Mashal Online Services مشال آنلاین خدمات

Mashal Online Services مشال آنلاین خدمات Kontaktinformationen, Karte und Wegbeschreibungen, Kontaktformulare, Öffnungszeiten, Dienstleistungen, Bewertungen, Fotos, Videos und Ankündigungen von Mashal Online Services مشال آنلاین خدمات, Berlin.

Dream big, study abroad 🌍
We share scholarships, visa updates & online services to help you succeed.

د سکالرشیپونو، ویزو معلوماتو او آنلاین خدماتو لپاره ستاسو باور ځای

خبرتیا !! هغه کسان چې د ترکیي هیواد شخصی پوهنتونونو کې لیسانس ،ماستري او دوکتورا لپاره ثبت کړی وه او ثبت نام پروسه یې...
07/06/2026

خبرتیا !!
هغه کسان چې د ترکیي هیواد شخصی پوهنتونونو کې لیسانس ،ماستري او دوکتورا لپاره ثبت کړی وه او ثبت نام پروسه یې خلاصه شوې ده، هغوئ دي خپل ایملو نه چیک کړي. پوهنتون څخه به ورته افر لیترز راغلی وي، دوئ کولای شي چې پوهنتون ډیفوزیټ او ویزه لپاره افلای پروسه مخته یوسي، تر څو په خپل وخت درسونو ته ځانونه ورسوي.
ستاسو د بریالیتوب په هیله😊
نوټ: که څوک غواړي ثبت نام وکړي موږ درسره مرسته کولای شوو پوهنتونونو ثبت نام پروسه جریان لري، البته د خزاني سمستر لپاره.

د لپاره د پوهنتونونو او پروګرام لسټ مې په انګلیسي بڼه درسره شریک کړ، تاسو کولای شۍ چی له ګوګل ډرایو او تلګرام چینل څخه...
07/06/2026

د لپاره د پوهنتونونو او پروګرام لسټ مې په انګلیسي بڼه درسره شریک کړ، تاسو کولای شۍ چی له ګوګل ډرایو او تلګرام چینل څخه یی ډونلوډ کړۍ. او د نوم لېکنی په وخت کې استفاده ترینه وکړﺉ.
دقیق او معیاري نوم لېکنه ستاسو په انتخاب کیدو باندی بشپړ تاثیر لري.
ډیر کوچنۍ نقطه ستاسو اپلیکیشن تر سوال لاندي راولی او ستاسو د ریجکشن سبب کیږي.

د فایل د ډونلوډ کولو لینک په کمنټ کي موندلاي شۍ.

دا ښکلی هیواد به پیژنئ، برازیل دی، لکه څنګه چې پنځ ښکلی دی، همداسې ښکلي پوهنتونونه هم لري، اوس یې ستاسې د موندلو په لټه ...
07/06/2026

دا ښکلی هیواد به پیژنئ، برازیل دی، لکه څنګه چې پنځ ښکلی دی، همداسې ښکلي پوهنتونونه هم لري، اوس یې ستاسې د موندلو په لټه کې پرېمانه بشپړ مالي ملاتړ شوي بورسونه د ماسټري او دوکتورا لپاره اعلان کړی دي، هغه هم په ډیرو ساده مخټکوو.

د GCUB بنسټ له لورې دا سکالرشیپونه د افغانستان په ګډون د نړۍ ګڼو هیوادونو د ځوانانو لپاره په بېلابېلو څانګو کې د جولای میاشتې تر شپږمې نېټې پورې د نوملیکنې په موخه پرانیستې دي.

یوه غټه ځانګړتیا یې دا ده، چې د انګلیسي ژبې ټافل/آیلتس او یا هم کوم بل ډول لاسوند غوښتنه درڅخه نه کوي، که یې ولرئ په ګټه مو دی.
دوهمه ستره ځانګړتیا یې دا ده چې که واده کړي او ماشومان لري، د کورنۍ لپاره هم ویزه درکوي، ددې ترڅنک جیب خرڅ، د پوهنتون ګډونونډه (فیس) او ګڼ نور لګښتونه مو ټول دوئ په غاړه اخلي.

یوه ښایسته ځانپېژنده (سي وي) جوړه کړئ، د څیړنې پروپوزل، انګېزه لیک او ځینې نور د زده کړو اړوند لاسوندونه ورته راټول کړئ او نوملیکنه وکړئ، که خدای کول په ۲۰۲۷ کال کې به په امریکا کې ګرځئ.

زه یې د نوملیکنې او لا ډیرو مالوماتو تړونی په څرګندونو کې ږدم، خامخا سر ورښکاره کړئ.

