20/09/2026
من الجميل، ومش بس أنا، إني بفرح جدًا لما بلاقي مرشدين زمايلنا يسلموا عليّا ويكون بينهم وبينّي الود والمحبة.
لكن اللي بيفرق معايا أكتر، لما تلاقي شخص مش مصري، جاي من بلد بعيدة، وبيتعلم اللغة العربية ويدرس في الأزهر.
بجد الموضوع ده بيأثر فيا جدًا والله.
الشاب الجميل ده قابلته في هرم أوناس، وهو أصله من تايلاند، وبيدرس في جامعة الأزهر.
لما تشوف شاب من تايلاند، بيتعلم اللغة العربية وبيطلب العلم في الأزهر، وفي نفس الوقت واقف وسط آثار وحضارة مصر القديمة… بتحس قد إيه مصر قادرة تجمع ناس من كل مكان، وكل واحد منهم بييجي مصر وفي قلبه حكاية مختلفة.
الموقف بالنسبة لي كان جميل جدًا، ويمكن بسيط، لكنه ساب أثر كبير جوايا. ❤️
#الجميع
#مصر
