What are the opening hours?

Monday 09:00 - 21:00 Tuesday 09:00 - 21:00 Wednesday 09:00 - 21:00 Thursday 09:00 - 21:00 Friday 09:00 - 21:00 Saturday 09:00 - 20:00

Yeni Gence

Name: Yeni Gence
Address: Yeni Gence, Gandzha, AZ2000, AZ
Telephone: +994504095924
Price range: ££

Home
Azerbaijan
Gandzha
Yeni Gence

Call Directions Website Contact the business

Yeni Azərbaycan Partiyası Gəncə şəhər Təşkilatının mətbu orqanı kimi 1996-cı ilin iyun "Qaynar Xətt" - +994222567605

"Yeni Gəncə" qəzeti 1996-cı ildən fəaliyyət göstərir və ölkəmizin ictimai, siyasi, sosial və mədəni həyatında olan yenilikləri oxuculara çatdırır. Redaksiyamız Gəncə şəhərində və ətraf rayonlarda fəaliyyət göstərən bütün dövlət qurumlarını, siyasi partiyaları, QHT-ləri, hüquq-mühafizə orqanlarını aktiv əməkdaşlığa dəvət edir.

01/11/2026

Azərbaycan Respublikasında kənd təsərrüfatının inkişafında xidmətləri olan bir qrup şəxsin təltif edilməsi haqqında Azərbaycan Respublikasının Prezidenti cənab İlham Əliyev Sərəncam imzalayıb. Qeyd olunan sərəncamda Heyvandarlıq və Balıqçılıq Elmi Tədqiqat İnstitutunun Elm şöbəsinin müdiri Yasin Qaibqulu oğlu Gözəlov "Tərəqqi" medalı ilə təltif edilib.
Qeyd edək ki, heyvandarlıq, quşçuluq və müasir biotexnoloji üsulların tətbiqi sahəsində 35 ildən artıq elmi və praktiki təcrübəyə malik olan Yasin Qalibqulu oğlu Gözəlov uzun illərdir aqrar elmin inkişafı, elmi yeniliklərin istehsalata tətbiqi və bu sahədə mütəxəssislərin maarifləndirilməsi istiqamətində fəaliyyət göstərir.

Yasin Gözəlov 2 sentyabr 1962-ci ildə Gürcüstan Respublikasının Tbilisi şəhəri, Qardabani rayonunda anadan olub. 1981–1986-cı illərdə Azərbaycan Kənd Təsərrüfatı İnstitutunun Zoomühəndislik fakültəsində təhsil alaraq ali məktəbi fərqlənmə diplomu ilə bitirib.

Əmək fəaliyyətinə 1986-cı ildə Siyəzən Broyler Quşçuluq Fabrikində zona rəisi kimi başlayan mütəxəssis 1991-ci ilədək bu vəzifədə çalışıb. Daha sonra Heyvandarlıq Elmi-Tədqiqat İnstitutunda elmi fəaliyyətini davam etdirərək quşçuluq və ət məhsullarının texnologiyası sahələri üzrə elmi işçi kimi fəaliyyət göstərib.

İllər ərzində qazandığı təcrübə və peşəkar fəaliyyəti nəticəsində institutun müxtəlif struktur bölmələrinə rəhbərlik edən Yasin Gözəlov Genetik tədqiqatlar və biotexnoloji üsulların tətbiqi, həmçinin Elmi tədqiqatların tətbiqi və informasiya şöbələrinin müdiri vəzifələrində çalışıb. 2021-ci ildən etibarən Heyvandarlıq Elmi-Tədqiqat İnstitutunun Elmi şöbəsinin müdiri vəzifəsini icra edir.

Onun elmi fəaliyyəti heyvanların genetik ehtiyatlarının idarə olunması, heyvandarlıqda müasir biotexnoloji metodların tətbiqi, heyvandarlıq məhsullarının emalı texnologiyaları və elmi tədqiqatların nəticələrinin istehsalata inteqrasiyası istiqamətlərini əhatə edir.

Yasin Gözəlov elmi-praktiki fəaliyyətini nəşrlərlə də zənginləşdirib. O, 2 kitabın, 30-dan çox praktiki tövsiyənin, 100-dən artıq elmi və publisistik məqalənin müəllifidir. Eyni zamanda, elmi yeniliklərin fermer təsərrüfatlarında tətbiqi, metodiki materialların və məlumat vərəqələrinin hazırlanması sahəsində geniş təcrübəyə malikdir.

Peşəkar bilik və bacarıqlarını bölüşməyi fəaliyyətinin mühüm istiqamətlərindən biri hesab edən mütəxəssis Kənd Təsərrüfatı Nazirliyinin “Təlimçilər üçün təlim” proqramını uğurla başa vuraraq müvafiq sertifikat əldə edib. Bu istiqamətdə fermerlərə və aqrar sahədə çalışan mütəxəssislərə məsləhət xidmətləri göstərir.

Səmərəli elmi fəaliyyətinə görə 2021-ci ildə Kənd Təsərrüfatı Nazirliyinin Aqrar Elm və İnnovasiya Mərkəzi tərəfindən genetik tədqiqatlar sahəsindəki xidmətlərinə görə Fəxri Fərmanla təltif olunub.

Hazırda Heyvandarlıq və Balıqçılıq Elmi-Tədqiqat İnstitutunun Elmi şöbəsinin müdiri kimi fəaliyyətini davam etdirən Yasin Gözəlov elmi tədqiqatların təşkili, müasir biotexnoloji üsulların heyvandarlıqda tətbiqi və aqrar sahənin informasiya təminatının gücləndirilməsi istiqamətində öz bilik və təcrübəsini bölüşür.

