Francarabe

07/09/2026

31/08/2026

😂😂

31/08/2026

Complétez : "Ma sœur et moi, nous ........ à 7h00 tous les jours."🤔

A) nous réveillons
B) se réveillent
C) vous réveillez
D) me réveille

31/08/2026

Quelle est la forme négative correcte de : "Je bois du café le matin." ?🤔

A) Je ne bois pas du café le matin.
B) Je ne bois pas le café le matin.
C) Je ne bois pas de café le matin.
D) Je bois ne pas de café le matin.

29/08/2026

هو ليه الإنجليز بيحبوا يحطوا كلمة فرنسي (French) 🇫🇷 في حاجات غريبة أو محرجة أو قليلة الادب؟ 😅

لو ركزتوا شوية هتلاقوا إن فيه تعبيرات إنجليزية كتير فيها كلمة French، والغريب إن جزء كبير منها كان له معنى ساخر أو سلبي زمان.

تعالى اقولكم شوية أمثلة، ومنها واحدة انا شخصيا بستخدمها و ممكن تسمعها عادي وانت قاعد مع الانجليز في اجتماع أو حتى في كافيه👇

1️⃣ Excuse my French 😅

دي معناها ببساطة:
“معلش على اللفظ”
أو
“اعذرني على الشتيمة اللي قلتها أو هقولها”

والتعبير في الاصل كان بيتقال زمان لما حد يدخل كلمة فرنسية وسط كلامه الإنجليزي ويعتذر لو اللي قدامه مش فاهمها.

وبعد كده اتحول مع الوقت لتعبير ساخر بيتقال بعد الشتيمة أو الكلام غير المهذب.

مثلا:

This is annoying — excuse my French!

والصراحة انا بستخدمها كتير، وبالذات لما اكون عاوز اخد راحتي في الكلام 🤣
اول ما اقول Excuse my French، الناس تعرف خلاص إن مفيش اي فلتر النهاردة على كلامي 😂

2️⃣ Frenchified 😏

دي كلمة قديمة معناها إن شخص أو حاجة بقت فرنسية زيادة عن اللزوم في الشكل أو التصرفات أو الاسلوب.

وفي بعض السياقات كانت بتتقال باستهزاء على شخص شايفينه متكلف أو بيحاول يقلد الفرنسيين زيادة.

He’s too Frenchified for my taste.

يعني تقريبا:
“عامل فيها فرنسي زيادة عن اللزوم” 😄

3️⃣ French leave 🏃‍♂️

ودي حلوة جدا.

معناها إنك تمشي من مكان من غير ما تقول لحد، ومن غير ما تستأذن، ومن غير حتى ما تعمل باي باي 😂

He took French leave from the party.

يعني ساب الحفلة ومشي من سكات.

والاحلى بقى إن الفرنسيين عندهم تعبير شبهه، بس بيرموا التهمة على الإنجليز 🤣

عندهم تعبير معناه تقريبا:
“يمشي بالطريقة الإنجليزية”

يعني كل شعب شايف إن التاني هو اللي بيمشي من غير سلام 😂🇬🇧🇫🇷

4️⃣ French novels 📖

في بريطانيا زمان، وخصوصا في العصر الفيكتوري، الروايات الفرنسية كان عندها سمعة إنها جريئة شوية وفيها حاجات المجتمع الإنجليزي وقتها كان شايفها غير لائقة 😅

فعشان كده لما كانوا يقولوا على كتاب إنه French novel، ساعات كان المقصود مش بس إنه كتاب فرنسي، لكن كمان إنه جريء زيادة عن المقبول وقتها.

‏5️⃣ French disease

اما ده بقى فهي تعبير تاريخي قديم جدا كان الإنجليز بيستخدموه على مرض وحش ومعدي، وبدل ما يقولوا إحنا مالنا، كانوا حاطين اسم فرنسا عليه 😂

والطريف إن دول تانية في أوروبا كانت بتعمل نفس الحركة، وكل بلد تنسب المرض لبلد تانية.
يعني واضح إن الموضوع كان:
“مش عندنا يا جماعة… أكيد جاي من عند الجيران” 🤣

والغريب فعلا إن كلمة French ظهرت في تعبيرات إنجليزية قديمة كتير مرتبطة بحاجات الإنجليز وقتها كانوا شايفينها غريبة أو جريئة أو مش مقبولة اجتماعيا.

وده طبعا جزء من تاريخ طويل جدا من المنافسة والحروب والصور النمطية بين إنجلترا وفرنسا 🇬🇧🇫🇷

بس مش كل التعبيرات دي لسه مستخدمة بنفس القوة النهاردة.

Excuse my French مثلا لسه مشهورة جدا،

و French leave معروفة، لكن تعبيرات تانية بقت تاريخية أكتر ومابقتش مستخدمة كتير دلوقتي

🎯 سؤالي ليكم بقى

كنتم تعرفوا أصل التعبيرات دي؟ 😅
وهل تعرفوا تعبيرات إنجليزية تاني فيه كلمة French ومعناه مالوش علاقة بفرنسا؟

قولولي في الكومنتات 👇

بالمناسبة الصورة ده من تصويري في غرب فرنسا 😊

13/08/2026

Quand la Terre 🪖 le ciel et l'Histoire s'alignent...