بریاوې🙏❤️

یوټیوب د AI ویډیوګانو لپاره نوی فیچر یعني سیستم فعال کړیوټیوب اوس داسې سیستم فعال کړی چې د مصنوعي هوښیارۍ (AI) له لارې ...
07/06/2026

یوټیوب د AI ویډیوګانو لپاره نوی فیچر یعني سیستم فعال کړ
یوټیوب اوس داسې سیستم فعال کړی چې د مصنوعي هوښیارۍ (AI) له لارې جوړې شوې ویډیوګانې په اتومات ډول پېژني او ورته AI برچسب (Label) لګوي.

دا کار د دې لپاره کېږي چې خلک وپوهېږي کومه ویډیو واقعي ده او کومه د AI لخوا جوړه شوې ده.
دغه نوی سیستم به له راتلونکي موسم (پاییز / Autumn) څخه عملي شي، په ځانګړي ډول پر هغو ویډیوګانو چې د خلکو د تېرو ایستلو یا فریب امکان لري.

کاروونکي به هم مکلف وي چې په خپلو ویډیوګانو کې د AI کارول ښکاره کړي، او که څوک فکر وکړي چې تېروتنه شوې، کولی شي په YouTube Studio (یوټیوب سټوډیو) کې یې اصلاح کړي.
هدف یې دا دی چې په انټرنېټ کې روڼتیا (Transparency / شفافیت) زیات شي او د جعلي ویډیوګانو مخه ونیول شي.

01/06/2026

#برازیل هیواد GCUB سکالرشیپ
#تافل او ایتلس ته اړتیا نشته!
#ماستری او دوکتورا
د برازیلي پوهنتونونو د نړیوالې همکارۍ GCUB ـ لخوا نړیوال سکالرشیپ اعلان شوی دی چی خوشبختانه له افغانستان څخه ورته محصلین ثبت نام کولی شي. دا سکالرشیپ د ماستری او دوکتوار په کچه دی چی موخه یی د پنځو وچو له لوړ استعداد لرونکو محصلینو سره مرسته وکړي، د پوهنتونونو نړیوالې اړیکې پیاوړې کړي، او د برازیلي پوهنتونونو او نورو هېوادونو د همکارو ادارو ترمنځ نړیواله همکاري ټینګه کړي.
د زده کړو کچه: ماستری، دوکتورا
نوم ليکنه: انلاين
د نوم ليکنې پای: د روان ۲۰۲۶ کال د جولای مياشتې ۶ مه نېټه
د درسونو پیل : راتلونکی ۲۰۲۷ کال
د اسنادونو ارزیابی (لمړی مرحله ) : د روان ۲۰۲۶ کال د جولای ۱۳- ۳۱
د داخلی ورکول (دوهم مرحله ) : د روان ۲۰۲۶ کال د اګست ۱۰ - سپتمبر ۸
اخیری طبقه بندی ( دریمه مرحله ): د روان ۲۰۲۶ کال د سپتمبر میاشتی ۱۳- ۱۶
اخیری پایلی : د روان ۲۰۲۶ کال د نویمبر میاشتی ۹ مه نیټه
د سکالرشیپ تعداد: ماستری : ۵۳۹ دوکتورا : ۳۵۰

شرایط:
•محصیل باید له داسی هیواد څخه وی چی دیپلوماتیکی روابط ورسره برازیل ولری ( خوشبختانه په لیست کی افغانستان هم شته )
•باید برازیل تابیعت ونه لری.

د اړتیا وړ اسناد
•عکس
•پاسپورټ
•شهادت نامه
•ديپلوم او ټرانسکریپټ
•د ایروپاس فارمیټ سی وی CV
•یو ریکمندیشن لیتر ( ضرور ندی که وی بهتره ده)
معلومات درته د افغان سکالرشیپ ټیم لخوا اماده شوی.
یادونه : ددی سکالرشیپ ګټلو لپاره لاندی دوه مهم سندونه دی چی باید په دقیق ډول یی ترتیب کړئ .
１. نیت لیک چی اندازه یی باید تر۱۰۰۰ زر لغاتونو اوسی ( چی د افغان سکالرشیپ تیم یی درته برابروی ) . پدی لیک کی تاسی باید خپله علاقه وښایی او لاندی نقطی باید په نظر کی ونیسی لکه : لنډ معرفت ، علاقه ، په لنډ ډول کاری تجربی بیانول ، خپل ریسیرچ په اړه لنډ نظر، خپلی لاسته راوړني ، په برازیل کی د یو څو کنفرانسونو پلټنه کول او د هغی ذکر کول او بیرته راتګ هیواد ته او په خپل مسلک کی هیواد ته خدمت کول.
２. ریسیرچ پروپوزل : تاسی باید دوی ته یو ریسیرچ وړاندی کړی چی اندازه یی باید تر ۴۰۰۰ څلور زرو لغاتونو کم نه وی او لاندی برخی باید ولری .
1. Central theme and Research problem,
2. Delimitation and Justification,
3. Objectives,
4. literature review,
5.Methodological process,
6. Timeline,
7. Bibliographical References

نوټ : هر کله چی رسیرچ لیکی باید په همدغه ډول ترتیب شی یعنی څه چی موږ لمړی په لیست کی راوستی باید همدغه ډول مخکی لاړ شی.

