20/04/2025
Türkiyənin rənglərlə zəngin kəndi - Alaçatı
İzmir şəhəri yaxınlığında Çeşmə yarımadasında , Egey dənizinin sahilində yerləşən bu kənd son illərdə turistlərin ən çox diqqətini çəkən yerlərdəndir. Xüsusilə də Aralıq dənizinin istisini sevməyən insanların ən çox bəyəndiyi adreslərdəndir. Ən əsası da Yunan adalarını gəzib kəşf etməyin xəyalını qurub lakin həm bahalı təyyarə biletlərinə görə həm də Şengen vizasını almağın dərdindən bu fikirdən daşınan səyyahlar üçün ən ideal seçimdir.
Zaman-zaman İzmir şəhərini Türkiyənin Avropası adlandırdıqlarını dəfələrlə eşitmişik. Lakin burada olduqdan sonra Egey insanlarının İstanbuldakı türklərlə müqayisədə daha nəzakətli, mehriban, muasir, alicənab olduğunun şahidi oluruq. Tarix boyu bu ərazidə məskunlaşan türklər yunanlar ilə qaynayıb qarışmış, onların da adət-ənənələrini və fikirlərini götürmüşlər.
Alaçatı tətili üçün neçə gün bəs edər?
Bu daş evləri,butik otelləri, lavanda çiçəyinin qoxusu gələn küçələri gəzməyə 4-5 saat kifayət edir. Düzdü yay tətilinə gəlmisinizsə kristal sulu Egey dənizinin kənarında salınmış qızmar qumlu çimərliklər üçün 3-4 gün qalmaq olar. Ancaq çalışın bayram ərəfəsində getməyin. Çünki əcnəbi turistlərlə yanaşı türklər də bura bir neçə günlük tətili fürsət bilib axın edir və bu hal dar küçələrdə gəzməyi biraz daha da çətinləşdirir.
Alaçatıda gəziləcək yerlər
1) Alaçatı Yel Değirməni
Alaçatının mərkəzindəki bir təpədə yerləşən qədim yel dəyirmanları buranın yorğunluğunu atmaq və ən əsası da gün batımını seyr etmək üçün möhtəşəm yeridir
2) Alaçatı evləri
Bu evlər hər küçədə, hər döngədə görəcəyiniz yunanlar tərəfindən tikilən daş evlərdir.
3) Alaçatı Port
Port Marinada gecələr təşkil olunan əyləncələr, gecə klubları gecə həyatı həvəskarları üçün ideal yerdir.
4) Kemelpaşa Caddəsi
Ən çox alış veriş etmək istəyənlərin gəldiyi bu meydan kafe və restoranlari ilə məşhur yerdir.
5) Dutlu Qəhvə
Adını kölgəsində məskən saldığı tut ağacından götürən bu restoran dadlı yeməkləri ilə bura gələnlərin ilk baş çəkdiyi məkanlardandır.
6) Alaçatı Meydanı
7) Aya Yorgi Körfəzi
8) İmren Pastanesi
9) Egey Dənizi Çimərlikləri
₼elde
