جريدة الخبر الأسبوعية

31/08/2026

31/08/2026

31/07/2026

للاشتراك تواصل على الواتساب
01065280842

27/07/2026

حكايه ليها العجب

بيقولوا الشجرة المثمرة دايما هي اللي تترمي بالحجارة والناس اللي ما بتشوفش غير عيوب غيرها غالباً بيكون عندهم نقص مش عارفين يكملوه. شغلهم الشاغل متابعة خلق الله فلان جاب وفلان عمل وفلان نجح وده مش من فراغ ده ناتج عن حقد وحسد ونفوس ضعيفة ما بتتمنى الخير لحد لأنها مش قادرة تحقق حاجة لنفسها فتستسهل الكلام والخوض في أعراض الناس وسيرتهم.
​الحاقد والحاسد بياكلوا في نفسهم قبل ما يضروا غيرهم والغيبة والنميمة سم بيمشي في دمار صاحبها الأول. بدل ما يتعبوا ويسعوا عشان يطوروا من نفسهم بيستسهلوا المجهود في الكلام الفاضي وقطع الأرزاق والكذب. بس الحقيقة اللي لازم يعرفوها إن كلامهم لا بياخر ولا بيقدم وإن الشخص الناجح والنظيف من جوه بيكمل طريقه ومبيبتلتفتش وراه.
​وفي النهاية بنقول للناس دي كلمة واحدة يمكن يفوقوا أو يتعظوا:
لو شغلتوا نفسكم بإصلاح عيوبكم نص الوقت اللي بتستغلوه في الكلام على الناس لصرتم أفضل مما تتمنون .

الى اللقاء الاحد القادم

​بقلم . محمد شكري

12/07/2026

اعتذر للساده القراء لتاخري اسبوعين عن نشر مقالي الاسبوعي نظرا لظروف صحيه

من هو الأب ؟؟؟؟
​الاب في الاسره المصريه مش مجرد اسم في شهاده الميلاد ولا هو مجرد البنك اللي بنروح له لما نحتاج فلوس الاب هو السند الحقيقي والعمود الفقرى اللي شايل البيت كله على كتافه وفي مجتمعنا المصري الاصيل بنشوف الاب وهو بيكافح ليل نهار علشان يوفر لولاده حياه كريمه بس الدور ده مبيوقفش عند حدود الفلوس والمصاريف لان الاب الحنين والواعي هو اللي بيعرف يوازن بين الحزم اللي بيربي واللين اللي بيحتوي وهو الامان اللي بتحس بيه العيله كلها لما الدنيا تضيق بيهم الاب المصري بيمثل القائد والموجه اللي بيغرس في ولاده الاصول والعادات والتقاليد وبيعلمهم ازاي يواجهوا الحياه بكل تحدياتها من غير ما يخافوا ومن غير وجوده الفعال والايجابي البيت بيفقد توازنه النفسي والاجتماعي لان الاب هو الدرع الحامي والقدوه الاولى اللي الولاد بيشوفوا فيها معنى الرجوله والمسؤوليه ومهما السنين عدت وتغيرت الظروف هيفضل الاب هو الحضن الدافي والسند اللي ملوش بديل والاساس اللي مبني عليه ترابط البيت المصري وتماسكه .

بقلم / محمد شكري

04/07/2026

اثناء تغطيه شامله من جريدة الخبر الأسبوعية

فى اطار دور منظمات المجتمع المدنى فى تفعيل الإستراتيجية الوطنية الشاملة لحقوق الإنسان التي أطلقتها وزارة الخارجيه ٢٠٢١/٩/١١ برعاية سيادة الرئيس عبد الفتاح السيسي
وتنفيذا للاستراتيجيه قامت المنظمة المصرية الدولية للحقوق الإنسان والتنمية برئاسة الشريف المستشار / اسماعيل الانصاري
باطلاق " مبادرة مصر دولة الفن والأبداع " .. مواهب مصرية .. موهبة فى كل بيت
وبناءا على توجهات سيادته
قام المهندس / محمد شكري
نائب رئيس المنظمة بالقطاع التنفيذي بالجمهورية.