Onun 35 ildən artıq elmi-praktiki fəaliyyəti aqrar elmin inkişafına, heyvandarlıq sahəsində innovativ yanaşmaların təşviqinə və elmi biliklərin praktikada tətbiqinə xidmət edir.

30/10/2026

Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin Yeni Azərbaycan Partiyasının VIII Qurultayındakı çıxışından irəli gələn məsələlərlə bağlı YAP Gəncə şəhər təşkilatının ərazi partiya təşkilatlarında silsilə tədbirlər və görüşlər davam etdirilir.
YAP Gəncə şəhər təşkilatının 63 saylı (Müalicə Diaqnostika Mərkəzi) ərazi partiya təşkilatında Yeni Azərbaycan Partiyasının VIII Qurultayında Prezident İlham Əliyevin çıxışından irəli gələn vəzifələrə dair tədbir keçirilib.
Tədbir Ulu Öndər Heydər Əliyevin, eləcə də Azərbaycanın müstəqilliyi, suverenliyi və ərazi bütövlüyü uğrunda canlarını qurban vermiş şəhidlərimizin əziz xatirəsinin bir dəqiqəlik sükutla yad edilməsi ilə başlayıb. Yeni Azərbaycan Partiyasının fəaliyyətinə, partiyanınVIII qurultayına həsr olunmuş videoçarx nümayiş olunub.
YAP İdarə Heyətinin üzvü, YAP Gəncə şəhər təşkilatının sədri Bayram Aslanov Partiyanın VIII Qurultayının ölkəmizin ictimai-siyasi həyatında əlamətdar hadisə olduğunu diqqətə çatdıraraq qeyd edib ki, Ulu Öndər Heydər Əliyevin ideyalarına sadiq olan, Prezident İlham Əliyevin ətrafında sıx birləşən Yeni Azərbaycan Partiyasının üzvləri bundan sonra da qarşıya qoyulan strateji vəzifələrin həyata keçirilməsində fəal iştirak edəcəklər. Çünki Yeni Azərbaycan Partiyasının tarixi Azərbaycan dövlətinin müasir tarixinin ayrılmaz hissəsidir. Bu tarix Zəfərlərlə yazılıb və qarşıdakı illərdə də yeni uğurlarla zənginləşəcək.
Gəncə Mərkəzi Klinika xəstəxanasının baş direktoru Rövşən Veysov bildirib ki, hakim partiya olan Yeni Azərbaycan Partiyası Ümummilli Lider Heydər Əliyevin etimadını doğruldaraq dünənin, bu günün və gələcəyin partiyası olduğunu atdığı addımları ilə təsdiqləyib. Onun sözlərinə görə, partiyanın ən böyük uğurlarından biri xalqın sevgisini, etimadını və inamını qazanmasıdır. Bunun da əsas səbəbi partiyanın sözlə əməl birliyinə sadiq qalmasıdır.
Səbinə Qasımova vurğulayıb ki, ölkə Prezidenti cənab İlham Əliyevin Yeni Azərbaycan Partiyasının VIII Qurultayında etdiyi çıxış Azərbaycanın dünəni, bu günü və gələcəyi ilə bağlı mühüm məqamları özündə birləşdirən geniş siyasi baxışın ifadəsi oldu.
Tədbirin sonunda Yeni Azərbaycan Partiyasının Himni səsləndirilib.

30/10/2026

Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin Yeni Azərbaycan Partiyasının VIII Qurultayındakı çıxışından irəli gələn məsələlərlə bağlı YAP Gəncə şəhər təşkilatının ərazi partiya təşkilatlarında silsilə tədbirlər və görüşlər davam etdirilir.
YAP Gəncə şəhər təşkilatının 65 saylı ( Memorial Hospital )ərazi partiya təşkilatında Yeni Azərbaycan Partiyasının VIII Qurultayında Prezident İlham Əliyevin çıxışından irəli gələn vəzifələrə dair tədbir keçirilib.
Tədbir Ulu Öndər Heydər Əliyevin, eləcə də Azərbaycanın müstəqilliyi, suverenliyi və ərazi bütövlüyü uğrunda canlarını qurban vermiş şəhidlərimizin əziz xatirəsinin bir dəqiqəlik sükutla yad edilməsi ilə başlayıb. Yeni Azərbaycan Partiyasının fəaliyyətinə, partiyanınVIII qurultayına həsr olunmuş videoçarx nümayiş olunub.
YAP Gəncə şəhər təşkilatının sədr müavini Orxan Əhmədov bildirib ki, Yeni Azərbaycan Partiyası bu gün təkcə Azərbaycanın deyil, bütün Cənubi Qafqazın ən böyük siyasi təşkilatıdır. Hazırda YAP regionun ən möhtəşəm uğurlarına imza atır. Hakim partiya iqtidarda olduğu illərdə ölkəmizin qazandığı uğurlarda və qələbələrdə partiyamızın fəallarının çox böyük payı və töhfəsi var.
Memorial Hospitalın direktoru Vüsal Sadıqov, həkim oftolmoloq İnayət Hacıyev son illərdə ölkəmizdə bütün sahələrdə həyata keçirilən genişmiqyaslı islahatlardan, əldə olunan mühüm nailiyyətlərdən və qarşıda duran strateji hədəflər barədə ətraflı danışıblar. Natiqlər qeyd ediblər ki, Yeni Azərbaycan Partiyasının tarixi ölkəmizin müstəqillik tarixindən, dövlətçilik ənənələrindən və xalqımızın gələcəyə olan inamından ayrı təsəvvür edilə bilməz.
Sonda VIII Qurultayın qərarlarından irəli gələn vəzifələrin yerli səviyyədə həyata keçirilməsi, ərazi partiya təşkilatlarının fəaliyyətinin daha da gücləndirilməsi və qarşıda duran məsələlər ətrafında fikir mübadiləsi aparılıb.

