KEYFIYYƏT ASSOSIASIYASI İCTIMAI BIRLIYI
Haqqımızda
Keyfiyyət Assosiasiyası (KA) 25 noyabr 2007-ci ildə təsis edilmiş və 30 oktyabr 2008-ci ildə Azərbaycan Respublikası Ədliyyə nazirliyində qeydiyyatdan keçmiş, özünü idarəedən, ictimai-faydalı məqsədlər daşıyan, qeyri-hökumət təşkilatıdır.
KA-nın yaradılmasında əsas məqsəd Azərbaycanda keyfiyyət, idarəetmə, standartlaşdırma, sertifikatlaşdırma, metrologiya, akkreditasiya və uyğunluğun qiymətləndirilməsi sahələrinin inkişafına kömək etmək, ölkəmizdə məhsul və xidmətlərin keyfiyyətinin yüksəldilməsi və onların rəqabət qabiliyyətliliyinin artırılması üçün hüquqi və fiziki şəxslərin fəaliyyətini birləşdirməkdən ibarətdir.
KA-nın əsas missiyası Azərbaycanda məhsulların və xidmətlərin keyfiyyətinin və rəqabətqabiliyyətliliyinin artırılmasında maraqlı olan hüquqi və fiziki şəxslərin fəaliyyətini birləşdirmək və keyfiyyət və idarəetmə sahəsindəki dünya təcrübəsinin ölkəmizin işgüzar dairələri və ictimaiyyəti arasında tədqiqatlar, tədbirlər, məsləhətlər, təlimlər və maarifləndirmə yolu ilə təbliğ edilməsidir.
Fəaliyyət istiqamətlərimiz
Azərbaycanın keyfiyyət sahəsində milli siyasətinin formalaşdırılması və onun həyata keçirilməsinə yardım edilməsi;
Keyfiyyət məsələləri üzrə qanunvericilik və normativ aktların ekspertizası;
Beynəlxalq sertifikatlara layiq görülən və keyfiyyət, idaraetmə, standartlaşdırma, metrologiya, akkreditasiya və uyğunluğun qiymətləndirilməsi sahəsində təcrübəyə malik yerli və xarici müəssisələrin görüşlərinin təşkil edilməsi;
Keyfiyyət və idarəetmə sahəsində məlumatların toplanması, hazırlanması və nəşrlər vasitəsilə yayılması;
Beynəlxalq standart və digər normativ sənədlərin tərcüməsi;
Təlimlərin və seminarların keçirilməsi yolu ilə keyfiyyət, idarəetmə və s. sahələrdə mütəxəssislərin hazırlanması;
Müasir keyfiyyəti idarəetmə sistemlərinin yaradılması və tətbiqi üzrə müəssisələrə kömək göstərilməsi;
Keyfiyyət sahəsində elmi işlərin təşkili və maliyyələşdirilməsi;
Keyfiyyəti idarəetmə sahəsində çalışan mütəxəssislərin qeydiyyatının aparılması;
Keyfiyyət sahəsində xarici və beynəlxalq təşkilatlarla əməkdaşlıq;
İstehlakçılar, istehsalçılar, maliyyə və ticarət strukturlarında ümummilli keyfiyyət hərəkatının təbliğatı;
Benchmarkinqin təşkili və məlumatlar bazasının hazırlanması;
Xarici müəssisələrə və ölkələrə təcrübə mübadiləsi məqsədilə səfərlərin təşkili;
Mütəxəssislərin sertifikatlaşdırılması.
KA-nın üzv olduğu və əməkdaşlıq etdiyi qurumlar
Asiya və Sakit Okean Regionu Ölkələrinin Keyfiyyət Təşkilatı (APQO)
Asiya Keyfiyyət Şəbəkəsi (ANQ)
Amerika Keyfiyyət Cəmiyyəti (ASQ)
Personalın Sertifikatlaşdırılması üzrə Beynəlxalq Assosiasiya (IPC)
Avropa Keyfiyyət Təşkilatı (EOQ)
Ukrayna Keyfiyyət Assosiasiyası (UAK)
Türkiyə Keyfiyyət Dərnəyi (KALDER)
Çin və Şanxay Keyfiyyət Assosiasiyaları (CAQ, SAQ)
Koreya Standartlar Assosiasiyası (KSA)
Ümumrusiya Keyfiyyət Təşkilatı (ВОК)
İran Keyfiyyət Menecerləri Cəmiyyəti (ISQM)
Qlobal Bençmarkinq Şəbəkəsi (GBN)
Beynəlxalq Keyfiyyət Akademiyası (IAQ)
Kalite Sistem Qrupu (Türkiyə)