ومجموعه مشرفه من قيادات المنظمه :
الاستاذ / محسن صالح
نائب نائب رييس المنظمه بالجمهورية
الاستاذ / محمد كامل
نائب رئيس المنظمه بالقاهره
الاستاذه / امال الجندي
رئيس لجنة الاغاثات الصحيه والأنسانيه
المقدم / جمال الاسيوطي
رئيس اللجنه العليا للسلم المجتمعي وعم الجيش والشرطه
الشيف / رامي عبد المجيد
رئيس اللجنه العليا لدعم الجيش والشرطه ومؤسسات الدوله
الكابتن / كمال محمد كمال شكري
رئيس اللجنه العليا للشئون الرياضيه بالجمهوريه
المستشار / محمود راضي
نائب رئيس المنظمه بالجمهورية
الكابتن / محمود صقر
نائب رئيس المنظمه بالقاهره
الاستاذ / هاني عيسي
رئيس اللجنه العليا لدعم مؤسسات الدوله والتواصل الجماهيري

وقد تم فى السابق الأتفاق على عمل بروتوكول بين مؤسسة البورد الدولي للتدريب والتطوير المحترف والتنمية البشرية و المنظمة المصرية الدوليه لحقوق الأنسان والتنمية
🌹🌹🌹
وقد تم بالفعل توقيع البروتوكول أثناء الأجواء الاحتفالية بين الشريف المستشار / أسماعيل الأنصاري ( رئيس المنظمه المصرية الدولية لحقوق الأنسان والتنمية ) والدكتوره / هناء سيف الدين ( رئيس مجلس إدارة مؤسسة البورد الدولي ) .
وذلك لتنفيذ أهداف المنظمة لدعم مؤسسات الدولة وخدمة وتوعية وتثقيف وتنمية الانتماء الوطني لدى المواطنين و مشاركة المجتمع المدني في ندواته ومؤتمراته واحتفالاته لتوحيد الجهود وتنظيم العمل العام في صوره الخدمية والإنسانية والأخلاقية وتنفيذا الاستراتيجية الوطنية الشاملة لحقوق الإنسان التي أطلقها السيد الرئيس عبد الفتاح السيسي
وتقديرا لدعم النماذج الإيجابية
في ظل رؤية مصر 2030

وتم الحفل تحت مظلة البورد وإشراف فني ومسرحي ومجموعه من أفراد العمل يشهد لهم المجلس بالتعاون الحاد .
كما نشكر فريق عمل إدارة كافية قاهرة المعز على مجهوداتهم وتعاونهم الملحوظ أثناء الحفل ..

وتشرفنا بحضور هذه الاحتفالية لفيف من الساده الاعلاميين والصحافين والفنانين وتشرفنا ايضا بي رجل الاعمال
المهندس / محمد الفحام
رئيس مجلس إدارة مجموعة شركات الفحام
رئيس مجلس إدارة مجموعة شركات نورسين
ورئيس مجلس إدارة جريدة الخبر الأسبوعية

معا في حب مصر .... معا لبناء مصر الحضارة والتاريخ

معا لمصر دولة الفن والأبداع

معا للمواهب المصرية ـ موهبة فى كل بيت

معا لدعم مؤسسات الدولة وحمايتها

معا لبناء غد أفضل ..تحيا مصر

♦♦♦♦♦♦♦
للتواصل واتساب
01065280842
المهندس / محمد شكري
نائب رئيس المنظمه بالقطاع التنفيذي بالجمهورية .

والله ولي التوفيق

13/06/2026

عمود الخيمة.. شقا الأب المصري في طاحونة المصاريف .
******************************
​في كل بيت مصري بسيط أول ما النهار يشقشق بتلاقي بطل الحكاية صاحي من قبل الشمس ما تطلع الأب.. الراجل اللي شايل فوق كتافه حمل جبال ومش ماشي في إيده سلاح لأ ده ماشي ومحفظته مليانة كشوفات طلبات وقلبه مليان هموم بس وشه فيه ابتسامة رضا عشان يطمن بيته وأولاده.
​الأيام بتعدي والشهور بتلف وكل حاجة في الدنيا ممكن تتغير إلا حاجة واحدة بس ثابتة زي الأهرامات . لستة المصاريف الشهرية اللي مابتعديش شهر وتنسانا !
​طاحونة الالتزامات اللي مابتخلصش
​المعركة بتبدأ مع أول يوم في الشهر قبل حتى ما القبض يدخل الجيب تلاقي الالتزامات واقفة طابور ومستنية
​فواتير عقدة كل شهر .. نور ومياه وغاز وإيجار وفاتورة النت اللي مابقاش رفاهية عشان المذاكرة أرقام بتطير ومابتنزلش الأرض أبداً.
​التعليم والدروس (الغلَب الحقيقي) زمان كان المصاريف دي أول السنة وبس دلوقتي التعليم بقى سباق ماراثون بياكل الأخضر واليابس. مصاريف مدارس وكتب خارجية سعرها بقى يخض ونيجي بقا للبعبع الكبير ( الدروس الخصوصية ) اللي بقت ميزانية لوحدها تكسر الظهر.
​أيام الامتحانات وطوارئ البيت أول ما موسم الامتحانات يهل البيت كله بيعلن حالة الطوارئ بس الأب بياخد الصدمة المادية لوحده. مصاريف ملازم ومراجعات نهائية ومواصلات زيادة وضغط عصبي ونفسي والراجل واقف في النص يدفع وهو ساكت عشان يشوف ولاده ناجحين وشايلين شهادة تشرف.
​كل الحاجات دي بقت فرض عين على الأب يفضل يربط ده بده ويدخل في جمعية تطلع من هنا تروح هنا ويفكر مية مرة قبل ما يشتري لنفسه قميص أو جزمة جديدة ويقول مش مهم أنا المهم العيال مايحسوش بفرق عن أصحابهم
​الراجل الشقيان السوبر هيرو الغلبان
​الظروف المعيشية اليومين دول مابتسميش على حد، بس الأب المصري بيثبت كل يوم إنه ( سوبر هيرو ) حقيقي من غير طاقية إخفا ولا عباية طايرة هو الراجل اللي بيتبلع لقمته على السريع وينزل يجري ورا أكل عيشه يركب المواصلات وهو بيحسبها بالقرش والجنيه عشان اليوم يعدي بأمان .
​الحمل كله على دماغه هو الزوجة بتدبر البيت وتمشي الأمور باللي موجود وتطبخ من فسيخ شربات والعيال طلباتهم مابتخلصش بحكم سنهم والراجل هو السند اللي واقف في الوش بيحمي ظَهر العيلة من غدر الزمان ما بيشتكيش ولا بيقول آه ولو جيت سألته في نص تعبه عامل إيه يا أبو فلان ؟ يرفع عينه للسما بابتسامة رضا ويقول الكلمة السحرية ( الحمد لله مستورة والحمد لله )