29/10/2026

Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin Yeni Azərbaycan Partiyasının VIII Qurultayındakı çıxışından irəli gələn məsələlərlə bağlı YAP Gəncə şəhər təşkilatının ərazi partiya təşkilatlarında silsilə tədbirlər və görüşlər davam etdirilir.
YAP Gəncə şəhər təşkilatının 43 saylı (Gəncə Avtomobil Zavodu İstehsalat Birliyi) ərazi partiya təşkilatlarında keçirilən tədbir Azərbaycan Respublikasının müstəqilliyi, ərazi bütövlüyü və suverenliyi uğrunda şəhid olan Vətən övladlarının, eləcə də Ulu Öndər Heydər Əliyevin əziz xatirəsinin bir dəqiqəlik sükutla yad edilməsi ilə başlayıb.
YAP İdarə Heyətinin üzvü, YAP Gəncə şəhər təşkilatının sədri Bayram Aslanov qeyd edib ki, hakim partiyanın VIII Qurultayı həm də Yeni Azərbaycan Partiyasının Ulu Öndər Heydər Əliyev siyasi irsinə bağlılığının və Prezident İlham Əliyevin rəhbərliyi ilə həyata keçirilən dövlət siyasətinə dəstəyinin növbəti ifadəsi kimi qiymətləndirilə bilər. Qurultayda səsləndirilən fikirlər Azərbaycanın keçdiyi tarixi yolun, əldə etdiyi böyük Zəfərin və qarşıdakı inkişaf perspektivlərinin vahid siyasi xətt çərçivəsində nəzərdən keçirildiyini göstərdi.
Amin Əliyev, Tamerlan Abdullazadə və digər natiqlər çıxış edərək bildirdilər ki, partiyanın VIII qurultayı bir daha göstərdi ki, Azərbaycanın qarşısında duran əsas məqsədİ əldə edilmiş tarixi nailiyyətləri qorumaqla kifayətlənməmək, onları yeni uğurlar üçün möhkəm dayağa çevirməkdir:”Güclü dövlətçilik ənənələrinin davam etdirilməsi, milli maraqların qorunması, iqtisadi inkişafın sürətləndirilməsi, sosial rifahın yüksəldilməsi və Azərbaycanın beynəlxalq mövqelərinin daha da möhkəmləndirilməsi qarşıdakı mərhələnin başlıca hədəfləri kimi müəyyənləşir.”
Tədbirin sonunda VIII Qurultayın qərarlarından irəli gələn vəzifələrin yerli səviyyədə həyata keçirilməsi, ərazi partiya təşkilatlarının fəaliyyətinin daha da gücləndirilməsi və qarşıda duran məsələlər ətrafında fikir mübadiləsi aparılıb.

29/10/2026

Azərbaycanın beynəlxalq nüfuzu və mədəniyyətlərarası dialoqun inkişafında strateji mövqeyi

