Lənkəran şəhər Heydər Əliyev Mərkəzi

29/07/2025

“Dənizin səsi” rəsm müsabiqəsində Lənkəranlı şagirdlər uğur qazandılar

Lənkəran şəhər Heydər Əliyev Mərkəzinin rəsm studiyasının şagirdləri, istedadlı yeniyetmə və gənclərin asudə vaxtlarının səmərəli təşkili, onların yaradıcılıq potensialının üzə çıxarılması məqsədilə “Binyamin Gallery” tərəfindən təşkil olunan “Dənizin səsi” adlı rəsm müsabiqəsində iştirak edərək uğur qazanıblar. Aysun Qasımova I yerə, Ayan Qafarzadə və Dəniz Nuriyeva II yerə, Fatma Panalizadə, Səma Axundova və Zəhra Dövlətova III yerə layiq görülüblər. Digər iştirakçılar Sertifikatla təltif olunub.

İstedadlı şagirdlərimizi təbrik edir, onlara gələcək yaradıcılıq fəaliyyətlərində uğurlar arzulayırıq!

22/07/2025

Milli mətbuatın yaranmasından 150 il ötür

12/07/2025

🎨 Onlayn Rəsm Dərslərinə Start Verilir! 🖌️

Rəssamlığa marağınız var, lakin kursa gəlməyə vaxt tapmırsınız? Elə isə biz sizin üçün buradayıq!

İndi evdən çıxmadan, rəsm sənətinin sirlərini öyrənmək fürsəti yaranıb!
Başlanğıcdan – peşəkarlığa doğru bir yol sizi gözləyir!

👨‍🎨 Yaş məhdudiyyəti yoxdur – uşaqlar və böyüklər üçün ayrıca dərslər!
🎓 mövsüm sonunda sertifikat təqdimatı!

📞 Əlaqə nömrəsi: 051 512 62 03

Fərqinizi fırçanızla göstərin!
Sizi gözləyirik! 🖼️✨

11/07/2025

10 may 2025-ci il tarixində Masallı rayonu Həsənli kənd tam orta məktəbin müəllim və şagirdləri Lənkəran şəhər Heydər Əliyev Mərkəzinə ekskursiya etdilər.

Ziyarətçilərə Mərkəzin ekspozisiya zalında yerləşən Ümummilli Lider Heydər Əliyevin şərəfli və mənalı ömür yolunu əks etdirən fotoşəkillər, sənədlər, eləcə də Prezident İlham Əliyevin Lənkəran səfərlərini əks etdirən fotoşəkillər haqqında məlumat verildi.

10/07/2025

9 iyul 2025-ci il tarixində
Şahzadə Kids yay məktəbinin müəllim və şagirdləri Lənkəran şəhər Heydər Əliyev Mərkəzinə ekskursiya etdilər.

Ziyarətçilərə Mərkəzin ekspozisiya zalında yerləşən Ümummilli Lider Heydər Əliyevin şərəfli və mənalı ömür yolunu əks etdirən fotoşəkillər, sənədlər, eləcə də Prezident İlham Əliyevin Lənkəran səfərlərini əks etdirən fotoşəkillər haqqında məlumat verildi.

03/07/2025

02/07/2025

Diqqət!

Q.Vəliyev adına Lənkəran şəhər Mədəniyyət Mərkəzi bədii-qiraət müsabiqəsi keçirməyi planlaşdırır.

Müsabiqə xalq şairi Bəxtiyar Vahabzadənin 100 illik yubileyi münasibətilə keçirilir və onun yaradıcılığına həsr edilmişdir.

Müsabiqədə 8 yaşdan 18 yaşa qədər olan yeniyetmə və gənclər iştirak edə bilərlər.

Mədəniyyət Mərkəzində qeydiyyat 01 iyul 2025-ci il tarixindən 30 iyul 2025-ci il tarixinədək davam edəcək.

Qaliblərə müxtəlif hədiyyələr və Fəxri Fərmanlar təqdim ediləcək.