​حكمة مقالي هذا أيها الساده للبيت المصري والزوج الشقيان .

​البيت اللي ساند على كتاف أب شقيان هو حصن متهزهوش أجدعها ريح الأب مش مجرد ماكينة فلوس بتدفع المصاريف ده هو عمود الخيمة اللي من غيره الخيمة تقع على دماغ الكل تحية حب واحترام لكل راجل مصري بيغسل عرق الشقا بضحكة عياله لما يدخل عليهم بالليل وعارف إن لقمة الحلال والصبر على ضيق الرزق هما جهاده الحقيقي في الدنيا .

بقلم / محمـــــد شكـــــري

انتظرونا فى المقال الاسبوعي القادم ..

13/06/2026

للأنضمام تواصل مع :
واتساب / 01065280842

06/06/2026

خناقة على ريموت التلفزيون.. وحكاية "اللمة" اللي مابتعوضش
**************************
​الأسبوع ده هحكيلكم عن مشهد بيحصل تقريباً كل يوم جمعة في بيتنا وأكيد بيحصل في بيوت كتير منكم .
​الساعة دقت 7 بالليل ودي الساعة المقدسة اللي العيلة كلها بتتجمع فيها في الصالة فجأة بدأت "حرب الشوارع" الصامتة على ريموت التلفزيون .
​الحاج أحمد (والدي) عاوز يجيب برنامج توك شو عشان يشوف "البلد رايحة على فين"
​الحاجة أم محمد (والدتي) عاوزه تتابع الحلقة الأخيرة من المسلسل التركي اللي بقالها 150 حلقة مستنياه .
​أخويا الصغير ماسك تليفونه بس عينه على الشاشة وعاوز يقيد ماتش كورة .
​الصوت بدأ يعلى وده يقول أنا مابطلبش حاجة طول الأسبوع ودي تقول يعني مش هشوف قفلة المسلسل عشان الماتش؟ وأنا واقف في النص بتف*ج وبضحك الخناقة قعدت نص ساعة وفي الآخر.. الكهربا قطعت !
​كلنا سكتنا فجأة وبصينا لبعض وبعدين اتفجرنا من الضحك الحاج أحمد قال أهو لا طلنا بلح الشام ولا عنب اليمن .
​لما النور قطع والريموت مبقاش ليه لزمة والشاشات اللي في إيدينا ضلمت قعدنا مع بعض على ضوء كشاف الموبايل بدأنا نتكلم.. والدي حكالنا عن مواقف من شغله زمان وأمي افتكرت أيام خطوبتهم وأخويا ساب الموبايل وقعد يسمع وهو مبهور .
​في الساعة دي اكتشفنا إننا بقالنا كتير أوي مقعدناش نتكلم بجد من غير ما يكون في شاشة ملهيانا عن بعض . الخناقة اللي كانت من شوية اتتحولت لأجمل قعدة ضحك ولمة عيلة من شهور .