Nərmin Alıyeva,
AMEA Gəncə Bölməsi Diyarşünaslıq İnstitutunun kiçik elmi işçisi

Oktyabrın 27-də Azərbaycanın paytaxtı Bakıda mədəniyyətlər arasında qarşılıqlı anlaşma, dialoq və əməkdaşlığın təşviqinə həsr olunmuş “Ortaq gələcək naminə dialoq” mövzusunda VII Ümumdünya Mədəniyyətlərarası Dialoq Forumunun təntənəli açılış mərasimi keçirilib. Müxtəlif mədəniyyətlərin və sivilizasiyaların vahid gələcək naminə bir araya gəldiyi bu mötəbər tədbirdə Azərbaycan Respublikasının Prezidenti cənab İlham Əliyev iştirak edib. Mərasimdən əvvəl xatirə fotosu çəkdirilib. Daha sonra dövlət başçısı Forumun açılış mərasimində çıxış edərək mədəniyyətlərarası dialoqun əhəmiyyəti, xalqlar arasında qarşılıqlı anlaşmanın möhkəmləndirilməsi və ortaq gələcəyin qurulmasında əməkdaşlığın rolu ilə bağlı fikirlərini bölüşüb.
Prezident cənab İlham Əliyev çıxışında Azərbaycanda hökm sürən milli həmrəyliyin, qarşılıqlı hörmətin və anlaşmanın cəmiyyətin ən mühüm dəyərlərindən biri olduğunu vurğulayaraq qeyd edib ki, ölkədəki bütün xalqları ortaq milli ideyalar ətrafında birləşdirən əsas amillərdən biri azərbaycançılıq məfkurəsidir. Bu ideologiya müxtəlif etnik və dini mənsubiyyətə malik insanları vahid amal ətrafında bir araya gətirərək ölkədə milli birliyin və həmrəyliyin möhkəmlənməsinə xidmət edir.
Dövlət başçısı bu birliyin Azərbaycanın müstəqillik tarixinin ən çətin sınaqları ilə üzləşdiyi dövrlərdə özünü xüsusilə aydın şəkildə büruzə verdiyini bildirib. Ermənistanın hərbi təcavüzü və işğalı, eləcə də İkinci Qarabağ müharibəsi zamanı müxtəlif etnik və dini qrupların nümayəndələrinin vahid mövqedən çıxış edərək Azərbaycanın milli kimliyinin qorunması, ədalətin bərpası və ölkənin ərazi bütövlüyünün təmin olunması uğrunda mübarizə apardıqlarını qeyd edib. Möhtərəm Prezidentimiz bu sarsılmaz birliyi Qələbənin rəmzinə çevrilmiş “Dəmir yumruq” ifadəsi ilə səciyyələndirərək, xalqın həmrəyliyinin və ortaq məqsəd ətrafında birləşməsinin Azərbaycanın tarixi Zəfərində mühüm rol oynadığını diqqətə çatdırıb.
Cənab İlham Əliyevin çıxışında 2020-ci il İkinci Qarabağ müharibəsi və 2023-cü il antiterror əməliyyatı Azərbaycanın ərazi bütövlüyünün və dövlət suverenliyinin bərpasını təmin edən həlledici tarixi mərhələlər kimi səciyyələndirilib. Hər iki hadisə nəticəsində işğala son qoyularaq ölkənin ərazi bütövlüyü və suverenliyi beynəlxalq hüququn norma və prinsiplərinə uyğun şəkildə tam bərpa olunub.
Həmçinin hərbi əməliyyatlardan sonra Azərbaycanın Ermənistana sülh təklif etdiyini nəzərə çatdıran cənab Prezident bu addımın münaqişədən sonrakı münasibətlər baxımından diqqətəlayiq olduğunu bildirərək vurğulayıb ki, müharibələr tarixinə nəzər saldıqda, son qanlı toqquşmadan cəmi iki il keçməmiş sülhə nail olmağa yönələn belə bir təşəbbüsün nadir hallardan biri olduğunu qeyd etmək olar. Prezidentin fikrincə, bu yanaşma regionda davamlı sülhün və sabitliyin təmin olunması istiqamətində yeni mərhələnin başlanması baxımından xüsusi əhəmiyyət daşıyır.
Cənab İlham Əliyev nitqində beynəlxalq münasibətlər sistemində ikili standartların mövcudluğuna toxunaraq, bu yanaşmanın Azərbaycanın üzləşdiyi məsələlərdə də özünü göstərdiyini bildirib. Dövlət başçısı Azərbaycanın şimalında və cənubunda yerləşən ölkələrə qarşı çoxsaylı sanksiyaların tətbiq olunduğunu xatırladaraq, Ermənistanın hərəkətlərinə münasibətdə analoji tədbirlərin görülməməsini beynəlxalq siyasətdəki qeyri-bərabər yanaşmanın nümunəsi kimi dəyərləndirib. O qeyd edib ki, ikili standartlara qarşı mübarizə Azərbaycanın xarici siyasətinin əsas istiqamətlərindən biridir. Prezidentin sözlərinə görə, ölkəmiz uzun müddət bu cür yanaşmalarla üzləşsə də, hazırda öz ərazi bütövlüyünü və suverenliyini bərpa edərək torpaqlarında azad yaşayır.
Çıxışının davamında dövlət başçısı ikili standartların yalnız müharibə və münaqişələrə münasibətdə deyil, həm də tarixi və humanitar məsələlərin qiymətləndirilməsində özünü büruzə verdiyini diqqətə çatdırıb. O, Ermənistanın Azərbaycan ərazilərinin təxminən 20 faizini işğal etməsi, etnik təmizləmə siyasəti nəticəsində bir milyona yaxın azərbaycanlının doğma yurdlarından didərgin düşməsi, eləcə də Qarabağda 65 məscid daxil olmaqla, dini və tarixi abidələrin dağıdılması barədə danışıb. Prezident bu hadisələrə baxmayaraq, Ermənistana qarşı beynəlxalq səviyyədə sanksiyaların tətbiq edilməməsini ikili standartların bariz təzahürü kimi təqdim edib və beynəlxalq siyasətdə ədalətli, vahid meyarların tətbiqinin vacibliyini vurğulayıb.
Həmçinin cənab İlham Əliyev qeyd etdi ki, Azərbaycanın beynəlxalq əlaqələri və müxtəlif dövlətlərlə qurduğu əməkdaşlıq münasibətləri ölkəmizin beynəlxalq birliyin etibarlı və hörmətli üzvü kimi mövqeyini möhkəmləndirdiyini göstərir. Bu çərçivədə Çinlə 2025-ci ilin aprelində Hərtərəfli Strateji Tərəfdaşlıq haqqında Bəyannamənin, həmin ilin avqustunda isə ABŞ ilə Strateji Xartiyanın imzalanması xüsusi əhəmiyyət daşıyır. Bununla yanaşı, Avropa İttifaqına üzv olan 10 dövlətlə strateji tərəfdaşlıq bəyannamələrinin və ya sazişlərinin mövcudluğu Azərbaycanın beynəlxalq əməkdaşlıq əlaqələrinin genişliyini əks etdirir.
Ölkəmizin nüfuzlu beynəlxalq təşkilatlarda təmsilçiliyi və qarşıdakı illərdə ev sahibliyi edəcəyi mühüm tədbirlər də bu əməkdaşlığın göstəricilərindəndir. Azərbaycanın gələn il İslam Əməkdaşlıq Təşkilatının Zirvə Görüşünə ev sahibliyi etməsi və təxminən 60 ölkəni birləşdirən bu təşkilata sədrlik edəcəyi gözlənilir. Bu məsuliyyət ölkəmizin siyasətinə, dini və mənəvi dəyərlərinə, ənənələrinə göstərilən hörmətin ifadəsi kimi dəyərləndirilir. Bundan əlavə, 2028-ci ildə Avropa Siyasi Birliyinin Zirvə Görüşünün Bakıda keçirilməsi nəzərdə tutulur. 2022-ci ildən fəaliyyət göstərən və 50-dən çox ölkəni əhatə edən bu platformanın tədbirinə Azərbaycanın ev sahibliyi etməsi ölkəmizin beynəlxalq dialoq və əməkdaşlıq məkanında rolunu bir daha ön plana çıxarır.
Beləliklə, Bakıda İslam Əməkdaşlıq Təşkilatının və Avropa Siyasi Birliyinin zirvə görüşlərinin keçirilməsinin nəzərdə tutulması Azərbaycanın müxtəlif mədəniyyətlər, dinlər və siyasi baxışlar arasında dialoqun inkişafına verdiyi töhfənin əhəmiyyətini nümayiş etdirir. Bu beynəlxalq tədbirlərin mahiyyətində dayanan əsas ideyalardan biri də mədəniyyətlərarası dialoqun təşviqi, qarşılıqlı anlaşmanın möhkəmləndirilməsi və ortaq gələcək naminə əməkdaşlığın genişləndirilməsidir.