•کاری تجربی سند ( البته که چیری محصل د یو پوهنتون استاد وی باید له پوهنتون څخه یی ترلاسه کړي )
•تافل یا ایټلس او انګلیش پروفیشنی لیتر ته اړتیا نشته ( که چیری وی نو بهتره ده او که نه وی کومه ستونزه نشته .

امتيازات:
• د زده کړو مکمل فیس
• یو اندازه جیب خرڅ
• پوهنتون له امکاناتو وړیا استفاده
• د مېرمنې او اولادونو لپاره د ویزې امکان

تحصيلي څانګې لري:
•ټولی څانګي لری

د نوم ليکنې او نورو معلوماتو لپاره لاندې لېنک کلېک کړئ:

برازیل بشپړ وړیا دولتي سکالرشیپونهد برازیل د پوهنتونونو نړیوالې همکارۍ ګروپ (GCUB) غواړي چې د پنځمي دورې لپاره د نړیوالو...
30/05/2026

برازیل بشپړ وړیا دولتي سکالرشیپونه
د برازیل د پوهنتونونو نړیوالې همکارۍ ګروپ (GCUB) غواړي چې د پنځمي دورې لپاره د نړیوالو زده کوونکو پرمخ د بشپړ وړیا سکالرشیپ د ورکړي په موخه د غوښتنلیکونو ویب پاڼه خلاصه کړي.
د GCUB نړیوال فعالیت پروګرام (GCUB-Mob) چی د GCUB ، اروپایی اتحاديی او نړیوالو ادارو لکه
IGR-MRE, OAS, CONFAP, UDUALC, AUF
په ملاتړ له 880 څخه زیات سيټ سکالرشیپ د 27-2026 کال لپاره اعلان کړي.
ددي پروګرام موخه د پنځو براعظمونو څخه د لوړو لاسته راوړونکو زده کوونکو جذب، تعلیمی سطحي لوړیدا، روزني او د پرمختګ سره مرسته کول دي. او همدارنګه د برازیل دولتي او شخصي پوهنتونونو د تعلیمي سطحي لوړیدا، پرمختګ، پیژندګلوۍ، او د نړیوالو پوهنتونونو په غوره درجه بندي لسټ کي د پوهنتونونو نړیوال کول دي.
چي سږکال يو ځل بیا د همدی سکالرشیپونو لپاره د نوم لیکنې پروسه شروع شویده.
دا سکالرشیپونه د ماسټري او دوکتورا په برخو کي خاص شوی دي. چي د برازیل هیواد 62 غوره درجه لرونکي پوهنتونونه پکی ګډون لري.

د نوم لیکنی نيټه یی د May میاشتي په 25 شروع شویده چي د روان کال د July میاشتي تر 07 نیټي دوام لري.
د جولاي میاشتي له 13 بیا تر 31 پوري به ستاسو اسنادونه د لومړۍ ځل لپاره وکتل شي.
د اګسټ له 10 بیا د سیپتمبر تر 08 پوري به ستاسو اسنادونه د شرایطو د منل کیدو لپاره وکتل شي چی دا به ستاسو د غوښتنلیک دوهم پړاو وي.
دریمه مرحله یی بیا فینل درجه بندی ده چی د سیپتمبر له 13 څخه بیا تر 16 پوری به وخت ونیسي.
او دهمدی میاشتي له 26 بیا تر 30 پوری به د انتخاب شوي کاندیدان د برایزل هیواد د تحصلاتو عالي لخوا تایید شي. او د نومبر په 09 نيټه به ستاسو نتایج اعلان شي کوم کاندیدان چی د همدی سکالرشیپ لپاره انتخاب شوی وي.

دا سکالرشیپ که څه هم رقابتي ډیر دي، د نړۍ د هغو هیوادونو زده کوونکي چی د برازیل هیواد سره د ښو اړیکو په لرلو لسټ کي شامل دي، دغه سکالرشیپ ته غوښتنلیک لیږي. ځکه د بشپړ امتیازاتو لرونکي دي، او د برازیل په غوره درجه لرونکو پوهنتونونو کي منل کیږي.

د سکالرشيپ ګټوونکي لپاره یی لاندي امتیازات ټاکلي دي.
1. دپوهنتون بشپړ فیس درکوي.
2. میاشتني جیب خرچ درکوي.
3. د اوسیدو ځاي درکوي.
4. درۍ وخته ډوډۍ.
5. د پوهنتون له صنفونه، مطالعی اطاقونو، کتابخاني، لابراتوار او نورو خداماتو څخه استفاده کول.
6. د طیاري ټکټ، ویزي مصارف، صحي بیمه، او برازیل هیواد ته د رسیدو مصارف د کاندید په غاړه دي.

