Wat zijn de openingstijden?

Maandag 08:00 - 17:00 Dinsdag 08:00 - 17:00 Woensdag 08:00 - 17:00 Donderdag 08:00 - 17:00 Vrijdag 08:00 - 17:00

Aruba Tourism Authority

Startpagina
Aruba
Oranjestad
Aruba Tourism Authority

Bellen Routebeschrijving Website Contact opnemen met het bedrijf

Bonbini na e cuenta oficial di Aruba Tourism Authority. Pa nos comunidad local: e fuente pa actualisacionnan, noticia y informacion oficial.

08/11/2026

𝐀.𝐓.𝐀. 𝐚 𝐜𝐞𝐥𝐞𝐛𝐫𝐚 𝐘𝐎𝐔 𝐀𝐧𝐧𝐢𝐯𝐞𝐫𝐬𝐚𝐫𝐲 𝐧𝐚 𝐍𝐨𝐫𝐭𝐞 𝐀𝐦𝐞𝐫𝐢𝐜𝐚
𝘊𝘪𝘯𝘤𝘰 𝘤𝘰𝘭𝘦𝘨𝘢 𝘩𝘰𝘯𝘳𝘢 𝘱𝘢 𝘯𝘢𝘯 𝘢ñ𝘢𝘯𝘢𝘯 𝘥𝘪 𝘥𝘦𝘥𝘪𝘤𝘢𝘤𝘪𝘰𝘯 𝘺 𝘤𝘰𝘮𝘱𝘳𝘰𝘮𝘪𝘴𝘰

Recientemente, A.T.A. a celebra cu orguyo e aniversario di servicio di cinco miembro di su ekipo di Norte America durante YOU Anniversary 2026. E celebracion special aki ta un momento pa reconoce e dedicacion, compromiso y contribucion di empleadonan cu durante añanan a aporta na A.T.A. y na posicionamento di Aruba como destinacion. Durante e celebracion, A.T.A. a honra Marie Iervolino, kende a celebra 30 aña di servicio, Natasha Lee Soy, Sherry Bidgood-Flanegin y Liliana Mancini, cada uno cu 10 aña di servicio, y Lea Giaquinto, cu a celebra 5 aña di servicio.

A.T.A. ta gradici nan pa añanan di dedicacion, pasion y compromiso, y pa e valioso aporte cu nan ta sigui brinda na nos organisacion y na Aruba. Masha danki!

Click pa lesa mas: https://www.ata.aw/news/a-t-a-a-celebra-you-anniversary-na-norte-america

28/10/2026

𝐀𝐫𝐮𝐛𝐚 𝐜𝐮 𝐏𝐒𝐕 𝐜𝐨𝐦𝐩𝐫𝐨𝐦𝐞𝐭𝐢 𝐩𝐚 𝐲𝐞𝐠𝐚 𝐧𝐚 𝐮𝐧 𝐚𝐥𝐢𝐚𝐧𝐬𝐚 𝐬𝐭𝐫𝐚𝐭𝐞𝐠𝐢𝐜𝐨
𝘗𝘦𝘳𝘮𝘪𝘵𝘪𝘦𝘯𝘥𝘰 𝘈.𝘛.𝘈. 𝘱𝘢 𝘴𝘪𝘨𝘶𝘪 𝘧𝘰𝘳𝘵𝘢𝘭𝘦𝘤𝘦 𝘱𝘳𝘦𝘴𝘦𝘯𝘤𝘪𝘢 𝘥𝘦𝘯 𝘌𝘶𝘳𝘰𝘱𝘢 𝘣𝘰𝘶 𝘥𝘪 𝘩𝘶𝘦𝘴𝘱𝘦𝘥𝘯𝘢𝘯 𝘥𝘦𝘴𝘦𝘢

A.T.A. y club di ekipo di futbol, PSV, a firma un acuerdo di intencion pa continua cu e trayecto pa yega na un aliansa strategico. E colaboracion ta forma parti di A.T.A. su enfoke pa fortalece e posicionamento internacional di Aruba y conecta e marca ‘Aruba’ cu publico y oportunidadnan relevante na Hulanda y den Europa. E acuerdo a wordo firma door di Frans Janssen, Gevolmachtigd Commercieel Directeur di PSV N.V., Minister di Turismo Transporte y Labor, mr. Wendrick Cicilia, y Ronella Croes, CEO di A.T.A.

PSV, un di e clubnan profesional di futbol mas exitoso di Hulanda, ta ofrece un plataforma cu conexionnan den deporte, entretenimento, hospitalidad, media y networking empresarial, como tambe acceso na e ecosistema di Brainport Eindhoven.