29/10/2026

Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin Yeni Azərbaycan Partiyasının VIII Qurultayındakı çıxışından irəli gələn məsələlərlə bağlı YAP Gəncə şəhər təşkilatının ərazi partiya təşkilatlarında silsilə tədbirlər və görüşlər davam etdirilir.
YAP Gəncə şəhər təşkilatının 48 saylı (Park Xiyaban İstismarı və Mühafizə İdarəsi) ərazi partiya təşkilatlarında keçirilən tədbir Azərbaycan Respublikasının müstəqilliyi, ərazi bütövlüyü və suverenliyi uğrunda şəhid olan Vətən övladlarının, eləcə də Ulu Öndər Heydər Əliyevin əziz xatirəsinin bir dəqiqəlik sükutla yad edilməsi ilə başlayıb.
YAP İdarə Heyətinin üzvü, YAP Gəncə şəhər təşkilatının sədri Bayram Aslanov qeyd edib ki, VIII Qurultayda qəbul olunmuş qərarlar və Yeni Azərbaycan Partiyasının Sədri İlham Əliyevin irəli sürdüyü prioritetlər YAP Gəncə şəhər təşkilatının ərazi partiya təşkilatlarının işində keyfiyyətcə yeni dinamika tələb edir. Partiya fəallarımız cəmiyyətdə dövlətçilik təfəkkürünün, vətənpərvərlik ruhunun və partiya ideallarının təbliğində ön sıralarda olmalıdırlar.
"Park-Xiyaban" İstismar və Mühafizə İdarəsinin rəisi İlyas Məmmədov VIII Qurultayda verilən mesajlardan bəhs edib ki, Azərbaycanın yeni inkişaf mərhələsində yalnız əldə edilmiş nəticələrin qorunması deyil, eyni zamanda qarşıya yeni hədəflərin qoyulması əsas məqsədlərdən biridir. Güclü dövlət, dayanıqlı iqtisadiyyat, yüksək sosial rifah, müasir ordu, milli həmrəylik və fəal xarici siyasət Azərbaycanın gələcək inkişafının əsas dayaqlarıdır.
Sonda VIII Qurultayın qərarlarından irəli gələn vəzifələrin yerli səviyyədə həyata keçirilməsi, ərazi partiya təşkilatlarının fəaliyyətinin daha da gücləndirilməsi və qarşıda duran məsələlər ətrafında fikir mübadiləsi aparılıb.

29/10/2026

Mədəniyyətlərarası dialoq: ortaq gələcəyə aparan yol və Azərbaycanın beynəlxalq təşəbbüsləri

Bayram Aslanov,
YAP İdarə Heyətinin üzvü, YAP Gəncə şəhər təşkilatının sədri

Müasir dünyada sülhün və təhlükəsizliyin qorunması, xalqlar və dövlətlər arasında qarşılıqlı etimadın möhkəmləndirilməsi, müxtəlif mədəniyyətlərə və dinlərə mənsub insanların dinc yanaşı yaşamasının təmin edilməsi beynəlxalq gündəliyin ən mühüm məsələlərindəndir. Münaqişələrin, ayrı-seçkiliyin, dini və etnik zəmində qarşıdurmaların mövcud olduğu bir şəraitdə mədəniyyətlərarası dialoqun əhəmiyyəti daha da artır. Belə bir dövrdə fərqli cəmiyyətləri bir araya gətirən, qarşılıqlı anlaşmaya və əməkdaşlığa xidmət edən beynəlxalq platformaların fəaliyyəti xüsusi aktuallıq kəsb edir.