هغه عمومې شرایط چي تاسو یی باید ولرۍ.
1. تاسو باید غوښتنلیک په انګلیسی، فرتګالي، سپانوي یاهم فرانسوي ژبو ورته ولیږۍ.
2. کاندید باید د هغو هیوادونو له جملي څخه وي چي له برازیل هیواد سره ډیپلوماتیکی اړیکې ولري. چي افغانستان په نوموړي لسټ کي شته.
3. کاندید باید د برازیل هیواد تابعیت ونلري.
4. کاندید باید د ښه صحت خاوند او په فزیکی ډول جوړ وي.

کچیرته تاسو غواړۍ چي اپلای ورته وکړۍ، تاسو باید لاندي اسنادونه له ځان سره ولرۍ، یاهم د نوم لیکنی د پای ته رسیدو څخه مخکي یی باید ورته اماده کړۍ او غوښتنلیک ورته ولیږۍ.
1. پاسپورټ
2. تحصیلي اسنادونه (د پوهنتون د دورې ډیپلوم او ټرانسکریپټ)
3. سی وي( CV) هغه هم په EuroPass پرمټ کي
4. د تدریس ثبوت لیک ( یواځي د پوهنتون استادانو لپاره که غواړي دغه سکالرشیپ ته اپلاي وکړي)
5. انګیزه لیک چی په هغه کي ستا اکاډمیک علاقه او توقعات ذکر شوی او مسلکي لیدلوري چی ته بیرته غواړي خپل هیواد ته ولاړ سي. چی ددی انګیزه لیک (Motivation Letter) کي د لغاتونو لوړ تعداد باید تر 1,000 پوري وي.
6. ریسرچ پروپوزل (چي لوړ تعداد یي تر 4000 لغاتونو پوري ولري)

او لاندي برخې باید پکی ذکر شوي وي.
• د څېړنې موضوع او ستونزه
• محدودیت او توجیه
• د څېړنې موخې
• مخیکنیو څېړنو ته کتنه او اړتیاوې په ګوته کول
• د څېړنې کولو ډول
• د څېړني وخت چي ته یی په څومره وخت کي بشپړولی شي
• ماخذونه (ریفرینسونه)
° د پوهنتون استاد لپاره د پوهنتون رسمي سند لیک
شریکول چی وښايی تاسو په یو رسمي یا خصوصي علمي ځای کي د استاد په حیث دنده اجرا کوۍ.

په یاد ولرۍ! چې
د پوهنتون او زده کړو پروګرام د انتخاب په برخه کي تاسو د څلورو مختلیف پوهنتونونو او پروګرامونو د انتخاب حق لرۍ، ترڅو د یو لپاره تاسو په شرایط برابر وګڼل شۍ او سکالرشیپ ته انتخاب شۍ.

که د اړوند 62 پوهنتونونو او پروګرامونو لسټ په لټه کي یاست، ما درته په خپل تلګرام چینل کي ایښي، کولای شۍ له هغه ځای څخه یی ترلاسه کړۍ. تلګرام چینل لینک می درته په کمنټ کي ایښي ترڅو په اسانه ورته لاس رسي ولرۍ.

بل دا چي د سکالرشيپ نتیجه به د روان کال په نومبر میاشتي په 09 نیټه اعلانیږی، چی انتخاب شوې کاندیدان به د GCUB کمیټې او انتخاب شوي پوهنتون لخوا په آنلاین ډول انټروي کیږي. ترڅو کاندید د دوۍ د پروسیجري اصولو له مخ د سکالرشیپ لپاره وړ وګڼل شي او انتخاب شي.

هیڅکله هیلې له لاسه مه ورکوۍ، او په ذهن کي مو منفی افکارو ته ځاي مه ورکوۍ، په تیرو کلونو کي ډیر افغان زده کوونکو د GCUB سکالرشیپ ترلاسه کړي
چی فعلآ په برازبل هیواد کی په زده کړو بوخت دي.

زه کوشش کوم چي ستاسو لپاره د تیرکال د انټروي شوو کاندیدانو د انتروي سوالونه تاسو ته راپیداکړم، ترڅو له تاسو سره هم په دی برخه کي همکاري وکړي.

د نوم لیکنی پروسه یی انلاین ده چی د GCUB رسمی ویب سایټ له لارې یی کولای شې.
تاسو باید یواځی یو ځل ورته غوښتنلیک ولیږۍ، د څوځلی اپلیکیشن لیږلو څخه ډډه وکړۍ ترڅو تاسو د ریجکشن سبب ونه ګرځي.