Cu e colaboracion aki, A.T.A. ta sigui construi un marca ‘Aruba’ fuerte como destinacion, cu enfoke riba diversificacion y atrae bish*tantenan di balor halto. E huesped Hulandes ta alinia bon cu e direccion aki, cu aprecio pa cultura, experiencianan autentico y naturalesa, descubriendo Aruba mas aya di solamente nos playanan...

Click pa lesa mas: https://www.ata.aw/news/aruba-cu-psv-comprometi-pa-yega-na-un-aliansa-strategico

21/10/2026

𝐀.𝐓.𝐀. 𝐭𝐚 𝐜𝐨𝐦𝐩𝐚𝐫𝐭𝐢 𝐫𝐞𝐬𝐮𝐥𝐭𝐚𝐝𝐨 𝐝𝐢 𝐬𝐞𝐩𝐭𝐞𝐦𝐛𝐞𝐫 𝟐𝟎𝟐𝟔
𝘈𝘭𝘢𝘣𝘦𝘴 𝘵𝘢 𝘤𝘰𝘮𝘱𝘢𝘳𝘵𝘪 𝘳𝘦𝘴𝘶𝘭𝘵𝘢𝘥𝘰 𝘥𝘪 𝘦𝘴𝘵𝘶𝘥𝘪𝘰 𝘵𝘰𝘤𝘢𝘯𝘵𝘦 𝘈𝘳𝘶𝘣𝘢 𝘤𝘰𝘮𝘰 𝘥𝘦𝘴𝘵𝘪𝘯𝘢𝘤𝘪𝘰𝘯 𝘱𝘢 𝘤𝘢𝘴𝘢𝘮𝘦𝘯𝘵𝘰

A.T.A. a laga realisa e estudio “Saying ‘I Do’ to the Business of Aruba Weddings” pa analisa e mercado di casamento y luna di miel, e preferencianan di parehanan y e impacto economico cu e industria aki por genera. E estudio ta mustra cu Aruba tin cualidadnan fuerte manera ambiente romantico y exclusivo, luganan unico, siguridad, clima confiabel y un industria di casamento cu añanan di experiencia, cu hotelnan y profesionalnan estableci cu ta brinda un servicio profesional y confiabel...

Click pa lesa mas: https://www.ata.aw/news/a-t-a-ta-comparti-resultado-di-september-2026

15/10/2026

𝟐𝟎 𝐚ñ𝐚 𝐝𝐢 𝐜𝐨𝐧𝐞𝐱𝐢𝐨𝐧 𝐲 𝐜𝐨𝐥𝐚𝐛𝐨𝐫𝐚𝐜𝐢𝐨𝐧
A.T.A. ta felicita jetBlue! ✈️💙
Masha danki pa ta parti di e historia di Aruba.

14/10/2026

𝐓𝐞𝐫𝐜𝐞𝐫 𝐄𝐝𝐢𝐜𝐢𝐨𝐧 𝐝𝐢 𝐀𝐮𝐭𝐞𝐧𝐭𝐢𝐜𝐨 𝐀𝐫𝐮𝐛𝐚 𝐂𝐮𝐥𝐢𝐧𝐚𝐫𝐲 𝐅𝐞𝐬𝐭𝐢𝐯𝐚𝐥 𝐚 𝐜𝐞𝐥𝐞𝐛𝐫𝐚 𝐀𝐫𝐮𝐛𝐚 𝐜𝐨𝐦𝐨 𝐮𝐧 𝐝𝐞𝐬𝐭𝐢𝐧𝐚𝐜𝐢𝐨𝐧 𝐜𝐮𝐥𝐢𝐧𝐚𝐫𝐢𝐨
𝘜𝘯 𝘱𝘭𝘢𝘵𝘢𝘧𝘰𝘳𝘮𝘢 𝘱𝘢 𝘨𝘢𝘴𝘵𝘳𝘰𝘯𝘰𝘮𝘪𝘢, 𝘪𝘯𝘯𝘰𝘷𝘢𝘤𝘪𝘰𝘯 𝘺 𝘵𝘢𝘭𝘦𝘯𝘵𝘰

Durante un siman dedica na gastronomia, for di 3 te cu 11 di october, e tercer edicion di Autentico Aruba Culinary Festival a reuni comunidad, bish*tantenan y profesionalnan di industria pa celebra Aruba su escena culinario. Autentico a consisti di cinco componente: Restaurant Week, Bucket List Experiences, Industry Seminar, Student Seminar y The Pavilion. Autentico ta un plataforma cu ta reuni diferente parti di nos comunidad culinario. A traves di e diferente componentenan, Autentico ta crea espacio pa gastronomia, experiencia y intercambio di conocemento, mientras ta contribui na posiciona Aruba como un destinacion culinario.

