարունակում ենք զարգացնել մեր հարաբերությունները։ Մենք նաև համապարփակ ռազմավարական գործընկերության կանոնադրություն ենք ստորագրել, որը մեր երկկողմ հարաբերությունների շրջանակն է սահմանում, նոր ուղի է նախանշում, որից օգուտներ կստանան թե՛ հայերը, թե՛ ամերիկացիները». ասաց Ոուբիոն ստորագրման արարողությունից հետո։
Ստորագրման արարողությունը տեղի է ունեցել Երևանի «Զվարթնոց» օդանավակայանում։
Պետքարտուղար Ռուբիոն Երևան էր այցելել աշխատանքային այցով՝ Հնդկաստանից Վաշինգտոն վերադառնալու ճանապարհին։