د نوم لیکنی تړون لینک ما درته لومړي کمنټ کي ایښي تاسو کولای شې مستقیمآ د غوښتنلیک صفحي ته ورسۍ.
او د اپلای کولو لارښوود ویډیو به یی هم زه له خپل یوټیوب چینل څخه درسره شریکه کړم.
ترڅو تاسو دقیقه او معیاري نوم لیکنه وکړۍ.

#برازیل

په ۲۰۲۵ کال کې په جرمني کې په بې ساري او ریکارډ کچه خلکو د دغه هېواد تابعیت او پاسپورټ ترلاسه کړی دی. په ۲۰۲۵ کال کې د ج...
27/05/2026

په ۲۰۲۵ کال کې په جرمني کې په بې ساري او ریکارډ کچه خلکو د دغه هېواد تابعیت او پاسپورټ ترلاسه کړی دی.

په ۲۰۲۵ کال کې د جرمني په لویو ښارونو، په ځانګړې توګه برلین او هامبورګ کې، د تابعیت اخیستونکو شمېر تاریخي کچې ته رسېدلی. د بېلګې په توګه، په برلین کې د تېر کال په پرتله نږدې دوه چنده ډېرو خلکو شاوخوا ۳۹,۰۰۰ کسانو د جرمني پاسپورټ ترلاسه کړی دی.
​د قانون بدلون او د د دغه بې ساري زیاتوالي اصلي لامل هغه قانوني اصلاحات وو چې په ۲۰۲۴ کال کې پلي شوي وو. د دغه قانون له مخې د تابعیت لپاره د اوسېدو لازمي موده له ۸ کلونو څخه ۵ کلونو ته کمه شوې وه او دوه ګونی تابعیت هم اجازه لیدلې وه.
په ۲۰۲۴ کال کې یو داسې قانون هم راغلی و چې له مخې یې په استثنايي توګه د ښه ادغام شویو کسانو لپاره یوازې له ۳ کلونو وروسته د چټک تابعیت چانس شتون درلود. خو د جرمني نوي حکومت د ۲۰۲۵ کال په اکتوبر کې دا چټک پړاو بېرته لغوه کړ، چې له امله یې په ۲۰۲۵ کال کې د قانون له بدلېدو وړاندې د غوښتنلیکونو یو لوی بهیر رامنځته شو.
په نویو جرمنیو وګړو کې تر ټولو لویه برخه د سوريې د اتباعو ده، چې د ۲۰۱۵ او ۲۰۱۶ کلونو د کډوالۍ د څپې پر مهال جرمني ته راغلي وو او اوس یې د تابعیت شرایط پوره کړي دي. د دوی ترڅنګ د ترکیې، عراق، روسیې او افغانستان وګړي هم په دې لېست کې په لوړ ځای کې راځي.

امریکا ټولو هغو بهرنیانو ته چې پدې هیواد کې په موقتي ډول ژوند کوي او د «گرین کارت» ترلاسه کولو په انتظار دي، د وتلو امر ...
25/05/2026

امریکا ټولو هغو بهرنیانو ته چې پدې هیواد کې په موقتي ډول ژوند کوي او د «گرین کارت» ترلاسه کولو په انتظار دي، د وتلو امر کړی.
د ټرمپ ادارې ویلي د «گرین کارت» متقاضیان باید خپلو هیوادونو ته ستانه شي او له هغه ځایه د دې کارت د ترلاسه کولو لپاره اقدام وکړي

🚨 ریسرچ پروپوزل (څېړنیزه طرحه) خو جوړول دي…خو دا "ریسرچ ګېپ" (څېړنیزه خلا) په اساسي توګه څنګه پیدا کړو؟ 🔍🤔​په تېره پوسټ ...
25/05/2026