Mas di 125 hoben a participa na e Student Seminar y mas cu 100 profesional a asisti e Industry Seminar, cu a conta cu contribucion di Sian Young, Lindsey Peckham, Werner Loens y Chef Virgilio Martinez, tur experto den diferente area. Ademas, The Pavilion a reuni mas cu 50 bendedor di cuminda y bebida y aproximadamente 4.000 residente y bish*tante.

A.T.A. ta gradici tur nos vendors, talento local y internacional, colaborador, boluntario, studiante y miembro di personal cu a contribui na e tercer edicion di Autentico. Un danki na tur esnan cu a atende y forma parti di Autentico.
Finalmente, A.T.A. ta gradici y felicita henter e ekipo tras di Autentico, cu a traha cu pasion y dedicacion pa contribui na exito di e edicion aki. Masha danki!

Click pa lesa mas: https://www.ata.aw/news/tercer-edicion-di-autentico-aruba-culinary-festival

12/10/2026

𝐀𝐭𝐞𝐧𝐜𝐢𝐨𝐧 𝐧𝐚 𝐭𝐮𝐫 𝐫𝐞𝐬𝐢𝐝𝐞𝐧𝐭𝐞, 𝐝𝐨ñ𝐨𝐧𝐚𝐧 𝐝𝐢 𝐧𝐞𝐠𝐨𝐬𝐡𝐢 𝐲 𝐛𝐢𝐬𝐡𝐢𝐭𝐚𝐧𝐭𝐞𝐧𝐚𝐧 𝐝𝐢 𝐖𝐢𝐥𝐡𝐞𝐥𝐦𝐢𝐧𝐚𝐬𝐭𝐫𝐚𝐚𝐭 𝐲 𝐯𝐞𝐜𝐢𝐧𝐝𝐚𝐫𝐢𝐨.
Actualmente nos ta trahando riba e desmantelacion di tur structuranan di Autentico Festival. Lo cuminsa prome cu e zonanan di parkeo y despues lo sigui pa e plazanan.

Nos ta haciendo tur nos esfuerso pa conclui e proceso aki lo mas lihe posibel. Danki pa e comprension y cooperacion!

08/10/2026

𝐁𝐨 𝐭𝐚 𝐛𝐚𝐲 𝐡𝐚𝐜𝐢 𝐜𝐨𝐦𝐩𝐫𝐚𝐬 𝐝𝐞𝐧 𝐖𝐢𝐥𝐡𝐞𝐥𝐦𝐢𝐧𝐚𝐬𝐭𝐫𝐚𝐚𝐭 𝐲 𝐯𝐞𝐜𝐢𝐧𝐝𝐚𝐫𝐢𝐨 𝐞 𝐟𝐢𝐧 𝐝𝐢 𝐬𝐢𝐦𝐚𝐧 𝐚𝐤𝐢?
Durante Autentico: The Pavilion, tin algun cambio temporal den acceso y trafico den e area. Mira e video pa wak e ruta recomenda y con bo por yega na bo tienda of negoshi preferi sin problema.

Por fabor, uza e areanan di parkeo banda di e lagun, Nieuwstraat, e parking lot patras di Benu y otro areanan designa pa Aruparking.

Nos ta gradici tur cliente, doño di negoshi y residente pa boso comprension y colaboracion mientras nos ta converti Wilhelminastraat y vecindario den e escenario di Autentico.

Danki pa yuda nos haci e experiencia aki un exito! ✨

08/10/2026

𝐀.𝐓.𝐀. 𝐭𝐚 𝐬𝐢𝐠𝐮𝐢 𝐢𝐧𝐯𝐞𝐫𝐭𝐢 𝐝𝐞𝐧 𝐞 𝐬𝐢𝐠𝐮𝐢𝐞𝐧𝐭𝐞 𝐠𝐞𝐧𝐞𝐫𝐚𝐜𝐢𝐨𝐧 𝐝𝐢 𝐭𝐚𝐥𝐞𝐧𝐭𝐨 𝐥𝐨𝐜𝐚𝐥
𝘈𝘶𝘵𝘦𝘯𝘵𝘪𝘤𝘰 𝘚𝘵𝘶𝘥𝘦𝘯𝘵 𝘚𝘦𝘮𝘪𝘯𝘢𝘳 𝘢 𝘤𝘰𝘯𝘦𝘤𝘵𝘢 𝘩𝘰𝘣𝘦𝘯𝘯𝘢𝘯 𝘤𝘶 𝘱𝘳𝘰𝘧𝘦𝘴𝘪𝘰𝘯𝘢𝘭𝘯𝘢𝘯 𝘥𝘪 𝘨𝘢𝘴𝘵𝘳𝘰𝘯𝘰𝘮𝘪𝘢 𝘺 𝘩𝘰𝘴𝘱𝘪𝘵𝘢𝘭𝘪𝘥𝘢𝘥

Mas cu 125 studiantenan di Colegio EPI y EPB a participa den e di dos edicion di Autentico Student Seminar, un iniciativa educativo cu a reuni hobennan cu profesionalnan di gastronomia, hospitalidad y turismo. E seminario a conta cu presentacionnan di Frank Kelly (‘Taki’), Chef Xalsky Schwengle, Chef Sebastian Cechet y Mixologist Jeison Ramirez, kende a comparti nan conocemento, experiencia y trayectoria profesional pa inspira e siguiente generacion di talento local.

