31/05/2026
Gister was ons eerste dag van OPEDAG, vandag is ons 2de Dag - maak seker jy kry jou spasie. Jy kan sommer net opdaag vir die slotte hieronder. Kyk die video vir gister se OPEDAG.
Ons is reg vir julle vir môre, Kanpus Opedag voorbereiding.
Opendag 2026 Reelings
Adres:
Castle Walk Estate Kampus
125 Castlewalk Street, Roodeplaat, Pretoria, Suid Afrika , 0035
Castle Walk Estate & Venue
Geagte Ouers en Voornemende Studente
Dit is vir ons ‘n groot voorreg om u te verwelkom by die opedag waarvoor u geregistreer het. Met reeds talle inskrywings vir die 2027 akademiese jaar, sien ons daarna uit om u bekend te stel aan die wêreld van Toerisme, Wildsplaasbestuur, Hospitaliteit, Dieresorg en PH. Natuurbewaring lê ons na aan die hart, en ons vertrou dat u die dag met entoesiasme en ‘n positiewe ingesteldheid saam met ons sal beleef.
Op die terrein sal verskeie verkopers verversings beskikbaar hê vir aankoop, insluitend warm drankies, koeldranke en water, worsbroodjies, popcorn, sjokolades en lekkers, asook broodjies en croissants.
Aankomsprosedure
• By aankoms word u versoek om by die registrasietafel in te teken sodat ons u besonderhede kan vaslê.
• Na u aankoms word u hartlik verwelkom en na die aankomstente begelei. Hier kan u rustig ‘n versnapering geniet terwyl u die verblyf en onderste saal verken. In die saal wag ‘n inspirerende foto gallery met ‘n oorsig van ons kursus sillabusse. U het die geleentheid om dit op u eie gemak te lees en te ontdek wat ons aanbied, nog voordat die formele sessie begin. Ons doel is dat u gemaklik voel, die ruimte geniet en reeds ‘n voorsmakie kry van die waarde wat ons kursusse bied.
• Op die toepaslike tydgleuf word u na die boonste saal begelei, waar ons direkteur, mnr. Andries Hendrik Potgieter, ‘n inligtingsessie sal lewer oor wat voornemende studente kan verwag van die kursusse wat ons aanbied.
• Na afloop van die toespraak beweeg u terug na die onderste saal. Registrasietafels sal agter in die saal beskikbaar wees om u kind se plek vir 2027 te verseker. Registrasie beloop R800.00 en kan gemaklik per kaartbetaling gedoen word. ‘n Kort registrasievorm sal ook voltooi moet word.
Adres:
Castle Walk Estate Kampus
125 Castlewalk Street, Roodeplaat, Pretoria, Suid Afrika , 0035
Tydgleuwe vir Inligtingsessies
Sondag, 31 Mei 2026
• 10:00 – Groep 1 (eerste 100 gaste)
• 11:00 – Groep 2
• 12:00 – Groep 3
Ons sien daarna uit om u te ontmoet en die verrigtinge op ‘n hoë noot af te skop.
Vriendelike groete
Toerbroers Kampus Personeel