2026-cı il oktyabrın 27-də Bakıda keçirilən VII Ümumdünya Mədəniyyətlərarası Dialoq Forumu məhz bu baxımdan mühüm əhəmiyyət daşıyır. “Ortaq gələcək naminə dialoq” mövzusuna həsr olunmuş forum müxtəlif ölkələri, beynəlxalq təşkilatları və fərqli mədəniyyətləri təmsil edən nümayəndələri bir araya gətirib. Azərbaycan Respublikasının Prezidenti İlham Əliyevin forumun açılış mərasimindəki çıxışı mədəniyyətlərarası münasibətlərin inkişafı, beynəlxalq əməkdaşlıq, sülhün təmin olunması və Azərbaycanın bu sahədə həyata keçirdiyi təşəbbüslər baxımından diqqət çəkib. Dövlət başçısı forum iştirakçılarını salamlayaraq tədbirə 100-dən çox ölkədən 2 mindən artıq iştirakçının qeydiyyatdan keçdiyini, onların arasında 500-dən çox xarici qonağın olduğunu bildirib. Bu göstəricilər son 15 il ərzində Ümumdünya Mədəniyyətlərarası Dialoq Forumunun beynəlxalq əhəmiyyətinin artdığını və müxtəlif qlobal məsələlərin müzakirəsi üçün geniş imkanlar yaradan platformaya çevrildiyini göstərir.
Azərbaycanın beynəlxalq münasibətlər sistemində fəal iştirakı, müxtəlif dövlətlər və beynəlxalq təşkilatlarla əməkdaşlığın genişləndirilməsi, sivilizasiyalararası anlaşmanın təşviqi ölkəmizin xarici siyasətinin diqqətəlayiq istiqamətlərindəndir. Bakı prosesi də məhz bu məqsədlərə xidmət edən mühüm beynəlxalq təşəbbüslərdən biridir.
2011-ci ildə Azərbaycanın təşəbbüsü ilə ilk dəfə keçirilən Ümumdünya Mədəniyyətlərarası Dialoq Forumu ötən illər ərzində inkişaf edərək müxtəlif mədəniyyətlərin, dinlərin və dünyagörüşlərinin nümayəndələrini bir araya gətirən beynəlxalq müzakirə məkanına çevrilib. Prezident İlham Əliyevin çıxışında bu platformanın formalaşmasında iştirak edən tərəfdaşların, xüsusilə Birləşmiş Millətlər Təşkilatının Sivilizasiyalar Alyansının fəaliyyətinə verilən önəm Azərbaycanın beynəlxalq əməkdaşlığa yanaşmasını əks etdirir.
Forumun əhəmiyyəti yalnız müxtəlif mövqelərin səsləndirilməsi ilə məhdudlaşmır. Onun əsas məqsədlərindən biri qarşılıqlı anlaşmanın gücləndirilməsi, fərqli yanaşmalar arasında ortaq məqamların müəyyənləşdirilməsi və dialoqun konkret əməkdaşlıq istiqamətlərinə çevrilməsidir.
Bu gün dünya ictimaiyyəti bir sıra mürəkkəb problemlərlə üz-üzədir. Müharibələr, humanitar böhranlar, dini dözümsüzlük, ayrı-seçkilik və informasiya məkanında yayılan yanlış təsəvvürlər xalqlar arasında etimadın zəifləməsinə səbəb olur. Belə şəraitdə dialoq yalnız diplomatik ünsiyyət vasitəsi deyil, həm də qarşıdurmaların qarşısının alınması və davamlı sülhün təşviqi üçün vacib mexanizmdir.
Bakıda keçirilən forumun beynəlxalq gündəmdə diqqət mərkəzinə çıxması Azərbaycanın bu məsələlərin müzakirəsinə töhfə vermək niyyətini nümayiş etdirir. Eyni zamanda, 100-dən çox ölkədən nümayəndələrin iştirak etdiyi forumun Bakıda keçirilməsi mədəniyyətlərarası dialoqun qlobal əhəmiyyətini bir daha nümayiş etdirir. Tədbir müxtəlif dövlətlərin və beynəlxalq təşkilatların nümayəndələrinə aktual problemləri müzakirə etmək, fərqli mövqeləri dinləmək və əməkdaşlıq imkanlarını araşdırmaq üçün şərait yaradır.
Azərbaycanın bu sahədəki təşəbbüsləri ölkənin beynəlxalq humanitar əməkdaşlığa verdiyi önəmi göstərir. Bakı prosesi və Ümumdünya Mədəniyyətlərarası Dialoq Forumu fərqli mədəniyyətlər arasında əlaqələrin inkişafına xidmət edən platformalar kimi fəaliyyətini davam etdirir. “Ortaq gələcək naminə dialoq” mövzusu da məhz bu həqiqəti ifadə edir: gələcəyin daha təhlükəsiz və sabit olması üçün dövlətlər və xalqlar fikir ayrılıqlarını müzakirə etməyi, qarşılıqlı hörməti qorumağı və ümumi problemlərin həlli naminə əməkdaşlıq etməyi bacarmalıdırlar. Bakıda keçirilən VII Ümumdünya Mədəniyyətlərarası Dialoq Forumu bu məqsədlərin müzakirəsi üçün beynəlxalq platforma rolunu oynayır və Azərbaycanın qlobal dialoq təşəbbüslərində iştirakının davam etdiyini göstərir.

29/10/2026

Azərbaycan multikulturalizm və mədəniyyətlərarası dialoqun etibarlı ünvanı kimi

Gülnar Fazilqızı,
Gəncə şəhər İcra Hakimiyyətinin əməkdaşı

Azərbaycan tarixən müxtəlif mədəniyyətlərin qovuşduğu, fərqli dinlərin və etnik qrupların nümayəndələrinin birgə yaşadığı məkan kimi tanınıb. Şərqlə Qərb arasında mədəniyyət körpüsü rolunu oynayan ölkəmiz əsrlər boyu formalaşmış multikulturalizm ənənələrini qoruyaraq bu gün də mədəniyyətlərarası dialoqun inkişafına töhfə verir. Prezident İlham Əliyevin 2026-cı il oktyabrın 27-də Bakıda keçirilən “Ortaq gələcək naminə dialoq” mövzusunda VII Ümumdünya Mədəniyyətlərarası Dialoq Forumundakı çıxışı Azərbaycanın bu sahədəki mövqeyini və beynəlxalq nüfuzunu bir daha nümayiş etdirib.

Dövlət başçısı Forumun ötən 15 il ərzində qlobal problemlərin müzakirəsi və mədəniyyətlərarası münasibətlərin inkişafı üçün səmərəli platformaya çevrildiyini vurğulayıb. 100-dən artıq ölkədən 500-dən çox qonağın iştirak etdiyi tədbir Azərbaycanın beynəlxalq dialoq və əməkdaşlığın təşviqindəki rolunun göstəricisidir.