​البيوت مش حيطان وشاشات.. البيوت ناس بتسمع بعضها.
​ساعات بننشغل بالخناق على حاجات تافهة زي ريموت أو ماتش أو مين اللي رأيه يمشى وبننسى إن النعمة الحقيقية هي إننا متجمعين وصحتنا كويسة وسامعين صوت بعض. متستنوش النور يقطع عشان تقربوا من عيلتكم.. اقفلوا الشاشات شوية وبصوا في وشوش بعض لأن اللمة دي هي السند الوحيد اللي بيفضل لما كل الأنوار تطفي.

بقلم / محمد شكري

الى اللقاء فى المقال الاسبوعى القادم .. انتظرونا ..

30/05/2026

((( حكمه من واقع الحياه )))

بعد الصبر الجميل.. ف*ج ربنا كبير

​في حتة من حوارينا القديمة، من اللي بيوتها لازقة في بعض وحكاياتها شبه بعض عاشت أسرة "عم أحمد" سنين طويلة في فقر شديد ما كانش مجرد قلة فلوس لأ ده كان جهاد كل يوم عشان يعرفوا يوفروا لقمة العيش عم أحمد كان راجل أرزقي شقيان بيشتغل باليومية يطلع من النجمة والرضا مالي قلبه ساعات يرجع بكام جنيه يمشوا بيهم اليوم وساعات تانية يرجع وإيده فاضية بس ضحكته الصابرة مش بتفارق وشه عشان ما يكسرش بخاطر ولاده.
​مراته "أم صابر" كانت هي وتد البيت ده ست بـ ميت راجل ناشفة في الأزمات وحنينة على ولادها كانت بتمشي بيتها بحكمة تخلي القرش يعمل العجايب تخيط الهدوم المقطوعة كذا مرة عشان تبان جديدة في عين عيالها وتعمل من الأكل القليل سفرة تشبع الكل وياما كانت بتقول للجيران بابتسامة
​"الضيق في القلوب مش في الجيوب وباب ربنا دايماً مفتوح ومش بيتقفل في وش حد"

​مرت على الأسرة أيام صعبة جداً بالذات لما العيال كبروا ومصاريف علامهم زادت في شتا من الشتاوات القاسية السقف بتاع أوضتهم القديمة بدأ ينزل مية مطر وباتوا ليلتها من غير غطا يدفيهم ولا لقمة تشبعهم. في الليلة دي أم صابر ما قعدتش تعيط وتندب حظها لأ دي قعدت على الرصيف وسجدت لربنا ودعت بدعاء طالع من قلبها وبكل يقين والعيال كانوا بيأمنوا وراها وصوتهم كله بكا وخضوع.
​ورغم كل الضيق ده كان فيه خط أحمر في البيت ده ما حدش بيعديه .. الأمانة والتعليم .. ما فيش حد منهم مد إيده لحد في يوم ولا العيال سابوا مدارسهم بالعكس كانوا متفوقين جداً وبيذاكروا على ضوء شمعة وحاطين في دماغهم هدف واحد إنهم يرفعوا راس أبوهم وأمهم ويخرجوهم من العيشة المرة دي.
​
​وزي ما إحنا عارفين لما الدنيا بتقفل وتضيق خالص بيبقى ده أول طريق الف*ج وشمس الصبح تخرج الابن الكبير "صابر" من كلية الهندسة بتفوق وبسبب أمانته وشطارته اللي ورثهم عن أبوه لفت نظر صاحب شركة مقاولات كبيرة وهو بيتدرب عنده. ما عدتش شهور قليلة وإلا وصاحب الشركة عينه بمرتب محترم جداً مرتب خلاهم مش مصدقين نفسهم من الفرحة.
​ومن هنا البشاير بدأت ترف على البيت البنت الوسطانية خدت منحة دراسية كاملة والأب بدأ يلاقي شغل ثابت ومريح بفضل الله ومساعدة ابنه صابر.

​النهاردة الحال اتمسح وبقى حال تاني خالص. الأسرة نقلت في شقة نظيفة دافية لا مية مطر بتدخلها ولا خوف من بكرة بيهددها ظروفهم المادية اتغيرت 180 درجة بس فيه حاجة واحدة لسة زي ما هي السجدة الطويلة اللي عم أحمد وأم صابر لسة بيسجدوها كل يوم شكر وحمد لله.
​ربنا أكرمهم وعاشوا مستورين مش عشان بقوا معاهم ملايين لأ عشان ربنا غنى نفوسهم بالرضا من الأول وبعدين كافأ صبرهم بالف*ج والستر. قصة العيلة دي بتفكرنا كل أسبوع إن الفقر مش نهاية الدنيا وإن الستر هو أحسن نعمة وأن اللي بيثق في الله.. عمره ما بيخيب.

​"فَإِنَّ مَعَ الْعُسْرِ يُسْرًا * إِنَّ مَعَ الْعُسْرِ يُسْرًا"

بقلم / محمــــد شكــــــري

انتظرونا الأسبوع القادم .........