🚨 ریسرچ پروپوزل (څېړنیزه طرحه) خو جوړول دي…
خو دا "ریسرچ ګېپ" (څېړنیزه خلا) په اساسي توګه څنګه پیدا کړو؟ 🔍🤔
​په تېره پوسټ کې ما ویلي وو چې د ریسرچ پروپوزل تر ټولو مهمه برخه "ریسرچ ګېپ" وي. او حقیقت هم همدا دی: که تاسو یوه پیاوړې څېړنیزه خلا پیدا کړه، نو پروفیسر سمدستي پوهېږي چې تاسو په رښتیا هم د څېړنې ذهنیت لرئ. 🎯
​خو دلته زیاتره زده کونکي له ماتیلو (کنفیوز) سره مخ کېږي:
"سره، موږ ته به څنګه پته ولګي چې په نړۍ کې تر اوسه څه کار نه دی شوی؟"
"دا ریسرچ ګېپ څنګه راوباسو؟"
​نن زه تاسو ته هغه عملي لاره ښیم چې ما پخپله کارولې وه. 👇
​━━━━━━━━━━━━━━━
❌ تر ټولو لومړی یو غلط فهمي له منځه یوسئ
━━━━━━━━━━━━━━━
ریسرچ ګېپ داسې کوم ځای کې جوړ شوی نه موندل کېږي.
نه په ګوګل کې، نه په چیټ جي پي ټي کې، او نه په کوم فارمیټ (ټیمپلیټ) کې.
اصلي ریسرچ ګېپ باید تاسو پخپله د علمي مقالو (پبلیکیشنز) په لوستلو سره راوباسئ. او ښه خبره دا ده چې دا طریقه هغومره سخته هم نه ده څومره چې خلک فکر کوي.
​━━━━━━━━━━━━━━━
1️⃣ د پروفیسر د وروستیو مقالو څخه پیل وکړئ
━━━━━━━━━━━━━━━
تر ټولو لومړی د هغه پروفیسر وروستۍ څېړنیزې مقالې (Research Papers) ډاونلوډ کړئ چې تاسو ورته بریښنالیک (ایمیل) کړی و.
📌 یوازې د تېرو یو یا دوو کلونو مقالې وګورئ. پر زړو مقالو وخت مه ضایع کوئ ځکه چې د څېړنې بهیر (ټرینډز) ډېر په چټکۍ سره بدلېږي.
​━━━━━━━━━━━━━━━
2️⃣ نېغ په نېغ "فیوچر ورک" (راتلونکي کار) برخې ته لاړ شئ ⭐
━━━━━━━━━━━━━━━
دلته یوه مهمه خبره درک کړئ: تاسو ته اړتیا نشته چې ټوله مقاله کرښه په کرښه ولولئ. نېغ په نېغ وروستۍ برخې ته لاړ شئ چېرته چې لیکل شوي وي:
✔️ پایله (Conclusion)
✔️ محدودیتونه (Limitations)
✔️ راتلونکی کار (Future Work)
​دا په اصل کې هغه ځای دی چېرته چې پخپله څېړونکی دا ښيي:
📌 په دې څېړنه کې څه ترلاسه شول؟
📌 کومې نیمګړتیاوې لا تر اوسه پاتې دي؟
📌 او په راتلونکي کې باید په څه شي کار وشي؟
یعنې… پروفیسر پخپله تاسو ته ریسرچ ګېپ درښيي. 😉
​━━━━━━━━━━━━━━━
3️⃣ اوس خپل څېړنیز سوال چمتو کړئ
━━━━━━━━━━━━━━━
همدا هغه پړاو دی چې ستاسو پروپوزل پیاوړی کوي. اوس تاسو باید پروفیسر ته دا وښیئ:
"پروفیسر صاحب، ستاسو په وروستۍ مقاله کې چې د کوم محدودیت یا راتلونکي کار ذکر شوی و… زه غواړم د خپلې ماسټرۍ یا ډاکټرۍ په څېړنه کې پر همدغه ستونزه کار وکړم."
​دا تګلاره پر پروفیسر خورا پیاوړی اغېز شیندي ځکه چې:
✅ تاسو د هغه مقاله لوستې.
✅ تاسو څېړنه درک کړې ده.
✅ او تاسو غواړئ د هغه نامکمل کار مخې ته یوسئ.
​━━━━━━━━━━━━━━━
💡 یو مهم حقیقت
━━━━━━━━━━━━━━━
کله چې پروفیسر دا ګوري چې یو زده کونکي مقالې لوستې دي، ریسرچ ګېپ یې پېژندلی او پر همدې اساس یې پروپوزل جوړ کړی، نو هغه سمدستي پوهېږي چې دا زده کونکی واقعاً جدي دی. او همدا چاره تاسو له نورو سلګونو غوښتونکو (اپلائی کوونکو) څخه جلا کوي.
​━━━━━━━━━━━━━━━
⚠️ زما شخصي مشوره
━━━━━━━━━━━━━━━
د څېړنیزو مقالو د لوستلو پر مهال یوازې پر سختو اصطلاحاتو تمرکز مه کوئ. لومړی دا درک کړئ:
✔️ څېړونکي کومه ستونزه حل کړې ده؟
✔️ کوم شی لا پاتې دی؟
✔️ په راتلونکي کې څه ښه کېدای شي؟
د څېړنې اصلي نظریې له همدې ځایه پیدا کېږي.
​━━━━━━━━━━━━━━━
👇 اوس ماته په کمنټ کې ووایاست:
━━━━━━━━━━━━━━━
آیا تاسو کله د خپل پروفیسر وروستۍ مقالې ډاونلوډ کړې دي او د هغوی "فیوچر ورک" برخه مو لوستې ده؟ 📄
او که چېرې څوک د ریسرچ مقالو په پوهېدو کې ستونزه لري… نو کمنټ وکړئ — زه به په راتلونکي پوسټ کې "د ریسرچ مقالې لوستلو طریقه" باندې تفصیلي لارښود وړاندې کړم. 👇