Prezident İlham Əliyev çıxışında multikulturalizm ənənələrinin, dini və etnik dözümlülüyün Azərbaycan xalqının əsrlər boyu qoruyub saxladığı dəyərlər olduğunu qeyd edib. Ölkəmizdə müxtəlif xalqların və dini icmaların nümayəndələrinin bərabər hüquqlara malik olması, qarşılıqlı hörmət və həmrəylik şəraitində yaşaması cəmiyyətimizin sabitliyinin əsasını təşkil edir. Azərbaycançılıq ideyası ətrafında formalaşan birlik xüsusilə Ermənistanın hərbi təcavüzünə qarşı mübarizədə və İkinci Qarabağ müharibəsində özünü aydın şəkildə göstərib.

Dövlət başçısı xalqımızın mürəkkəb tarixi şəraitdə belə dilini, ənənələrini və milli-mənəvi dəyərlərini qoruyub saxladığını, müstəqillik illərində isə bu dəyərləri daha da möhkəmləndirdiyini vurğulayıb. Bu, Azərbaycanın milli kimliyinə sadiqliyinin və müstəqil inkişaf yolunun mühüm göstəricisidir.

Forumun əsas müzakirə istiqamətlərindən biri də münaqişələrin həlli və beynəlxalq hüququn prinsiplərinə əməl olunması olub. Prezident İlham Əliyev bildirib ki, uzun illər davam edən danışıqlar nəticə vermədikdən sonra Azərbaycan BMT Nizamnaməsinin 51-ci maddəsində təsbit olunmuş özünümüdafiə hüququndan istifadə edərək ərazi bütövlüyünü bərpa edib. 2020-ci il Vətən müharibəsi və 2023-cü ildə keçirilən antiterror əməliyyatı nəticəsində ölkəmizin suverenliyi tam təmin olunub.

Azərbaycanın Qələbədən sonra Ermənistana sülh təklif etməsi dövlətimizin gələcəyə yönəlmiş siyasətinin mühüm göstəricisidir. Prezidentin “Müharibəyə başlamaq çox asandır, onu bitirmək isə çox çətindir” fikri davamlı sülhün təmin edilməsinin əhəmiyyətini ifadə edir. Dövlət başçısı, həmçinin beynəlxalq münasibətlərdə ikili standartların aradan qaldırılmasının və beynəlxalq təşkilatların qərarlarının icra mexanizmlərinin gücləndirilməsinin vacibliyini vurğulayıb.

Çıxışda Azərbaycanın müstəqil xarici siyasəti, iqtisadi inkişafı və beynəlxalq əməkdaşlıq imkanları da diqqətə çatdırılıb. Ölkəmizin enerji və nəqliyyat bağlantılarında artan rolu, müxtəlif dövlətlərlə strateji tərəfdaşlıq münasibətləri və beynəlxalq tədbirlərə ev sahibliyi etməsi onun beynəlxalq mövqeyinin möhkəmlənməsinə xidmət edir. 2027-ci ildə İslam Əməkdaşlıq Təşkilatının, 2028-ci ildə isə Avropa Siyasi Birliyinin Zirvə Görüşlərinin Bakıda keçirilməsi ölkəmizə göstərilən etimadın mühüm ifadəsidir.

Prezident İlham Əliyevin Forumdakı çıxışı bir daha göstərir ki, Azərbaycan milli-mənəvi dəyərlərinə sadiq qalmaqla yanaşı, beynəlxalq dialoqun, qarşılıqlı hörmətin və əməkdaşlığın inkişafına mühüm töhfələr verir. Mədəniyyətlər arasında körpülərin qurulmasını əsas götürən bu siyasət ölkəmizin beynəlxalq nüfuzunun möhkəmləndirilməsinə və daha sabit, təhlükəsiz dünyanın formalaşmasına xidmət edir.

29/10/2026

Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin Yeni Azərbaycan Partiyasının VIII Qurultayındakı çıxışından irəli gələn məsələlərlə bağlı YAP Gəncə şəhər təşkilatının ərazi partiya təşkilatlarında silsilə tədbirlər və görüşlər davam etdirilir.
YAP Gəncə şəhər təşkilatının 47 saylı (Uşaq Yaradıcılıq Mərkəzi) ərazi partiya təşkilatlarında keçirilən tədbir Azərbaycan Respublikasının müstəqilliyi, ərazi bütövlüyü və suverenliyi uğrunda şəhid olan Vətən övladlarının, eləcə də Ulu Öndər Heydər Əliyevin əziz xatirəsinin bir dəqiqəlik sükutla yad edilməsi ilə başlayıb.
YAP Gəncə şəhər təşkilatının sədr müavini Orxan Əhmədov bildirib ki, Yeni Azərbaycan Partiyasının VIII Qurultayının ölkənin ictimai-siyasi və geosiyasi həyatında əhəmiyyətini qeyd edib. Bildirib ki, Ümummilli Lider Heydər Əliyevin ideyaları və uzaqgörən siyasəti nəticəsində əsası qoyulan YAP bu gün ölkəmizin aparıcı siyasi qüvvəsi kimi dövlətimizin güclənməsinə mühüm töhfələr verməkdədir. O, Prezident İlham Əliyevin Qurultaydakı nitqinin dövlət siyasətinin prioritetlərini, milli maraqların qorunmasının və cəmiyyətin qarşısında dayanan vəzifələrin məsuliyyətlə yerinə yetirilməsinin əsas istiqamətlərini müəyyən etdiyini bildirib.
Görüşdə çıxış edən Uşaq Yaradıcılıq Mərkəzinin direktoru Sevinc Ələkbərova, Mərkəzin əməkdaşları Afət Abdullayeva, Afaq Qəribova Yeni Azərbaycan Partiyasının ideya və prinsiplərinin təbliği, dövlətçilik ənənələrinin qorunması və ölkəmizin inkişafına töhfə verilməsi istiqamətində fəaliyyətlərini bundan sonra da əzmlə davam etdirəcəklərini vurğulayıblar.
Sonda VIII Qurultayın qərarlarından irəli gələn vəzifələrin yerli səviyyədə həyata keçirilməsi, ərazi partiya təşkilatlarının fəaliyyətinin daha da gücləndirilməsi və qarşıda duran məsələlər ətrafında fikir mübadiləsi aparılıb.