Seçim mərhələsi : - 02 avqust 2025-ci il.

Final mərhələsi : - 15 avqust 2025-ci il.

Qaliblər: I yer – 1 nəfər
II yer – 2 nəfər
III – yer – 3 nəfər

WhatsApp 051 865 35 42

30/06/2025

🎨 YAY TƏTİLİNDƏ RƏNGARƏNG DÜNYAYA SƏYAHƏT!

🖌️ Uşaqlarınız yay tətilini həm əylənərək, həm də öyrənərək keçirsin!
🖼️ Rəsm çəkməyi öyrənmək, yaradıcılığını inkişaf etdirmək və yeni dostlar qazanmaq istəyən bütün uşaqlar üçün!

📅 Qeydiyyat davam edir!
📌 Ünvan: Lənkəran şəhər Heydər Əliyev Mərkəzi
📞 Əlaqə: 051 512 62 03

✨ Gəlin, uşaqlarınızın istedadını birlikdə kəşf edək!

26/06/2025

26 İyun - Azərbaycan Respublikasının Silahlı Qüvvələr Günü

21/06/2025

"Zülmətdəki nur" kitabının təqdimatı keçirildi

21 iyun 2025-ci il tarixində “Azərbaycan mədəniyyəti Heydər Əliyev işığında” layihəsi çərçivəsində Lənkəran şəhər Heydər Əliyev Mərkəzində fiziki imkanları məhdud gənc şairə Samirə Sahibin “Zülmətdəki nur” adlı kitabının təqdimat mərasimi keçirildi.

Tədbirdə tanınmış ədəbiyyat və incəsənət xadimləri, müəllimlər, məktəblilər, Samirə Sahibin ailə üzvləri və şəhər ictimaiyyətinin nümayəndələri iştirak ediblər.

Tədbiri giriş sözü ilə açan Mərkəzin direktoru Reyhana Sadıxova bildirdi ki, Samirə Sahibin fiziki məhdudiyyətlərinə baxmayaraq həyat hekayəsi və şeirləri gənc nəsil üçün bir örnəkdir.

Daha sonra çıxış edən Azərbaycan Yazıçılar Birliyinin Lənkəran bölməsinin sədri Qafar Cəfərli, Lənkəran Dövlət Universitetinin professoru, filologiya elmləri doktoru Yədulla Ağazadə, Viravul kənd sakini Ağadadaş Əliyev, Azərbaycan Respublikası Gözdən Əlillər Kitabxanasının əməkdaşı Zəkəriyyə Qurbanov və kitabın redaktoru, şairə Aytəkin Əziz Samirə Sahibin ədəbi yaradıcılığının cəmiyyət üçün əhəmiyyətindən danışdılar. Onun poetik dili, yaradıcılıq üslubu və şeirlərindəki dərin fəlsəfi məqamlar barədə ətraflı fikirlərini bölüşdülər.

Təqdimat zamanı Samirə Sahibə həsr olunmuş videoçarx nümayiş olundu, məktəblilər onun şeirlərini səsləndirdilər, tanınmış müğənnilər isə mahnılar ifa etdilər.

Sonda Samirə Sahib tədbirin təşkilatçılarına və iştirakçılara minnətdarlığını bildirdi.

Tədbir xatirə şəkillərinin çəkilməsi ilə yekunlaşdı.

15/06/2025

Ulu Öndərin xatirəsi ehtiramla yad edildi

15 iyun 2025-ci il tarixində Lənkəran şəhər Heydər Əliyev Mərkəzinin əməkdaşları Milli Qurtuluş Günü münasibətilə Lənkəran şəhərində yerləşən Heydər Əliyev Xatirə Parkında Ulu Öndər Heydər Əliyevin abidəsini ziyarət edərək, önünə gül dəstələri düzdülər və dahi şəxsiyyətin əziz xatirəsini dərin ehtiramla yad etdilər.

15/06/2025

15 İyun - Milli Qurtuluş Günüdür