کچیرته تاسو د اوپن ډورز سکالرشیپ د اپلیکیشن په اړه معلومات نلرۍ، ما یی درته دلته د بشپړه پروسي په اړه معلومات راټول کړي ...
25/05/2026

کچیرته تاسو د اوپن ډورز سکالرشیپ د اپلیکیشن په اړه معلومات نلرۍ، ما یی درته دلته د بشپړه پروسي په اړه معلومات راټول کړي دي..!!!
"کچیرته ستاسو اپلیکیشن (غوښتنلیک) د روسیه تحصیلاتو عالی وزارت ته رسیدلی وي"
کله چې ستاسو اپلیکیشن (غوښتنلیک) د لومړني انتخاب شوي پوهنتون لخوا چیک او بغیر د اسنادونو له کمبود او اشتباه څخه فینل او تایید شو، نو مربوطه پوهنتون ستاسو اپلیکیشن د روسیه هیواد تحصیلاتو عالی وزارت ته لیږي، او په مقابل کي یی تاسو ته د خپل افلیکیشن د څارلو لپاره Tracking ID درکوي، ترڅو تاسو د خپل اپلیکیشن Status د تحصیلاتو په مربوطه ویب سایټ کي چیک کړۍ. د افغان زده کوونکو لپاره د Tracking ID په AF- شروع کیږی.
تحصیلات ستاسو د اپلیکیشن د چیک (review) کولو او تاییدی لپاره شپږ مرحلې یا پړاونه لري، چي زه یی د هری مرحلي په اړه بشپړ معلومات درکوم ترڅو تاسو دخپل افلیکیشن لپاره مربوطه مرحله تعقیب کړﺉ، کومه مرحله د چا پوري اړه لري ( یعنی وزارت که مربوطه پوهنتون). کچیرته ستاسو په اسنادونو کې املایی غلطي وي، یامو له یو څخه زیات اکونټونه جوړ کړي وي، نو وزارت بغیر له دی چی تاسو ته ایمیل وکړي ستاسو اپلیکیشن ریجکټ کوي، نو دا مرحله ستاسو په تجربه او دقیقي نوم لیکني او د اپلیکیشن فورم په ډکولو پوري مستقیمآ اړه لري.
اوس به زه درته د تحصیلاتو عالي وزارت ددي شپږ مرحلو په اړه معلومات درکړم، چې تاسو غوښتنلیک څومره وخت په بر کې نیسی، تاسو باید کوم کارونه وکړۍ، او کوم کار باید ونکړﺉ، او په هره مرحله کي ستاسو د غوښتنلیک شتون څه معنا لري. ددی ټولو پړاونو په اړه معلومات درکوم ترڅو تاسو خپل اپلیکیشن وڅارﺉ، ورسره ایمیل مو وڅارۍ، او هغه تشویشونونه چی تاسو سره دي د هغه په اړه هم پوهاوي ترلاسه کړۍ.

لومړۍ مرحله
1.Entering the questionnaire
دغه مرحله کې ستاسو د غوښتنلیک شتون دامعنا لري چی ستاسو غوښتنلیک (اپلیکیشن) وزارت تحصیلاتو ته رسیدلی او د دوې په مربوطه ډېټابېس کي ثبت شوي. کچیرته کوم اسناد مو کم وي، او دوې ورته ضرورت ولري نو د وزارت لخوا ستاسو څخه دوهم پړوا ته له داخلیدو مخکي د ایمیل له لاري غوښتنه کیږي، ترڅو تاسو یی پر وخت ورته بیرته ولیږۍ او د دوې قنعت حاصل کړﺉ.
یعنی
• اسنادونه مو افلوډ شویدي.
•ستاسو اپلیکیشن ایجاد شویده.
چی دا پړاو له یوي اونۍ څخه بیا تر څلورو یا پنځه اونۍ پوری وخت نیسی.
د 2026 کال لپاره تراوسه د اسنادونو د لومړۍ مرحلی پروسه پای ته نده رسیدلی.

2. The questionnaire has been entered
دا مرحله په دی معنا چی ستاسو غوښتنلیک په رسمی ډول د تحصیلاتو عالی وزارت په سېسټم کي ثبت شو. او د وزارت لخوا ستاسو اپلیکیشن مربوطه پوهنتون ته بیا ځلی د کتنې (Review) لپاره لیږل کیږي. چې دا مرله له دوۍ څخه بیا تر شپږو اونۍ پوري وخت نیسی.