29/10/2026

Ortaq gələcək naminə dialoq: Azərbaycanın beynəlxalq müstəvidə mövqeyi

Türkan Əhmədova
ADAU-nun İctimai fənlər kafedrasının baş müəllimi, Gəncə şəhər Kəpəz Bələdiyyəsinin üzvü

Oktyabrın 27-də Bakıda “Ortaq gələcək naminə dialoq” mövzusunda VII Ümumdünya Mədəniyyətlərarası Dialoq Forumunun açılış mərasimi keçirilib. Azərbaycan Respublikasının Prezidenti İlham Əliyev Forumun açılış mərasimində çıxış etmişdir.
Bu platforma Azərbaycanın multikulturalizm və tolerantlıq modelini dünyaya təqdim etməsi baxımından xüsusi əhəmiyyət daşıyır. Ümumiyyətlə, Azərbaycan tarixən Avropa ilə Asiya arasında mədəniyyət körpüsü olmuş, multikulturalizm və etnik, dini dözümlülük ənənələrini qoruyub saxlamışdır. Bu dəyərlər ölkənin sabit inkişafının təməlində dayanır.
Keçirilən Forumun əsas missiyası yalnız mədəniyyətlərarası dialoqu gücləndirmək deyil, həm də qlobal sülh, təhlükəsizlik və dayanıqlı inkişaf üçün ortaq dəyərlərin formalaşdırılmasına töhfə verməkdir. Prezidentin çıxışı da Azərbaycanın bu sahədə oynadığı rolu, ölkənin tolerantlıq və multikulturalizm dəyərlərinə verdiyi önəmi bir daha nümayiş etdirir.
İkinci Qarabağ müharibəsi zamanı bütün etnik və dini qrupların nümayəndələrinin birlik nümayiş etdirməsi cənab Prezident İlham Əliyev tərəfindən Forumda diqqətə çatdırılan mövzulardandır: “Ermənistanın hərbi təcavüzü və işğalı, həmçinin İkinci Qarabağ müharibəsi zamanı bütün etnik və dini qrupların nümayəndələri özünəməxsusluğumuzu qorumaq, ədaləti müdafiə etmək və ərazi bütövlüyümüzü bərpa etmək üçün Qələbəmizin rəmzi olan “Dəmir yumruq” kimi vuruşdular”.
Azərbaycanın son illərdə həyata keçirdiyi siyasət və beynəlxalq təşəbbüslər ölkəmizin qlobal miqyasda etibarlı tərəfdaş kimi mövqeyini möhkəmləndirmişdir. 2020-ci il 44 günlük Vətən müharibəsi və 2023-cü il antiterror əməliyyatı nəticəsində ərazi bütövlüyünün tam bərpası, ardınca sülh təşəbbüsünün irəli sürülməsi Azərbaycanın beynəlxalq hüquqa sadiqliyini nümayiş etdirmişdir.
Azərbaycanın sülh təşəbbüsü, ikili standartlara qarşı mübarizə və qlobal tərəfdaşlıqların genişləndirilməsi ölkəmizin beynəlxalq nüfuzunu artıran əsas amillərdir.
Prezident İlham Əliyevin çıxışında vurğuladığı kimi, Azərbaycan yaxın illərdə iki mühüm beynəlxalq tədbirə ev sahibliyi edəcək: “Gələn il İslam Əməkdaşlıq Təşkilatının Zirvə Görüşünə ev sahibliyi edəcəyik və biz demək olar ki, 60 ölkəni birləşdirən bu mötəbər beynəlxalq təsisata sədrlik edəcəyik. Bunu siyasətimizə, dinimizə, ənənələrimizə və dəyərlərimizə olan münasibətin, hörmətin əlaməti kimi qəbul edirik. 2028-ci ildə biz Avropa Siyasi Birliyinin Zirvə Görüşünə ev sahibliyi edəcəyik. Bu format artıq dörd ildir ki, mövcuddur və Zirvə görüşlərinin keçirilməsinə yalnız 2022-ci ildən başlanılıb. Beləliklə 2028-ci ildə Zirvə Görüşü Bakıda keçiriləcəkdir. Avropa Siyasi Birliyində 50-dən çox ölkə var”.
Azərbaycan artıq iki super güclə strateji tərəfdaşlıq münasibətləri qurmuşdur. 2025-ci ilin aprelində Çinlə Hərtərəfli Strateji Tərəfdaşlıq Bəyannaməsi, avqustunda isə ABŞ ilə Strateji Xartiya imzalanmışdır. Bununla Azərbaycan həm Çin, həm də ABŞ ilə strateji tərəfdaşlıq formatına malikdir. Prezident İlham Əliyev çıxışı zamanı bunu Azərbaycanın beynəlxalq nüfuzunun göstəricisi və mədəniyyətlərarası dialoqun aparıcı qüvvəsi kimi dəyərləndirmişdir.

Address

Yeni Gence
Gandzha
AZ2000

Opening Hours

Monday	09:00 - 21:00
Tuesday	09:00 - 21:00
Wednesday	09:00 - 21:00
Thursday	09:00 - 21:00
Friday	09:00 - 21:00
Saturday	09:00 - 20:00

Telephone

+994504095924

Website

https://yenigence.com/

Alerts

Be the first to know and let us send you an email when Yeni Gence posts news and promotions. Your email address will not be used for any other purpose, and you can unsubscribe at any time.