Durante e sesionnan, studiantenan a explora temanan relaciona cu ingredientenan local, exito den e industria culinario, e ciencia patras di sabor y textura, y innovacion den e mundo di bebida y hospitalidad. Como parti di Autentico Aruba Culinary Festival, e seminario ta reafirma e compromiso di inverti den educacion, desaroyo y futuro di nos hobennan.

Click pa lesa mas: https://www.ata.aw/news/a-t-a-ta-sigui-inverti-den-e-siguiente-generacion-di-talento-local

07/10/2026

𝐀.𝐓.𝐀. 𝐚 𝐮𝐧𝐢 𝐧𝐚 #𝐌𝐚𝐤𝐞𝐀𝐫𝐮𝐛𝐚𝐏𝐢𝐧𝐤 💗
Oficina di A.T.A. ta ilumina den color ros ful luna di october den solidaridad cu 𝘉𝘳𝘦𝘢𝘴𝘵 𝘊𝘢𝘯𝘤𝘦𝘳 𝘈𝘸𝘢𝘳𝘦𝘯𝘦𝘴𝘴 𝘔𝘰𝘯𝘵𝘩 y como parti di e campaña .

Un gesto simbolico pa crea conscientisacion, honra tur esnan cu a wordo afecta pa cancer na pecho, pero tambe pa recorda nos comunidad cu deteccion trempan por haci un gran diferencia!

No warda pa un señal. Si bo ta eligibel, traha bo cita pa bo mamografia.
Tuma e BOB Quiz: https://fundacionabo.org/BOBquiz/
📧[email protected]
📞 +297 588 1212
💬 WhatsApp: +297 594 5020

02/10/2026

𝐏𝐫𝐞𝐩𝐚𝐫𝐚𝐜𝐢𝐨𝐧 𝐩𝐚 𝐀𝐮𝐭𝐞𝐧𝐭𝐢𝐜𝐨 𝐀𝐫𝐮𝐛𝐚 𝐂𝐮𝐥𝐢𝐧𝐚𝐫𝐲 𝐅𝐞𝐬𝐭𝐢𝐯𝐚𝐥 𝟐𝟎𝟐𝟔 𝐥𝐨 𝐢𝐧𝐢𝐜𝐢𝐚 𝐝𝐞𝐧 𝐜𝐞𝐧𝐭𝐫𝐨 𝐝𝐢 𝐎𝐫𝐚𝐧𝐣𝐞𝐬𝐭𝐚𝐝
A.T.A. ta informa tur residente, doño di negoshi, cliente y persona cu ta haci compras den centro di Oranjestad tocante e preparacionnan pa Autentico Aruba Culinary Festival 2026. E festival lo tuma luga diasabra 10 y diadomingo 11 di october 2026 den y rond di Wilhelminastraat incluyendo Zuidstraat, Nieuwstraat, Columbusstraat, Ooststraat, Oude Schoolstraat, Dwarsstraat, Irenestraat y Caya G. F. Betico Croes.

Preparacion di e sitio ta cuminsa diabierna 2 di october. Durante e periodo aki, residente, negoshinan y bish*tantenan por nota presencia di ekipo tecnico, vehiculo cu ekipahe, montamento di standnan, structuranan temporal, iluminacion y zonido den diferente parti di centro di ciudad.

A.T.A. y e ekipo di Autentico ta gradici tur residente, doño di negoshi, empleado, cliente y bish*tante pa nan comprension y cooperacion mientras Oranjestad ta prepara pa un celebracion inolvidabel di gastronomia local.

Click pa lesa mas: https://www.ata.aw/news/preparacion-pa-autentico-aruba-culinary-festival-2026-lo-inicia-den-centro-di-oranjestad

Adres

L. G. Smith Boulevard 8
Oranjestad

Openingstijden

Maandag	08:00 - 17:00
Dinsdag	08:00 - 17:00
Woensdag	08:00 - 17:00
Donderdag	08:00 - 17:00
Vrijdag	08:00 - 17:00

Telefoon

+2975823777

Website

http://www.ata.aw/, https://links.ata.aw/Local-Sentiment-Survey2026

Meldingen

Wees de eerste die het weet en laat ons u een e-mail sturen wanneer Aruba Tourism Authority nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.