3. Under consideration by the university
دا مرحله په دی معنا چي ستاسو اپلیکیشن د مربوطه پوهنتون د کتنې لاندی ده، په دی مرحله کي ستاسو اپلیکیشن د وزارت لخوا مربوطه پوهنتون ته لیږل شویده، او د پوهنتون د کمیټی لخوا ستاسو اپلیکیشن بیا ځلی کتل کیږي، هغوي ستاسو اسنادونه چيک کوي چی اصلی دی کنه، ستاسو GPA ګوری، ستاسو هویت معلومات لکه نوم، تخلص او د پیدایښت نیټه له تحصیلی اسنادونو سره چیک کوي چی درستوالی لري کنه. ستاسو سرټیفیکیټونه ګوري چی څومره په خپله تحصیلی څانکه کي لیواله یاست، او ستاسو د پاسپورت دیتا چیک کیږی.
کچیرته ستاسو په اسنادونو کي کوم سند کم وو پوهنتون یی له تاسو څخه غوښتنه کوي ترڅو تاسو یی هم پروخت ورته ولیږۍ.
پوهنتون ستاسو څخه د خپلو تحصیلی اسنادونو د لیګلایزیشن غوښتنه هم کوي چی تاسو باید خپل اسنادونه مخکی له مخکی د روسیه سفارت کي دا پروسه ترسره کړۍ.
کله چې دا پروسه بشپړه شي، نو پوهنتون ستاسو اسنادونه بیرته وزارت تحصیلاتو ته له دعوت نامی سره لیږل کیږی ترڅو وزارت ستاسو لپاره د ویزي نمبر او ویزې په اړه خپل اجراآت وکړي.
چي دا پروسه د یوی میاشتی څخه بیا تر دوه میاشتو پوری وخت نیسي. نظر د پوهنتون او وزارت پروسي ته.
شاید دا وخت لنډ شي او یاهم ډیر.
4. Distributed
دا برخه په دی معنا چي ستاسو اسنادونه د پوهنتون له تایید او امضا څخه وروسته وزارت تحصیلاتو ته رسیدلی دي. وزارت ستاسو غوښتنلیک (اپلیکیشن) قبلوي او تاییدي ورکوی چی په اسنادونو کي مو کمبود یا غلطي نسته او ستاسو لپاره Set یا ځای مشخصوي. یعنی چی تاسو د پوهنتون لپاره قبول شوي او ستاسو لپاره یو سیټ مشخص سو.
چی دا مرحله له څلور اونیو څخه بیا تر شپږ اونيو وخت نیسي.
5. Directed
دا مرحله په دي معنا چي ستاسو اپلیکیشن نهایی کیږی او ستاسو لپاره دعوت نامه جوړیږی. چي په دی مرحله ستاسو لپاره دعوت نامه او ویزي نمبر هم لیږل کیږي.
برخه بیا له دوه اونیو څخه تر څلورو اونیو پوري وخت نیسي.
6. Enrolled
دا مرحله بیا په دی معنا چی ستاسو اپلیکیشن قبول شوي، دعوت نامه او ویزي نمبر لیږل شوی، نو له directed مرحلي څخه enrolled ته تبدلیږي.
په دی برخه کي تاسو باید Travel Insurance Policy ترلاسه کړۍ، دا په انلاین ډول ترلاسه کولای شې، ستونزه نسته چی هر هیواد څخه یی اخلې افغانستان کی یی هم اخیستلای شې.
کله چی Travel Insurance Policy مو ترلاسه کړه، لاندی اسنادونه باید تاسو د سفارت انټروي ته د ورتګ پروخت له ځان سره ولرﺉ.
1.Passport
چې له 18 میاشتو زیات د اعتبار وخت پکی ولرۍ.
کچیرته پاسپورت کي مو وخت کم وي ستاسو د ویزې د رد کیدو سبب کیږی.
2. Educational documents
اصلی بڼه اسنادونه باید له ځان سره ولرۍ، نه کافی
3. Documents legalization copy
4. Travel Insurance Policy
5. Notarized translation of educational documents
کچیرته اسنادونه مو په روسیه کي Notraized او Translate کړي وي، او د هغو اسنادونو اصلی بڼه له ځان سره ولرﺉ دا به یوه مثبته نقطه وي.
6. Invitaion letter
7. Medical certificate

دا پورته اسنادونه مو ترتیب کړۍ، او په سفارت یا قونسلګري کې د انټروي د ورکولو وخت ونیسۍ، او په دوه اونیو کې مو خپله ویزه ترلاسه کړﺉ.
د روسیه تحصیلاتو عالی وزارت رسمی ویب سایټ ادرس مي په لومړي کمنټ کی درسره شریک کړي ده.
تاسو کولاي شې چی د خپل اپلیکیشن حالت وګورۍ.

ستاسو ټولو د بریا په هیله!!!!

#سکالرشیپ #بورسیه #بشپړوړیاسکالرشیپ #بورس

Adresse

Berlin
10

Telefon

+93781309498

Webseite

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Mashal Online Services مشال آنلاین خدمات erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Service Kontaktieren

Nachricht an Mashal Online Services مشال آنلاین خدمات senden:

Verknüpfungen

Teilen